Այդ ո՞վ ՀՅԴ-ին ճնշեց, որ իրենք ինչ հայտարարեցին՝ արեցին․ գուցե ընտրություններում պարտվելու պատճառո՞վ են ճնշված․ Նազարյան

ՀՀ Սահմանադրական դատարանն օրեր առաջ սահմանադրական է ճանաչել ԱԺ կանոնակարգի աղմկոտ այն փոփոխությունները, որոնք նախորդ տարի նախաձեռնել էր ՀՀԿ-ն, երբ դեռ խորհրդարանում էր։ Խոսքն այն փոփոխության մասին է, ըստ որի՝ եթե ԱԺ նիստը շարունակելու խոչընդոտ կա, այն պետք է ընդհատվի։

Հիշեցնենք, նախորդ տարվա հոկտեմբերի 2-ին ԱԺ-ն արտահերթ նիստում 67 կողմ ձայնով ընդունեց ՀՀԿ-ի հեղինակած ու ԲՀԿ-ի եւ ՀՅԴ-ի հավանությանն արժանացած՝ ԱԺ կանոնակարգում փոփոխություններ կատարելու աղմկահարույց այս նախագիծը: ԱԺ նախկին մեծամասնությունը դրանով փորձում էր խոչընդոտել վարչապետ Նիկոլ Փաշինյանի հրաժարականից հետո ԱԺ արձակումն ու արտահերթ ընտրությունների անցկացումը։ Փաշինյանն այդ ժամանակ նախագծին կողմ քվեարկողներին հակահեղափոխական անվանեց ու քաղաքացիներին կոչ արեց հավաքվել Բաղրամյան պողոտայում, բոլոր կողմերից շրջափակել խորհրդարանի շենքը: Այդ ժամանակ էլ Նիկոլ Փաշինյանը հրապարակային հայտարարեց, որ նախարարների եւ մարզպետների պաշտոններից հետ է կանչում՝ ազատում է ԲՀԿ-ի ու ՀՅԴ-ի ներկայացուցիչներին:

Վերադառնալով սահմանադրական ճանաչված փոփոխություններին՝ նախագահ Արմեն Սարգսյանն էլ իր հերթին ստորագրեց այս որոշումը։ Սրան զուգահեռ ՀՅԴ բյուրոյի ներկայացուցիչ Արմեն Ռուստամյանը հանդես եկավ հայտարարությամբ, թե՝ այն, ինչ եղավ հոկտեմբերի 2-ին, ոչ այլ ինչ էր, քան սահմանադրական կարգի տապալման փորձ: Ռուստամյանը նկատի ունի ուղիղ ժողովրդավարության միջոցով, ասել է թե՝ քաղաքացիների ուղիղ ճնշման տակ ԱԺ-ի արձակումը։

ՍԴ-ի կայացրած որոշման, ՀՅԴ-ի հայտարարության եւ թեմայի վերաբերյալ այլ հարցերի մասին զրուցել ենք ԱԺ փոխնախագահ, «Իմ քայլը» խմբակցության պատգամավոր Լենա Նազարյանի հետ։

- Տիկին Նազարյան, մամուլը գրում է, որ ՍԴ-ի որոշումից հետո ՀՅԴ-ն, որն, ըստ էության ՀՀԿ-ի հետ մերժվեց ու գնաց, փորձելու է իրավական եւ քաղաքական գործընթացներ սկսել՝ ընդդեմ ներկա իշխանությունների, մասնավորապես՝ հակասահմանադրական ճանաչել ԱԺ արձակման գործընթացը՝ մեկնաբանելով, թե ԱԺ-ն արձակվել է որոշակի ճնշման տակ։ Ի՞նչ ճնշման մասին են խոսում եւ, ընդհանրապես, եղե՞լ է ճնշում պատգամավորների վրա։

- Ես նախապես ներողություն եմ խնդրում ընթերցողից, որ ստիպված եմ քննարկել անցյալը՝ շատ լավ իմանալով, որ մարդկանց հիմա առավել շատ հետաքրքրում են ներկան ու ապագան, սակայն այս հարցին ճշգրիտ պատասխանելու համար պարտադրված եմ վերականգնել անցյալ օրերի իրադարձությունների պատկերը:  

