Համաձայնագրով նախատեսված բոլոր ապրանքներն առանց մաքսատուրքերի ՀՀ-ից կարտահանվեն Սինգապուր. Խաչատրյան

ՀՀ կառավարությունն այսօրվա նիստում համաձայնություն տվեց Եվրասիական տնտեսական միության եւ Սինգապուրի միջեւ ազատ առեւտրի համաձայնագրի կնքման նպատակահարմարությանը։

«Համաձայնագրով նախատեսվում է կողմերի փոխազդեցության բազմակողմ զարգացման պարտավորություն, որի նպատակն է ապրանքների եւ ծառայությունների առեւտրի խթանումը, կոոպերացիայի ընդլայնումը, ինչպես նաեւ կապիտալ ներդրումների, ընկերությունների հիմնադրման եւ գործունեության պաշտպանության ժամանակակից ստանդարտների ապահովումը»,- ասաց ՀՀ Էկոնոմիկայի նախարար Տիգրան Խաչատրյանը` ներկայացնելով համաձայնագրի նախագիծը։

Համաձայնագրի վավերացումից հետո ԵԱՏՄ անդամ պետությունների ու Սինգապուրի համար կսահմանվի ապրանքների, ծառայությունների եւ ներդրումների շուկա մուտքի ազատականացման փոխադարձ պարտավորությունների միասնական փաթեթ։

Բայց մինչ այդ, ընդհանուր համաձայնագրից բացի, դրա շրջանակում ԵԱՏՄ անդամ բոլոր երկրները պետք է նաեւ առանձին երկկողմ համաձայնագրեր կնքեն Սինգապուրի Հանրապետության հետ։

Կառավարությունը համաձայնության արժանացրեց նաեւ այս` երկկողմ համաձայնագրի նախագիծը։

«12 229 ապրանքատեսակից 4858–ի դեպքում նախատեսվում է կիրառել 0 տոկոս մաքսատուրքի դրույքաչափ անմիջապես համաձայնագրի ուժի մեջ մտնելուց հետո, 597 ապրանքների մասով մաքսատուրքի չափը կիջեցվի 0-ի երեք տարի հետո, 2340 ապրանքների մասով` 5 տարի հետո, իսկ 2201 ապրանքների մասով մաքսատուրքը կիջեցվի 0-ի համաձայնագրի ուժի մեջ մտնելուց 7 տարի անց, եւս 716 ապրանքի մասով` 10 տարի հետո»,- ասաց նախարարը։

Խաչատրյանի խոսքով՝ 1517 ապրանքների համար բացառություններ են սահմանվել։ Դրանց վրա համաձայնագիրը չի տարածվի եւ մաքսատուրքերը չեն զրոյացվի։ Փոխարենը Սինգապուրը, ի տարբերություն ԵԱՏՄ անդամ երկրների, պարտավորվել է մաքսատուրքերից ազատել համաձայնագրով նախատեսված բոլոր ապրանքները` անմիջապես համաձայնագրի ուժի մեջ մտնելուց հետո, առանց հետաձգման։

«Այսինքն` Հայաստանից Սինգապուր արտահանվող համաձայնագրով նախատեսված բոլոր ապրանքներն առանց մաքսատուրքերի կներկրվեն Սինգապուր»,- ասաց Խաչատրյանը։

Տպել
1592 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են