Երկրորդ դասարանցիները մաքրում են դասասենյակը. դա հավաքարարի՞, թե՞ աշակերտի գործը պետք է լինի

Ովքե՞ր են պատասխանատու դպրոցներում դասասենյակների մաքրության համար՝ հավաքարարնե՞րը, աշակերտնե՞րը, թե՞ նրանց ծնողները: Կրթական հաստատություններում դասերից հետո երեխաների հերթապահության հարցը տարիներ շարունակ քննարկման առարկա է եղել։

Խնդիրը եւս մեկ անգամ առաջ եկավ, երբ օրեր առաջ այլ առիթով այցելեցինք դպրոցներից մեկը եւ ականատես եղանք, թե ինչպես երկրորդ դասարանի մի քանի փոքրիկներ՝ իրենցից մեծ ավելները ձեռքներին, դասերից հետո զբաղվում էին սենյակի մաքրությամբ:

Սա խնդի՞ր, թե՞ դաստիարակության մեթոդ է: Կրթության, գիտության, մշակույթի եւ սպորտի նախարարության ներկայացուցչի, դպրոցի տնօրենների եւ ծնողների կարծիքները տարբեր են:

մաքրություն անելը կրթադաստիարակչական նպատակ ունի

Դասասենյակները մաքրելու վերաբերյալ օրենսդրական կարգավորում չկա: Հավաքարարի պարտականությունը մաքրելն է, բայց թե ո՞ր տարածքը, հստակ չէ: Այս մասին մեզ հետ զրույցում տեղեկացրեց ԿԳՄՍ նախարարության նախադպրոցական եւ միջնակարգ կրթության բաժնի պետ Սուսաննա Ազատյանը։ Նրա խոսքով՝ դպրոցներում կրթության ու դաստիարակության, կրթական ծրագրերի իրականացման, երեխաների եւ աշխատակիցների անվտանգության պահպանման համար պատասխանատու է տնօրենը: Նմանատիպ հարցերը դրվում են խորհրդի նիստում, քննարկվում, իսկ տնօրենը հետեւում է ներքին կարգապահական կանոններին: Այսինքն՝ ստացվում է՝ յուրաքանչյուր դպրոց ինքն է որոշում՝ ինչպես կարգավորել դասասենյակների մաքրության խնդիրը:

Թե ըստ աշակերտների քանակի՝ որքան հավաքարար պետք է ունենա դպրոցը, օրենքով կարգավորված չէ: Հաստատություններ կան, որոնք մաքրում են հավաքարարները, սակայն, եթե խոսքը մեծ տարածքների մասին է եւ ֆիզիկապես հնարավոր չէ մաքրել, քանի որ հավաքարներն էլ, որպես կանոն, շատ չեն լինում, օգնության են հասնում երեխաները:

«Ճիշտն ասած՝ մենք մի քիչ էլ ողջունում ենք. երեխան պետք է սովորի, որ իր հետեւից մաքրի՝ լինի գրատախտակը, թե հատակը»,- նշեց նախարարության պաշտոնյան՝ հավելելով, որ դա նաեւ կրթադաստիարակչական նպատակ ունի: Նրա խոսքով՝ երեխաները կարող են իրենցից հետո հավաքել թափված թղթերը, մաքրել գրատախտակը եւ ուղղել աթոռները:

Դա, սակայն, ըստ Սուսաննա Ազատյանի, տարրական դասարաններին չպետք է վերաբերի: Երեխաները նաեւ չպետք է մաքրեն սանհանգույցները եւ միջանցքները, այլ միայն թեթեւ գործեր անեն։

Իսկ դպրոցներում եղե՞լ են դեպքեր, որ ծնողները հավելյալ գումար են տրամադրել հավաքարարներին, որպեսզի իրենց երեխաներն ընդհանրապես չմասնակցեն դասարանների մաքրության աշխատանքներին, բաժնի պետը պատասխանեց. «ԿԳՄՍ  նախարարությունը չի խրախուսում դրամահավաքը բոլոր դեպքերում»:

դեպքից հետո երեխաները մաքրությամբ չեն զբաղվում

Արդեն 1 տարի է անցել այն դեպքից հետո, երբ Շիրակի մարզի Արեւիկ գյուղի միջնակարգ դպրոցում 7 տարեկան 2 աշակերտուհիներ ցատկել էին պատուհանից: Դեպքը տեղի էր ունեցել այն ժամանակ, երբ երեխաները մնացել էին հերթապահության: Դասվարը նրանց մենակ էր թողել, նրանք էլ դուռը ներսից կողպել ու սկսել էին մաքրել դասարանը։ Որոշ ժամանակ անց աղջիկները դուռը չէին կարողացել բացել ու ստիպված պատուհանից էին փորձել դուրս գալ։

Արեւիկ գյուղի դպրոցի աշակերտուհիները լավ են, դպրոց են հաճախում: Այս մասին մեզ հետ զրույցում նշեց հաստատության տնօրեն Հակոբ Թորոյանը։ Աշակերտուհիներից մեկը գրեթե չէր վնասվել եւ հենց նույն օրը հիվանդանոցից դուրս էր գրվել: Մյուսը վնասել էր ուսը, վիրահատության ենթարկվել՝ ստիպված լինելով բուժհաստատությունում ավելի երկար մնալ:

«Ոստիկանները գործը քննել են, հանցակազմ չի եղել: Խիստ նկատողություն են ստացել դասվարը, ուսումնական գծով փոխտնօրենը, դաստիարակչական աշխատանքների կազմակերպիչը եւ ես՝ տնօրենս»,- նշեց Հակոբ Թորոյանը:

