Հարգելի՛ դատավոր, Դուք «դռների տակ վնգստացող դատավորների» ցուցակո՞ւմ եք․ Ռոբերտ Քոչարյանի պաշտպան

Հարգելի՛ դատավոր, մենք ուզում ենք ձեզ ինքնաբացարկի միջնորդություն ներկայացնել, բայց մինչ այդ ուզում ենք հասկանալ՝ Դուք վարչապետի հայտարարած «դռների տակ վնգստացող դատավորների» ցուցակո՞ւմ եք, թե՞ ոչ։ Երեւան քաղաքի ընդհանուր իրավասության դատարանի Շենգավիթի նստավայրում Ռոբերտ Քոչարյանի խափանման միջոց կալանքը գրավով փոխարինելու միջնորդությունը մերժելու որոշման հրապարակումից հետո այսպիսի հայտարարությամբ հանդես եկավ Ռոբերտ Քոչարյանի պաշտպան Հայկ Ալումյանը՝ դիմելով նախագահող դատավոր Աննա Դանիբեկյանին։

Ալումյանի պնդմամբ՝ խափանման միջոցի հետ կապված թե՛ նախորդ դատական նիստում դատարանի հրապարակած որոշումը եւ թե՛ այս որոշումը կայացվել են դատարանի նկատմամբ բիրտ, բացահայտ, աննախադեպ ճնշումների ազդեցության տակ․

«Դատարանն այսպիսով դարձել է գործիք՝ պարոն Քոչարյանի նկատմամբ քաղաքական հետապնդումների համար։ Այսօր դատարանը գործում է որպես գործադիր իշխանության գործիք։ Ակնհայտորեն ձեզ զրկել են ձեր սեփական կամքից, եւ դուք հիմա էստեղ գործում եք ընդամենը դատարանի տեսքով, բայց ոչ բովանդակությամբ, այստեղ բովանդակային առումով դատարան գոյություն չունի։ Մեր պաշտպանյալը ՀՀ-ում զրկված է դատարանի իրավունքից՝ դրանից բխող բոլոր հետեւանքներով հանդերձ»,- ասաց Ալումյանը։

Նա հայտարարեց, թե դատարանի նկատմամբ հերթական ճնշումներից մեկի ժամանակ ՀՀ վարչապետը հայտարարել է, որ դատական համակարգում գոյություն ունեն «դռների տակ վնգստացող դատավորներ», եւ որ այդ հանգամանքը իր հրապարակային ելույթներից մեկում հաստատել է նաեւ Բարձրագույն դատական խորհրդի նախագահ Ռուբեն Վարդազարյանը։

Դիմելով նիստը նախագահող դատավոր Աննա Դանիբեկյանին՝ Ալումյանն ասաց, որ իրենք պատրաստվում են դատավորին միջնորդել, որ ինքաբացարկ հայտնի․

«Եւ, ի թիվս այլ հանգամանքների, որոնք կապված են լինելու իրենց միջնորդության հետ, քանի որ պարոն Վարդազարյանն ասաց, որ այդ «վնգստացող դատավորներ»-ին դատական համակարգում գիտեն, բայց հանրությունը կոնկրետ չգիտի, եւ ես այսօր համապատասխան նամակով դիմել եմ պարոն Վարդազարյանին, որ ինքն ինձ տրամադրի «դռների տակ վնգստացող» դատավորների ցուցակը, բայց նախքան դա կուզեի ձեզնից ճշտել, հարգելի՛ դատարան, դուք անձամբ այդ ցուցակի մեջ կա՞ք՝ «դռների տակ վնգստացող» դատավորների ցուցակի»,- երկու անգամ այս արտահայտությունը շեշտեց Ալումյանը։

Դատավորը թեեւ Ալումյանին հորդորեց զերծ մնալ հայտարարություններից, որոնք կարող են գնահատվել որպես դատարանի նկատմամբ անհարգալից վերաբերմունք եւ հանգեցնել դատական սանկցիայի կիրառման, սակայն Ալումյանը շարունակեց նույն հեգնական տոնով․

«Հիշեցնեմ, որ դուք չէիք վիրավորվում, երբ այդ բանն ասում էր վարչապետը, դուք վիրավորված լինելու նշաններ չեք տվել, երբ դա ասել է ԲԴԽ նախագահը, ես անձամբ ձեզ կամ որեւէ մեկին վնգստացող դատավոր չեմ անվանում, բայց ԲԴԽ նախագահը հրապարակայնորեն հայտարարել է, որ այդպիսի դատավորներ կան եւ դատական համակարգում նրանց անունները հայտնի են: Մեզ հայտնի չեն, մենք ուզում ենք ճշտել, բա մենք չիմանա՞նք՝ ում մասին է, մենք մտավախություն ունենք, որ կարող է ձեր մասին է»։

Դատավորի եւ Ալումյանի «բանավեճ»-ն ընդհատեց պաշտպան Միհրան Պողոսյանը՝ փորձելով առարկել դատավորի գործողությունների դեմ, սակայն դատավորը նրան թույլ չտվեց։ Պողոսյանը պնդեց, որ դատավորն իրեն արգելում է առարկել դատավորի անօրինական գործողությունների դեմ՝ այդպիսով իր պաշտպանյալ Յուրի Խաչատուրովին զրկելով արդար դատաքննության իրավունքից։ Դատարանն ասաց, որ Պողոսյանը կարող է դիրքորոշում հայտնել միայն Ալումյանի խոսքի ավարտից հետո եւ թույլ չտվեց շարունակել։

Ալումյանը, խոսելով իրենց միջնորդության մասին, կրկին հարցրեց․

«Մենք ունենք միջնորդություն, որ ինքնաբացարկ հայտնեք, մնացած հանգամանքներից բացի, ուզում ենք ճշտել՝ մեկն եք այն դատավորներից, որոնց մասին ասել է վարչապետը»։

Դատավորը կրկին ասաց, որ Ալումյանն անհարգալից վերաբերմունք չցուցաբերի, հակառակ դեպքում սանկցիա կկիրառվի, իսկ Ալումյանը հեգնական արձագանքեց․

«Ա՜խ, դա անհարգալից վերաբերմո՞ւնք է, բա ինչո՞ւ չեք վիրավորվել ԲԴԽ նախագահի հայտարարությունից»։

Պաշտպանական կողմն ինքանաբացարկի միջնորդություն ներկայացնելու համար մեկ աշխատանքային օր ժամանակ խնդրեց՝ ասելով, որ դատարանի կամայականությունները հիմք են տալիս պնդելու, որ դատավորն ի վիճակի չէ իրականացնելու արդարադատություն եւ դատավորը գտնվում է այն կողմում, որը քաղաքական հետապնդում է իրականացնում Քոչարյանի հանդեպ։ Դատավորն ասաց, որ նիստը կշարունակվի հոկտեմբերի 7-ին:

Տպել
4916 դիտում

Փրկարարները ճանապարհից հեռացրել են շրջված հենասյունը

Խնձորի փառատոն, խնձորի արձան և խնձորի ամենաերկար կարկանդակը Նոր Գեղիում

Տրանսպորտային նոր համակարգի ներդրումը մեր առաջնահերթ խնդիրն է. Հայկ Մարությանը Բրյուսելում է

Նիկոլ Փաշինյանը և Աննա Հակոբյանը ներկա են գտնվել «Ավրորա» բարեգործական համերգին

Ոչ ոք չի կարող պնդել, թե երեկվա հրդեհը եղել է հրավառության հետևանքով. Հակոբ Կարապետյան

Երևանի Իսակովի պողոտայում BMW-ն դուրս է եկել երթևեկելի գոտուց, բախվել էլեկտրասյանը. կա 2 զոհ, 3 վիրավոր

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել