Խորհրդարանական ընդդիմությունն այս 1 տարվա ընթացքում ակնհայտորեն ավելի ակտիվ է եղել, քան նախորդ գումարումների ԱԺ-ներում

Հայաստանի խորհրդարանի «Իմ քայլը» խմբակցությունն այսօր ամփոփում է մեկ տարվա ընթացքում կատարած իր աշխատանքները։ Պատգամավորներն այս առիթով մամուլի ասուլիս են հրավիրել։

Խմբակցության ղեկավար Լիլիթ Մակունցը մինչ հաշվետվությանն անցնելը, նախ համեմատություն անցկացրեց նախորդ գումարումների խորհրդարանների հետ։

Նա նշեց, որ 5-րդ գումարման ԱԺ-ն, որը գործել է 2012-2017 թվականներին եւ որտեղ ներկայացված է եղել վեց խմբակցություն, այդ հինգ տարիներին ընդունել է 1422 օրենքի նախագիծ եւ որոշում, ընդդիմադիրներն էլ ներկայացրել են 35 նախագիծ։

6-րդ գումարման ԱԺ-ն, որը գործել է մոտ երկու տարի եւ որտեղ ներկայացված է եղել 4 խմբակցություն, ընդունել է 726 նախագիծ եւ որոշում, իսկ ընդդիմադիրները նախաձեռնել կամ համահեղինակել են 9 նախագիծ։

Իսկ ահա գործող՝ 7-րդ գումարման խորհրդարանը, որտեղ կա 3 խմբակցություն, այս մեկ տարվա ընթացքում ընդունել է արդեն 367 նախագիծ ու որոշում, ընդդիմադիր պատգամավորներն էլ ներկայացրել կամ համահեղինակել են 30 նախագիծ։

Համեմատելով այս տվյալները՝ Մակունցը նկատեց՝ ակնհայտ է դառնում, որ ընդդիմությունը շատ ավելի ակտիվ է, քան նախորդ գումարումների խորհրդարաններում։

«Հատկանշական է նաեւ, որ այս Ազգային ժողովի ընդունած առաջին նախագիծը եղել է ընդդիմության ներկայացրածը»։

Անդրադառնալով արդեն «Իմ քայլը» խմբակցությանը՝ Մակունցն ասաց, որ այս պահին ԱԺ օրակարգում կա իրենց խմբակցության պատգամավորների հեղինակած կամ համահեղինակած 103 նախագիծ, ամբողջությամբ ընդունվել է 37 նախագիծ, «Իմ քայլ»-ի պատգամավորները մեկ տարվա ընթացքում 420-ից ավելի ելույթներ են ունեցել, իսկ կառավարությունը ներկայացրել է 250 նախագիծ։

Մակունցը հատկապես կարեւորեց այն օրինագիծը, որի համաձայն՝ նվազագգույն աշխատավարձը 55 հազար դրամից բարձրացավ 68 հազար դրամի։ Խմբակցության ղեկավարը հիշատակեց նաեւ քրեական ենթամշակույթին հարելը քրեականացնելու մասին նախագիծը, 56 մլրդ ԱԱՀ դեբետային մնացորդները տնտեսվարողներին վերադարձնելու նախագիծը, Սեւանա լճից լրացուցիչ ջրառը բացառող օրինագիծը եւ այլն։

Տպել
2712 դիտում

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն

Հղի կանանց աջակցության ծրագրով վճարումներն սկսված են

Արժույթի միջազգային հիմնադրամը նախատեսում է ավելացրել Հայաստանին տրամադրվելիք օժանդակությունը մինչեւ 280 մլն դոլար