«Լուսավոր Հայաստանը» դեռ չգիտի՝ ինչպես է քվեարկելու 2020 թվականի բյուջեի նախագծին․ սպասում են կառավարության արձագանքին

«Սկզբունքային կարեւորություն ուներ այն փաստը, որ մարդիկ կարողանան վաստակել առնվազն սպառողական զամբյուղի չափ եւ դրանից ավելի աշխատավարձ»,- խորհրդարանում՝ խմբակցությունների ճեպազրույցների ժամանակ, ասաց «Լուսավոր Հայաստան» խմբակցության պատգամավոր Արկադի Խաչատրյանը՝ խոսելով նվազագույն աշխատավարձի օրինագծի մասին:

Հիշեցնենք, որ ԱԺ-ն երեկ ընդունեց օրինագիծ, որով նվազագույն աշխատավարձն սահմանվեց 68.000 դրամ՝ նախկին 55.000 դրամի փոխարեն:

Երկրորդ կարեւոր օրինագիծը, ըստ պատգամավորի, անշարժ գույքի հարկման մասին է: Այս պահին Հայաստանում գործում է մինչեւ 3 մլն դրամի շեմ, այսինքն՝ եթե անշարժ գույքի կադաստրային գնահատումը կազմում է 3 մլն-ից ցածր, ապա գույքահարկ չի վճարվում: «Երեկվա նախագծով սահմանվեց անշարժ գույքի կադաստրային գնահատման նոր կարգը, որով պետք է մոտ արվի այն շուկայական գնին»,- ասաց Խաչատրյանը՝ հավելելով, որ իրենց խմբակցությունը դեմ է քվեարկել օրինագծին եւ, որպես հիմնավորում, Խաչատրյանը նշեց, որ հանրության մեծ ուշադրությունը եւ զգայունությունը հարցի նկատմամբ սոցիալական բազմաթիվ խնդիրներ կարող են առաջացնել:

«Մենք կարծում ենք, որ սոցիալական խնդիրները պարտադիր պիտի լուծում ստանան»,-ասաց Խաչատրյանը՝ հավելելով, որ պետք է սահմանվի առանձնահատուկ վերաբերմունք չօգտագործվող արտադրական տարածքների նկատմամբ, կիսակառույց շինությունների, գյուղատնտեսական չօգտագործվող հողատարածքների նկատմամբ: Ըստ պատգամավորի՝ այս ամենը պետք է ներկայացվեր 1 փաթեթով բոլոր օրինագծերի հետ միասին:

Մյուս օրինագիծն այն է, որ օրենքով նախատեսված որոշակի քրեական գործերով ամբողջական, օբյեկտիվ քննություն անելու համար քննչական մարմինները կարող են ունենալ լծակ՝ հասանելիություն բանկային գաղտնիքի նկատմամբ՝ երրորդ անձանց մասով: Այս օրինագծին պատգամավորը նույնպես դեմ է քվեարկել:

«Մենք, իհարկե, դեմ չենք, որ քննչական մարմիններն ունենան անհրաժեշտ բոլոր լծակները՝ բավարար եւ ամբողջական քննություն իրականացնելու համար, սակայն նախագծում գրված է այնպես, որ ոչ թե հասանելիություն է տրվում բանկային գաղտնիքին, այլ տրվում է բանկային գաղտնիքին հասանելիություն ստանալու նպատակով խուզարկություն կամ առգրավում իրականացնելու համար»,- ասաց Խաչատրյանը: Նրա կարծիքով՝ սա նշանակում է, որ երրորդ անձի նկատմամբ կարող է իրականացվել խուզարկություն կամ առգրավում, եւ դրա արդյունքում քննչական մարմիններին կարող է հայտնի դառնալ նաեւ այլ տեղեկատվություն՝ վերաբերող մարդու անձնական կյանքին, առեւտրային գաղտնիք եւ այլն, որոնք տվյալ քրեական գործի շրջանակներից դուրս են: Պատգամավորի կարծիքով՝ այսպիսի հայցերը պետք է միջնորդությամբ ձեռք բերվեն ֆինանսական ընկերություններից՝ կոնկրետ գործի վերաբերյալ:

Պետական բյուջեի նախագծի վերաբերյալ, ինչպես նշեց Խաչատրյանը, «Լուսավոր Հայաստան» խմբակցությունը ներկայացրել է լրացուցիչ առաջարկների հետ միասին 150-ից ավելի առաջարկներ, որոնք ե՛ւ բովանդակային են, ե՛ւ կոնկրետ ծրագրային:

«Բացասական առումով հիմնական շեշտադրումներն արել ենք այն, որ մենք պետք է միջոցներ ձեռնարկենք, որպեսզի բյուջեով նախատեսվեն ծախսային ծրագրեր՝ արդյունաբերության, տեխնոլոգիական վերազինման համար: Անհրաժեշտ են ծախսային ծրագրեր, որոնք կբերեն եւ կաջակցեն տնտեսության իրապես կառուցվածքային բարեփոխումներին, եւ մենք վերջապես կունենանք ՀՆԱ-ի կառուցվածքի փոփոխություն՝ մասնավորապես շեշտակի մեծացնելով արտահանելի հատվածը գյուղատնտեսության, արդյունաբերության եւ ՏՏ ոլորտի»,- ասաց Խաչատրյանը՝ հավելելով, որ դեռ պարզ չէ, թե ինչպես են քվեարկելու բյուջեին, քանի որ սպասում են կառավարության արձագանքին:

Ժաննա Ջեյրանյան

Տպել
1220 դիտում

Ո՞ւմ հորդորով Խաչատուրովը չեկավ ԱԺ. Ապրիլյան պատերազմի վավերագրությունը պատրաստ է, սպասենք սենսացիոն բացահայտումների

Սարդարապատ համայնքում սուբվենցիոն ծրագրի շրջանակում կտեղադրվի 10 հակակարկտային կայան

Տարիների աղետ Արկտիկայի համար. ինչ է հայտնի գետերը լցված 21 հազար տոննա նավթամթերքի մասին

Լանջազատ համայնքում գազաֆիկացման աշխատանքների կատարման համար հայտարարվել է մրցույթ

Գյումրու Սավոյան փողոցի տնակներից մեկից հեռուստացույց ու համակարգիչ են գողացել (տեսանյութ)

ԱՀ նախագահ Արայիկ Հարությունյանը խորը վշտով է տեղեկացել Սաթենիկ Սաֆարյանի մահվան մասին

Վարակը չի ստիպել վայր դնել զենքը. արյունալի հակամարտությունները շարունակվում են

ԶՈՒ ԳՇ պետ Արտակ Դավթյանն այցելել է զինվորական հոսպիտալ

Վաղը օլիմպիադաների հանրապետական փուլն է. նախարարը ծնողներին խնդրում է հեռու լինել դպրոցից և կուտակումներ թույլ չտալ

Մենք պայքարում ենք և ձեզ վերադարձնում ընտանիք, դուք էլ մեր համար պայքարեք և մեզ վերադարձրեք մեր ընտանիք. ռեանիմատոլոգ

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում