Հայկ Հարությունյանի մահը շատերին կարող էր ձեռնտու լինել եւ Քոչարյանը բացառություն չէ. Գագիկ Ջհանգիրյան

Երեկ գիշերը Բջնիի իր առանձնատանը հայտնաբերվել է ՀՀ Ներքին գործերի նախկին նախարար, նախկին ոստիկանապետ, ՀՀ ԱՆ Քրեակատարողական վարչության նախկին պետ, ՀՀ պետական պահպանության ծառայության նախկին պետ Հայկ Հարությունյանի դին: Քննչական կոմիտեն քրեական գործ է հարուցել  ինքնասպանության հասցնելու հոդվածով: ՀՀ նախկին զինդատախազ, գլխավոր դատախազի նախկին տեղակալ, Մարտի 1-ի գործով նախկին քաղբանտարկյալ Գագիկ Ջհանգիրյանի հետ զրուցել ենք Հարությունյանի մահվան շուրջ շրջանառվող վարկածների մասին:

- Պարոն Ջհանգիրյան, դուք հակվա՞ծ եք հավատալու ինքնասպանության վարկածին:

- Դե երեւի դեպքի վայրի զննությամբ եւ այլ անհետաձգելի քննչական եւ դատավարական գործողությունների կատարմամբ առավել շատ հավանական է դիտարկվել ինքնասպանությունը, դրա համար էլ ինքնասպանության հասցնելու հոդվածով է քրգործ հարուցվել: Բայց, կարծում եմ, քննությունը առջեւում է, գուցե այլ վարկածներ առաջ քաշելու հիմքեր առաջանան, այլ վարկածներով քննություն կատարվի: Քանի որ տեղյակ չեմ դեպքի մանրամասներից, դեպքի վայրից, դրա համար չեմ կարող կոնկրետ որեւէ գնահատական տալ: Քննություն է կատարվում, հուսանք եւ հավատանք, որ Քննչական կոմիտեն մեր հասարակության մեջ առկա բոլոր կասկածները կփարատի իր քննությամբ:

- Հաշվի առնելով, թե Հայկ Հարությունյանը ինչ կարեւոր պաշտոններ է զբաղեցրել եւ ինչ ինֆորմացիայի կարող էր տիրապետել, հնարավոր համարո՞ւմ եք, որ տեղի ունեցածը կամ սպանություն է կամ ինքնասպանության են հասցրել: 

- Գիտեք, ես վերջերս մի քանի հարցազրույցներում ասել եմ, որ նա ոչ միայն կարեւորագույն ինֆորմացիաների կրող է եղել, այլ նաեւ կարեւորագույն դերակատար է եղել Մարտի 1-ի իրադարձություններում, հետմարտյան իրադարձություններում, մինչեւ Մարտի 1-ը: 1997 թվականի աշնանից սկսած, Էդ ամբողջ քաղաքական հետապնդումների առաջնային դիրքերում եղել են ներքին գործերի ստորաբաժանումները, ներքին գործերի աշխատակիցները. բնականաբար այդ ամեն ինչը կոորդինացրել է նախարարը: Այնպես որ, նա ոչ միայն կարեւորագույն ինֆորմացիայի կրող էր, այլ նաեւ, իմ կարծիքով, իշխանության բռնի զավթման, սահմանադրական կարգի տապալման հանգուցային անձանցից մեկը, պատասխանատուներից մեկը, որը վաղ թե ուշ պետք է կանչվեր պատասխանատվության: Եվ հիմա, ես գուշակություններ անել չեմ կարող, եւ չեմ սիրում գուշակություններ անել, բայց որեւէ բան բացառել հնարավոր չէ, առավել եւս որ նախաքննություն է տեղի ունենում եւ ամեն մի կասկած չի կարելի բարձրաձայնել: Հնարավորություն տանք նախաքննական մարմնին՝ օբյեկտիվ, բազմակողմանի, լրիվ քննություն կատարել եւ պարզել, թե իրականում ինչ է տեղի ունեցել:

- Ըստ որոշ տեղեկությունների՝ Հայկ Հարությունյանը ղեկավարել է Մարտի 1-ին Ազատության հրապարակից ցուցարարներին ցրելու օպերացիան

- Ես չեմ կարող ասել՝ նա է ղեկավարել: Ազատության հրապարակի ցրման կամ ջարդի օպերացիան կատարվել է Հանրապետության քրեական հետախուզության գլխավոր վարչության պետի որոշմամբ: Թե ովքեր են այնտեղ ղեկավար եղել…Կարծում եմ Հայկ Հարությունյանը անձամբ չի ղեկավարել, բայց նրա տեղակալներն են եղել հրապարակում, Քոչարյանի անվտանգության պետն է եղել հրապարակում, որը կարծես թե բոլորի հրամանատարն է նշանակված եղել եթե ոչ օրինական հիմքերով, ապա ապօրինի:

- Պարոն Ջհանգիրյան, ներկայումս ՀՔԾ-ում քննվում է նաեւ Մարտի 1-ին ոստիկանների գործողությունների դրվագը: Սա կարո՞ղ էր ազդել Հարությունյանի վրա:

- Ես արդեն ասացի, որ նա վաղ թե ուշ պետք է կանչվեր պատասխանատվության որպես 300.1 հոդվածով օժանդակող: Որովհետեւ այն 4 անձինք, ովքեր այսօր մեղադրվում են այդ հոդվածով, հո նրանք միայնակ չե՞ն իրականացրել այդ ամբողջ սահմանադրական կարգի տապալումը, տապալումից հետո բռնությամբ զավթված իշխանության պահելը, հարյուրավոր քաղբանտարկյալներին բերդեր լցնելը, 200-ից ավելի անձանց կալանավորելը, ահաբեկելը, եւ այլն, եւ այլն:

- Այսինքն հնարավոր համարո՞ւմ եք, որ Հայկ Հարությունյանը ազատազրկվելու վախից դրդված որոշեր վերջ տալ իր կյանքին: Չէ՞ որ միշտ նա է ուրիշներին պատժել, իսկ հիմա նրան էին պատժելու:

- Դե բա տեսնո՞ւմ եք, աշխարհը կլոր է, չէ՞, ասում են: Չեմ կարող ասել: Ես այդպիսի տեղեկության չեմ տիրապետում, բայց որ մարտի 1-ի հատկապես հանգուցային պատասխանատուները, որոնցից զգալի մասը դեռ դրսում են, պետք է պատասխանատվության կանչվեն եւ քրեական պատժի արժանանան՝ ես դրանում չեմ կասկածում, էդ թվում ձեր հիշատակած անձնավորությունը:

- ՀՅԴ ներկայացուցիչ Աղվան Վարդանյանը այսօր հայտարարեց, որ իշխանության խղճին է մնում Հայկ Հարությունյանի արյունը: Ձեր կարծիքով՝ ի՞նչ պետք է աներ իշխանությունը՝ Հայկ Հարությունյանի կյանքը պաշտպանելու համար, որ չի արել:

- Ես երբեւիցե որեւէ քաղաքական մարդու, սովորական մարդու հայտարարություն չեմ մեկնաբանում եւ դժվարանում եմ ասել, թե ինչ է նկատի ունեցել ձեր նշած ընկերը: Բայց ես կարծում եմ, որ եթե օրենքը չի պատժում հանցագործներին, եթե օրենքը արյուն թափողներին չի պատժում (չեմ ասում խոհանոցից մեկ տուփ սիգարետ գողացողին կամ շոկոլադ), ծանր հանցագործություններ կատարած անձանց չի պատժում, ստիպված Աստված է պատժում: Եթե նա որեւէ անհանգստացնող տեղեկություն է ունեցել, եթե իրեն որեւէ վտանգ էր սպառնում, ինքը, կարծում եմ, բազմաթիվ ծառայակիցներ է ունեցել, որոնց զգալի մասը հիմա էլ են ծառայում ոստիկանությունում, կարող էր դիմել եւ պաշտպանություն խնդրել:

- Պարոն Ջհանգիրյան, Հայկ Հարությունյանի մահվան կապակցությամբ շրջանառվում է նաեւ Մարտի 1-ի գործով ամբաստանյալ Ռոբերտ Քոչարյանի անունը: Այս գործում կա՞ որեւէ դրվագ, որի պատճառով Քոչարյանին կարող էր ձեռնտու լինել Հարությունյանի մահը:

- Կարելի է ենթադրել, որ Հայկ Հարությունյանի մահը շատերին կարող էր ձեռնտու լինել՝ ոչ միայն էսօրվա ամբաստանյալներին, այլ նաեւ ապագա մեղադրյալներին, շատերին: Եվ այդ առումով երկրորդ նախագահը բացառություն չէ:

Տպել
9503 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է