ՀՖՖ նախագահի թեկնածու Թովմաս Գրիգորյանը՝ ծրագրերի, Ռուբեն Հայրապետյանի հետ աշխատելու եւ իր անվան շուրջ աղմուկի մասին

Հայաստանի ֆուտբոլի ֆեդերացիայի գործկոմի անդամ, «Լոռի» ֆուտբոլային ակումբի հիմնադիր Թովմաս Գրիգորյանը վստահ է, որ որպես ֆուտոբոլային գործիչ կուտակած իր փորձը շատ օգտակար կլինի հայկական ֆուտբոլին: Նա արդեն պաշտոնապես հայտնել է, որ իր թեկնածությունն առաջադրվել է ՀՖՖ նախագահի ընտրություններում: Այս պաշտոնը զբաղեցնելու մասին միտքը նոր չի առաջացել, վաղուց է ունեցել, սակայն ինչ-ինչ հանգամաներ խանգարել են: «Հայկական ժամանակ»-ի հետ զրույցում նշեց, որ այժմ իր ծրագրերը կյանքի կոչելու հնարավորություն է տեսնում:

«Վերջին տարիներին անընդհատ եղել է իմ ցանկությունը (խմբ. նկատի ունի ՀՖՖ նախագահի պաշտոնում աշխատելը): Ունեմ ծրագրեր, սկսած 3 տարեկանից մինչեւ վետերանները պատկերացնում եմ՝ ինչ պետք է լինի, որպեսզի զարգացում ապահովվի ֆուտբոլում»,-ասաց նա՝ չմանրամասնելով, թե նախկինում առաջադրվելու համար ինչ խանգարող հանգամանքներ են եղել:

ՀՖՖ նախագահ ընտրվելու դեպքում Գրիգորյանը պատրաստվում է 3 ամսում վաճառել «Լոռին»: Դեռեւս գնորդ չունի, սակայն համոզված է, որ ակումբի համբավը կնպաստի նրան, որ հարցն արագ լուծվի: Այս թիմը ՀՀ Բարձրագույն խմբի առաջնությունում հայտնել է 2018-19 մրցաշրջանից: Հասել է մինչեւ ՀՀ Գավաթի խաղարկության եզրափակիչ, հնչեղ տրանսֆերներ է արել՝ խաղացողներ ուղարկելով իսպանական «Ալմերիա» եւ ֆրանսիական «Լիլ»: Ընթացիկ՝ 2019-20 մրցաշրջանում էլ՝ ձմեռային դադարից առաջ գլխավորում է մրցաշարային աղյուսակը: Գրիգորյանը թեեւ ափսոսանք զգում է, սակայն պատրաստ է հրաժարվել ակումբից:

«Այսպես ասեմ. գիտակցելով հայկական ֆուտբոլում՝ ինչ է կատարվում, ինչ իրավիճակ է՝ այսպես ասած, զոհաբերելով «Լոռին»՝ փորձում եմ իմ գործուն ազդեցույունն ունենալ հայկական ամբողջ ֆուտբոլի զարգացման վրա եւ պրոեկտել «Լոռիի» հաջող գործունեությունը ՀՖՖ գործունեության վրա: Ափսոսալով գնում եմ դրան»,- ասաց նա՝ ավելացնելով, որ նախագահ չընտրվելու դեպքում ՀՖՖ-ում պաշտոն չի զբաղեցնի, սակայն պատրաստ է կիսվել իր փորձով:

Գրիգորյանը նշում է, որ նպատակներն իրականացնելու համար թիմ է հավաքել, որում կան մարզիչներ, ֆուտբոլիստներ, ֆունկցիոներներ եւ ֆուտբոլային այլ մասնագետներ: Ընդգծում է, որ հստակ պատկերացում ունի՝ ինչպես պետք է զարգացնել ֆուտբոլը: Ըստ նրա՝ պետք է սկսել մանկապատանեկան ֆուտբոլից ու ավարտել տարեցների զբաղվածությամբ: Գլխավորը, նրա կարծիքով, մանկապատանեկան ֆուտբոլն է:

«Դրա մեջ շատ գործառույթներ են մտնում՝ սկսած մարզչական կրթությունից, սկսած նրանից, որ մանկապատանեկան ֆուտբոլով զբաղվող ամեն երեխայի համար պետք է սանդղակ սահմանենք եւ վճարենք դպրոցներին եւ ակադեմիային... մարզերում կան դպրոցներ, որոնք գնդակներ չունեն, խաղակոշիկներ չունեն, այդպես չի կարող զարգանալ: Ակադեմիաները եւ դպրոցները կունենան իրենց կանխատեսված եկամուտները ֆեդերացիայից, որոնցով կկարողանան հոգալ իրենց առաջնային հարցերը»,- ասաց նա՝ ավելացնելով, որ ծրագիրն ավելի մանրամասն կներկայացնի քարոզարշավի ընթացքում:

Հայ ֆուտբոլասերների մեծ երազնանքն է ՀՀ հավաքականը տեսնել Եվրոպայի կամ աշխարհի առաջնության եզրափակիչ փուլում: Գրիգորյանը, սա իրատեսական է համարում: Մյուս կողմից շեշտում է, որ դրան չհասնելը չպետք է ողբերգություն դիտարկել:

«Իհարկե իրատեսական է, բայց դա պետք է ոչ թե լինի այսպես. եթե չհասանք, ձախողում է, այլ պետք է աշխատել, աշխատել, այդտեղ հասնել աշխատանքի արդյունքում: Պետք է  լավ կոմպլեկտավորել թիմը, ունեցած ռեսուրսները ճիշտ օգտագործել, պետք է բարոյահոգեբանական ճիշտ վիճակ լինի, եւ մեր հաւջողությունն անխուսափելի կլինի, անպայման կհասնենք: Իհարկե հավատում եմ, եւ փորձով ցույց եմ տվել՝ ինչպես է «Լոռին» քիչ ռեսուրսներով միշտ ամբիցիոզ, մրցունակ ծրագրեր իր առաջ դնում եւ հաղթահարում»,- ասաց նա:

ՀՖՖ նախագահի ու գործկոմի ընտրությունները քննարկելիս երկրպագուները հաճախ են նշում, որ այնտեղ չեն ցանկանում տեսնել նախկին նախագահ Ռուբեն Հայրապետյանի հետ աշխատած անձանց: Գրիգորյանը շուրջ 17 տարի է՝ գործկոմի անդամ է: Երկար տարիներ այնտեղ է եղել նաեւ Հայրապետյանի ղեկավարման օրոք, սակայն  չի կարծում, որ դա խոչընդոտող հանգամանք է:

«Այսօրվա ֆեդերացիայի 90 եւ ավելի տոկոսն աշխատել են նրա ժամանակ եւ օգտվել է նրա, այսպես ասած, աշխատանքի իրավունք տալուց, բայց ես այն ժամանակ էլ եւ մինչեւ այսօր հայկական ֆուտբոլի համար եղել եմ դոնոր եւ օգնողի դեր եմ տարել: 20 տարի է՝ ֆուտբոլի մեջ եմ, եւ տարբեր ղեկավարներ են եղել ՀՖՖ-ում: Այնպես որ դա շահարկման թեմա, կարծում եմ, որ չպետք է լինի»,- ասաց նա:

Գրիգորյանն անդրադարձավ նաեւ վեջերս իր անվան հետ կապված սկանդալին: ՀՀ առաջնության հանդիպումներից մեկի ժամանակ ՀՀ հավաքականի եւ այն ժամանակ դեռ «Փյունիկի» կիսապաշտպան Էրիկ Վարդանյանի հասցեին տրիբունայից անվայելուց արտահայտություն էին հնչեցրել: Այդ խոսքերը վերագրվում է Գրիգորյանին:

«Դա իմ ամենացավոտ հարցն է: Ե՛վ ՖԱՖ-ի (խմբ. ՀՀ հավաքականի ֆան-ակումբ), ե՛ւ Էրիկ Վարդանյանի հոր հետ, որը իմ շատ երկար տարիների մետրիմն է, քննարկել ենք, եւ ձայնագրություններով համոզվել են, որ դա ես չեմ ասել: Շատ լավ հարաբերություններ ունեմ նրա հոր հետ, 7 տարեկանից եմ ճանաչում Էրիկ Վարդանյանին եւ 7 տարեկանից նայել եմ՝ ինչպես է դառնում աստղ»,- ասաց նա:

Արտահերթ ժողովը, որի ընթացքում ընտրվելու են նախագահն ու գործկոմի անդամները, կայանալու է դեկտեմեբրի 23-ին: Նախագահի պաշտոնում, բացի Գրիգորյանից, առաջադրված են ՀՖՖ ներկայիս գլխավոր քարտուղար Արմեն Մելիքբեկյանը, լեգենդար ֆուտբոլիստ Խորեն Հովհաննիսյանը եւ գործարար Արսեն Աղաջանյանը:

«Հայկական Ժամանակ»-ը Telegram-ում
Տպել
3240 դիտում

Հաղթանակ թաղամասում ողբերգական հրդեհի հետևանքով մահացածներից մեկը նորածին է, մյուս 2-ը՝ տատիկները. մանրամասներ

Երևան-Մեղրի միջպետական ավտոճանապարհին կիրականացվի հարկադիր քարաթափում

Ադրբեջանը չի ապահովել ձերբակալվածների հետ հյուպատոսական հասանելիություն. ՌԴ ԱԳՆ

Աշտարակ-Ապարան ճանապարհին բախվել են «ԶԻԼ»-ը և մարդատարը. կա վիրավոր

Քննարկումները շարունակվում են բոլոր գործընկերների հետ. ԱԳՆ-ն՝ տրանսպորտային կապերի ապաշրջափակման մասին

Դեսպան Ղևոնդյանը Ղրղզստանի ԱԳ փոխնախարարին տեղեկացրել է Հարավային Կովկասում խաղաղության ՀՀ ջանքերի մասին

Զանգերի սպասարկման և աջակցման բաժնի 1-05 հեռախոսահամարը տեխնիկական խնդրի պատճառով չի սպասարկում

Զելենսկին Ուկրաինայի ուղղափառ եկեղեցու առաջնորդին քաղաքացիությունից զրկել է. պատճառը ՌԴ անձնագիրը թաքցնելն է

Հրդեհ Հաղթանակ թաղամասի Ամառանոցային փողոցի տներից մեկում․ հայտնաբերվել է 3 քաղաքացու դի

Արտահերթ ընտրություններ միանշանակ պետք է տեղի ունենան, բայց Ամենայն հայոց կաթողիկոսի. վարչապետ

Հայրապետյանը Հանրային խորհրդի անդամներին է ներկայացրել ԲՏԱ նախարարության ռազմավարական առաջնահերթությունները

Ալեն Սիմոնյանը կմեկնի արձակուրդ

Չխեղաթյուրել հստակ տեղեկատվությունը. ՍԱՏՄ-ն կրկին հայտնել է՝ ՌԴ-ից որ պաղպաղակի ներմուծումն է սահմանափակվել

Թուրքիայի Չեշմե հանգստավայրում հրդեհ է բռնկվել. 3 գյուղ տարհանվել է

«Շնորհավոր տարեդարձդ, իմ սեր». Հարութ Փամբուկչյանի սիրելին համատեղ լուսանկարներ է հրապարակել

Ըմբշամարտի Մ20 ԵԱ. Գասպար Տերտերյանը դարձել է արծաթե մեդալակիր

ՀԷՑ-ի հնարավոր ազգայնացման շուրջ ակտիվորեն տարածվում են մի շարք «մտահոգ» կարծիքներ, ֆեյք արշավ է. Մանավազյան

«Գրանդ Քենդի»-ի պաղպաղակ տեղափոխող մեքենան կողաշրջվել է․ վիրավորներ կան

Մեկնարկում է հանրակրթական ուսհաստատությունների ուսուցիչների կամավոր ատեստավորման հայտերի ընդունելությունը

Մարդիկ, որոնք առաջին պլանում են ու պայքարում են «թագի» համար, բացարձակապես դրա շահառուները չեն. տեսանյութ

Հաստատվել է «Քենդլ» սինքրոտրոնային հետազոտությունների ինստիտուտ» հիմնադրամի հոգաբարձուների խորհրդի կազմը

Խանդանյանն ընտրվել է ԵԱՀԿ ԽՎ ժողովրդավարության, մարդու իրավունքների և հումանիտար հարցերով հանձնաժողովի նախագահ

ԱԱԾ-ի տղաները սևազգեստ ահաբեկիչներից ավելի մեծ բարոյականություն ունեին Մայր Աթոռի տարածքում գտնվելիս. Ղազարյան

Մահացել է արվեստաբան Կարեն Միքայելյանը

Միջնորդները ջանքեր են գործադրում. ՀԱՄԱՍ-ը խորհրդակցություններ է անցկացնում հրադադարի համաձայնագրի շուրջ

IDBank-ը Հոմպլեքս Մոլում է․ նոր մասնաճյուղի բացումը

Երևանի քաղաքապետարանն ու Հայաստանի ըմբշամարտի ֆեդերացիան կշարունակեն համատեղ ծրագրեր իրագործել

Անվճար թվային քարտեր Ամիօ բանկից՝ 4 արժույթով

Պապոյանն Արզական բնակավայրում հետևել է ծղրիդների դեմ պայքարի միջոցառումների ընթացքին

ՆԳՆ շրջիկ սպասարկման գրասենյակները ծառայություններ կմատուցեն Կոտայքի մարզում. ժամանակացույց

Բոլորի հայացքներն ուղղված են Դանիային. ԱԳՆ խոսնակը հաջողություն է մաղթել ԵԽ նախագահության ստանձնման առիթով

ՌԴ դեսպանը կանչվել է Ադրբեջանի ԱԳՆ

Հնդկաստանում ջրհեղեղների և սողանքների հետևանքով 51 մարդ է զոհվել. հայտարարվել է տագնապի նարնջագույն մակարդակ

Ունեցել ենք բարեհաջող ուսումնական տարի․ Արաքսիա Սվաջյանը հանդիպել է քոլեջների և ուսումնարանների տնօրենների հետ

Որևէ մեկի առողջական վիճակը չի վատթարացել․ ՔԿՀ խոսնակ

ԱԳ փոխնախարարը Սևիլիայում վերահաստատել է տարածաշրջանում խաղաղության հաստատմանն ուղղված ՀՀ հանձնառությունը

Թույլատրվել է «Վիվա Արմենիա»-ի կողմից «ՋիԷնՍի-Ալֆա»-ի 100 տոկոս փայաբաժնի ձեռքբերման գործարքը. ՄՊՀ

Հուլիսի 3-ից 4-ը Սյունիքում ջուր չի լինի. հասցեներ

Ռուսաստանի արտաքին գործերի նախարարությունը նախազգուշացում է հրապարակել Ադրբեջան մեկնող ռուսաստանցիների համար

ԵՄ-ն պատրաստակամ է կոնկրետ քայլերով խորացնել տեխնոլոգիական համագործակցությունը ՀՀ-ի հետ. Մարագոսը՝ նախարարին