Լեւոն Սարգսյանի արտահանձնման նպատակով նախապատրաստվում է անհրաժեշտ փաստաթղթերի փաթեթը. դատախազի խորհրդական

«Ալրաղացի Լյովիկ» մականվամբ հայտնի ԱԺ նախկին պատգամավոր Լեւոն Սարգսյանին Ռուսաստանի դաշնությունից Հայաստանի Հանրապետությանն արտահանձնելու գործընթացն իրականացնելու համար ՀՀ դատախազությունն այս պահին նախապատրաստում է այդ նպատակով ռուսական կողմին փոխանցվելիք փաստաթղթերի փաթեթը:

Այս մասին «Հայկական ժամանակ»-ի հարցին ի պատասխան՝ տեղեկացրեց Գլխավոր դատախազի խորհրդական Գոռ Աբրահամյանը:

Հիշեցնենք՝ այսօր ոստիկանությունը տեղեկացրեց, որ  քրեական հետախուզության գլխավոր վարչության, Ռուսաստանում Հայաստանի ոստիկանության ներկայացուցչության և ՌԴ ՆԳՆ համապատասխան ստորաբաժանումների համատեղ իրականացրած լայնածավալ օպերատիվ-որոնողական աշխատանքի արդյունքում նոյեմբերի 21-ին ՌԴ Մոսկվայի մարզի Զելենոգրադ քաղաքում հայտնաբերվել և ձերբակալվել է Երևանի բնակիչ, 1968 թվականին ծնված Լևոն Հրաչյայի Սարգսյանը:

Հիշեցնենք՝ Լեւոն Սարգսյանը ներգրավվել էր որպես մեղադրյալ՝ կազմակերպված խմբի կազմում առանձնապես խոշոր չափերով գույք հափշտակելու նպատակով ավազակային հարձակում կատարելու և հանցավոր համագործակցությանը մասնակցելու համար: Հաշվի առնելով, որ վերջինս տևական ժամանակ բացակայել էր ՀՀ-ից, գտնվելու վայրը հայտնի չէր, նրա նկատմամբ 2018 թվականի հոկտեմբերի 1-ց հայտարարվել էր հետախուզում, եւ որպես խափանման միջոց ընտրվել է կալանավորումը: Նույն գործի շրջանակում մեղադրանք էր առաջադրվել  նաև Լևոն Սարգսյանի ազգական Սուրեն Ղազարյանին, ով կալանավորվել էր: Ավելի ուշ նրա նկատմամբ որպես խափանման միջոց էր ընտրվել չհեռանալու մասին ստորագրությունը:

Քրեական գործը հարուցվել էր ՀՀ մաքսային պետական կոմիտեի նախկին ղեկավար Արմեն Ավետիսյանի նկատմամբ 2008 թ. հոկտեմբերին իրականացված մահափորձի փաստի առթիվ:

ԱԱԾ լրատվական ծառայությունը հայտնել էր, որ իրականացված լայնածավալ օպերատիվ-հետախուզական միջոցառումների եւ քննչական գործողությունների արդյունքում հաջողվել էր պարզել, որ Արմեն Ավետիսյանի առանձնատան վրա ավազակային հարձակման իրական պատվիրատուն, նախնական տվյալների համաձայն, հանդիսացել էր ՀՀ ԱԺ նախկին պատգամավոր, հանրությանն «Ալրաղացի Լյովիկ» մականվամբ հայտնի Լեւոն Սարգսյանը, ով, լարված հարաբերությունների մեջ գտնվելով Արմեն Ավետիսյանի հետ, արդեն իսկ ձեւավորված եւ ավազակային մի շարք հարձակումներ գործած  հանցավոր խմբի անդամներին պատվիրել էր վերոնշյալ հանցագործության կատարումը:

Հարձակումը դյուրին դարձնելու եւ ցանկալի արդյունքի հասնելու համար Լեւոն Սարգսյանն Արմեն Ավետիսյանի հետ անմիջական շփումներ ունեցած, նրա մոտ աշխատած եւ վերջինիս առանձնատան կառուցվածքին քաջատեղյակ իր ազգական Ս.Ղ.-ի միջոցով ձեռք էր բերել եւ խմբին տրամադրել առանձնատան մանրամասն գծագիրը՝ չհրկիզվող պահարանների տեղակայման վայրերի նշագրումներով: Ավազակային հարձակումից հետո Լեւոն Սարգսյանը գողոնից ընտրել եւ վերցրել էր իրեն հետաքրքրած ոսկյա զարդերն ու թանկարժեք ժամացույցները:

Վերը նշված տվյալների հիման վրա հարուցված քրեական գործով 2018 թվականի հոկտեմբերին իրականացվել էին խուզարկություններ Լեւոն Սարգսյանին պատկանող առանձնատանը եւ բնակարանում, որոնց արդյունքում հայտնաբերվել էր մեծ քանակությամբ զենք եւ ռազմամթերք, այդ թվում՝ ծալվող խզակոթով «ԱԿ-74» տեսակի ինքնաձիգ, փողատակային նռնականետ՝ իր նռնակներով, տարբեր տրամաչափի ավելի քան 4000 փամփուշտ: Նշանակվել էր դատաձգաբանական եւ պայթյունատեխնիկական համալիր փորձաքննություն՝ այլ հանցագործություններում զենքի գործածված լինելու հանգամանքն ստուգելու նպատակով:

 Միլենա Խաչիկյան

Տպել
961 դիտում

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել

Արմեն Սարգսյանը խոսք է հղել Զինված ուժերում վերջին օրերին տեղի ունեցած մտահոգիչ դեպքերի կապակցությամբ

Օլիմպիադայից հետո երկուսին էլ ամուսնացնել. Սամվել Բալասանյանն ընդունել է Արթուր Ալեքսանյանին եւ Կարապետ Չալյանին

Ամեն ինչ էլ հնարավոր է. Վահրամ Դումանյանը չհերքեց, որ կարող է առաջադրվել ԵՊՀ ռեկտորի պաշտոնում

Այնպես չէ, որ մեր քաղաքացիների համար գաղտնիք է՝ ով է փորձելու կանգնեցնել այս ժողովրդավարական գործընթացը․ Ալեն Սիմոնյան

Արմեն Սարգսյանը հանդիպել է Հայաստանում ԵՄ պատվիրակության ղեկավար, դեսպան Անդրեա Վիկտորինի հետ (տեսանյութ)

Հավի կրծքամսում խոնավության զանգվածային մասը կազմել է 80%. խմբաքանակը հանվել է վաճառքից եւ ոչնչացվել

Նիկոլ Փաշինյանը մասնակցելու է «ԱՅՈ»-ի քարոզարշավին․ «Իմ քայլի» նիստն ավարտվեց

Մի քանի գերլարված դիմակայություններ Չեմպիոնների լիգայի 1/8 եզրափակչում. մրցաշարը վերսկսվում է

Աջափնյակ վարչական շրջանի ղեկավար Գեւորգ Բաբայանը ազատման դիմում է ներկայացրել

Նարեկ Սարգսյանի կալանավորման ժամկետը երկարաձգվել է

ՀՀ զինված ուժերի գլխավոր շտաբը հորդորում է զերծ մնալ բանակում մահվան դեպքերը շահարկելու փորձերից

ԱԺ-ում քննարկվել են զբոսաշրջային ավտոբուսների կայանատեղերին եւ երթեւեկության բալային համակարգին վերաբերող հարցեր

Վաչագան Ղազարյանն ու նրա կինը պետական բյուջե են փոխհատուցել 2 միլիարդ 837 միլիոն ՀՀ դրամ վնասը. գործը կարճվել է

Սուր շնչառական վարակներով պայմանավորված իրավիճակի կայունացում է նկատվում, իսկ որոշ ցուցանիշներով՝ նվազում