Ով պետք է մտածի Վանաձորի 3-րդ կարգի 84 վթարային շենքերի մասին. Քաղաքաշինության կոմիտեում հակասող պատասխաններ են տալիս

Օրեր առաջ Լոռու մարզ այցելած քաղաքաշինության պետական կոմիտեի ղեկավարից ՀԺ-ն հետաքրքրվեց՝ ինչ է սպասվում վթարայնության 3-րդ աստիճան ունեցող շենքերի բնակիչներին ու արդյոք առաջիկայում գոնե նոր ուսումնասիրություններ կարվեն՝ շենքերի սեյսմակայունության վերաբերյալ:

ՀՀ քաղաքաշինության կոմիտեի նախագահ Վահագն Վերմիշյանը ՀԺ-ի հետ զրույցում ասաց, որ իրենք ներկայումս հիմք են ընդունում համայնքի կողմից տվյալ տվյալները. «Եթե համայնքը ուսումնասիրություն է արել ու պարզել, որ դա 3-րդ կարգ է, բնականաբար մենք այդպես էլ ընդունում ենք, համապատասխան լուծումներ կգտնենք ու դրա մասին կբարձրաձայնենք»,-ասաց նա: Դիտարկմանը, որ ուսումնասիրությունները արվել են 2004-2005թ-ին, իսկ այս տարիների ընթացքում վիճակն ավելի է վատթարացել, կոմիտեի նախագահը հորդորեց դիմել համայնքի ղեկավարին. «Համայնքին դիմեք, որ էդ գործընթացը կազմակերպի»,-հավելեց Վերմիշյանը: Հարցին, թե համայնքի ուժերով հնարավոր չի լինի նման մեծ ուսումնասիրություն ձեռնարկել, Վահագն Վերմիշյանը պատասխան չտվեց, փոխարենը միջամտեց քաղշինի աշխատակցուհին՝ կրկին հորդորելով համայնքի խնդիրներով դիմել համայնքի ղեկավարին: Կոմիտեի աշխատակցուհին հորդորեց հարցեր ուղղել իրենց լիազորությունների հետ կապված. «Մեր լիազորությունների շրջանում եթե հարցեր լինեն, տվեք, բայց ուսումնասիրությունները առաջին հերթին սեփականատերերի պարտականությունն է օրենքով, երբ պետական աջակցության ծրագրեր կլինեն, այդ ժամանակ պետությունը կմասնակցի: Եզրակացությունները պատվիրվում են քաղաքացիների կամ իրենց կառավարման մարմինների կողմից: Դա իրենց պարտականությունն է»:

Լսելով իրար հակասող պատասխանները, ՀՀ քաղաքաշինության կոմիտեի նախագահի 1-ին տեղակալ Արմեն Ղուլարյանը փորձեց շտկել իրավիճակը՝ նշելով, որ իրենց կողմից խնդիրը բազմիցս է բարձրացվել ու բազմակողմանի ուսումնասիրվել. «Պարոն Վերմիշյանի հանձնարարությամբ այսօր մենք աշխատում ենք հենց այդ խնդրի վրա՝ 3-րդ եւ 4-րդ կարգի վթարային շենքերի վերաբերյալ: Մեր կոմիտեի նախագահը տեղյակ է պահել հանրապետության վարչապետին, ում հանձնարարականով էլ ուսումնասիրությունները կատարվում են»,-ասաց պարոն Ղուլարյանը:

«Նախ պետք է ուսումնասիրել ու հասկանալ, թե ինչ գումարների մասին է խոսքը, որի մեջ արդեն կհասկանանք տեխնիկական ուսումնասիրությունների գումարի չափը, վերականգնման դեպքում ինչքան կկազմի, վթարային 4-րդ կարգը, որը պետք է քանդվի ու նորը կառուցվի՝ դա ինչքան կկազմի: Մենք պետք է բոլորս մեր սեփականության նկատմամբ ավելի ուշադիր լինենք»,-ասաց պարոն Ղուլարյանը՝ հավելելով, որ ուսումնասիրությունները երկար չեն տեւի. «Վարչապետի հանձնարարությամբ աղետի գոտում եղած խնդիրների ուսումնասիրության համար աշխատանքային խումբ է գործում, որը պետք է մինչեւ հունիս աշխատանքներն ավարտի ու առաջարկություն ներկայացնի»:

Տպել
531 դիտում

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի

Շարունակվում է «Իմ քայլը հանուն Շիրակի» բիզնես համաժողովի շրջանակներում կազմակերպված էքսպո-ցուցահանդեսը․ (ֆոտոռեպորտաժ)

Հայ պատանի մաթեմատիկոսները նվաճել են երկու արծաթե, մեկ բրոնզե մեդալ. Արայիկ Հարությունյան

Աննա Հակոբյանն այցելել է կոմպոզիտոր Վլադիլեն Բալյանին

Կիպրոսն ավարտել է Հայաստան-ԵՄ համաձայնագրի վավերացման ներպետական ընթացակարգերը

Գյումրիում ջինսեր արտադրող «Զաքարյան» ընկերությունը վարչապետին ջինսե տաբատ նվիրեց

Մեկնարկել է «Իմ քայլը հանուն Շիրակի մարզի» բիզնես-համաժողովը․ վարչապետ Նիկոլ Փաշինյանը Գյումրիում է (լուսանկարներ)

Աննա Հակոբյանն ու Նոր Հարավային Ուելս նահանգի վարչապետ Գլեդիս Բերեջիկլյանը քննարկել են համագործակցության ուղիները

Երեւանում եւ Ելփինում փրկարարները բռնել են 1 իժ եւ 1 շահմար

Օշականում արտադրամասի տանիքին հրդեհ է բռնվել

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին