Մեր նպատակն է՝ ճիշտ ինֆորմացիան հասցնել վարչապետին, որ նա ստիպված չլինի եթերում ապատեղեկատվություն ընթերցել

Պարոն վարչապետի դիմաց ապատեղեկատվություն էին դրել, եւ նա դա չիմանալով կարդում էր: Այսօր հրավիրված մամուլի ասուլիսում հայտարարեցին Ալեքսանդր Սպենդիարյանի անվան ազգային ակադեմիական թատրոնի աշխատակիցները: Օպերային թատրոնի անձնակազմը հերթական անգամ անդրադարձավ ՀՀ մշակույթի նախարարի պարտականությունները կատարող Նազենի Ղարիբյանի՝ Կոնստանտին Օրբելյանին տնօրենի պաշտոնից ազատելու հրամանին եւ ներկայացրած կետերին:

Նրանք մատնանշեցին նախարարության կողմից ներկայացված եւ Օրբելյանի ազատման հիմք հանդիսացող մի քանի կետեր, որոնք իրականությանը չեն համապատասխանում, ներկայացրեցին դրանց հակափաստարկները, խոսքը, մասնավորապես, թատրոնում հայտնաբերված 92 մլն խախտման մասին է:

Վերահսկիչ մարմինների հայտնաբերված 92 միլիոն դրամի խախտումը, որի մասին բարձրաձայնել էր մշակույթի նախարարի պաշտոնակատար Նազենի Ղարիբյանը, կատարվել է 2014-16 թվականներին: Թատրոնի դիրիժոր Հարություն Արզումանյանը նշեց, որ այդ ժամանակ Կոնստանտին Օրբելյանը ղեկավար պաշտոն չի զբաղեցրել, ըստ այդմ, այդ կետը ներկայացնել որպես հիմք՝ առնվազն անհեթեթություն է:

Պարզվում է, մշակույթի նախարարության կողմից վերոնշյալ 92 մլն-ի խախտումը վարչապետին է ներկայացվել առանց տարեթվի: «Սա որպես հիմք է դրված պարոն Օրբելյանի ազատման եւ ոչ ոք չի հարցնում՝ իսկ տարեթիվը ինչու չեք դրել: Խոսքը 2014-16 թվականների խախտումների մասին է, որը ստուգվել է 2017 թվականի փետրվարին, երբ պարոն Օրբելյանը ղեկավար չի եղել: Հիմա հարց՝ սա սուտ չէ՞, սա ապատեղեկատվություն չէ՞: Ես ձեզ բազմաթիվ կետեր եմ կարդում: Նույն հաջողությամբ այսօր ասենք, որ մեր վարչապե՞տն է մեղավոր նախկին կոռուպցիաների համար»,-ասաց Օպերային թատրոնի դիրիժոր Հարություն Արզումանյանը:

Երաժիշտ Լեւոն Ջավադյանը եւ Հարություն Արզումանյանը նկատեցին, որ Օպերային թատրոնը Հայաստանի ամենամեծ ՊՈԱԿ-ն է, բայց այստեղ ոչ մի խախտում չի եղել: «Օրբելյանը ոչ մի կոպեկի խախտում չի կատարել, այլ ընդհակառակը՝ ներդրումներ է կատարել»,-ասացին նրանք:

Դեռեւս մեկ ամիս առաջ վարչապետ Նիկոլ Փաշինյանի հետ ունեցած հանդիպումից հետո օպերային թատրոնը 12 էջի սահմանում իր հակափաստարկները ներկայացրեց վարչապետին՝ հիմնավորելով բոլոր իրավական հիմքերը Օրբելյանի գործուղումների, նրան վերագրվող ֆինանսական կորուստների եւ մի շարք այլ հարցերի առնչությամբ։ Անձանակազմը Նիկոլ Փաշինյանից դեռ որեւէ արձագանք չի ստացել: «Մենք պատրաստվում ենք նամակով նորից դիմել պարոն վարչապետին: Սպասում ենք, եթե դրական լուծում չլինի, երեւի անհրաժեշտություն կլինի դատարան դիմել»,-ասացին աշխատակիցները։

Աշխատակիցները վստահեցնում են, որ իրենց միակ շահագրգռվածությունն է, որ խնդիրը ճիշտ լուծվի, եւ ոչ ոք մոլորության մեջ չընկնի. «Մեր նպատակն է ճիշտ ինֆորմացիան հասցնել պարոն վարչապետին, որ նա ստիպված չլինի եթերում ընթերցել որոշ մարդկանց տրամադրած ապատեղեկատվությունները: Սա խայտառակություն է, որը անպատիժ չպիտի մնա»,-նկատեց Արզումանյանը:

Երաժիշտները հայտնեցին, որ տեղեկանքում նշվում է, որ Կոնստանտին Օրբելյանի կողմից բազմաթիվ աշխատողներ աշխատանքից ազատվել են ՀՀ օրենսդրության պահանջների խախտմամբ: «Այս կապակցությամբ ցանկանում ենք հայտնել, որ մինչեւ օրս աշխատանքից ազատված որեւէ աշխատող չի դիմել դատարան՝ աշխատանքում վերականգնվելու պահանջով եւ առկա չէ անձին աշխատանքի վերականգնելու վերաբերյալ որեւէ դատական ակտ»,-ասացին նրանք:

Նրանց խոսքով՝ ՀՀ մշակույթի նախարարության կողմից ներկայացված տեղեկանքում հղումներ են կատարվել բազում օրենքների՝ հիմնավորելու համար, որ Կոնստանտին Օրբելյանին առանց մրցույթի տնօրենի պաշտոնում նշանակելը հակասում է օրենքի պահանջներին: Սակայն, որևէ կերպ չեն նշել, թե որոնք են այդ խախտումները:

Կոնստանտին Օրբելյանի կողմից թատրոնում 3 հաստիք զբաղեցնելու հարցի վերաբերյալ հայտնում են, որ թատրոնի կառուցվածքի ու աշխատողների թվաքանակը հաստատելու վերաբերյալ թատրոնի տնօրենի կողմից 2018 թվականի դեկտեմբերի 20-ին ընդունված հրամանի համաձայն՝ թատրոնն ունի տնօրենի մեկ հաստիք, ինչպես նաեւ միայն մեկ հաստիք, որն անվանված է «գեղարվեստական ղեկավար-գլխավոր դիրիժոր»:

Թատրոնի տնօրենի պաշտոնակատարի 2017 թվականի օգոստոսի 3-ի թիվ 394-Ա հրամանի համաձայն՝ Կոնստանտին Օրբելյանը համատեղության կարգով նշանակվել է Թատրոնի գեղարվեստական ղեկավարի պաշտոնում ոչ լրիվ աշխատաժամանակով՝ 0.5 դրույքով: Կոնստանտին Օրբելյանը չի  զբաղեցնում Թատրոնի գլխավոր դիրիժորի պաշտոնը և չի իրականացրել գլխավոր դիրիժորի գործառույթներ:

Տպել
2639 դիտում

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը

Խաբեությամբ տիրացել են Օրբելյանի 600 000 ԱՄՆ դոլարին. ոստիկանությունը քննություն է սկսել

111 երթուղու փոխարեն կլինի 42-ը. ներկայացվել է հասարակական տրանսպորտի նոր ցանցի վերջնական նախագիծը

Տիգրան Ավինյանը մասնակցեց էներգետիկ արդյունավետությանը և կայուն զարգացմանը նվիրված կլոր սեղանին

Դավիթ Տոնոյանն ընդունել է Միացյալ Թագավորության կառավարության փորձագետներին