2018 թ-ի հոկտեմբերին վարչապետ Նիկոլ Փաշինյանը նախաձեռնել էր խորհրդարանական ուժերի խմբակցությունների ղեկավարների հետ բանակցություններ՝ ԱԺ-ն արձակելու հարցով: Եվ, ահա, այս պայմաններում, շատ հապշտապ ԱԺ-ի պետական-իրավական մշտական հանձնաժողովում օրվա վերջում ՀՀԿ-ԲՀԿ հերթական «կոալիցիայով» (ԱԺ պատգամավորներ Արփինե Հովհաննիսյան ու Գեւորգ Պետրոսյան) «Ազգային ժողովի կանոնակարգ» ՀՀ սահմանադրական օրենքում արվում է մի լրացում, որի համաձայն՝ եթե ԱԺ նիստին պատգամավորների մասնակցությունը խոչընդոտվում է եւ նիստը չի կայանում կամ էլ նիստը իրավազոր է, բայց պատգամավորների մի մասը չի կարողանում դրան մասնակցել, այդ դեպքում նիստը վարողը իրավունք ունի ընդհատել նիստը՝ հայտարարելով, որ կան խոչընդոտներ: Այսինքն՝ այս դրույթով ԱԺ արձակման նիստը կարող էր անորոշ ժամանակով հետաձգվել, քանի որ կլինեին պատգամավորներ, որ կհայտարարեին, որ իրենց խոչընդոտում են մասնակցել նիստին՝ չգիտես՝ ով եւ չգիտես՝ ինչպես:

Մենք հայտարարեցինք, որ այս նախագիծը քաղաքական նպատակներ ունի եւ խաթարում է բանակցային գործընթացը: Այնուամենայնիվ, ՀՀԿ-ԲՀԿ-ՀՅԴ խմբակցությունները հոկտեմբերի 2-ի երեկոյան կայացած արտահերթ նիստում 67 կողմ ձայնով ընդունեցին այդ որոշումը: Դրանից հետո՝ հասկանալով, որ ոչ մեկը էլ չի պատրաստվում բանակցել ԱԺ-ն արձակելու հարցում, Նիկոլ Փաշինյանը հենց նույն օրը՝ հոկտեմբերի 2-ի երեկոյան, կոչ է անում, որ մարդիկ հավաքվեն ԱԺ բակում եւ հայտարարում է, որ շուտով հրաժարական է տալու, ինչին կհետեւի վարչապետի չընտրության գործընթացը եւ ԱԺ-ն իրավունքի ուժով կլուծարվի, իսկ ՀՀ նախագահ Արմեն Սարգսյանը վիճարկում է նախագիծը Սահմանադրական դատարանում, քանի որ իր իսկ հայտարարության համաձայն՝ նախագիծը տարաբնույթ մեկնաբանությունների եւ քննարկումների տեղիք էր տվել։ Մնացած պատմությունը հանրահայտ է:

Այսքանից հետո՝ երբ ՀՅԴ բյուրոյի ներկայացուցիչ Արմեն Ռուստամյանը հանդես է գալիս հայտարարությամբ, որ իբր այն, ինչ եղավ 2018թ.-ի հոկտեմբերի 2-ին, ոչ այլ ինչ էր, քան «սահմանադրական կարգի տապալման փորձ», ուղղակի երեւի հույս ունի, որ մենք չենք հիշեցնի, թե իրենք ինչ արեցին հոկտեմբերի 2-ին: Իսկ արեցին հետեւյալը. նախ ամբողջ կազմով ՀՅԴ խմբակցությունը կողմ քվեարկեց այդ նախագծին՝ հստակ իմանալով դրա քաղաքական նպատակը (նրանցից ոչ մեկը չասաց, որ տվյալ իրավիճակում նման գործիքի ներմուծումը կանոնակարգի մեջ լարելու է քաղաքական իրավիճակը) եւ վարչապետի չընտրության քվեարկությանն էլ չմասնակցեցին:  

Հիմա, այս պատմությունը վերհիշելուց հետո, ես էլ չգիտեմ՝ այդ ի՞նչ ճնշման մասին են խոսում ՀՅԴ-ից: Այդ ե՞րբ ու ինչպե՞ս են ճնշվել, որ հոկտեմբերի 2-ին իրենց ուզած նախագծին կողմ են քվեարկել, իսկ վարչապետի չընտրության գործընթացին, որով արձակվեց ԱԺ-ն՝ չեն մասնակցել: Այդ ո՞վ ու ինչպե՞ս իրենց ճնշեց, որ իրենք ինչ հայտարարեցին՝ դա էլ արեցին: Գուցե ընտրություններում պարտվելու պատճառո՞վ են ճնշված:

- ՀՅԴ-ն մշտապես մերձքոչարյանական կուսակցություն է եղել, իսկ մերձքոչարյանական շրջանակներն անընդհատ ասում են, թե մայիսին գործողություններ են սկսելու, ըստ Ձեզ ՍԴ որոշո՞ւմն է հիմքը։

- Հոկտեմբերի 2-ի նախագիծն ընդամենը խթան եղավ, որ գործընթացն արագանա: Այն ընդամենը ազդակ էր, որ խորհրդրանական ուժերը՝ ՀՀԿ-ՀՅԴ-ԲՀԿ, ազնիվ չեն ու բանակցությունների հետեւում պայմանավորվածություններ ունեն եւ այդ նախագիծն ընդունվեր-չընդունվեր, արդեն պարզ էր, որ այդ ուժերի հետ որեւէ պայմանավորվարծություն չէր կարող վստահելի լիներ ու պետք էր հրաժարական տալ, ինչը եւ արվեց: Իրենց ծրագրած դավադրությունը իրենց դեմ շրջվեց ու բանակցությունները խաթարվեցին, գործընթացն էլ արագացավ: ՍԴ այս որոշումը չի կարող որեւէ քաղաքական կամ իրավական գործընթացի հիմք լինել: ԱԺ-ն արձակվեց ոչ թե այն պատճառով, որ նախագիծը ուղարկվեց ՍԴ, այլ՝ որովհետեւ ամեն ինչ վերջացել էր, բայց ոմանք իրենց իրավաբանական գիտելիքներն օգտագործում էին՝ խութեր ստեղծելու համար: Այսքանով այս թեման պետք է փակել:

- Այնուամենայնիվ՝ ի՞նչ գործընթացներ կարող են սկսել ՀՅԴ-ականները, եւ որքանով են ամուր նրանց բերած հիմքերը, մասնավորապես՝ ներկա իշխանության կողմից սահմանադրական կարգի տապալման փորձի մասով, որի մասին ՀՅԴ-ն հիշատակել է իր հայտարարության մեջ։

- Ամբողջ աշխարհն ընդունեց թավշյա, ժողովրդական հեղափոխության, սահմանադրական ճանապարհով խորհրդարանի արձակման ու նոր խորհրդարանական ընտրությունների անցկացման փաստը: Եթե սահմանդրական կարգ էր խախտվել, ինչո՞ւ էին այդ հարցը մի կողմ թողած քարոզարշավ անում ու ընտրությունների մասնակցում, որի ժամանակ ստացան քվեների ընդամենը 3,9 տոկոսը եւ չանցան խորհրդարան: Ու չեն էլ վիճարկել արդյունքները:
Թվում էր, թե հունվարին տեղի ունեցած ՀՅԴ ընդհանուր ժողովում լրջորեն կքննարկեն ՀՅԴ-ի անցած ճանապարհը ու դասեր կքաղեն ու կնախանշեն առաջիկա տարիների ՀՅԴ-ի քաղաքականությունն արդեն նոր պայմաններում։ Խորհրդարանական ընտրություններից հետո էլ հայտարարեցին, որ փակվում է պատմության այս փուլը ու գալիս է նորը, բայց ինչպես տեսնում ենք՝ ի հակառակ հայտարարությունների՝ ՀՅԴ-ն անցյալում է մնացել:

- Պատահական է՞, որ ՍԴ-ն հենց հիմա է նման որոշում կայացրել, ասել կուզեմ՝ այս որոշումը համընկավ ակտիվ գործողություններ սկսելու մասին նշածս հայտարարությունների հետ, ֆեյքերի հարձակումների, «ՍուտՆիկոլ» նախաձեռնության ակցիաների, «Արարատցեմենտ»-ի շուրջ քննարկումների հետ։

- Ամեն պահին էլ որոշումը կարող էր համընկնել ինչ-որ իրադարձությունների հետ: Ես որեւէ կապ չեմ տեսնում: 

- Տիկին Նազարյան, իսկ չե՞ք կարծում, որ ՍԴ-ն ական է ներկա իշխանության ոտքի տակ եւ ի վերջո այդ կառույցը ցմահ մնալու է Հրայր Թովմասնյանի՝ նախկին իշխանության կարակառուն ներկայացուցչի ղեկավարության տա՞կ։

- Չեմ կարող ասել: Ժամանակը ցույց կտա:

«Հայկական Ժամանակ»-ը Telegram-ում
Տպել
22962 դիտում

Վարդանիկին պետք է հիշեցնել, որ իրենք մի պետության մեջ են ապրում, որտեղ քրեական բարքերը քրեորեն պատժելի են

Խոսրովի պետական արգելոցում բռնկված հրդեհը մարվել է

Ռաֆիկ Դարմոյանը դարձել է բրոնզե մեդալակիր. ծանրամարտի պատանիների ԵԱ

Տղեք, ըսիգ տուն-քաղաք է, ոչ թե` տուն-գաղութ. այդ ժամանակները հետ բերել դուք անկարող եք. Շիրակի մարզպետ

Հանրային վայրերում այսքան մարդ եղել էր մեկ էլ Ժողովրդական, ոչ բռնի, թավշյա հեղափոխության ժամանակ. վարչապետ

Գազայում սովի հետևանքով մահեր են գրանցվում. զուգահեռ՝ Իսրայելը կալանում է օգնության նավերը և «մարդասեր» խաղում

Սևանում ՆԳՆ Ոստիկանության և Փրկարար ծառայության ուժեղացված հսկողությունը շարունակվում է. լուսանկարներ

Վրաստանը չի կարող միանալ ԵՄ-ին․ Եվրոպական խորհրդարանի հայտարարությունը

Երևան-Սևան ավտոճանապարհին այրվել է ավտոմեքենա

Գոռ Խաչատրյանը՝ չեմպիոն, Հայկ Մինասյանը՝ արծաթե մեդալակիր. հրաձգության ԵԱ

Նատալյա Սարգսյանը դարձել է բրոնզե մեդալակիր. ծանրամարտի պատանիների ԵԱ

Ջրասուզակը ջրամբարից դուրս է բերել ջրահեղձ եղած պատանու դին

Սեպտեմբերից՝ դպրոցներում. Անդրեասյանը հրապարակել է «Հայաստանի պատմության» կազմն ու նախաբանը

Ջերմաստիճանը կբարձրանա. որոշ մարզերում ժամանակ առ ժամանակ կդիտվեն անձրևներ

Աթենքում կկայանա ըմբշամարտի Մ17 տարեկանների Աշխարհի առաջնությունը. ՀՀ հավաքականի կազմերը հայտնի են

Դենվերի օդանավակայանում հրդեհ է բռնկվել Boing 737-ում. ուղևորներից ոմանք տարհանվելիս վնասվել են. տեսանյութ

Գյումրիում նշում են Վարդավառը. տեսանյութ

Վարդավառը Իրական Հայաստանի ամենատոնն է, որ գովերգում է ապրելու, կյանքը վայելելու բնական մղումը. վարչապետ

Պուտինը ժամանել է Սանկտ Պետերբուրգ՝ Ռազմածովային ուժերի զորավարժություններին հետևելու. տեսանյութ

Ենոքավան, Վարդավառ. վարչապետը տիկնոջ հետ հանգստից տեսանյութ է հրապարակել

Ջրցաններ ու բարձր տրամադրություն. Երևանում նշում են Վարդավառը. տեսանյութ

Ազատի ջրամբարում 16-ամյա պատանի է ջրահեղձ եղել

Թուրքիայում անտառային հրդեհներն ավելի են մոլեգնել ռեկորդային շոգի պայմաններում. կրակը սպառնում է Բուրսային

Ուժեղացված հսկողությունից առաջ ՆԳ նախարարը հետևել է Փրկարար ծառայության և Ոստիկանության աշխատանքին. տեսանյութ

Իսրայելը վերսկսում է մարդասիրական օգնության օդային փոխադրումը դեպի Գազա

Արտաշատի խճուղում 34-ամյա վարորդը կորցրել է մոտոցիկլի կառավարումը և կողաշրջվել․ ուղևորը հոսպիտալացվել է

Թրամփը հիասթափված է, որ իր լավ շփումները Վլադիմիր Պուտինի հետ ոչնչի չեն բերում Ուկրաինայի հարցով. Ռուբիո

Դանակահարություն Աբովյանի «Հայփոստ»-ի հարևանությամբ․ հիվանդանոց են տեղափոխվել 16 և 19 տարեկան տղաներ

Կապանում ու Երևանի Շենգավիթ վարչական շրջանի մի շարք հասցեներում գործարկվելու են շչակներ

Մակրոնը և Էրդողանը քննարկել են Գազայում տիրող իրավիճակը

Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար

Անի Երանյանը շան հետ նոր ֆոտոշարք է հրապարակել

Իսրայելը կալանել է Գազա մարդասիրական օգնություն տեղափոխող հերթական նավը

Մեկ ամսում շան կծածից տուժած 9 քաղաքացի է դիմել Գորիսի ԲԿ

Ավտոբուսների վթարի հետևանքով տուժածները թեթև մարմնական վնասվածքներ ունեն

Երևանում հայտնաբերվել է տղամարդու դի․ մահվան պատճառը ձուկ բռնելիս էլեկտրահարվելն է եղել

Հիմա ո՜վ է հիշում՝ ինչպիսին էին Երևան-Բագրատաշեն, Վանաձորով, Դիլիջանով անցնող մայրուղիները. վարչապետ

Հայաստանում տոնում են Վարդավառը

Ջրափրկարարները Սևանա լճից դուրս են բերել քաղաքացիներին և շրջված մոտորանավակը

Երևանում բախվել են թիվ 3 և թիվ 57 երթուղիներն սպասարկող ավտուբուսները. կա 9 վիրավոր