Ձեր «մեծահոգի» առաջարկը ինձ՝ կարող է դիտվել որպես կոռուպցիոն նոր գործարք. Օղլաղչյանը՝ Շիրինյանին

Լոս Անջելեսի ARTN հեռուստաընկերության նախագահ Ռոբերտ Օղլախչյանը armtimes.com-ին է տրամադրել իր արձագանքը՝ Հանրային հեռուստառադիոխորհրդի նախագահ նախագահ Արա Շիրինյանին.

«Քանի որ սույն թվականի սեպտեմբերի 18-ին իմ հրավիրած մամլո ասուլիսից հետո հանրային հեռուստառադիոընկերության խորհուրդն իր չհիմնավորված ու առնվազն տարօրինակ պարզաբանումները ներկայացնելով նշել է, որ սպասում է իմ արձագանքին՝ պատասխանում եմ: Այնպիսի տպավորություն է, թե ձեր պատասխանը մեղադրական է իմ կողմից հնչեցրած փաստարկներին եւ հիմնավորված բացահայտումներին: Սկանդալային բացահայտ փաստարկներին պատասխանելու փոխարեն անհիմն կերպով խոսվում է լոսանջելեսյան մեդիա դաշտում անառողջ մթնոլորտի առկայությունից: Ո ՞վ է այն ուսումնասիրել, որո՞նք կամ որտե՞ղ են ձեր փաստարկները: Ի՞ նչ նկատի ունեք անառողջ մթնոլորտ ասելով: Ո՞վ կամ ովքե՞ր են այն չափել». մասնավորապես նշվում է Օղլաղչյանի պատասխանում:

Արա Շիրինյանը Օղլաղչյանին ուղղված նամակում նաեւ շեշտել էր, թե հաշվի առնելով հայ հանրության բորբոքված սպասելիքները, ընդունում է նրա ժամկետանց առաջարկը եւ պատրաստ է պայմանագիր կնքել Օղլաղչյանի հետ՝ Առաջին ալիքի ԱՄՆ-ում հեռարձակման շուրջ: «Իսկ ի՞նչն է ժամկետանց: Ե՞ րբ, որտե ՞ղ, ի՞նչ հայտարարություն է եղել առաջարկների մասին 3 ամիս առաջ, որին մենք տեղյակ չենք: Ու ր են համապատասխան հղումները 3 ամիս առաջվա ձեր կողմից հայտարարված մրցույթի մասին…Այնպիսի տպավորություն է, թե համաձայնելով ինձ հետ պայմանագիր կնքել մեծ նվիրատվություն եք անում: Եվ ինձ բնավ դուր չի գափս, որ իմ ասուլիսն ընկալել եք իբրև Առաջին ալիքի հետ պայմանագիրը ստանալու միջոց:

Ես աոաջարկել եմ եւ առաջարկում եմ հայտարարել արդար եւ ազնիվ մրցույթ, որին կարող են մասնակցել բոլոր հետաքրքրված հեոուստաընկերությունները, անհատներ, բարերարներ և իհարկե այդ մրցույթին կմասնակցեմ ես նույնպես, և իմ առաջարկը չի փոխվել: Բնականաբար կներկայացվեն փաստաթղթեր, կտրվեն հիմնավորումներ ծախսերի մասին: Քանի դեռ ձեր պարզաբանումները հիասթափեցնող են, շարունակեք ձեր նախորդ պայմանագիրը, որը, ոչ միայն իմ, այլ նաև բազմաթիվ տեղեկացված մարդկանց տպավորությամբ կոռուպցիոն զործելաոճի բացառիկ օրինակ է, իսկ ձեր «մեծահոգի» առաջարկը առանց մրցույթի ինձ կամ որևէ այլ հեռուստաընկերության կամ անհատի Հ1-ի վերահեռարձակման իրավունք տալու մասին կարող է դիտարկվել որպես կոռուպցիոն նոր գործարք»,- ասվում է Օղլաղչյանի պատասխանում:

Հիշեցնենք, որ ԱՄՆ-ում գործող ARTN հեռուստաընկերության տնօրեն Ռոբերտ Օղլաղչյանն օրերս հրավիրված ասուլիսում սենսացիոն բացահայտումներ հրապարակեց «Առաջին ալիքի» վերաբերյալ: Օղլաղչյանը հայտարարեց, որ ըստ իր ձեռքին հայտնված փաստաթղթի՝ «Առաջին ալիքի» ղեկավարությունը, առանց մրցույթ հայտարարելու, չնչին գումարով ԱՄՆ-ում վերահեռարձակման իրավունք  է տվել Սերժ Սարգսյանի փեսա Միքայել Մինասյանի անվան հետ կապվող «ՊանԱրմ Ինք» մեդիահոլդինգին:

Մեզ հետ զրույցում Օղլաղչյանն ասել էր, թե կոռուպցիոն ռիսկեր է տեսնում դրանում: Վերջինս նշել էր, թե պատրաստ է 5 միլիոն դոլար առաջարկել 5 տարվա վերահեռարձակման համար, մինչդեռ  «ՊանԱրմ Ինք»-ը վճարում է շուրջ 40 հազար դոլար:

Ի պատասխան՝ Շիրինյանն էլ հայտարարել էր, որ երեք ամիսների ընթացքում Հանրային հեռուստաընկերությունը չի ստացել ոչ մի առաջարկ ARTN կամ որևէ այլ ընկերությունից։ «Խորհուրդը զուգահեռաբար անցկացրել է մասնավոր հարցումներ և հեռակա ուսումնասիրություն Լոս Անջելեսում հնարավոր գործընկեր գտնելու նպատակով, բայց համոզվել է, որ տեղի հայկական հեռուստաշուկայում տիրող անառողջ մրցակցությունը լայն ընտրության հնարավորություն չի տալիս»,- իր արձագանքում նշել էր Շիրինյանը՝ հավելելով, թե հաշվի առնելով հայ հանրության արդեն բորբոքված սպասելիքները՝ Հանրային հեռուստառադիոընկերության Խորհուրդը ընդունում է պարոն Օղլաղչյանի ժամկետանց առաջարկը եւ պատրաստ է կնքել վերահեռարձակման պայմանագիրը ARTN հեռուստաընկերության հետ 2019 թ. նոյեմբերի 1-ից՝ նույն պայմաններով, ինչ «ՊանԱրմ ինք» ընկերության հետ՝ փոփոխելով միայն լիցենզիայի համար նախատեսված վճարի չափը՝ բարձրացնելով այն տարեկան 48.000-ից մինչև 1 մլն դոլար, ինչը 5 տարվա համար կազմում է 5 մլն դոլար:

Տպել
2334 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է