Ոստիկանական փշալարը ճեղքելուց մեկ տարի անց. քրեական գործի որոշ դրվագներով քրեական հետապնդումները դադարեցվել են

ՀՀ ոստիկանությունը 101 տարեկան է. ոստիկանության կազմավորման 101-րդ տարեդարձի առթիվ այսօր Ոստիկանությունում էին ՀՀ վարչապետ Նիկոլ Փաշինյանը, ԱԱԾ տնօրեն Արթուր Վանեցյանը, Պաշտպանության նախարար Դավիթ Տոնոյանը, ՀՔԾ պետը, Գլխավոր դատախազը, պաշտոնատար այլ անձիք։

Ի տարբերություն նախորդ տարիների այս միջոցառումը բաց էր լրագրողների համար:

Նախորդ տարիներին միայն պաշտոնական հաղորդագրության տեսքով ենք տեղեկացել այս միջոցառման մասին. ՀՀ նախկին ոստիկանապետ Վլադիմիր Գասպարյանը չէր սիրում, երբ այս օրը լրագրողները «փչացնում էին» իրենց տրամադրությունը, ուստի միջոցառման հանդիսավոր նիստը անցկացվում էր դռնփակ՝ լրագրողների համար:

Բացի դա այս տարիների ընթացքում, ըստ էության, առաջին անգամ էր, երբ միջոցառմանը ներկա էին անվտանգության խորհրդի բոլոր անդամները:

«Դրոշների ներքո զգաստ, ներս բերել ՀՀ եւ ՀՀ ոստիկանության դրոշները»,- ՀՀ օրհներգի ներքո այսպես սկսվեց ոստիկանության օրվա 101-րդ տարեդարձին նվիրված հանդիսավոր նիստը: ՀՀ վարչապետ Նիկոլ Փաշինյանը շնորհավորելով ներկաներին՝ նկատեց. «Անցած տարի այս օրը մենք կրկին իրար հետ էինք, սակայն փշալարերերի տարբեր կողմերում»:

Անցած տարի այս օրը՝ ապրիլի 16-ին, Բաղրամյան պողոտայում Նիկոլ Փաշինյանին եւ նրա կողմնակիցներին հաջողվել էր անցնել ոստիկանական փշալարի վրայով, ինչի պատճառով վնասվել էին Փաշինյանի ձեռքերը: Դրանից հետո ոստիկանությունը սկսեց հատուկ միջոցների կիրառմամբ ցրել ցույցը, սակայն ապարդյուն: Ոստիկանների կողմից կիրառված լուսաձայնային նռնակի պատճառով բազմաթիվ քաղաքացիներ հոսպիտալացվեցին: Այս դեպքերից մեկ տարի անց այժմ մեղադրյալի կարգավիճակ ունի ՀՀ նախկին փոխոստիկանապետ, ՀՀ ոստիկանության զորքերի նախկին հրամանատար Լեւոն Երանոսյանը: ՀՀ հատուկ քննչական ծառայությունից մեր հարցին ի պատասխան ասացին, որ անցած տարի ապրիլի 13-ից Երեւանում բազմամարդ հավաքների ընթացքում ոստիկանության աշխատակիցների կողմից ենթադրայլ բռնություն գործադրելու դեպքերի առթիվ ՀՀ հատուկ քննչական ծառայությունում հարցուցված քրեական գործի նախաքննությունը շարունակվում է, սակայն քննության առարկա դարձած որոշ դրվագներով որոշում է կայացվել քրեական հետապնդում չիրականացնելու մասին: Մեր հարցին, թե արդյոք այդ դրվագներից մեկը վերաբերում է կարմիրբերետավորների կողմից քաղաքացիների մեքենաները ջարդուփշուր անելու դեպքին, ՀՔԾ-ից դրական պատասխան տվեցին: ՀՔԾ-ից, սակայն, չասացին, թե քրեական հետապնդումը ինչ հիմքով է դադարեցվել եւ թե մյուս դրվագները որոնք են:

Այսօր Նիկոլ Փաշինյանը խոսելով անցած տարի ապրիլի 16-ին տեղի ունեցածի մասին, ասաց, որ այդ օրը նշանակալի է համարում Հայաստանի Հանրապետության ոստիկանության եւ քաղաքացիների հարաբերությունների մեջ: «Այդ օրվանից մեր հետեւությունն այն էր, որ այդ բուն գործընթացի ընթացքում, ըստ էության, տեղի ունեցավ հակասության մի շատ արտահայտիչ ակցիա, այդ ամենի մեջ չկար ոչ մի կաթիլ եւ ոչ մի հատիկ ատելություն: Հենց այս առումով եմ նշանավոր համարում այդ օրը եւ կարծում եմ, որ դա Հայաստանի Հանրապետության ոստիկանության եւ քաղաքացիների հարաբերությունների նոր բովանդակության սկիզբն է՝ այն առումով, որ ՀՀ ոստիկանության գործողություններն ատելություն չպետք է արտահայտեն եւ առաջացնեն: Ոստիկանությունն իրավապահ, ուժային մարմին է եւ աշխարհի ամենաժողովրդավարական երկրներում նույնիսկ երբեմն, ցավոք սրտի, ոստիկանությունը ստիպված է լինում դիմել ինչ-ինչ ուժային գործողությունների: Բայց կարեւոր է ընդգծել, որ ոստիկանության գործողությունները չպետք է առաջացնեն ատելություն եւ դրանք չպետք է արտահայտեն նման դրսեւորում: Կարծում եմ, որ վերջին ամիսների ամենամեծ ձեռքբերումը կարող ենք հենց դա համարել, երբ ատելությունը՝ որպես հարաբերությունների հատկանիշ, ընդհանրապես դուրս է եկել ոստիկանության եւ հասարակության հարաբերություններից, ընդհանրապես դուրս է եկել իշխանության եւ հասարակության հարաբերություններից»,- ասաց վարչապետը: Նա հույս հայտնեց, որ Նոր Հայաստանում, ոստիկանությունն իսկապես նոր բովանդակություն, կերպար կստանա, նոր անելիքի մեջ կդրսեւորվի, եւ դա չի լինի որեւէ քաղաքական ուժի, քաղաքական որեւէ թիմի կամ որեւէ անձի ծառայելը: Փաշինյանը նկատեց, որ այսօր ամեն ինչ չէ, որ կատարյալ է. «Բայց մենք միանշանակ գնում ենք ճիշտ ճանապարհով, մենք գնում ենք վստահ այդ ճանապարհով, մենք այդ ճանապարհը շարունակելու ենք եւ Հայաստանի Հանրապետության ոստիկանության ձգտումը պետք է լինի՝ հասնել կատարելության: Իհարկե, դժվար է ասել՝ այդ նպատակին երբեւէ որեւէ մեկը հասել է, թե՝ ոչ, բայց այդ ճանապարհով առաջ գնալն արդեն մեծագույն առաքելություն է եւ հաջողություն»,- իր ելույթում ասաց ՀՀ վարչապետը:

Վերջինս առանձնահատուկ շնորհավորեց եւ շնորհակալություն հայտնեց ՀՀ ոստիկանության զորքերի այն ծառայողներին, ովքեր այսօր մարտական հերթապահություն են իրականացնում եւ պահպանում ՀՀ սահմաները:

Ելույթով հանդես եկավ նաեւ ՀՀ ոստիկանապետ Վալերի Օսիպյանը: «Մեր պատվի խնդիրն է՝ հուսախաբ չանել մեր համաքաղաքացիներին, ոչ մի քայլ չնահանջել գլխավոր մարտահրավերների, կոռուպցիայի, այլ արատավոր երեւույթների դեմ պայքարում։ Մենք չենք կարող դավաճանել մեր առաքելությանը, կոչմանը, համազգեստին, պատվին։ Բոլորս խիստ ու հանդուրժող ենք` վերացնելու ոստիկանությունում առկա թերությունները»,-ասաց Օսիպյանը։

Այնուհետեւ շնորհավորական ուղերձներով հանդես եկան ԱԱԾ տնօրենը, գլխավոր դատախազը, ՀՔԾ պետը, ՀՀ ՔԿ նախագահը, ԱԻ նախարարը, Արցախի ոստիկանապետը: Տոնի առիթով ոստիկանության համակարգի տարբեր աշխատողներ պարգեւատրվեցին մեդալներով, հուշամեդալներով, շնորհակալագրերով: Պարգեւատրվեց նաեւ ՀՀ ոստիկանապետ Վալերի Օսիպյանը. նրան պարգեւատրեցին ԱԱԾ տնօրեն Արթուր Վանեցյանը, ՀՔԾ պետ Սասուն Խաչատրյանը եւ Արցախի ոստիկանապետ Իգոր Գրիգորյանը: Վերջինս Օսիպյանին պարգեւատրեց որսորդական ողորկափող հրազենով: 

Միջոցառման ավարտին լրագրողների հետ զրույցում հարցին, թե գո՞հ է արդյոք վերջին մեկ տարում ոստիկանությունում տեղի ունեցած բարեփոխումներից, վարչապետը հակիրճ արձագանքեց․ «Նոր են սկսվել բարեփոխումները»:

Անցյալ տարի ոստիկանությունը հոբելյանական 100-ամյակը նշել էր ոչ թե ապրիլի  16-ին այլ, ապրիլի 6-ին. միջոցառմանը բարձրաստիճան պաշտոնյաներ ներկա չէին, իսկ պարգեւատրումներն անում էր ոստիկանապետ Վլադիմիր Գասպարյանը։

Տպել
1564 դիտում

Որքան մարդ է մասնակցել ընդդիմության այսօրվա հանրահավաքին. ԻՔՄ

Ընտանիքում բռնության ենթարկված անձանց ապաստարանի ծառայությունների տրամադրումը շարունակվում է

Թուրքի բալեքը իրենք են, ոչ թե ոստիկանը, որի արժանապատվությունը փորձում են նվաստացնել. Մելքոնյանը՝ ընդդիմության մասին

Մինչև 2026 թ. Գյումրիում, Արարատում և Սյունիքում արդյունաբերական 3 գոտի կստեղծվի. Վահան Քերոբյանն այցելել է Շիրակի մարզ

Ականի պայթյունի հետևանքով պայմանագրային զինծառայողը վիրավորում է ստացել. ՊՆ

Թմրանյութ՝ կոնֆետներում. «Արթիկ» ՔԿՀ-ում քրեական գործ է հարուցվել

Ազգային արժանապատվությունը նվաստացնելու դեպքով հարուցված քրգործով ձերբակալվել է Արմեն Գրիգորյանը. ԱԱԾ (տեսանյութ)

Անցկացվել է գումարտակի մարտավարական զորավարժություն՝ հարձակողական մարտի իրականացմամբ

Մեկնարկել է ընդդիմության հանրահավաքը

Վահագն Խաչատուրյանը պետական պարգև է հանձնել Հայաստանում Սուրբ Աթոռի առաքելական նվիրակին (տեսանյութ)

ՀՀ գլխավոր դատախազ Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Արցախի Հանրապետության ճանապարհային ոստիկանությունը ծառայությունն իրականացնում է խստացված ռեժիմով

Ձերբակալվել է КВН-ի նախկին անդամ Արմեն Գրիգորյանը

Կյանքը խաթարող խառնակիչները շարունակում են չհասկանալ՝ աղբարկղները գրկած վազվզելը անհնազանդության ակցիա չէ. Դավոյան

ՎՏԲ-Հայաստան բանկը մեկնարկում է ապառիկ վաճառքի կետերում վարկերի ձևակերպումը ոչ թղթային տեխնոլոգիայի կիրառմամբ

