Քոչարյանի կալանքը փոխելով՝ դատարանը թույլ է տվել դատական սխալ. մեղադրողը խնդրեց բեկանել այդ որոշումը

ՀՀ Վերաքննիչ քրեական դատարանում՝ դատավոր Արմեն Համլետի Դանիելյանի նախագահությամբ, այժմ բողոքներով հանդես են գալիս մեղադրող դատախազները:

Մասնավորապես, մեղադրող դատախազ Պետրոս Պետրոսյանը հայտարարեց, որ Երեւան քաղաքի ընդհանուր իրավասության դատարանը սույն թվականի մայիսի 18-ի որոշումը կայացնելով՝ թույլ է տվել դատական սխալ՝ դատավարական իրավունքի այնպիսի խախտումներ, որն ազդել է գործի ելքի վրա:

Մեջբերելով դատական ակտից հատվածներ՝ Պետրոս Պետրոսյանը նշեց, որ թեեւ դատարանը կասկածի տակ չի դրել գործով ձեռք բերված փաստական տվյալներով Քոչարյանին ՀՀ ՔՕ 300.1 հոդվածի 1-ին մասով մեղսագրված արարքների կատարմանը նրա առնչության հիմնավոր կասկածը, սակայն, ըստ դատախազի՝ ակնհայտորեն, առանց պատճառաբանության դատավորը միտք է արտահայտնել առ այն, թե իբր առկա են որոշակի կասկածներ Քոչարյանին վերագրված այդ արարքի սահմանադրականության հարցը հետագայում ստուգելու առումով։ «Դատարանի նման հետեւությունը չի համապատասխանում դատական ակտի պատճառաբանության չափանիշին, քանի որ 300.1 հոդվածի 1-ին մասի սահմանադրականության հետ կապված որեւէ փաստարկ դատարանի կողմից չի բերվել, բացի այդ, գործով ձեռք բերված փաստական տվյալներով՝ դատարանն այլեւս չէր կարող կասկածներ հարուցել այդ հոդվածի սահմանադրականության հետ կապված, քանի որ այդ կերպ դատարանը հիմնավոր կասկածի գնահատման տիրույթում կիրառել է 300.1 հոդվածը»,-ասաց բողոքաբերրը։

Դատախազը, մանրամասնորեն վերլուծելով առաջին ատյանի դատարանի որոշման պատճառաբանական մասը, նկատեց, որ դատարանը ընդհանրապես ուշադրության չի արժանացրել սույն գործի բարդությունը, դեպքից շուրջ 10 տարի անց հանցակցությամբ կատարված առանձնապես ծանր հանցագործությունների բացահայտման գործում ծավալված դատավարական միջոցառումների իրականացման դժվարությունները, ապացույցների հավաքագրման գործընթացում վարույթն իրականացնող մարմնի ցուցաբերած ջանասիրությունը: Ըստ դատախազի՝ դատարանը բացարձակ ուշադրության չի արժանացրել այն էական հանգամանքը, որ մեղադրյալին մեղսագրված արարքների շրջանակում ապօրինաբար կյանքից զրկվել են 10 անձինք, որոնց հանգամանքների բացահայտումը սույն միասնական գործի շրջանակնեում ակտիվորեն իրականացվել եւ ներկայումս էլ անջատված մասով շարունակվում է: «Դարձյալ որեւէ ուշադրութան չի արժանացվել մեղադրյալին մեղսագրված արարքների կատրաման հանգամանքներին՝ հատկապես կախված այդիպիսիք բացահայտելու հեռանկարը առավելագույնս բացառելու, հնարավոր հետքերը թաքցնելու ուղղությամբ դրսեւորած համակողմանի վարքագիծը: Մասնավորապես՝ սահմանադրական կարգի տապալմանն ուղղված գործողությունների ընթացքում մերձավոր շրջապատի թիկնազորի անդամներին կամ վստահելի, այդ թվում՝ հանցավոր հեղինակություն ունեցող անձանց ինքնությունը դեպքերի մասնակցության իրական շարժառիթները քողարկելու նպատակով զինվորական համազգեստով հանդերձավորելը, զինծառայողների համազգեստի տարբերանշներն ու զինվորական համարանիշները փոփոխելու, իսկ դեպքից անմիջապես հետո դեպքի «բացահայտման» գործողությունները ըստ էության ճիշտ հակառակը դեպքի իրական հանգամանքները թաքցնելուն ծառայեցնելը, դեպքի վայրից հայտնաբերված պարկուճները փոխելը, ՀՀ նախագահի օգնականների անմիջական մասնակցությամբ բանակի ներգրավման հանգամանքները, ոստիկանության ծառայողների գործողությունների իրական շարժառիթը թաքցնելու նպատակով ձեռնարկված գործողությունները եւ այլն: Նույն համատեքստում դատարանը բացարձակ ուշադրություն չի դարձել այն կարեւոր առանձնահատկությանը, որ սույն գործի հանգամանքների վերաբերյալ տեղեկություն ունեցող անձինք հիմնականում մեղադրյալի անմիջական ենթականեր են հանդիսացել, ովքեր տեւական ժամանակ կախվածություն են ունեցել վերջինիցս, կամ այդ անձանց ճնշող մեծամասնության մասնակցությունը քրեաիրավական գնահատման հեռանկար ունի, որպիսի պայմանները էականորեն դժվարություններ են ստեղծում լրիվ, օբյեկտիվ եւ բազմակողմանի քննության համար՝ ինքնին հարուցելով լուրջ խոչընդոտներ: Թվարկված դատարանի ուշադրության չարժանացած հանգամանքները ողջամտորեն վտանգներ են ստեղծում մեղադրյալի եւ դեպքի վերաբերյալ տեղեկություն ունեցող վերը նշված անձանց միջեւ ամենատարբեր ձեւերով շփումների, պայմանավորվածությունների համար:

