Ադրբեջանն ու Ուկրաինան որպես բախտակիցներ նույն բանի մասին են խոսում՝ մտածելով, որ իրենք կորցրել են տարածքներ. փորձագետ

Երեկ Տավուշի մարզի Իջեւան-Նոյեմբերյան մայրուղու եւ Կոթի գյուղի ուղղությամբ հակառակորդի արձակած կրակոցների հետեւանքով հայկական կողմը ո՛չ մարդկային եւ ո՛չ էլ նյութական վնասներ չի կրել:

ՀՀ ԶՈՒ-երի պատասխան կրակից հետո հակառակորդը դադարեցրել էր կրակը:

ՀՀ ՊՆ մամուլի խոսնակ Արծրուն Հովհաննիսյանը ՀԺ-ի հետ զրույցում ասաց, որ կրակոցները եղել են միայն Տավուշի ուղղությամբ:

Կոթի բնակավայրի վարչական ղեկավար Ֆելիքս Մելիքյանը մեր զրույցում հայտնեց, որ կրակոցները եղել են ընդհատումներով:

Հարցին՝ կրակոցների հետեւանքով վնասներ եղել են, վարչական ղեկավարը պատասխանեց. «Մարդու վնաս չի եղել, բնակիչներից էլ դեռ բողոք չեմ ստացել, որ կրակոցի հետեւանքով ինչ-որ նյութական վնաս պատճառված լինի: Եթե լինի էլ, առավելագույնը տանիքին կամ պատուհանին եղած կլինի»:

Մելիքյանը նշեց, որ կրակոցների պահին գյուղում հարսանիք էր ընթանում. «Հարսանյաց սրահը նրանց կրակած դիրքերի ուղիղ դիմացն էր: Բայց հարսանիքը չեն դադարեցրել, շարունակել են»,- ասաց նա, ապա հավելեց. «Իրենց մոտ միշտ այդպես է. հիշողության կորուստ են ունենում, երբ մի հատ լավ դաս են տալիս մերոնք, հանգստանում են: Վերջին անգամ այսպես ակտիվ եղել է 2018-ի սեպտեմբերին»:

Բաղանիս բնակավայրի վարչական ղեկավար Նարեկ Սահակյանն էլ նշեց, որ իրենց բնակավայրում եւս կրակոցներ եղել են, սակայն տուժածներ եւ նյութական վնասներ չկան. «Մի տարի է՝ այսպիսի կրակոցներ չկային, արդեն անսովոր պրոցես էր դառնում մեզ համար»,- հավելեց Սահակյանը:

Ռազմական փորձագետ Հրաչյա Պետրոսյանցի կարծիքով՝ կարելի է բազմաթիվ պատճառներ գտնել, թե ինչու է հակառակորդը ակտիվացել սահմանին, սակայն, ըստ նրա, հիմնավոր հնարավոր չէ ասել՝ որն է իրական պատճառը:

«Պատճառը կարող է լինել ե՛ւ քաղաքական, որոշակի իրավիճակից բխող հարցեր, որն այսօր Ադրբեջանի ներսում կատարվում են, ե՛ւ կարելի է դիտարկել որպես արկածախնդրություն: Համենայն դեպս, ադրբեջանական մամուլը շատ կարճ հաղորդագրություն է տարածել, որ հայկական կողմն է սկսել, եւ իրենք ուղղակի պատասխանել են»,- ասաց փորձագետը:

Նրա խոսքով՝ պրակտիկան ցույց է տալիս՝ եթե, իրոք, հայկական կողմի մեղավորությունը լիներ, ադրբեջանական մամուլն այդքան կարճ հաղորդագրությամբ չէր բավարարվի եւ մի մեծ աղմուկ կբարձրացներ:

Հարցին՝ հնարավոր է, որ ԱՄՆ սենատի կողմից Հայոց ցեղասպանության բանաձեւն ընդունելուց հետո Թուրքիան Ադրբեջանի միջոցով փորձում է պատասխանել, Պետրոսյանցը պատասխանեց. «Ճիշտն ասած՝ հենց այս օրերին Բաքվում թրքալեզու ժողովուրդների պառլամենտի նիստ է տեղի ունենում: Ոչինչ չի կարելի բացառել: Ի վերջո, պետք է ներդրվեն այն տեսահսկման միջոցները, որոնց մասին դեռեւս 2016-ին Վիեննայում է խոսվել. դրանցով կկարողանանք հստակ ապացուցել, որ առաջինն իրենք են կրակել: Ցանկացած դեպքում պետք է հասկանանք մի բան, որ պատերազմը քաղաքականության շարունակությունն է՝ այլ մեթոդներով: Ու ցանկացած կրակոց, որը տեղի է ունենում, դա Ադրբեջանի որոշակի քաղաքականության արդյունքն է: Համենայն դեպս, պետք է հասկանանք նաեւ մի բան, որ կոնկրետ Հայաստանի ուղղությամբ ինչ-որ լուրջ բան տեղի չի ունենա: Բաղանիսի բնակիչներից մեկը տեսանյութ էր տեղադրել, երբ լսում ես, հասկանում ես, որ կրակոցները եղել են հրաձգային զենքերից՝ Կալաշնիկովի ավտոմատից, հնարավոր է նաեւ՝ Կալաշնիկովի գնդացրից: Չի բացառվում, որ սա ուշադրությունը շեղող գործողություններ են»,- ասաց ռազմագետը:

Նրա խոսքով՝ 2016-ի ապրիլից առաջ էլ հակառակորդը կոնկրետ այդ ուղղություններով ակտիվություն էր ցուցաբերում. «Մենք պետք է նաեւ դիտարկենք այն հանգամանքը (որն Ադրբեջանը անընդհատ շեշտում է), թե հակամարտությունն Ադրբեջանի եւ Հայաստանի միջեւ է: Երեկ էլ Իլհամ Ալիեւն Ուկրաինայի նախագահ Վլադիմիր Զելենսկու հետ հանդիպման ժամանակ նորից շեշտել է, որ հակամարտությունը Հայաստանի եւ Ադրբեջանի միջեւ է, այլ ոչ թե՝ Ադրբեջանի եւ Արցախի»:

Դիտարկմանը, թե Ալիեւի հետ հանդիպման ժամանակ Զելենսկին հայտարարել է, որ Ադրբեջանն ու Ուկրաինան պաշտպանում են միմյանց տարածքային ամբողջականությունը, Պետրոսյանցն արձագանքեց. «Չեմ կարող ասել, որ դա կրակոցների հետ կապ ունի, բայց Ուկրաինան Ռուսաստանի հետ խնդիրներ ունի Ղրիմի հարցով, իսկ Ադրբեջանը՝ Արցախի, եւ այդ երկուսը որպես բախտակիցներ նույն բանի մասին են խոսում՝ մտածելով, որ իրենք կորցրել են տարածքներ»:

Անդրադառնալով հարցին, թե արդյոք այդ հայտարարությունը վտանգ ներկայացնում է, Պետրոսյանցը պատասխանեց, որ սա հերթական հայտարարությունների շարքին կարելի է դասել, քանի որ վերջին շրջանում Ուկրաինայի եւ Ադրբեջանի միջեւ ռազմական համագործակցությունը հետին պլան է մղվել՝ ի տարբերություն տարիներ առաջվա: «Ռուսաստանը, Բելառուսը, Իսրայելը եւ Թուրքիան Ադրբեջանին մատակարարում են այնպիսի ռազմական տեխնիկա եւ սպառազինություն, որ Ուկրաինայի հետ համագործակցությունն սպառազինության առումով այդքան էլ շահավետ չէ Ադրբեջանի համար»,- եզրափակեց փորձագետը:

Տպել
2169 դիտում

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի