Ալեքսանյանի դպրոցը հիմնանորոգման կարիք ունի 2005 թվականից. չեմպիոնը մարզվում է խարխուլ դահլիճում

Երկար տարիներ է՝ պարբերաբար խոստումներ են հնչում օլիմպիական չեմպիոն, աշխարհի եռակի, Եվրոպայի քառակի չեմպիոն հունահռոմեական ոճի ըմբիշ Արթուր Ալեքսանյանի (97 կգ) դպրոցի վերանորոգման մասին: Գյումրիում գործող դպրոցն անմխիթար վիճակում է: «Հայկական ժամանակ»-ի հետ զրույցում նրա հայրը՝ Գեւորգ Ալեքսանյանը, որը նաեւ նրա անձնական մարզիչն ու դպրոցի տնօրենն է, ասաց, որ 1997 թվականից (ինչ ինքը տնօրեն է նշանակվել) մինչեւ 2005 թ. դպրոցն ընդամենը կոսմետիկ վերանորոգման է ենթարկվել:

«Դահլիճը հատակ չունի, գորգի տակ հատակ չկա, գորգը շատ վատ վիճակում է.... մարզումային պրոցեսն անում ենք ստիպված, այսօր ամբողջ տարվա նախապատրաստություններն առջեւում են. ունենք պատանիների, երիտասարդների Եվրոպայի, աշխարհի առաջնություններ, մեծահասակների Եվրոպական խաղեր, աշխարհի առաջնություն, որը վարկանիշային է: Տարբեր տարիքային խմբերում ունենք հավաքականի մարզիկներ, որոնք պետք է պատրաստ գնան հավաքների: Ստիպված պետք է պարապենք, որպեսզի կարողանանք պահել մարզիկների տոնուսը, որպեսզի ձախողումներ չլինեն»,- ասաց Գեւորգ Ալեքսանյանը:

Նա նշեց, որ ըստ մատյանների՝ դպրոցն ունի 200-ից ավելի աշակերտ, սակայն դահլիճ են մտնում ավելի շատ՝ մոտ 300 մարզիկներ: Բանն այն է, որ այլ մարզադպրոցների մարզիչներն իրենց սաների հետ գալիս են՝ համատեղ մարզումների, քանի որ այդպես ավելի արդյունավետ է: Այդ դպրոցում են մարզվում նաեւ տարբեր տարիքային հավաքականների անդամներ՝ այդ թվում հենց ինքը՝ Արթուր Ալեքսանյանը: Հավաքներից ազատ ժամանակ չեմպիոնը մարզվում է խարխուլ, առանց հատակի, թափված պատերով, փոշոտ դահլիճում:

«Երբ տանն է, այդտեղ է մարզումներն անցկացնում՝ այդ դահլիճում, ե՛ւ ֆիզիկական պատրաստականությունը, ե՛ւ գորգային աշխատանքը»,- ասաց հայրն՝ ավելացնելով, որ երբեմն, կախված մարզումային ծրագրից, կարող է այլ դահլիճ գնալ, սակայն հիմնականում այդտեղ է լինում:

Դպրոցի հիմնանորոգման մասին հատկապես շատ սկսեցին խոսել այն բանից հետո, ինչ ըմբիշն առաջին անգամ աշխարհի չեմպիոն դարձավ 2014 թ.: Այդ ժամանակ որոշվեց դպրոցը վերանվանել նրա անունով, 2015-ից այն կրում է Արթուր Ալեքսանյանի անունը, ու տարիներ շարունակ խոստումներ են հնչում: Թեմայի շուրջ խոսել են վերջին տարիների՝ ՀՀ Սպորտի եւ երիտասարդության հարցերի նախարարի պաշտոնը զբաղեցրած Հրաչյա Ռոստոմյանը, Լեւոն Վահրադյանը եւ Գաբրիել Ղազարյանը, սակայն մինչեւ հիմա ընդամենը նախագծա-նախահաշվարկային աշխատանքներ են եղել:

«Շինարարական աշխատանք դեռ չի արված: Միայն կատարվել են նախագծա-նախահաշվարկային աշխատանքները: 2017 թ. բյուջեով հատկացված գումար կար, կազմակերպվեց եւ արվեց»,- ասաց Գեւորգ Ալեքսանյանը:

Օրերս դպրոց են այցելել Ազգային ժողովի գիտության, կրթության, մշակույթի, սփյուռքի, սպորտի եւ երիտասարդության հարցերի մշտական հանձնաժողովի նախագահ Մխիթար Հայրապետյանը, տեղակալ Հովհաննես Հովհաննիսյանը, պատգամավոր Ալեքսանդր Ավետիսյանը եւ սպորտի նախարարի տեղակալ Գեւորգ Լոռեցյանը: Նրանք շրջայց են կատարել, ծանոթացել պայմաններին, մինչեւ այժմ կատարված աշխատանքներին ու խոստացել են, որ մոտ ապագայում որոշում կկայացվի:

«Ամեն ինչից տեղեկացավ (խմբ. նկատի ունի Հայրապետյանին) եւ հույս տվեց, որ պետք է փորձեն գտնել միջոցներ վերանորոգումը կատարելու համար, իսկ եթե հնարավորություն լինի, նորը կառուցելու համար: Հակված էին ավելի շատ նորը կառուցելու, քան վերանորոգելու: Եթե գումարը չբավականացնի, ուրեմն վերանորոգումը կկատարեն»,- ասաց նա՝ ավելացնելով, որ կա նաեւ տարածք, որը քաղաքապետարանը խոստացել է տրամադրել, եթե որոշվի նորը կառուցել:

Այսօր՝ ապրիլի 25-ին էլ կառավարության նիստի ընթացքում հարցին անդրադարձավ ՀՀ վարչապետ Նիկոլ Փաշինյանը ՀՀ նախարարի պարտականությունները կատարող, նախարարի առաջին տեղակալ Գաբրիել Ղազարյանին ասաց, որ արդեն պետք է անցնել գործնական փուլին: Ընդգծեց, որ պետք է ներգրավել նաեւ Արթուր Ալեքսանյանին ու նրա ներկայացուցիչներին, հատկացնել գումարը ու սկսել շինարարությունը:

Մարզադպրոցի լուսանկարները`Լեւոն Բարսեղյանի ֆեյսբուքյան էջից (հրապարակվել են 2017 թ.)

 
Տպել
2111 դիտում

ԱՄՆ-ը չի կարող ձեռքերը ծալած նստել. կոնգրեսական Ադամ Շիֆը կոչ է անում ճանաչել Արցախի անկախությունը

Le Monde-ն բացահայտում է սիրիացի վարձկանների հավաքագրման մեխանիզմը. ում է բերում Թուրքիան Ղարաբաղի սահման եւ ինչու

Հրետակոծվել է Ասկերանի շրջանի Ավետարանոց համայնքը, կա մեկ վիրավոր. ԱՀ ԱԻՊԾ

ՊՆ-ն վաղվանից տեղեկություններ կտրամադրի նաեւ օնլայն քարտեզով. Արծրուն Հովհաննիսյան

Թշնամական ուժերի ոչնչացումը (տեսանյութ)

Օպերային թատրոնի անձնակազմի մի մասը մեկնել է ռազմաճակատ, մի մասն էլ հաղթանակին նվիրված համերգի է պատրաստվում

Մարտին կարող էր նորամուտը նշել հավաքականում, իսկ հետո անհետացավ. ու՞ր էր «կորել» Մատյո Եզիկյանը

Կորոնավիրուսը հանգեցնում է ոչ միայն պետության ծախսերի ավելացման, այլ նաեւ պաշարում է առողջապահական ֆոնդը. Լիլիթ Մուսեյան

Ստեփանակերտի հրթիռակոծության հետեւանքով հրդեհ է բռնկվել, ավերվել են շինություններ (լուսանկարներ)

Շեխեր բնակավայրը հարակից անտառներով գրեթե լիովին մաքրվել է ադրբեջանական հրոսակախմբերից և դիվերսիոն խմբերից. Հովհաննիսյան

Սահման են մեկնել նաեւ դատական կարգադրիչներ․ ԲԴԽ անդամի խոսքով՝ դատարանները բնականոն աշխատում են

Պոմպեոն կոչ է արել Հայաստանին ու Ադրբեջանին առարկայական բանակցություններ վարել

Կարծում եմ, Կրեմլը կընդունի Արցախի նախագահի դիմումը, սակայն կգործի կուլիսներում. Սարգիս Ծատուրյան

Ստեփանակերտը հերթական անգամ հրթիռակոծվեց. ՊԲ-ն շատ շուտով պատասխան հարված կհասցնի. ԱՀ նախագահի խոսնակ

Լեռնային Ղարաբաղի հարցով բանակցություններում առաջընթաց է գրանցվել. Թրամփ

Ալիևի «փառավորներ», որ զրահատեխնիկան թողել ու փախել էք, ձորերի մեջ ձեր անփառունակ մահն եք գտնելու. Արծրուն Հովհաննիսյան

Մարտունին և Ստեփանակերտը ռմբակոծվում են

ՀՕՊ ստորաբաժանումները ՀՀ հյուսիսարևելյան ուղղությամբ խոցել են հակառակորդի ԱԹՍ. ՊՆ (լուսանկարներ)

Վարչապետը տեսակցել է նաեւ Սասուն Միքայելյանին (լուսանկարներ)

Հարազատս, եղբայրս, որդիս. Նիկոլ Փաշինյանն այցելել է վիրավոր զինծառայողներին