«Խռուստալից բաժակ էլ եմ կուլ տալիս». Գյումրիում Աշոտ Խանոյանը նոր ռեկորդ է սահմանել

Հայոց եռագույնն ուսերին, փոքրամարմին, բայց հզոր ուժի տեր Աշոտ Խանոյանն ապրիլի 24-ին իր հերթական ռեկորդը սահմանեց, այս անգամ՝ Գյումրիում: Ատամներոով 10 մեքենա քաշեց: Նոր ռեկորդը նվիրեց Ցեղասպանության 1.5 մլն նահատակների հիշատակին:«Քանի որ մեր հայ ազգին կոտորել են, եւ ես էլ էս շնորհքը ստացել եմ Աստծո կողմից, որոշեցի էսօր ռեկորդ սահմանել, եւ աշխարհին ապացուցել, որ հայ ազգը հզոր ազգ է, եւ ինչքան էլ կոտորեն, ծնկի չի գա: Իսկ Գյումրին դյուցազունների քաղաք է, դրա համար էլ հենց այստեղ եմ ուզում իմ նոր ռեկորդը սահմանել»,-հայտարարեց Աշոտն ու տերունական աղոթքից հետո մոտեցավ Վարդանանց հրապարակում կանգնած մեքենաներին:

Ի սկզբանե 24 մեքենա էր նախատեսել ատամներով քաշել 33-ամյա ջավախքցին, սակայն Գյումրու Վարդանանց հրապարակում այդքան ավտոմեքենա դասավորելու հնարավորություն չեղավ: Ընդամենը 10-ը տեղավորվեց: «Ոչինչ, ես պատրաստ եմ, հենց հարմար եղավ, դա էլ կանեմ»,-ասաց  Աշոտը:Տղան սպորտով չի պարապում, երբեք էլ չի զբաղվել: Ասում է՝ միանգամից որոշում, ռեկորդներ է սահմանում: Առաջին անգամ 6-րդ դասարանում է զգացել, որ ինչ-որ անսովոր ուժի է տիրապետում:

«Դե դպրոցում էի, ատամներով աթոռը բարձրացրեցի, օդում պահեցի, հետո՝ սեղանը, ու սկսվեց այդպես, բայց թե ոնց զգացի այդ ուժը, դա իմ գաղտնիքն է, չեմ ցանկանում ասել»,-զրույցի ժամանակ նշեց Խանոյանը:

Այնուհետեւ հերթը հարսանիքի տորթի սեղանն օդ բարձրացնել, պարեցնելուն, հետո էլ՝ գինովցած մի պահի հախճապակե բաժակ կուլ տալուն է հասել: «Ատամներով նաեւ բաձրացնում եմ 40-ից 50 կգ ծանրաձողը, նաեւ աթոռն եմ պահում բաձրության վրա 1 ժամ 10 րոպե, խռուստալ բաժակներ եմ ուտում 3-ից 5 հատ: Մի քանի օր առաջ Գյումրիում կերել եմ բաժակ, նվիրել եմ տեղի երիտասարդությանը: Փառք Աստծո, ես հիմա առողջ կանգնած եմ Ձեր դիմաց: Ես սպորտսմեն չեմ, իմ գերբնական ուժն Աստծո կողմից ա տրված»:

Աշոտն իր առաջին ռեկորդը սահմանել է 2012 թվականին՝ Երեւանում: Ատամներով քաշել է 2 ավտոմեքենա: Այնուհետեւ իրար միացված քսաներկու մեքենա է քաշել, եւ դա նվիրել է Երեւանի 2800-ամյակին եւ քառօրյա պատերազմի մեր հերոսների հիշատակին:

Աշոտ Խանոյանը 5 անգամ հայտնվել է Գինեսի ռեկորդների գրքում: 57 կգ քաշով պատանին 447 տոննա ընդհանուր քաշով գնացքի 7 վագոն է քաշել Մոսկվայում: «Ես որեւէ մեկի հետ չեմ մրցվում, ես ուղղակի ռեկորդներ եմ սահմանում, եւ դրանք միշտ իրենց խորհուրդն ունեն, նվիրված են ինչ-որ մի առիթի: Անցած տարի Հնդկաստանում 10 լավագույնների մեջ առաջինը ճանաչվեցի, քանի որ իմ քաշն անսովոր էր իրենց համար: Ես 57 կգ եմ եւ քաշեցի 25 տոննա: Իսկ մասնակիցների մեջ ամենափոքր քաշը եղել է 86 կգ»,-զրույցի ընթացքում ասաց Աշոտը:

Այս պահին պատրաստվում է Գերմանիա մեկնել, հրավիրել են: Գերմանիայում էլ նավ է քաշելու, որը 500 տոննա է կշռում: Աշոտին Գերմանիա Տորք Անգեղն է հրավիրել, նույն ինքը՝ սիրիահայ Պատրիք Բաբումյանը:

Աշոտն այսօր Հայաստանում է դեպքերի բերումով: Նախորդ տարի Թավշյա հեղափոխութան օրերին հեղափոխականներին աջակցելու պատճառով է զրկվել Մոսկվայում բնակվելու իր մշտական իրավունքից:

«Ես անցած տարի մայիսի 25-ին մեր հեղափոխության հետ կապված դեպորտ եմ ստացել, քանի որ հեղափոխություն եմ արել Մոսկվայում, եկեղեցու դռները վրեքս փակել են, մեզ դեպորտ են արել: Բայց ես էսօր շնորհակալ եմ բոլորիցդ, որ իմ կողքին եք»:

Աշոտ Խանոյանն ասաց՝ իր ռեկորդներով գումար չի աշխատում, սա իր համար եկամտի աղբյուր չէ: Աստծո տված շնորհը չի վաճառվում:

Տպել
1257 դիտում

Վիլնյուսի օդանավակայանում տոնածառը զարդարել են ուղեւորներից վերցված իրերով

Խորանաշատ վանքը և կարասը՝ 2020-ի եվրոպական մշակութային ժառանգության ամենավտանգված հուշարձանների ցանկում են

ԱՄՆ-ը արգելափակել է ԿԺԴՀ-ում մարդու իրավունքների հարցերով ՄԱԿ-ի Անվտանգության խորհրդի նիստը

«Նարգիլեի օգտագործումը թերևս ավելի վնասակար է». նախարար Արսեն Թորոսյանը պատասխանել է դպրոցականների հարցերին

Ինչ կապ ունեն TRACECA-ն ու պանթեոնը. Բաքու մեկնած հայ պաշտոնյաները հրաժարվել են մասնակցել ընթրիքի, այցելել գերեզման

Գեղարքունիքի մարզում ձմեռային զորակոչը կմենկնարկի 2019 թվականի դեկտեմբերի 16-ին

Բնապահպանության եւ ընդերքի տեսչական մարմնի ղեկավարի նախկին տեղակալը դատի է տվել վարչապետին

Իրանի խորհրդարանական ընտրություններին ավելի քան 15 հազար 500 թեկնածու է գրացվել

ԱԺ-ում քննարկվել են տեղական ինքնակառավարմանն առնչվող հարցեր

Գյումրիում ձերբակալվել է Շեկոյի ընկերը՝ Զոհրաբ Ե.-ն

Պետության աջակցությամբ Արամուսում հիմնովին կառուցվում է մանկապարտեզի նոր շենք. համայնքը 40 տարի մանկապարտեզ չի ունեցել

ԱՄՆ-ի Ներկայացուցիչների պալատը 2 մեղադրանք է առաջադրել նախագահ Դոնալդ Թրամփին

ՀՀ արդարադատության նախարարության ու IRZ-ի միջեւ հնարավոր է համագործակցություն անչափահասների արդարադատության ոլորտում

Ոստիկանները բացահայտել են Գյումրիում կատարված դանակահարությունը (տեսանյութ)

«Միսս տիեզերք 2019»-ում Հայաստանի ներկայացուցիչն ընկճված է ներկայացրել ազգային հագուստը. զարդերը տրամադրել էր Սիրուշոն

Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

«Աջափնյակ» բարեգործական հիմնադրամից յուրացվել է 10 միլիոն դրամից ավելի գումար․ նոր բացահայտում

Մենք շատ ընդհանրություններ ունենք և շատ բան կարող ենք սովորել միմյանցից. Արմեն Սարգսյանն ընդունել է Ֆինլանդիայի դեսպանին

Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

Ուռուցքաբանության ազգային կենտրոնում հերթական բարդ վիրահատությունն է կատարվել. ԱՆ