Սևանա լճում որոնողական աշխատանքները շարունակվում են

Երկրաշարժ Խաշթառակ գյուղից 3 կմ արևմուտք. զգացվել է նաև Տավուշի մարզի որոշ գյուղերում

Ամերիաբանկն ստացել է «Տարվա գործարքը 2021–Կանաչ առևտուր» մրցանակը ՎԶԵԲ-ի Առևտրի խթանման ծրագրի շրջանակում

ՀՀ մարդու իրավունքների պաշտպանի աջակցությամբ զինծառայողը ստացել է անհրաժեշտ վիրահատական բուժում

Ռուստամ Բադասյանը կմեկնի արձակուրդ

ՀՀ վարչապետն ընդունել է Ռոբին վան Պույենբրոքին. ներկայացվել է Երևանում համաշխարհային առևտրի կենտրոն հիմնելու նախագիծը

Ոստիկանի նկատմամբ բռնություն գործադրելու կասկածանքով ձերբակալվել է Յուրի Խաչատուրովի որդին՝ Իգոր Խաչատուրովը. ՔԿ

Նախագահ Վահագն Խաչատուրյանը շնորհավորական ուղերձ է հղել Կասիմ-Ժոմարտ Տոկաևին՝ ծննդյան տարեդարձի առթիվ

Ավտոմեքենան դուրս է եկել երթևեկելի գոտուց, ընդհարվել սյանը, վարորդը մահացել է. կատարվում է նախաքննություն (տեսանյութ)

Նիկոլ Փաշինյանին ձերբակալելու մասով միջնորդությունը մերժվել է. ՀՀ գլխավոր դատախազության պարզաբանումը

Ոստիկանության ստորաբաժանումները մեկ օրում բացահայտել են հանցագործության 66 դեպք, որից 7-ը՝ նախկինում կատարված

Օդի ջերմաստիճանը աստիճանաբար կբարձրանա. առաջիկա օրերի եղանակային կանխատեսումը

Ազգային ժողովը «проходной двор» չէ, որ երբ ուզես մտնես ու դուրս գաս. Ալեն Սիմոնյանը՝ ընդդիմադիրների բացակաների մասին

Հակոբ Արշակյանը մասնակցել է ՀԱՊԿ ԽՎ մշտական հանձնաժողովների արտահերթ նիստին

Լոռիում խորտկանոցի սեփականատերը կանանց 1000 և 5000 դրամ է տվել՝ պոռնկությամբ զբաղվելու համար (տեսանյութ)

ՀՀ նախագահն ու Ֆուկուսիմա Մասանորին մտքեր են փոխանակել հայ-ճապոնական երկկողմ օրակարգի շուրջ (տեսանյութ)

Մոսկվան Երևանում տեղի ունեցող ցույցերը Հայաստանի ներքին գործն է համարում. ՌԴ ԱԳՆ

Հայտնի է Եվրոպայի բռնցքամարտի առաջնությունում Հայաստանի հավաքականի կազմը

Երևանի Կիևյան փողոցում «Տոյոտա»-ի վարորդը վրաերթի է ենթարկել մի քաղաքացու, այնուհետ՝ բախվել այլ մեքենայի

Գնել Սանոսյանը և Իրանի նավթի նախարարը քննարկել են գազ՝ էլեկտրաէներգիայի դիմաց ծրագրով նոր պայմանագիրը

Խծաբերդում գումարտակի հրամանատարի կողմից մարտադաշտն ինքնակամ լքելու մասին քրգործն ուղարկվել է դատարան

Բողոքի ակցիաներին մասնակցել է ընդամենը 730 մարդ. Չախոյան

Թանգարանները մայիսի 18-ին անվճար կլինեն բոլոր այցելուների համար

Երևանի տարբեր հատվածներից բերման է ենթարկվել ակցիաների մասնակից 414 քաղաքացի