3509 առցանց գրանցում, 326 հազար 786 ԱՄՆ դոլար. www.himnadram.org կայքի նոր նվիրատուների գրանցումը չի դադարում

Վերջին օրերին «Հայաստան» համահայկական հիմնադրամի «չելենջին» միացողների ակտիվություն է նկատվում, մասնավորապես բավական ակտիվորեն www.himnadram.org կայքում գրանցվում են շոու-բիզնեսի ներկայացուցիչները: Հիմնադրամի տնօրեն Հայկակ Արշամյանը մեր զրույցում տեղեկացրեց, որ այսօրվա դրությամբ արդեն կայքում գրանցվել է 3509 դոնոր: Նրանք բոլորը միասին գեներացրել են 326 հազար 786 ԱՄՆ դոլարին համարժեք գումար։

Արշամյանը նկատեց, որ առաջին մի շաբաթից հետո մարդկանց ակտիվությունը փոքր-ինչ նվազել էր, սակայն շոու-բիզնեսի ակտիվացումից հետո կրկին շարժ է նկատվում: «Բայց լավն այն է, որ միայն Հայաստանի հետ կապված չի այդ ակտիվությունը, բավական ակտիվ է նաեւ Ռուսաստանը»,- ընդգծեց նա:

Մեր հարցին, թե դա ինչո՞վ է պայմանավորված, հիմնադրամի տնօրենն ասաց, որ ՌԴ-ում գտնվող իրենց գործընկերների միջոցով սոցիալական մեդիաներում տարածել են տեղեկատվությունը: Բացի այդ, ըստ Արշամյանի, իր ազդեցությունն է ունեցել հեռուստամարաթոնը, փոխանցումներ կատարելու մասին վարչապետի կոչը:

Քիչ առաջ իր ֆեյսբուքյան էջում Արշամյանը գրեց, որ հեռուստամարաթոնի օրը հայտարարված 9 միլիոն 856 հազար 100 ԱՄՆ դոլար գումարն արդեն հասել է 10 միլիոն 688 հազար 142-ի։

«Ուրախությամբ նշեմ, որ կայքի նոր նվիրատուների գրանցումը չի դադարում ու վստահ եմ, որ կշարունակվի գալիք 2020 թվականին՝ ի վերջո մոտակա տարիներին հյուսելով հարյուր հազարավոր հայրենակիցների այն ցանցը, որն ի զորու է լինելու իրականացնել ցանկացած մեծ ու փոքր նախագիծ ու գաղափար»,- գրել է Արշամյանը՝ հավելելով, որ շնորհակալ է բոլոր բոլորին, ովքեր սատարել ու սատարում են հիմնադրամին ու մասնակից են դառնում Հայաստանում, Արցախում եւ Սփյուռքում իրականացվող կենսական ծրագրերին։

«Սուրճ խմելիս միշտ հիշեք, որ այդ մեկ բաժակ սուրճը կարող է հայրենիքում ու սփյուռքում ապրող ձեր հայրենակցի, մեկ ընտանիքի, մեկ համայնքի, մեկ մարզի կյանքը դարձնել ավելի բարեկեցիկ ու արժանապատիվ»,- ընդգծել է հիմնադրամի տնօրենը:

Հիշեցնենք՝ «Հեռուստամարաթոն-2019»-ի ընթացքում հավաքված միջոցները կնպատակաուղղվեն խմելու ջրի մատակարարման եւ արեւային էներգիայի կիրառման ծրագրերի իրականացմանն Արցախում, ինչպես նաեւ Հայաստանի երեք մարզերում՝ Տավուշ, Լոռի եւ Շիրակ։ Ընդհանուր առմամբ հարյուրից ավելի համայնքներ կդառնան ծրագրերի շահառուներ եւ կապահովվեն շուրջօրյա ջրամատակարարմամբ, անվճար ջեռուցմամբ ու էլեկտրաէներգիայով։

Տպել
1970 դիտում

«Յուքոմի» հիմնադիրներ Հայկ եւ Ալեքսանդր Եսայանները հաղորդագրություն են տարածել

Հեքիաթ կորոնավիրուսի թեմայով՝ 6-11 տարեկան երեխաների համար․ ծնողներին այն առաջարկում է ԱՀԿ-ն

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն