Երևան
16 °C
Հիմա, երբ ակտիվացել են երջանկության մասին խոսակցությունները, ինձ թվում է`ոչ թե հենց երջանկության մասին են խոսում, այլ փորձում են դրա բանաձևը դուրս բերել, աֆորիզմներ հորինել: Բայց ես կարծում եմ` ոչ ոք իրականում չգիտի, թե ինչ բան է երջանկությունը, երբ է մարդը երջանիկ: Մենք հաճախ երջանկության ներկայությունը չենք գիտակցում, հետո ենք հասկանում, հատկապես սիրո մեջ: Գուցե հեշտությամբ կարելի է պատմել, թե երբ է մարդը ուրախ լինում: Բայց երջանկության բանաձևը, կարծում եմ, ոչ ոք չգիտի: Նույնիսկ Աստվածն ավելի ընկալելի է, քան երջանկությունը: Ո՞րն է երջանկությունը` չգիտեմ: Բայց համոզված եմ, որ մարդը չի կարող 24 ժամ երջանիկ լինել:
Բանաստեղծ Հուսիկ Արա.
Անձնական երջանկություն.
Ծննդատան առաջ սպասում էի որդուս ծնվելուն: Առաջնեկս պիտի ծնվեր: Անսովոր իրավիճակ էր: Մտածում էի` ո՞նց է լինում, որ մարդուց մարդ է ծնվելու այս հիվանդանոցի երկրորդ հարկում: Ու ո՞նց է լինում, որ այդ նոր ծնվածը նման է լինելու մարդուն: Բնությունն այդ ի՞նչ աներևակայելի ուժ ունի, ինչպե՞ս է օրգանական բարդ մեխանիզմը ձևավորվում սաղմի մեջ, որ, ասենք, քիթը ծնկի վրա չի լինում: Մարդ է` ինչպես իր մարդ ծնողները: Ու երբ բժշկուհին դուրս եկավ ու ասաց` «Աչքդ լույս, տղա ես ունեցել», հիշում եմ, որ դուրս եկա հիվանդանոցից ու սկսեցի վազել: Ասֆալտապատ ճանապարհ էր: Ես վազում էի առանց դադար առնելու` ոչնչի մասին չմտածելով: Անընդհատ վազում էի: Տիեզերքում ոչինչ չկար: Ես էի ու իմ այդ զգացողությունը, որ ստիպում էր ինձ վազել: Համալսարան ընդունվելիս այդպես չուրախացա, գիրք տպագրելիս` նույնպես: Ուրիշ զգացողություն էր: Ինձ թվում է` սա էր երջանկությունը:
Երբ ես ծնվել եմ, կարճ ժամանակ անց հայրս բանտարկվել է: Դեպքն այսպես էր պատահել. ես ծնվելուց մի քանի օր հետո հիվանդացել էի, ջերմություն ունեի: Հիվանդանոց էին տարել, հայրս գնացել էր ու բժշկից պահանջել, որ երեխային տա իրեն, որպեսզի տեղափոխի Երևան: Երևի չէր վստահում մարզային հիվանդանոցին: Մի քիչ խմած է եղել, բժշկի հետ վիճել են, քաշքշոց է եղել, ու հորս 3 տարով բանտարկել են: Ես մինչև 3 տարեկանս հայր չեմ տեսել: Երբ փողոցում խաղալիս ուրիշ երեխաների հայրերը գալիս էին, նրանք վազում էին իրենց հայրերին ընդառաջ, ես էլ նրանց հետ էի վազում իրենց հայրերի մոտ: Շատ չէի գիտակցում, բայց գիտեի, որ ես հայր չունեմ: Հիշում եմ` ամառ էր, երբ հայրս ազատվեց: Շատ մեծ տուփով խտացրած կաթ էր բերել: Հետո հասկացա, որ այդքան էլ մեծ տուփ չէր: Բայց այն ժամանակ ինձ թվացել էր, թե շատ-շատ մեծ է և մորս խնդրում էի, որ հորս բերած խտացրած կաթից գնի: Չէի համոզվում, որ հորս բերածը նույն խանութի խտացրած կաթի տուփի չափ էր: Հայրս կտրեց տուփի բերանը, գդալ տվեցին, ու ես սկսեցի ուտել այդ խտացրած կաթից: Դուրս եկա փողոց, խաղընկերներիս ասացի` «Արդեն ես էլ պապա ունեմ»: Երջանկության իմ առաջին զգացողությունն էր` չգիտակցված:
Մասնագիտական երջանկություն.
Որպես լրագրող հիմնականում խոսել եմ լուսանցքում հայտնված մարդկանց մասին: Այդ մարդկանց մասին գրել եմ ակնարկներ, էսսեներ: Գնացել եմ քաղաքից քաղաք, գյուղից գյուղ, երկար փնտրել այդ մարդկանց, նյութը պատրաստել, ինչի համար առանձնապես չեմ էլ վճարվել: Բայց երբ պատմել եմ կյանքից դուրս մնացած այդ մարդկանց ցավի մասին, ինձ բավարարված եմ զգացել, կարծես, շատ կարևոր մի գործ եմ արել: Ինձ թվում է` այդպիսի զգացողություն կարող է ապրել իրավաբանը, երբ իր ջանքերի շնորհիվ արդարացվել է մի անմեղ մարդ: Հիմա մտավորականների, արվեստագետների հետ հարցազրույցներ եմ անում մշակույթի և արվեստի մասին: Միշտ չէ, որ գոհ եմ մնում այդ զրույցներից, բայց երբեմն նկարահանման տաղավարից դուրս եմ գալիս և ուզում եմ ճախրել:
Բանաստեղծի երջանկությունը բառն է, բառի հետ հանդիպումը: Բառն աշխարհի ամենամեծ բանն է: Միշտ ասում եմ` առաջինն ինձ համար հայերենն է, նոր` Հայաստանը: Այս չքնաղ, այդ հրաշալի լեզվով ստեղծագործելը ֆանտաստիկ հաճույք է: Ես ինձ երկնքում եմ զգում, Աստծու հետ եմ հարաբերվում, երբ գրում ու խոսում եմ հայերենով: Իմ բացարձակ երջանկությունը հայերեն բառն է ու աստված` «Ի սկզբանէ էր բանն և Բանն էր առ Աստուած և Աստուած էր Բանն»:
Հանրային երջանկություն.
Մեր կյանքը հետաքրքիր անցավ 1988-ից մինչև հիմա: 1988-ին ավելի շատ Օպերայի հրապարակում էինք լինում, քան մեր տներում: Ամեն ինչ ապրեցինք այդ տարածքում` անկումներ և վերելքներ: 1988-ը ֆանտաստիկ էր: Մարդիկ, ձիերը հեծնած, գալիս էին իրենց գյուղերից: Մի անգամ տեսա, թե ինչպես է մի մարդ կապել ձին օպերայի դիմացի ծառից, ինքը քնով անցել ձիու ստվերի տակ:
2018-ին, երբ Սերժը հրաժարական տվեց, ես չէի կարողանում պատկերացնել, որ դա իսկապես պատահեց: Ապրիլյան հեղափոխությունն ինձ ապշեցրեց: Մարդն իր համար է ապրում, բայց ապրել հեղափոխական օրեր, անցնել դժվարությունների միջով և հասնել հաղթանակի` սա աներևակայելի երջանկություն է: Գիտե՞ք ինչ հպարտություն էի ապրում, երբ տեսնում էի երիտասարդների պայքարը` «Ես եմ տերը իմ երկրի»: Այսպիսի հիանալի ժողովուրդ, որ մի մարդու պես կանգնեց ու վերականգնեց իր իրավունքն ու արժանապատվությունը: Եվ այդ բոլորը` առանց արյուն թափելու: Իհարկե, դա ավելի շատ առաջնորդի շնորհքն էր:
Խաղաղ օրերին ասում են` «Վայ, էս ինչ ազգ ա, էս ինչ երիտասարդություն ա...»: Հիշում եք` այն հուսահատ օրերին գրել էի «Ապոկալիպտո» բանաստեղծությունը, որովհետև հենց այդ զգացողությունն ունեի: Մեկ էլ վճռական պահերին տեսնում ես` կանգնած են ու բոլորը մեկ են: Բառի բուն իմաստով` մեկ են: Եվ բոլորը գրեթե սուրբ են: Քո գենով, քո ազգով, քո պատկանելությամբ, քո երիտասարդությամբ ես հպարտ. սա է ինձ համար ամենամեծ երջանկությունը:
Երջանիկ երկիր, երջանիկ հասարակություն.