Վերոգրյալի հաշվառմամբ քրեական վարույթն իրականացնող մարմինց թաքնվելու եւ գործով անցնող անձանց վրա անօրինական ազդեցություն գործադրելու միջոցով, արդարադատության իրականացմանը խոչընդոտելու բարձր ռիսկերի առկայության պայմաններում մեղադրյալ Քոչարյանի նկատմամբ ազատության հետ չկապված որեւէ խափանման միջոց, այդ թվում՝ անձնական երաշխավորությունը, գործուն երաշխիք համարվել չեն կարող»,- մանրամասնեց Պետրոս Պետրոսյանը՝ արձանագրելով, որ առաջին ատյանի դատական ակտը չպատճառաբանված է եւ ոչ հիմնավոր:

Ավարտելով բողոքը՝ Պետրոս Պետրոսյանը խնդրեց դատարանին՝ ամբողջությամբ բեկանել առաջին ատյանի դատարանի որոշումը, կայացնել նոր դատական ակտ եւ մեղադրյալ Քոչարյանի նկատմամբ որպես խափանման միջոց ընտրել կալանավորումը:

Տպել
2879 դիտում

Արարատի մարզում սեպտեմբերի 1-ին 5 նոր նախակրթարան կբացվի

Հայաստանի և ԱՄՆ-ի ամուր գործընկերային հարաբերությունները մշտապես աչքի են ընկել փոխադարձ վստահությամբ. Արմեն Սարգսյան

Հայաստանում Ղազախստանի Դեսպան Տ. Ուրազաևի հոդվածը «Հայկական ժամանակ» թերթի համար. «Ղազախստանյան մոդելի» ճարտարապետը»

Արցախը հետամուտ է բռնազավթված տարածքների օկուպացիայի դադարեցմանն ու ԱՀ տարածքային ամբողջականության վերականգնմանը

Անցած 7 օրում հակառակորդը հրադադարի ռեժիմը խախտել է 200 անգամ, արձակել՝ 2000 կրակոց

«Միասին երեխաների համար». հուլիսի 4-ին կկայանա բարեգործական համերգ՝ նվիրված քաղցկեղ ունեցող երեխաներին

Զոհրաբ Մնացականյանն ԱՀ նախագահի հետ քննարկել է արտաքին քաղաքական մարտահրավերներին վերաբերող հարցերի լայն շրջանակ

Կեցցե՛ հայ-ամերիկյան բարեկամությունը. ԱԳ նախարար Զոհրաբ Մնացականյանն ԱՄՆ անկախության տոնի առիթով տեսաուղերձ է հղել

Մեր կառավարության համար այս ուղղությունը ոչ թե ուղղակի առաջնահերթություն է, այլ առաջնահերթությունների առաջնահերթություն

Նիկոլ Փաշինյանը շնորհավորական ուղերձ է հղել Դոնալդ Թրամփին՝ ԱՄՆ Անկախության օրվա առիթով

Ունենք ԶՈւ զարգացման բավականին լավ տեմպ եւ որակ. Նիկոլ Փաշինյանը հանդիպել է ՊՆ եւ ԶՈՒ ղեկավար կազմի հետ (տեսանյութ)

Հաղարծինի մոտ 1 կմ-ոց ճանապարհահատվածը լուսավորվեց գերժամանակակից լուսատուներով. Սիփան Փաշինյանը տեսանյութ է հրապարակել

Մեկնարկել է ՀՀ ԱԳ նախարար Զոհրաբ Մնացականյանի աշխատանքային այցն Արցախ

Սևանում ԱԻՆ ջրափրկարարները վերսկսել են կորած քաղաքացու ստորջրյա որոնողական աշխատանքները

Հաստատվել է կորոնավիրուսի 580 նոր դեպք, թիվը հասել է 27900-ի, ապաքինվել է 451, մահացել՝ 8 քաղաքացի

ԿԳՄՍ նախարարն այցելել է Արտաշատի թիվ 1 հիմնական դպրոց. հետևել քննական գործընթացի կազմակերպմանն ու ընթացքին (տեսանյութ)

Հրդեհներ են բռնկվել ՀՀ տարբեր մարզերի խոտածածակ տարածքներում. այրվել է մոտ 21.1 հա տարածք

Մահացել է ՀՊՏՀ նախկին ռեկտոր Գրիգոր Կիրակոսյանը

ՀՀ տարածքում ավտոճանապարհներն անցանելի են, Լարսը բաց է միայն բեռնատարների համար

Հինգերորդ զորամիավորումում անցկացվել է մարտավարական զորավարժություն