Նա վստահեցրեց՝ դեպքից հետո կրթական հաստատությունում այլեւս հերթապահություն չկա, հավաքարարն է մաքրություն անում, աշակերտներն էլ միայն ծաղիկներն են ջրում, այն էլ՝ դասվարի ներկայությամբ:

ծնողների կարծիքները տարբեր են

Դասարանները մաքրել-չմաքրելու վերաբերյալ փորձեցինք կարծիք ստանալ ծնողներից: Էլեն Վարդանյանը, ում աղջիկն սովորում է 8-րդ դասարանում, կողմ չէ, որ երեխաները դասերից հետո երկար մնան եւ դասասենյակը հավաքեն, մաքրեն, իսկ եթե մնալու են, ապա, ըստ նրա, դա միայն պետք է լինի դասղեկի ներկայությամբ: 

Անկա Վարդանյանը հակառակ կարծիքն ունի. դեմ չէ, որ աղջիկը դասերից հետո մնա՝ իր հետեւից թղթերը հավաքելու: Նրանց դասարանում այդպես է ընդունված, ամեն օր մոտ 6 աշակերտ մնում է դասարանում գրեթե 20 րոպե եւ կարգի բերում սենյակը:

Ծնող Էլլադա Վասիլյանն էլ կողմ է դասասենյակների մաքրությանը, եթե, իհարկե, խոսքը տարրական դասարանցիներին չի վերաբերում: Իր աղջիկն այժմ սովորում է առաջին դասարանում, տղան՝ 4-րդ: Մայրիկի կարծիքով՝ դեռ փոքր են, 5-րդ դասարանից արդեն կարող են մասնակցել աշխատանքներին:

Մինչ շատ ծնողներ հակասական կարծիքներ են հայտնում, դասասենյակների մաքրությունն աշակերտների պարտականությունը դարձնելուն միանշանակ կողմ է կրթության փորձագետ Անահիտ Բախշյանը: «Դասարանների մաքրությունը դրված է աշակերտների վրա, որոնք պիտի դպրոցից սովորեն իրենց ետեւից մաքրել այն տարածքը, որն զբաղեցնում են, ինչը կրթության բաղադրիչ է պարունակում: Այդ գործողությունը շատ կարեւոր կրթություն է»,- մի առիթով գրառում էր արել նա: Անահիտ Բախշյանը հիշեցրել էր, որ երեխաների այսպիսի կրթության բացակայության դեպքում հետագայում հենց մայրերն են երեխային ասելու․ «Ետևիցդ մաքրել չսովորեցիր»:

Անի Ավագյան

Տպել
6744 դիտում

ԱՄՆ-ը չի կարող ձեռքերը ծալած նստել. կոնգրեսական Ադամ Շիֆը կոչ է անում ճանաչել Արցախի անկախությունը

Le Monde-ն բացահայտում է սիրիացի վարձկանների հավաքագրման մեխանիզմը. ում է բերում Թուրքիան Ղարաբաղի սահման եւ ինչու

Հրետակոծվել է Ասկերանի շրջանի Ավետարանոց համայնքը, կա մեկ վիրավոր. ԱՀ ԱԻՊԾ

ՊՆ-ն վաղվանից տեղեկություններ կտրամադրի նաեւ օնլայն քարտեզով. Արծրուն Հովհաննիսյան

Թշնամական ուժերի ոչնչացումը (տեսանյութ)

Օպերային թատրոնի անձնակազմի մի մասը մեկնել է ռազմաճակատ, մի մասն էլ հաղթանակին նվիրված համերգի է պատրաստվում

Մարտին կարող էր նորամուտը նշել հավաքականում, իսկ հետո անհետացավ. ու՞ր էր «կորել» Մատյո Եզիկյանը

Կորոնավիրուսը հանգեցնում է ոչ միայն պետության ծախսերի ավելացման, այլ նաեւ պաշարում է առողջապահական ֆոնդը. Լիլիթ Մուսեյան

Ստեփանակերտի հրթիռակոծության հետեւանքով հրդեհ է բռնկվել, ավերվել են շինություններ (լուսանկարներ)

Շեխեր բնակավայրը հարակից անտառներով գրեթե լիովին մաքրվել է ադրբեջանական հրոսակախմբերից և դիվերսիոն խմբերից. Հովհաննիսյան

Սահման են մեկնել նաեւ դատական կարգադրիչներ․ ԲԴԽ անդամի խոսքով՝ դատարանները բնականոն աշխատում են

Պոմպեոն կոչ է արել Հայաստանին ու Ադրբեջանին առարկայական բանակցություններ վարել

Կարծում եմ, Կրեմլը կընդունի Արցախի նախագահի դիմումը, սակայն կգործի կուլիսներում. Սարգիս Ծատուրյան

Ստեփանակերտը հերթական անգամ հրթիռակոծվեց. ՊԲ-ն շատ շուտով պատասխան հարված կհասցնի. ԱՀ նախագահի խոսնակ

Լեռնային Ղարաբաղի հարցով բանակցություններում առաջընթաց է գրանցվել. Թրամփ

Ալիևի «փառավորներ», որ զրահատեխնիկան թողել ու փախել էք, ձորերի մեջ ձեր անփառունակ մահն եք գտնելու. Արծրուն Հովհաննիսյան

Մարտունին և Ստեփանակերտը ռմբակոծվում են

ՀՕՊ ստորաբաժանումները ՀՀ հյուսիսարևելյան ուղղությամբ խոցել են հակառակորդի ԱԹՍ. ՊՆ (լուսանկարներ)

Վարչապետը տեսակցել է նաեւ Սասուն Միքայելյանին (լուսանկարներ)

Հարազատս, եղբայրս, որդիս. Նիկոլ Փաշինյանն այցելել է վիրավոր զինծառայողներին