Արժեհամակարգային հակադրություններն արհեստական են

Հայաստանում ընթացող ներքաղաքական զարգացումներն աստիճանաբար արժեհամակարգային հակադրությունների երանգներ են ստանում: Բանն այնտեղ է հասել, որ անգամ ամանորյա սեղանների «բովանդակությունն» է քաղաքականացվում ու ներկայացվում որպես պայքար «ավանդական ազգային արժեքների» եւ «ապազգային դավադիր ուժերի» միջեւ: Ո՞րն է, ի վերջո, խնդիրը:

Բանն այն է, որ Հայաստանում առկա բազմաթիվ խնդիրները, մեծ հաշվով, կարելի է բաժանել երկու մասի՝ պայմանականորեն ասած «արժեհամակարգային հարցեր» եւ «անվտանգային խնդիրներ»: Մի կողմից՝ հանրության բացարձակ մեծամասնությունը, վստահաբար, եվրոպական արժեհամակարգի կրող է կամ առնվազն ձգտում է դրան: Այսինքն՝ ուզում է այնպիսի հասարակություն ունենալ, որտեղ մարդու իրավունքներն ու ազատությունները կհարգվեն, որտեղ բոլորն օրենքի առջեւ հավասար կլինեն, կոռուպցիա չի լինի, ընտրություններ չեն կեղծվի, կաշառքով որեւէ հարց չի լուծվի, անարժանները ծանոթով-բանով գործի չեն ընդունվի, լկտի վարորդներ չեն լինի, որեւէ մեկը լուսամուտից աղբ չի թափի, երեխաները որակյալ կրթություն կստանան, «փինաչիների» փոխարեն կունենանք նորմալ մասնագետներ եւ այլն: Մի խոսքով՝ կդառնանք նորմալ եվրոպական երկիր, որտեղ մարդիկ նորմալ կաշխատեն ու արժանապատիվ վարձատրություն կստանան: Իսկ այս ամենի համար անհրաժեշտ են արժեհամակարգային փոփոխություններ, այսինքն՝ միայն իշխանությունների ջանքերը քիչ են, մարդիկ իրենք պիտի փոխվեն: Մյուս կողմից՝ գոյություն ունեն անվտանգային խնդիրներ,այդ թվում՝ տնտեսական, ու Հայաստանը կոնկրետ համակարգի մաս է կազմում՝ ՀԱՊԿ եւ ԵԱՏՄ անդամ է: Իսկ այդ կազմակերպությունների անդամ երկրներում «եվրոպական արժեհամակարգն» այնքան էլ հարգի չէ:

Հիմա ո՞րն է խնդիրը: Խնդիրն այն է, որ հեղափոխության հռչակած նպատակներին հասնելու համար հասարակության մեջ արժեհամակարգային փոփոխությունները պարտադիր են՝ առանց դրա պարզապես ոչինչ չի ստացվի: Դրա համար էլ իշխանություններն այս հարցում «եւ, եւ»-ի քաղաքականություն են վարում՝ ձգտում են արժեհամակարգային փոփոխություններ իրականացնել ու ավելի ժամանակակից հասարակություն ունենալ եւ միաժամանակ մաս կազմել անվտանգային «ռուսական» համակարգին՝ ավելի արդյունավետ դարձնելով այն: Իսկ ընդդիմախոսները համարում են, որ դա անհնար է ու պետք է գործել «կամ, կամ»-ի սկզբունքով: Այսինքն՝ կոպիտ ասած, եթե անվտանգության հարցերում մենք «ռուսական տիրույթում» ենք, ուրեմն չպետք է մարդու իրավունքների եւ ազատությունների հարցում շատ «խորանանք» կամ պայքարենք կոռուպցիայի ու կաշառակերության դեմ, չպետք է ընտանեկան բռնությունները կանխարգելելու հարցում շատ կոշտ օրենքներ ընդունենք եւ այլն: Ավելին՝ անգամ Ամանորը պարտավոր ենք դիմավորել ոչ թե եվրոպացիների պես, այլ «ավանդական ձեւով»՝ օղիով, «մայրաքաղաքային» սալաթով ու «Ճակատագրի հեգնանք կամ բաղնիքդ անուշ» նայելով

Ասվածի մեջ հեգնանք չկա, որովհետեւ մեզանում իսկապես ցանկացած փոփոխություն հասարակության որոշակի հատված սվիններով է ընդունում, ընդդիմությունն էլ առիթը բաց չի թողնում ու դա ներկայացնում է որպես ջախջախիչ հարված մեր ազգային անվտանգությանը: Այն ընդդիմությունը, որն ընդամենը երկու տարի առաջ իշխանություն էր եւ որպես կանոն՝ Ամանորը նշում էր արտասահմանյան շքեղ մայրաքաղաքներում:

Հ. Գ. Ինչ վերաբերում է կոնկրետ Ամանորը նշելուն, ապա ամեն մարդ պիտի նշի այնպես, ինչպես իրեն է հաճելի:

Տպել
872 դիտում

Ադրբեջանցի Էյվազովի և հայազգի երգչուհի Մանթաշյանի շուրջ սկանդալը լուծվել է. երգչուհուն կրկին հրավիրել են

Դատախազությունը ստացել է Սերժ Սարգսյանի եւ մյուսների վերաբերյալ քրեական գործը

«Շշի Մելո»-ի դեմ մահափորձը պատվիրելու մեջ կասկածվողը ներկայացել է քննչական բաժին

Չարորակ նորագոյացությունների վիրահատական բուժման ծրագրով կատարվել է 4.428 վիրահատություն. նախարար

«Էդ շոուի մեջ մենք չկանք». Մարուքյանին հորդորեցին նախորդ խորհրդարանի գործընկերների հետ սուրճ խմել, ինչից նա վրդովվեց

Կապան քաղաքում մեքենայից գազի արտահոսքի հետեւանքով հրդեհ է բռնկվել

KfW բանկի եւ Թումոյի միջեւ ստորագրվել է փաստաթուղթ. «Վերելակային» բանակցությունների մասին

Գագիկ Խաչատրյանի որդուն փողերի լվացման համար մեղադրանք չի առաջադրվել. պաշտպաններ

Հայազգի շեֆ-խոհարարը դարձել է իտալական հայտնի նախագծի հաղորդավար

Սցենարիստները հնարավորություն կստանան իրենց հաղորդումները հեռարձակել «ԲիԲիՍի» ռադիոծառայության եթերով. մրցույթ

Գեորգի Կուտոյանի մահվան հանգամանքներին ու սպանդանոցների խնդրին վարչապետը կանդրադառնա ԱԺ ամբիոնից

Գյումրեցի Շեկոն եւ Զոհրաբ Եսիմսեյտովն ազատ արձակվեցին. դատարանը փոխեց նրանց խափանման միջոցը

78-ամյա տատին մեր միջոցով սովորեց վարել եւ դարձավ բաժանորդ. որքանով են օգտվում Երեւանում տեղակայված հեծանիվներից

Պարզվել են 14-ամյա աղջկա հետ սեռական հարաբերություն ունենալու դեպքի մի շարք հանգամանքներ

ԱԺ-ն ամբողջությամբ ընդունեց «օրենքով գողերի» վերաբերյալ օրենքի նախագիծը

«Նուբարաշեն» քրեակատարողական հիմնարկը հրավիրում է աշխատանքի

Կրակել են դատավոր Տաթեւիկ Գրիգորյանի աշխատասենյակի պատուհանին

271 միլիոն դրամ ծախսելով, 325 միլիոն դրամ վերադառնում է բյուջե. Ամանորի պետական ծախսերի մասին (տեսանյութ)

Արմեն Սարգսյանը Դավոսում հանդիպել է Վրաստանի վարչապետ Գեորգի Գախարիայի հետ

Փրկարարներն արգելափակումից դուրս են բերել ավտոմեքենաները