«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

Վերաքննիչ քրեական դատարանում՝ դատավոր Ռուզաննա Բարսեղյանի նախագահությամբ, այսօր շարունակվեց քրեական հեղինակություններ Նորատուսցի Ալիկ մականունով հայտնի Ալիկ Բանդուրյանի, Չարբախցի Գեղամ մականունով հայտնի Պետրոս Իսրայելյանի եւ Բդո մականունով հայտնի Արմեն Գասպարյանի դատավճռի դեմ ներկայացված բողոքի քննությունը:

Նշենք, որ ամբաստանյալների դատավճռի դեմ բողոք է ներկայացրել Երեւան քաղաքի դատախազ Գեւորգ Բաղդասարյանը: Դատախազը պահանջել է բեկանել դատավճիռը, ամբաստանյալներին մեղավոր ճանաչել նախաքննական մարմնի կողմից մեղսագրված արարքների համար, Ալիկ Բանդուրյանին դատապարտել 8 տարի, Պետրոս Իսրայելյանին՝ 14 տարի, իսկ Արմեն Գասպարյանին՝ 1 տարի 6 ամիս ազատազրկման:

Վերաքննիչ բողոք է բերել նաեւ ամբաստանյալ՝ Պետրոս Իսրայելյանի պաշտպան Միհրան Պողոսյանը՝ պահանջելով իր պաշտպանյալի մասով բեկանել ու փոփոխել դատավճիռը, Պետրոս Իսրայելյանին ճանաչել անպարտ ու արդարացնել:

Երեւան քաղաքի դատախազ Գեւորգ Բաղդասարյանը այսօր դատարանում հասցրեց ներկայացնել բողոքի մի մասը: Առաջին ատյանի դատարանը որպես ապացույց թույլատրելի չի ճանաչել իրականացված հեռախոսային խոսակցությունների վերահսկում օպերատիվ-հետախուզական միջոցառումների արդյունքները, գտել է, որ այդպիսի ապացույցի տեսակ նախատեսված չէ քրեական դատավարության օրենսգրքով: Բացի այդ դատարանը գտել է, որ «Ներքին դիտում» օպերատիվ-հետախուզական միջոցառումն իրականացվել է օրենքի պահանջների խախտմամբ՝ մասնավորապես ձայնի նմուշ ձեռք բերելու նպատակով, այսինքն՝ քողարկված այլ գործողություն է դիտել եւ դրա հիման վրա հետագայում ստեղծված տվյալները եւ դրա հիման վրա իրականացված փորձաքննության եզրակացությունը ճանաչել է որպես անթույլատրելի ապացույց եւ հանել ապացուցողական զանգվածից: Դատարանը գտել է նաեւ, որ ձեռք բերված փաստական տվյալները, ապացույցները, այդ թվում նաեւ իր կողմից անթույլատրելի ճանաչված հեռախոսային խոսակցությունների վերահսկում օպերատիվ-հետախուզական միջոցառման արդյունքները բավարար չեն ամբաստանյալներին առաջադրված մեղադրանքը հիմնավոր ճանաչելու համար եւ բացի այդ նաեւ Պետրոս Իսրայելյանի մեղադրանքի մասով փաստարկել է դատարանը, որ մեղադրանքի ձեւակերպումը արդարացի չէ, ընդհանրական է հետեւաբար չի կարող հիմնավոր ճանաչվել: Նշենք, որ հենց այս ապացույցները ըստ էության կարեւոր նշանակություն ունեն գործի համար: Դրանցում գործով տուժող Մուշեղ Մուշեղյանի սպանությունից առաջ ամբաստանյալների միջեւ հեռախոսային խոսակցություններ են, այդ թվում քրեական հեղինակություն Զապի եւ Բանգլադեշցի Վիրաբիկի մասնակցությամբ:

Այսօր իր բողոքում Երեւան քաղաքի դատախազ Գեւորգ Բաղդասարյանը նշեց, որ թեեւ քրեական դատավարության օրենսգիրքը օպերատիվ հետախուզական միջոցառման արդյունքում ձեռք բերված տվյալներն իբրեւ առանձին ապացույց չի սահմանում՝ Օպերատիվ հետախուզական գործունեության մասին օրենքի համաձայն, այդ տվյալները համարվում են ապացույցներ: Բաղդասարյանն ասաց, որ դատարանն իր դիրքորոշումը հիմնավորելու համար մեջբերել է Սամվել Բաբայանի եւ մյուսների գործով Վճռաբեկ դատարանի իրավական դիրքորոշումը: Դատախազը նկատեց, որ տվյալ որոշումը այլ խնդրի է վերաբերում: Ըստ դատախազի՝ դատարանը հիշյալ որոշումն օգտագործել է՝ միայն իր կայացրած դատական ակտը հարստացնելու եւ տպավորություն ստեղծելու համար: «Ակնհայտ է, որ հեռախոսային խոսակցությունների արդյունքները ապացույց են եւ դատավճռի տեսանկյունից զարմանալի է այն հանգամանքը, որ նույն դատարանը նույն կազմով մեղադրական դատավաճիռ է կայացրել՝ հիմք ընդունելով նաեւ հեռախոսային խոսակցությունների վերահսկում օպերատիվ-հետախուզական միջոցառման արդյունքները այլ գործով»,- նկատեց Երեւան քաղաքի դատախազը: Դատավոր Մարաբյանի հարցին՝ հիշյալ գործը սույն գործից առաջ է քննել, թե՝ հետո, դատախազը պատասխանեց՝ առաջ: Մարաբյանի մյուս հարցին՝ կարո՞ղ էր դատավորը փոխել իր դիրքրոշումը, հետայսու ղեկավարվել այս նոր մոտեցմամբ, Բաղդասարյանը դրական պատասխան տվեց՝ միաժամանակ հավելելով, որ դատավորը առնվազն պետք է պատճառաբաներ, թե ինչու է շեղվել դրանցից:

Դատախազն անդրադառնալով «Ներքին դիտում» օպերատիվ-հետախուզական միջոցառման արդյունքների թույլատրելիության մասին դատարանի դիրքորոշումներին, նշեց, որ անհասկանալի է, թե դատարանն ինչպես է որոշել, որ այդ միջոցառումն իրականացվել է հատկապես նմուշ ստանալու նպատակով, այն դեպքում, երբ քրեական գործով հանցագործության կատարման մի շարք հանգամանքներ, այդ թվում նաեւ ըստ մեղադրանքի տրամաբանության հանցանք կատարած մի շարք անձինք պարզված չեն: «Դատարանը գտել է, որ այն իրականացվել է ձայնի նմուշ ստանալու եւ դա հետազոտության ուղարկելու համար, սա ոչնչից վերցված ենթադրություն է, այդ միջոցառումն իրականացվել է այն նպատակով, որի համար կարող է ծառայել»,- ասաց Բաղդասարյանը՝ ընդգծելով, որ հեռախոսային խոսակցությունների վերահսկում եւ «Ներքին դիտում» գործողությունների արդյունքները անթույլատրելի ապացույց ճանաչելու՝ առաջին ատյանի դատարանի որոշումը անհիմն ու անօրինական է:

Դատախազը անհրաժեշտ համարեց հրապարկել  հեռախոսային խոսակցությունների վերահսկում գործողության արդյունքում գաղտնալսված՝ Ալիկ Բանդուրյանի ու Պետրոս Իսրայելյանի, Ալիկ Բանդուրյանի ու Արմեն Գասպարյանի եւ այլ խոսակցությունները, որոշ մեջբերումներ կատարեց: Այդ հեռախոսային խոսակցություններից պարզ է դառնում, որ Ալիկ Բանդուրյանն ու Պետրոս Իսրայելյանը պայմանավորվածություն են ձեռք բերում Մուշեղ Մուշեղյանին ծեծի ենթարկելու վերաբերյալ: Ալիկ Բանդուրյանը Պետրոս Իսրաելյանին հորդորում է այնպես ծեծել, որ Մուշեղյանը հիվանդանոց ընկնի: Նշենք, որ այս հեռախոսային խոսակցությունները հրապարակվել էին առաջին ատյանի դատարանում, սակայն դրանք ապակիներից այն կողմ գտնվողների համար լսելի չէին դարձել: Ալիկ Բանդուրյանի հետ խոսակցության ընթացքում Պետրոս Իսրայելյանը հեռախոսը փոխանցում է Մուշեղի հետ նկուղային հարկում գտնվող քրեական հեղինակություն Վիրաբ Գասպարյանին, եւ Նորատուսցի Ալիկը նրան ասում է, որ տարածքից գնա, նշում է, որ այդ մասին տեղյակ է նաեւ քրեական հեղինակություն Զապը՝ Անդրանիկ Սողոյանը:

«Հմի էդ Մուշոյին լխկո՞ւմ ենք մենք ընգեր»,- Ալիկ Բանդուրյանին հարցնում է Պետրոս Իսրայելյանը եւ դրական պատասխան ստանում: «Հենց քուչի մեջն էլ մորթեք», «Գեղա՛մ, կիսատ-պռատ չծեծեն էլի դրան...», «նենց ես ծեծում, որ հիվանդանոց էթա էլի, այսինքն», «դրան պիտի բիտեքով ծեծեք որպես թշնամու», «ընգեր, պա բռատսկի մորթում եք»,- ասում է Ալիկ Բանդուրյանը, ինչին ի պատասխան Իսրայելյանն ասում է՝ «մեր սաղի համար ենք տփում»: «Գեղամ, բայց ծեծելուց ասում ես նենց ծեծեն սաղ ջարդեն, էլի»,- զգուշացնում է Բանդուրյանը: Պետրոս Իսրայելյանն էլ հավաստիացնում է, որ հենց այդպես էլ ծեծելու են՝ նշելով, որ իրենց մոտ համ դուբինկա կա, համ լապատկի կոթ «Բիտեքով ասա ոտքերը ջարդեք, Գեղամ, լավ ջիգյարով...»,- հավելում է Ալիկ Բանդուրյանը: Հեռախոսային խոսակցությունների ժամանակ Ալիկ Բանդուրյանը դեպքից հետո զգուշացրել է, թե «շնական տասովկա է լինելու… չասեք, որ դեմից ծեծել եք»:

Դատախազ Գեւորգ Բաղդասարյանի հիմնավորումները անավարտ մնացին՝ դատարանը այլ գործով ծանրաբեռնված էր:

Դատախազն իր բողոքի հիմնավորումները կշարունակի ներկայացնել հաջորդ նիստին՝ մայիսի 7-ին:

Տպել
27639 դիտում

Անտոնիո Գուտերեշը կոչ է արել Հայաստանին ու Ադրբեջանին՝ անհապաղ դադարեցնել ռազմական գործողությունները

ՀՀ քաղաքացիական բնակչության դեմ ուղղված ագրեսիվ գործողությունները ստանալու են իրենց համարժեք պատասխանը. ԱԳՆ

Ճապոնիան մտածում է օլիմպիական խաղերի համար թուլացնել երկիր մուտք գործելու սահմանափակումները

ԶՈՒ ստորաբաժանումները ոչնչացնում են Տավուշի բնակավայրերը հրետակոծած ադրբեջանական հենակետերը (տեսանյութ)

Հակառակորդը հարվածային ԱԹՍ-ով թիրախավորել է Բերդի քաղաքացիական ենթակառուցվածքները. Շ. Ստեփանյան

Հաստատված 339 նոր դեպք և 864 առողջացած. կորոնավիրուսից Հայաստանում 8 նոր մահ է գրանցվել

Ադրբեջանը դեռ կապիտուլյացիա չի ստորագրել, խնդրում եմ իրենց կրակելու մասին լուրերը մի տարածեք. Արծրուն Հովհաննիսյան

Արմեն Սարգսյանը շնորհավորական ուղերձ է հղել Էմանուել Մակրոնին Ֆրանսիայի Հանրապետության Ազգային տոնի առթիվ

Ադրբեջանը կրկին փորձում է պատերազմ սկսել. ԱՄՆ-ի սենատոր Ֆրենկ Փելոնին դատապարտել է Ադրբեջանի գործողությունները

Աղոթում ենք, որ խաղաղություն մնա մեր տարածաշրջանում. Եպիսկոպոսաց հավաքը զորակցություն է հայտնում Հայոց բանակին

Ես աջակցում եմ Հայաստանին, նրանք պաշտպանում են իրենց տարածքային ամբողջականությունը. ԱՄՆ սենատոր

114 հայ երեխայի որդեգրման համար փոխանցվել է 1.800.000 եվրո, 26.000 դոլար. գործում ներգրավված են 2 նախարարություն, ՏԻՄ-եր

ԱՄՆ-ը դատապարտել է հայ-ադրբեջանական սահմանին տեղի ունեցածն ու կոչ արել անհապաղ դադարեցնել գործողությունները

Նախորդ շաբաթ ներկայացրած դիմումի համաձայն՝ քաղաքապետի տեղակալ Հայկ Սարգսյանը ավարտում է պաշտոնավարումը

Գիշերը հակառակորդի տանկի շարժ է գրանցվել. ՊՆ խոսնակը մանրամասնում է՝ ինչպես է անցել գիշերը սահմանին

Գվատեմալայի Կոնգրեսի առաջին փոխնախագահը դատապարտել է Ադրբեջանի սանձազերծած հարձակումը

Գիշերը համեմատաբար հանգիստ է անցել. Արծրուն Հովհաննիսյան

Ղարա դաշ. համացանցում հայտնվել է լուսանկար, որում հավանաբար գրավված ադրբեջանական դիրքն է

«ՈւԱԶ»-ային սադրանք հայ-ադրբեջանական սահմանին. 2 օրվա խրոնիկա

Մնացականյանը ԵՄ բարձրաստիճան պաշտոնյային ներկայացրել է հայ-ադրբեջանական սահմանին տիրող իրավիճակը