Պարապլաներային սպորտ եւ Ռաֆթինգ. արկածային տուրիզմի նկատմամբ հետաքրքրությունն աճում է

Ադրենալին, էքստրեմալ ու սուր զգացողություններ. Հայաստանում զարգանում են արկածային տուրիզմն ու էքստրեմալ սպորտաձեւերը:

Այս մարզաձեւերը ոչ միայն գրավում են տարբեր զբոսաշրջիկների՝ ճանաչելու Հայաստանը, այլեւ սկսում են սիրվել տեղացիների կողմից: Այն կարծես միջոց է՝ նոր բացահայտումներ անելու, եւ այսօր Հայաստանը պարապլանով թռիչք իրականացնող լավագույն երկրների շարքում է: Պարապլաներային սպորտի ֆեդերացիայի նախագահ Արմեն Սարգսյանի խոսքով՝ դա պատահական չէ, քանի որ այստեղ եղանակը բարենպաստ է. արեւը շատ է, քամիները՝ քիչ:

Եթե երբեւէ չեք փորձել, ապա նախնական պատրաստվածություն պետք չէ, թռիչքն իրականացվում է փորձառու օդաչուի հետ միասին:

Պարապլանը, որը հաճախ շփոթում են օդապարիկի հետ, սավառնակ է, (պլաներ), որով կարելի է թռչել:

Բարձունքից թռիչքները տեւում են մինչեւ 20 րոպե: Արմեն Սարգսյանի խոսքով՝ հատուկ դեպքերում՝ մինչեւ մեկ ժամ, սակայն մրցումների ժամանակ՝ այս սպորտաձեւով զբաղվող մարզիկները կարող են 6-ից մինչեւ 7 ժամ կամ ավելի թռչել՝ կախված եղանակային պայմաններից: Հայաստանում թեեւ ամենաշատը բարձրացել են ծովի մակերեւույթից մինչեւ 5400 մետր, սակայն աշխարհում թվերն ավելի բարձր են, մինչեւ իսկ Էվերեստի գագաթից են թռչում:

Ֆեդերացիայի նախագահը նշեց, որ Հայաստանում եւս հնարավոր է ավելի բարձրից թռչել, ուղղակի անհրաժեշտ է ճիշտ պահը, եղանակը հարմարեցնել:

Այստեղ այն սոսկ զբաղմունք չէ. մի քանի տարի է՝ իրականացվում են մրցումներ։ 2015 թվականին ռուսական գավաթի առաջին միջազգային մրցույթն էր: 2017 թվականին արդեն անցկացվեց պարապլաներային սպորտի Աշխարհի նախագավաթը: Արմեն Սարգսյանի խոսքով՝ այն 3 անգամ անցկացնելու դեպքում մեր երկրում հնարավոր է կազմակերպել Աշխարհի գավաթի խաղարկությունը:

«2008 թվականից շատ ակտիվ զբաղվում եմ այս սպորտաձեւով՝ աշխարհում Հայաստանի ճանաչելությունը բարձրացնելու նպատակով»,-նշեց Արմեն Սարգսյանը՝ հավելելով, որ զբոսաշրջիկներին այս սպորտաձեւը շատ է հետաքրքրում։ Նրանք հիմնականում Գերմանիայից, Շվեյցարիայից, ֆրանսիայից եւ Ավստրիայից են գալիս:

Վեդի, Սեւան, Ապարան, Դիլիջան, Իջեւան. թռիչքներն իրականացնում են ամբողջ Հայաստանում՝ սակայն հիմնականում Երեւանին մոտ տարածքներում:

Այն հարցին՝ արդյոք սպորտաձեւը հետագա տարիների ընթացքում այնքան կզարգանա՞, որ զանգվածային բնույթ ունենա Հայաստանում, պարապլաներային սպորտի ֆեդերացիայի նախագահը դժվարացավ պատասխանել, ասաց՝ սոցիալական խնդիրների հարց է, այդ մշակույթը պետք է ձեւավորվի:

«rafting.am Armenia» ընկերության հիմնադիր Լիլիթ Ասատրյանն էլ կարծիք հայտնեց, որ ռաֆթինգը Հայաստանում զարգացման լուրջ հեռանկարներ կունենա, եթե երկիրը գնա ճիշտ ուղով, ճիշտ քաղաքականությամբ եւ գետերի վրա ՀԷԿ-եր չկառուցվեն:

Ռաֆթինգը՝ լեռնային գետերի հոսանքի ուղղությամբ ռետինե նավակով թիավարումը, ըստ Լիլիթ Ասատրյանի, էքստրեմալ սպորտաձեւ լինելուց բացի, զբոսաշրջային շատ լավ միջոց է ամբողջ աշխարհում: Առաջին անգամ փորձողների համար՝ պատրաստվածություն այս անգամ էլ պետք չէ: Կարեւոր է, որ չլինեն առողջական խնդիրներ սրտի հետ կապված, վախ, եւ լինեն 8 տարեկանից բարձր:

Սակայն զգուշանալ եւ անվտանգության կանոնները պահպանել պետք է, այնուամենայնիվ, ռաֆթինգի բարդությունից կախված վտանգներ կան, չնայած որ մեր գետերը շատ ջրառատ չեն:

Միջազգային մակարդակում 6-ից 6+-ը համարվում է ամենաբարդը: Դեբեդ գետի վրա կա հատված՝ 2-րդ մակարդակի, որը լավ է երեխաների համար, մինչեւ 4-րդ մակարդակ կարող է լինել, որը մեր իրականության մեջ արդեն էքստրեմալ է: Շրջվելու հավանականությունը մեծանում է, ռիսկերն են ավելանում:

Թեեւ տեղացիները վերջերս են լսել ռաֆթինգի մասին, զբոսաշրջիկները վաղուց էին հետաքրքրվում:

«Մենք ունենք այցելուներ, որոնք Հայաստան են գալիս՝ ռաֆթինգի համար, հետո օգտվում են այլ ծառայություններից»,-ասաց Լիլիթ Ասատրյանը՝ ավելացնելով, որ հյուրերը Ռուսաստանից, Ֆրանսիայից, Գերմանիայից, Հոլանդիայից, Նիդերլանդներից եւ Իրանից են:

«rafting.am Armenia» ընկերության հիմնադիր Լիլիթ Ասատրյանի խոսքով՝ գաղափարը վերջին տարիների չէ, իրականացնելու համար ավելի քան 10 տարի են զբաղվել: Այսօր արդեն կազմակերպվել է Հայաստանի ռաֆթինգի առաջին առաջնությունը:

«rafting.am Armenia»-ն Հայաստանի երիտասարդ կանանց ասոցիացիայի սոցիալական ձեռնարկության բաղադրիչներից մեկն է: Այն իրականացվում է Ինտեգրված Գյուղական Զբոսաշրջության Զարգացում ծրագրով, որը ֆինանսավորվում է Ռուսաստանի Դաշնության կողմից եւ իրականացվում ՄԱԿ-ի Զարգացման Ծրագրի կողմից՝ ՀՀ տարածքային կառավարման եւ զարգացման նախարարության հետ համատեղ:

Այս սպորտաձեւի շրջանը սկսում է ապրիլ ամսվա վերջից մինչեւ հոկտեմբեր կամ ավելի երկար՝ այդ տարվանից կախված:

«Ռաֆթինգով զարգացնում ենք շրջակա միջավայրը, տուրիզմը, համայնքները, ստեղծում ենք աշխատատեղեր»,-ընդգծեց Լիլիթ Ասատրյանը՝ հավելելով, որ մարզիչները տեղացիներ են:

Սպորտաձեւն իրականցվում է Դեբեդի տարբեր հատվածներում՝ ձգվելով 12-ից մինչեւ 14կմ՝ կախված այցելուի պահանջներից:

Տպել
684 դիտում

Հանրապետականներն այդպես էլ ոչինչ չեն հասկացել

Դիլիջանի բաժին տեղափոխված «ֆորդի» սրահում մարիխուանայի տարբեր քաշերով զանգվածներ էին (տեսանյութ)

Զարեհ Սինանյանը Փարիզի հայկական վարժարանի վրա հարձակումը վանդալիզմ է որակել

Հնդկաստանը դադարեցրել է ռազմական արտադրանքի արտահանումը Թուրքիա

Գորիս-Որոտան ավտոճանապարհին մեքենա է կողաշրջվել

Փոխվարչապետ Տիգրան Ավինյանը հանդիպել է Վրաստանի էկոնոմիկայի ու կայուն զարգացման նախարարին

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է (տեսանյութ)

Սուրեն Պապիկյանի գլխավորությամբ կայացել է Լոռու մարզխորհրդի նիստ

Ներկայացված մեղադրանքը որեւէ աղերս իրականության հետ ունենալ չի կարող․ Արսեն Բաբայանի պաշտպան

Այսօրվանից մի շարք խոշոր հիվանդանոցներում առողջապահության նախարարությունը ունենալու է մշտական ներկայացուցիչներ. նախարար

ԵՊՀ-ի՝ հաշմանդամություն ունեցող ուսանողներին աջակցություն կտրամադրվի. դրա համար կընդունվեն հատուկ աշխատակիցներ

Քլոե Քարդաշյանը հայկական զինանշանով վզնոց է կրել (լուսանկար)

Կարմրուկով վարակված երեխան շարունակում է մնալ հոսպիտալացված. հիվանդությունը երբեմն շատ վտանգավոր կարող է լինել

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան

Գազամատակարարման պլանային ընդհատումներ են սպասվում Գեղարքունիքում և Տավուշում

Հարձակում է եղել Փարիզի հայկական վարժարանի վրա