Պետբյուջեի կատարողականում տեսնում ենք ալարկոտություն եւ հարմարվողականություն․ Արման Բաբաջանյան

Ազգային ժողովում շարունակվում են 2018 թվականի բյուջեի կատարողականի քննարկումները։ «Լուսավոր Հայաստան» խմբակցության պատգամավոր Արման Բաբաջանյանը բյուջեի կատարողականը համարում է մի փաստաթուղթ, որն առնվազն կիսով չափ է հեղափոխական կառավարության գործունեության գնահատականը․

«Այս կատարողականով փորձում ենք հասկանալ, թե ինչ է արել գործող կառավարությունը 2018 թվականի երկրորդ կիսամյակում եւ հետեւելով դրան՝ ինչ է պատրաստվում անել առաջիկայում։ Մենք սրանով գնահատում ենք ապագայի տեսլականն ու անելիքները։ Անցյալին, ներկային ու ապագային միավորողը ժամանակն է՝ ամենաթանկ ռեսուրսը։ Ես ուզում եմ, որ բյուջեի այս կատարողականին մենք մոտենանք ժամանակի պրիզմայով»,-ասաց Բաբաջանյանը՝ հնչեցնելով հարցեր՝ ինչ ենք ստացել եւ ինչ ենք կորցրել նախորդ տարվա ընթացքում․

«Սրանք հարցեր են, որոնց պատասխաններն արտացոլված չեն կատարողականի թվային ցուցանիշներում։ Այս հարցերի շարքում ավելի կարեւոր է մեկ այլ հարց․ ինչ կարող էինք անել, որ չենք արել ու չենք ստացել անցած տարվա ընթացքում։ Այս հարցերը վերաբերում են կորսված հնարավորություններին, որոնք կորսվել են անդառնալիորեն»։

Ըստ պատգամավորի՝ նախորդ տարվա ընթացքում ստեղծված մեկ միավոր բարիքը այսօր դառնալու էր տասը միավոր, վաղը՝ հարյուր։ Այսինքն, պատգամավորի պնդմամբ, մենք անցած տարվա չարվածով կորցրել ենք ոչ թե տասը, այլ հարյուր միավոր․

«Սրանով է ժամանակի առանձնահատկությունը։ Այսինքն՝ անցյալում կառավարության առանձին գերատեսչությունների ապաշնորհությունը ներկայում եւ ապագայում երաշխավորում է բազմապատիկ կորուստներ, որոնք այլեւս հնարավոր չէ հետ բերել։ 2018-ին մեր ժողովուրդը համախմբվել է չափազանց մեծ հույսերով, բայց դրանք կարող են հակառակ էֆեկտ ունենալ, եթե դրանք չեն դառնում հանապազօրյա աշխատանք եւ ջանք։ Ահա դա չենք տեսնում կատարողականում, այն հայեցակարգը, որը մարդկանց հույսերը պետք է վերածեր հանրային բարիքի։ Փոխարենը տեսնում ենք արատավոր անցյալի իներցիա, ալարկոտություն եւ հարմարվողականություն։ Առանց ոլորտային հայեցակարգերի՝ մենք ոչ մի դեպքում չենք կարող կյանքի կոչել մարդկանց ակնկալիքները։ Հենց դրանց հաջորդ փուլը պետք է լինի պետականաշինությունը, քանի որ ավելի քան 20 տարի մենք ըստ էության չենք ունեցել պետություն, մենք ունեցել ենք համակարգ, որը կեղեքել է պետական ու հանրային բարիքը, պետության փոխարեն ունեցել ենք ոչ ֆորմալ, հոռի, քրեական բարքերի հիման վրա կառուցված համակարգ, որը ստանձնել էր պետության դերն ու գործառույթը՝ իրականում ավերելով այն ամենն, ինչ կապված է պետության հետ»։

Արման Բաբաջանյանն ընդգծեց, որ այսօրվա մեր հրամայականն ու անելիքը պետականաշինությունն է՝ բառի ուղիղ եւ փոխաբերական իմաստներով․

«Դրա համար պետք է կրկին հիշենք ժամանակի մասին, պետք է շտապել՝ ոչ թե արագ լինելու, այլ արդյունավետ, եւ նույնիսկ գերարդյունավետ օգտագործելու նպատակով»։

Տպել
1241 դիտում

Հայաստանը հավատում է իր ապագային. երկիրը գրավիչ է դառնում շվեյցարացի զբոսաշրջիկների համար

Հայաստանն ու Բրիտանիան քննարկում են համատեղ կրթական ֆորումի կազմակերպման հարցը

Կառավարության նպատակն է պետական գնումների համակարգը դարձնել ճկուն. վարչապետ

Ֆելիքս Ցոլակյանն այցելել է Սևանա լճի լողափեր

Մի քիչ սպասեք՝ կիմանաք. դատավոր Դավիթ Գրիգորյանը՝ Քոչարյանի քրգործի ու իր աշխատասենյակի խուզարկության կապի մասին

Առաջիկա 5 օրը հրդեհների վտանգը բարձր է լինելու. ԱԻՆ-ը զգուշացնում է

«ՄՈՒԼՏԻ ԳՐՈՒՊ ԿՈՆՑԵՌՆ»-ի պաշտոնատար անձիք տուգանվել են. Տեսչական մարմինը խախտումներ է հայտնաբերել Աբովյան քաղաքում

Կայացվեցին ռազմավարական նշանակության որոշումներ. Փաշինյանը՝ պետական գնումների մասին (տեսանյութ)

ԱՄՆ-ի Կապիտոլիումի գմբեթի ներքո հնչել է հայ եկեղեցական աղոթքը

Տառապում եմ. վրացի լրագրող Գաբունիան դարձել է Մարիա Զախարովայի արցունքների պատճառը

Խուզարկություն դատավոր Դավիթ Գրիգորյանի աշխատասենյակում. ՀՔԾ-ն հաստատում է

Կորել են Մուսայելյան գյուղի նախրապանի կինն ու խորթ աղջիկը

Գեթ 1 անգամ, 1 ծառ անօրինական հատելը պետք է բացառվի. Իջեւանի անտառտնտեսության տնօրեն

Իրանի հետ պատերազմն «աղետ» կդառնա. Պենտագոնի ղեկավարի թեկնածու

Վաշինգտոնում տեղի է ունեցել Առաջնորդների ֆորումը. մասնակցել է Արարատ Միրզոյանի գլխավորած պատվիրակությունը

Ես Գավրիլովը չեմ. ռուսները ցույց են անում Թբիլիսիում (լուսանկարներ)

Արսեն Օհանյանը ներկայացրել է, թե ինչ է արել Սոցիալական ապահովության ծառայության պետի տեղակալի պաշտոնում

Էլեկտրաէներգիայի վթարը ռեժիմի կառավարման ընթացքում էր եղել, որեւէ արտաքին ազդեցություն չի եղել. Բադալյան

Շուրջ 320 անվանում 3.000 տուփ. բացահայտվել է մեծ քանակությամբ դեղորայքի ապօրինի ներմուծման և իրացման դեպք. ԱԱԾ

Մտածում էի, որ հանրային հեռարձակողի նախագահը վերջապես ընտրյալ է․ Տիգրան Պասկևիչյանի բաց նամակը