Լեռնագոգի համայնքապետը հայհոյել եւ հարվածե՞լ է քաղաքացուն (տեսանյութ)

Լուսանկարում Լեռնագոգի համայնքապետ Սարգիս Մարգարյանն է

Այսօր «Հայկական ժամանակ» օրաթերթին է դիմել Արմավիրի մարզի Լեռնագոգ համայնքի բնակիչ Թոռնիկ Արսենյանը: Արսենյանը պատմեց, որ իրենց բնակարանում մասնաբաժին ունի նաեւ իրենց հարսը եւ եղբոր մահից հետո՝ հետագայում ավելորդ կոնֆլիկտներից խուսափելու համար ինքը դիմել է համայնքապետարան, որպեսզի չափագրում անեն եւ նրան տան իր բաժինը: Նա պատմեց, որ խնդրանք է եղել համայնքապետին, որպեսզի խնդիրը կարողանան խաղաղ կարգավորել, համայնքապետարանի աշխատակիցները գան եւ չափագրում անեն:

«Մի անգամ ասացին՝ համայնքապետը մարզպետարանում է, մի անգամ ասացին՝ Բաղրամյան է գնացել: Մայիսի 30-ին մորս հետ գնացինք համայնքապետարան, ասացին՝ համայնքապետը տարածքում է, բայց համայնքապետարանում չէ: Դրանից հետո ես վերցրեցի համայնքապետ Սարգիս Մարգարյանի հեռախոսահամարը, զանգեցի նրան, Մարգարյանն ասաց՝ եթե մեքենայով ես, ես տանն եմ, արի մեր տուն: Գնացի իրենց տան տարածք եւ Սարգիս Մարգարյանը ոչ ադեկվատ պահվածք ցուցաբերեց: Ես իրեն, որ սկզբից դիմեցի, նա ասաց՝ ես արձակուրդի մեջ եմ, Ալեքսին դիմիր՝ համայնքապետարանի աշխատակից: Ես էլ ասացի՝ Մարգարյան ջան, եթե արձակուրդում էիր, ինչո՞ւ չասացիր, որ ես քեզ չանհանգստացնեմ: Ինձ ասում է՝ քեզ դալաժիտ ե՞նք անելու: Ասացի՝ դալաժիտ անելու բան չկա, ուղղակի քեզ չանհանգստացնեի»,- պատմեց Արսենյանը:

Արսենյանի խոսքով՝ դրանից հետո Մարգարյանն ասել է, որ ինքն իրեն չի կարող անհանգստացնել. «Ասում է՝ դու ինձ չես կարող անհագստացնել, դու շատ փոքր մարդ ես: Ասացի՝ փոքրն ու մեծը հետո կտեսնենք ու նստեցի մեքենան: Հետո նա նստեց մեքենան, հարվածեց ու հայհոյեց ինձ, ապա ասաց՝ քշիր գյուղից դուրս գանք: Վեճի էր տանում»,- ասաց Արսենյանը:

Դրանից հետո Արսենյանը գնացել է փոխմարզպետ Կարեն Գրիգորյանի մոտ: «Նա լսեց հարցը, ասաց, որ կկանչի առերեսման: Սա այնպիսի բան է, որ ամբողջ Հայաստանը պիտի իմանա»:

Արսենյանն ասաց, որ ոստիկանության Արմավիրի բաժնում չէին ուզում ոչինչ անել. «Ասացին՝ գնա ձեր Բաղրամյանի բաժնում գրիր: Հետո ասացի, որ ինձ փոխմարզպետն է խորհուրդ տվել դիմել: Գնացի դիմում տվեցի: Ես իրենց ասացի, որ երկար տարիներ է՝ այստեղ չեմ ապրել եւ մի քանի օրից էլի գնալու եմ: Բայց դեռեւս արձագանք չի եղել ոստիկանությունից»:

ՀԺ-ին չհաջողվեց կապ հաստատել Լեռնագոգի համայնքապետ Սարգիս Մարգարյանի հետ, քանի որ նրա հեռախոսահամարն ամբողջ օրն անջատված էր: Լեռնագոգի համայնքապետարանի աշխատակազմի քարտուղար Ալեքսանդր Դավթյանը մեր զրույցում ասաց, որ համայնքապետը արձակուրդի մեջ է: Դավթյանն ասաց, որ Թոռնիկ Արսենյանը շատ վատ վարքի տեր մարդ է. «Իր եղբայրը 9 ամիս է՝ մահացել է, 9 դրամի ոչինչ չի արել իր եղբոր գերեզմանի համար: Հիմա եկել ստից ասում է՝ գյուղապետը չգիտեմ ինչ»:

ՀՀ ոստիկանության ԶԼՄ-ների հետ կապի լրատվության եւ վերլուծության բաժնից ՀԺ-ին ասացին, որ գործով այս պահին նյութեր են նախապատրաստվում:

Արմավիրի փոխմարզպետ Կարեն Գրիգորյանն էլ մեր զրույցում ասաց, որ, որպես փոխմարզպետ, պետք է զրույց ունենա համայնքի ղեկավարի հետ՝ հասկանալու համար, թե որքանով է պատմությունն իրականությանը համապատասխանում, ինչն է խնդիրը եղել եւ ինչ հնարավոր լուծումներ կան դրա շուրջ:

Տպել
1538 դիտում

ԱՄՆ-ը լրացուցիչ պատժամիջոցներ է սահմանել Իրանի հետ կապված մի քանի ընկերությունների համար

«Արդշինբանկը» աննախադեպ ծավալի՝ 300 միլիոն դոլարի եվրոբոնդ է թողարկել, աննախադեպ ցածր 6.5 տոկոսով. վարչապետ

Ժամը 22:40-ի դրությամբ ՀՀ տարածքում կան փակ և դժվարանցանելի ավտոճանապարհներ. 5 մարզում ձյուն է տեղում. ԱԻՆ

Ելիզավետա 2-րդը ստորագրել է Brexit-ի մասին օրենքը. հաջորդ շաբաթ Մեծ Բրիտանիան կլքի ԵՄ-ն

Հայկ Մարությանը գնացել է Մկրտիչ Արզումանյանի ներկայացմանը (լուսանկարներ)

Lexus RX 350-ի վարորդը Երեւանում վրաերթի է ենթարկել հետիոտնին. կինը տեղում մահացել է

Գողություն Ախթալայում. բերման է ենթարկվել նույն գյուղի 57-ամյա մի բնակիչ (տեսանյութ)

Ինձ համար հայտնաբերեցի մեծաքանակ վախեցած երաժիշտների, զգուշավոր արվեստագետների եւ անհաղորդ հայրենակիցների. Հասմիկ Պապյան

Գողացել են Սպանդարյան կայարանի գնացքի ռելսերի ամրակները

«Աստղիկ» ԲԿ-ն նախապատրաստվում է 3-րդ լյարդի փոխպատվաստմանը, պացինետների վիճակը լավ է

Արփինե Հովհաննիսյանը սահմանադրական բարեփոխումների մասնագիտական հանձնաժողովում ընդգրկվելու հայտ է ներկայացրել

Վերանորոգվում է Վարդենիսի Սուրբ Աստվածածին եկեղեցու զանգակատունը, որը 100 տարի եղել է կիսակառույց վիճակում

«Կանաչ ֆինանսավորման գործիքների ընդլայնումը ՀՀ-ում» դրամաշնորհային ծրագրի ֆինանսավորումը հաստատվել է

Նիկոլ Փաշինյանի «Երկրի հակառակ կողմը» կթարգմանվի մակեդոներեն. թարգմանության ցանկում է եւս 15 հեղինակ

2020 թվականին Շիրակի մարզը 2 նոր փրկարարական ջոկատ կունենա

Ալավերդու պղնձաձուլարանի աշխատակիցները բողոքի ցույց են արել. պահանջում են 3 ամսվա աշխատավարձն ու վերջնահաշվարկ

Շրջակա միջավայրի նախարար Էրիկ Գրիգորյանն ընդունել է ԵՄ պատվիրակությանը

Ակունքում հրդեհ է բռնկվել. դեպքի վայր է մեկնել երկու մարտական հաշվարկ

Զոհրաբ Մնացականյանը հանդիպել է Նիդերլանդների Թագավորության արտաքին գործերի նախարար Ստեֆ Բլոկին. ԱԳՆ

Զինհաշմանդամ մարզիկները Գերմանիայում մասնակցում են անցկացվող ուսումնամարզական հավաքին. ՊՆ