«Այս նախագիծը փրկություն էր, 10 միլիոն դոլար կգա բյուջե». կառավարության որոշումը գոհացրել է ավտոներկրողներին

ՀՀ կառավարության նիստում օրերս ընդունված որոշումը գոհացրել է ավտոներկրողներին: 

Կառավարության հերթական նիստում ՀՀ տարածքային կառավարման եւ ենթակառուցվածքների փոխնախարար Բագրատ Բադալյանը ներկայացրել էր նախագիծ, որով նախատեսվում է աջակողմյան ղեկային համակարգով ավտոմեքենաները առանց ղեկը փոխելու ներմուծել Հայաստան եւ այստեղ իրականացնել ղեկային համակարգի փոխարինում: Ըստ այդմ՝ մինչեւ այդ փոփոխությունը մեքենան հնարավոր չէ շահագործել: Ղեկային համակարգը փոխելուց հետո մեքենան կմաքսազերծվի եւ կհաշվառվի ոստիկանությունում, որից հետո կարելի է շահագործել ՀՀ տարածքում:

«Վարորդի ընկեր» ՀԿ նախագահ Տիգրան Քեյանը եւս դրական է համարում որոշումը: Նրա կարծիքով՝ այս փոփոխությունն ավելի վաղ էր պետք անել. «Այն ժամանակ ասում էին՝ անվտանգ չէ վերասարքավորելը: Անգամ ասում էին՝ աջ ղեկով մեքենա վարելն ավելի անվտանգ է, քան ղեկը փոխած: Արդեն տեւական ժամանակ է մարդիկ Վրաստանում էին իրականացնում այդ փոփոխությունը, հետո ներկրում, հիմա գոնե մեզ մոտ կանեն»:

Քեյանի կարծիքով՝ սա տնտեսապես ձեռնտու է Հայաստանին, քանի որ այն գումարը, որը գնում էր Վրաստանում աշխատող մեխանիկներին, հիմա կգա Հայաստանի մեխանիկներին: Նա նշեց, որ սրա դրական կողմերը երկարաժամկետ չեն լինի. «Հունվարի 1-ից ԵԱՏՄ կանոնակարգով ավտոմեքենաների գինը, մաքսազերծման գինը կբարձրանա: Եթե նախկինում աջ ղեկով ավտոմեքենայի ներկրման մաքսազերծումն ավելի մատչելի էր, ապա այդ կանոնակարգով տարբերություն չի լինելու՝ ձախ, թե աջ ղեկով կլինի ավտոմեքենան, քանի որ այլ հանգամանքներ են հաշվի առնվելու մաքսազերծման ժամանակ: Այսինքն՝ այդ պարագայում ԵԱՏՄ տարածքից դուրս երկրներից ավտոմեքենա ներկրողները կնախընտրեն ձախ ղեկով ավտոմեքենա ներկրել, քանի որ տարբերություն գրեթե չի լինի: Այսինքն, այս փոփոխությունը կազդի այս պահին Վրաստանում կուտակված մեքենաների վրա, դրանք կներկրվեն այստեղ, կվերասարքավորվեն մինչեւ տարեվերջ»:

«Ավտոներկրողների միության» նախագահ Տիգրան Հովհաննիսյանը «Հայկական ժամանակ»-ի հետ զրույցում ասաց, որ տեւական ժամանակ բողոքի ակցիաներ էին իրականացնում, որպեսզի այս խնդիրը լուծում ստանա. «Օրերս մենք Պետական եկամուտների կոմիտեի դիմաց ակցիա էինք իրականացրել եւ հանդիպել ենք ՊԵԿ նախագահի բոլոր տեղակալների հետ: ՊԵԿ նախագահի տեղակալ Շուշանիկ Ներսիսյանի հետ հանդիպմանը մենք ասացինք, որ խնդիրները շատ են եւ հիմնականը գուցե ՊԵԿ-ի լիազորություններից դուրս են՝ ոստիկանության ոլորտում են, կամ տարածքային կառավարման եւ ենթակառուցվածքների»:

Ավտոներկրողի խոսքով՝ Շուշանիկ Ներսիսյանը հանդիպման ժամանակ զանգահարել է ԱԺ «Իմ քայլը» խմբակցության անդամներին: «Դրանից հետո մենք հանդիպում եղավ պատգամավոր Սիսակ Գաբրիելյանի, ավտոներկրողների եւ Շուշանիկ Ներսիսյանի միջեւ: Մաքսային մարմնից դուրս խնդիրները այդ հանդիպման ժամանակ լուծում տրվեց: Առանձնացվեց ամենակարեւոր խնդիրը՝ աջ ղեկով ավտոմեքենաների կուտակումը Վրաստան, որն այսօր արդեն լուծվեց: Շուշանիկ Ներսիսյանի եւ Սիսակ Գաբրիելյանի շնորհիվ կառավարությունն արձագանքեց»:

Հարցին՝ ի՞նչ է տալու այս որոշումը ավտոներկրողներին, Հովհաննիսյանը պատասխանեց. «10 միլիոն դոլար կգա Հայաստան: Այս ամիս 30-ից 40 հազար ավտոմեքենա է ներմուծվելու, որից 10 հազարը աջ ղեկով: Այդ աջ ղեկի վերասարքավորումը՝ առնվազն 1000 դոլար կստանա հայ գործարարը: Սա փրկություն էր»:

Հովհաննիսյանը նշեց, որ ղեկի վերասարքավորումը Հայաստանում ավելի որակյալ են իրականացնում. «Կառավարությունը կարող է հանձնաժողով ստեղծել, որն էլ կհետեւի, թե վերասարքավորումն ինչպես է իրականացվում Հայաստանում: Թե չէ Վրաստանում գնում էինք ադրբեջանցիների գյուղերը անտեր վիճակ էր, վատ էին փոխում ու թե ինչ կլինի քո կյանքի հետ մեկ է: 10 հազար մեքենա կգա այստեղ, կփոխվի, չի կուտակվի, բողոքները կհանդարտվեց: Մենք 6 ամսվա ընթացքում դա կկարողանանք վաճառել օտարերկրացիներին, որը նույնպես կառավարությունն է թույլ տվել»:

Ավտոներկրողի խոսքով՝ այս որոշումը բավարարում է իրենց. «Սա մեզ շատ է օգնում: Մենք ձեռներեցներ ենք, ամեն ինչ հաշվում ենք: Եթե արգելեն այլ երկրից վերասարքավորված ղեկով ավտոմեքենա ներկրելն ու այստեղ միայն վերասարքավորվի՝ գերազանց կլինի»:

Տպել
3582 դիտում

Հայաստանում կորոնավիրուսով վարակվածների ընդհանուր թիվը հասել է 532-ի

Պարո՛ն նախարար, եթե ձեր սխալները դնեմ ֆեյսբուքյան քվեարկության, հետեւանքները ձեզ հաճույք չեն պարգեւի. Լուսինե Բադալյան

Պաշտոնական տվյալներով՝ մինչ այս Իտալիայում գտնվող մեկ հայ է վարակվել կորոնավիրուսով․ փոխնախարար

Հայաստան վերադառնալու համար կան 3 օբյեկտիվ դժվարություններ․ Ավետ Ադոնց

Ոստիկանները թույլ չեն տալիս, որ 3 հոգուց ավելի ընտրողներ մուտք գործեն Արցախի ընտրատեղամասեր. ՀՀ ԱԺ պատգամավորներ

Մնա տանը, վճարիր և փոխացիր անհպում. Idram-ի և IDBank-ի համատեղ թվային հարթակն արդեն իրականություն է

Սիրիայում հայ առաքելության բժիշկները բուժօգնություն են ցուցաբերել 1169 սիրիացու. ականազերծվել է 19697 քմ տարածք

Հայտնի է Հրայր Թովմասյանի եւ նրա սանիկ Նորայր Փանոսյանի գործով առաջին դատական նիստի օրը

Նա Հայաստանի լավ բարեկամն էր, մեր երկրի զարգացման բազմաթիվ նախաձեռնությունների հեղինակ. վարչապետը՝ Կաոլիի մասին

Կառավարության փաթեթը ոնց որ «ֆորդ բոյար»-ը լինի՝ 10 փուլ պետք է անցնես, որ հասնես բարիքի․ Էդմոն Մարուքյան

Իրավիճակի ամբողջ պատասխանատվությունը Բակո Սահակյանի եւ նրա նեղ շրջապատի վրա է. Հայկ Խանումյանը կատարեց իր ընտրությունը

Առողջապահության նախարարությունը համալրվելու է 100 շնչառական նոր սարքով, 60 հազար թեստերով

Սլովակիայի ամենահայտնի ֆուտբոլային թիմերից մեկը լուծարվում է. այնտեղ է խաղում Վահան Բիչախչյանը

Պետք է ջանքեր գործադրել՝ համոզելու քաղաքացիներին, թե ինչու է անհրաժեշտ իրավունքների որոշ սահմանափակում․ Ռուստամ Բադասյան

Հնդկաստանից հատուկ չվերթով Կալկաթայի Հայոց ճեմարանի 68 սաները և նրանց ուսուցիչները տեղափոխվել են Հայաստան

Թուրք-իրանական սահմանին գազատարի պայթյուն է տեղի ունեցել (լուսանկարներ)

Մանվել Գրիգորյանը տանն է, բայց վիճակը շարունակվում է գնահատվել շատ վատ. պաշտպան

Ոսկեվան համայնքում հակառակորդի կրակոցից վիրավորված երեխայի վիճակը կայուն է, գանգատներ չունի

Շուշիի քրեակատարողական հիմնարկում քվեարկությունը կմեկնարկի ժամը 11:00-ին

Կաշառք, սպանության փորձ, ծեծ, մաքսանենգություն, լիազորությունների չարաշահում. ոստիկանության ամփոփագիրը