Ասում է` «Կգա Աստծո հազարամյա թագավորությունը և խաղաղությունը». դրախտն է այդ տեղը: Իսկ երկրի վրա մարդու համար երջանիկ երկիրն այն է, որտեղ ինքը նախընտրում է ապրել: Այդ տեղն ինձ համար Հայաստանն է: Այդ քաղաքն ինձ համար Երևանն է: Այստեղ ամեն ինչ իմն է: Այստեղ ես ազատ եմ: Սահյանը ճիշտ էր ասում` «հայերեն են խոսում քարերդ»: Ես լսում և ընկալում եմ քարի զրույցը: Միշտ ասում եմ` եթե հազար անգամ էլ ամուսնանամ, հայուհու հետ կամուսնանամ, որովհետև միայն հայուհին կարող է ինձ հասկանալ. Տերյանի ասած` «Քեզ չի հասկանա սառն օտարուհին»: Այս քաղաքի վատն էլ է իմը: Սա է իմ տարածքը, որտեղ իմ նախնիներն են ապրել և իմ զավակներն են ապրելու: Այստեղ իմ պատմությունն է, որտեղ պայքարեցի, որտեղ լացեցի, որտեղ սիրեցի, որտեղ գժտվեցի: Իսկ մնացածը` ժողովրդավարություն, տնտեսություն, բան... սրանք լավ բաներ են, բայց հենքն այն է, թե որտեղ ես դրանք կերտում: Եթե Սպիտակ տան նախագահ նշանակեն, ես երջանիկ չեմ լինի: Ես երջանիկ եմ որպես Հայաստանի Հանրապետության շարքային քաղաքացի:
Զրույցը պատրաստեց Մարինա Բաղդագյուլյանը
Իսրայելն Իրանին պատասխան հարվածի մասին որոշում դեռ չի կայացրել․ Բայդեն
Ֆրանսիան Իսրայելին զենք չի մատակարարում. Մակրոն
Գևորգ Պապոյանը մասնակցել է Արենի գինու փառատոնին
Ընդդիմությունը «թեժ աշուն» էր խոստանում. Աջապահյանը «իր բաժին բենզինը» «պզզացրեց»
«Սուրբ Աստվածամայր» ԲԿ-ի տարածքում բացվեց ամբողջովին վերանորոգված «ԱրտԼանչ» սննդի ցանցի մասնաճյուղը (տեսանյութ)
Ֆրանկոֆոնիայի գագաթնաժողովում ընդունվել է բանաձև, որով 54 անդամ պետություն համերաշխություն է հայտնել Հայաստանին
Ուսուցչուհին շշով հարվածներ է հասցրել 3 աշակերտի. նրանք գլխի շրջանում վնասվածքներ են ստացել
Վարչապետը Փարիզում մասնակցել է Ֆրանկոֆոնիայի միջազգային կազմակերպության լիագումար նիստերին
Ձերբակալվել է Տեղ համայնքի ղեկավարը
Մարդիկ մեդիահարթակներում ներկայանում են առանց բարդույթների՝ ճեղքելով հասարակության մեջ առկա բազում տաբուներ. Գրիգորյան
Երևանում մեկնարկել է ՏՏ ոլորտի կարևորագույն իրադարձություն՝ Նորարարության և տեխնոլոգիաների համաշխարհային կոնգրեսը
Ադրբեջանի ԱԳՆ խոսնակն արձագանքել է պաշտոնական Երևանի հայտարարությանը
ԿԳՄՍ նախարարությունը Ուսուցչի օրվա առթիվ պարգևատրել է ոլորտի մի խումբ ներկայացուցիչների
Խաշթառակում ավտոմեքենան դուրս է եկել ճանապարհի երթևեկելի հատվածից և գլորվել ձորը. կա տուժած
Ֆրանսիան կանգնած է հայ եղբայրների կողքին. Մակրոն
Ակնկալում ենք ՆԱՏՕ-ի հետ գործընկերության ամրապնդում և մեր պաշտպանական ներուժի բարձրացում. ՀՀ ԱԳՆ
Երևանում «Lexus» մակնիշի ավտոմեքենայից գողացել են 2 մլն 500 հազար դրամ և ականջակալ
ՆԱՏՕ-ի միջազգային ռազմական շտաբի պետն այցելել է Ծիծեռնակաբերդ
Ջերմաստիճանը կբարձրանա 4-6 աստիճանով, շաբաթվա կեսին սպասվում են անձրև ու ամպրոպ
Քննարկումներ՝ ՖՄԿ 19-րդ գագաթնաժողովի շրջանակներում. վարչապետը տեսանյութ է հրապարակել
Իսրայելական հարվածի հետևանքով ենթադրաբար սպանվել է «Հըզբոլլահ»-ի նոր առաջնորդը
Ամերիաբանկը ԴիջիԹեք Էքսպո 2024-ի ֆինթեք գործընկերն է և ներկայանում է MyInvest ներդրումային հարթակով
ՆԳՆ-ում ԱՄՆ գործընկերների հետ քննարկվել են կիբեռանվտանգության ոլորտին վերաբերող հարցեր
Մեկ նամականիշով նոր գեղաթերթիկ՝ նվիրված «Նորարարության և տեխնոլոգիաների համաշխարհային կոնգրես» թեմային
Մուշուրբի կախարդանքը, կամ ինչպես է բաժակը ձայներ հանում․ ում համար է գյումրեցի վարպետ Էդիկը ոսկե մուշուրբա սարքել
Նիկոլ Փաշինյանը և Ջասթին Թրյուդոն անդրադարձել են Հայաստան-Ադրբեջան խաղաղության պայմանագրի նախագծի շուրջ քննարկումներին
Աննա Վարդապետյանը և Ուզբեկստանի գլխավոր դատախազի տեղակալը քննարկել են իրավական հարցեր
Նիկոլ Փաշինյանը և Բելգիայի վարչապետը մտքեր են փոխանակել Հարավային Կովկասում անվտանգային իրավիճակի վերաբերյալ
Թուրքիայի խորհրդարանը Իսրայելի հարցով փակ նիստ կանցկացնի
Կանադայի վարչապետ Ջասթին Թրյուդոյի հետ լավ խոսակցություն ունեցանք. վարչապետ
Թուրքիայում որոնում են 3 հայի, որոնք հանդիսանում են հսկայական տարածքի սեփականատեր
Երևան-Արմավիր ճանապարհին մեքենան դուրս է եկել երթևեկելի գոտուց և կողաշրջված հայտնվել ջրատարում
Մեր քաղաքի պատմության մեջ շատ կարևոր իրադարձություն է տեղի ունեցել․ Դիլիջան համայնքի ղեկավար
Բեյրութից Դամասկոս. Իրանի արտաքին գործերի նախարարը ժամանել է Սիրիա
Ղրղզստանի գլխավոր դատախազի տեղակալը գերազանց է գնահատել Երևանում անցկացված ԱՊՀ խորհրդի նիստը
Կանայք շատ հաճախ թիրախավորվում են այնպիսի հիմքերով, որոնցով տղամարդիկ երբեք չեն թիրախավորվի. ՄԻՊ
Երևանում խնջույքից հետո սեռական հարաբերություն են ունեցել. իրանցի 26-ամյա աղջկան ինքնասպանության է հասցրել հոր ընկերը
Հայաստանի և Ռուսաստանի գլխավոր դատախազներն այցելել են Մատենադարան
Առանց վարորդական վկայականի ոչ սթափ վարորդը վրաերթի է ենթարկել 4 հետիոտնի. նրանցից մեկը մահացել է
Ուսուցիչ լինելը միայն մասնագիտացում կամ աշխատանք չէ, այն պատասխանատու առաքելություն է. Սիմոնյան
© 2024 Հայկական ժամանակ