Երևան
28 °C
searchclose
today
menuclose
Երևան
28 °C
ՀՀ Ազգային ժողովն այսօր առաջին ընթերցմամբ չընդունեց «Իմ քայլը» խմբակցության պատգամավոր Աննա Կարապետյանի հեղինակած օրենքի նախագիծը, որով առաջարկում է խորհրդարանի նախագահին օրենքի ուժով իրավունք տալ մասնակցելու Անվտանգության խորհրդի նիստերին:
«Ազգային ժողովի կանոնակարգ սահմանադրական օրենքում լրացում կատարելու մասին» եւ «Անվտանգության խորհրդի կազմավորման եւ գործունեության մասին օրենքում փոփոխություն եւ լրացում կատարելու մասին» օրենքների նախագծերի փաթեթն առաջին ընթերցմամբ չընդունվեց 66 կողմ, 14 դեմ, 20 ձեռնպահ ձայնով․ նախագծի ընդունման համար անհրաժեշտ էր 80 կողմ քվե:
Մինչ նախագծի քվեարկությունը, ԼՀԿ խմբակցության պատգամավոր Տարոն Սիմոնյանը հիշեցրեց, որ իրենք առաջարկել էին, որ նախագծում ընդգրկվի նաեւ ԱԺ խմբակցությունների ղեկավարների՝ ԱԽ նիստերին մասնակցելու հնարավորությունը, բայց քանի որ առաջարկը մերժվել էր, Սիմոնյանը հայտարարեց՝ իրենք դեմ կքվեարկեն։
Նախագծերի հեղինակ Աննա Կարապետյանն արձագանքեց, որ խնդիրը Սահմանադրության մեջ է, քանի որ ԱԺ նախագահին սահմանադրությամբ տրված լիազորությունները նույնը չեն, ինչ խմբակցության ղեկավարինը․
«Եթե այսքանից հետո հասկանալի չի եղել ու դեմ եք քվեարկել, ձեր խնդիրն է»,- ասաց Կարապետյանը:
ԼՀԿ խմբակցության պատգամավոր Գեւորգ Գորգիսյանը Կարապետյանի այս խոսքերից հետո խորհրդարանում կոռեկտության կոչ արեց․
«Հարգելի՛ գործընկերներ, կոչ եմ անում էս դահլիճում մնալ կոռեկտության սահմաններում. ի՞նչ է նշանակում՝ հասկանալի՞ է եղել, թե՞ չէ։ Քաղաքական կուսակցությունը կամ խմբակցությունը կարող է ունենալ դիրքորոշում եւ ունի։ Որեւէ մեկին իրավունք չի վերապահվում դրան տալ գնահատական, ընդհուպ՝ հասկանում եք, թե չեք հասկանում։ Քվեարկելու ենք էսպես, եւ խնդրում եմ դրան չտալ գնահատականներ եւ միմյանց նկատմամբ լինել կոռեկտ»,- ասաց Գորգիսյանը։
Նախագիծը չընդունվեց
Իսկ երեկ խորհրդարանում հարցի քննարկման ժամանակ Աննա Կարապետյանը ներկայացրել էր, որ փոփոխություններն ուղղված են խորհրդարանական կառավարման համակարգի տրամաբանությամբ պայմանավորված ԱԺ դերի բարձրացմանը եւ կարեւորության ընդգծմանը․
«Հայաստանի Հանրապետությունն անցել է խորհրդարանական կառավարման մոդելի եւ պետք է կարողանա հավուր պատշաճի խորհրդարանական վերահսկողություն իրականացնել բոլոր ասպեկտներով: Նախագծերի փաթեթով առաջարկվում է ԱԺ նախագահին իրավունք վերապահել մասնակցելու Անվտանգության խորհրդի նիստերին եւ առաջարկներ ներկայացնելու օրակարգի ու քննարկվող փաստաթղթերի վերաբերյալ: Նույնաբովանդակ լրացումներ կատարվում են նաեւ «Անվտանգության խորհրդի կազմավորման եւ գործունեության մասին» օրենքում»,- նշել էր Կարապետյանը:
ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար
Բանկային համակարգին սպառնացող աղմկահարույց գործը Վճռաբեկ դատարանում է
Բացվեց Յունիբանկի «Սիսիան» մասնաճյուղը
Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)
Պայքարի օրենքը. Սևրի պայմանագրի 100-ամյակը
«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում
ՎՏԲ-Հայաստան Բանկը բարելավել է սպառողական վարկերի պայմանները
Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ
Գնացքների երթևեկության անվտանգությունը՝ տրանսպորտային անվտանգության բաղադրիչ
IDBank -ում համավարակի ընթացքում աշխատանքն ընթանում է ամբողջ թափով
Վիվա-ՄՏՍ-ն ավելացնում է սպասարկման կենտրոնների թիվը
ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ
Յունիբանկի դոլարային պարտատոմսերը ցուցակվել են Մոսկվայի բորսայում
Վիվա-ՄՏՍ. անվճար զանգի հնարավորություն՝ ընկերությունների հաճախորդների համար
ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում
Այգեպարում վերսկսվել է կիսակառույց տան շինարարությունը
Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են
Կորոնավարակը, աշխարհն ու մենք
Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց
Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան
