Առաջին հերթին ՀՅԴ-ի շահերից չի բխում ահաբեկչության հետ կապված պատմական իրողությունների վերհանումը դատարանում. Բաբաջանյան

ՀՀ ԱԺ պատգամավոր Արման Բաբաջանյանը ՀՅԴ-ի հայցի մասին դեռեւս պաշտոնական ծանուցում չի ստացել: ՀԺ-ի հետ զրույցում այդ մասին ասաց ինքը՝ Բաբաջանյանը` հավելելով, որ հայցի մասին տեղեկացել է Դատական տեղեկատվական համակարգից:

Նշենք, որ Հայ հեղափոխական դաշնակցություն կուսակցությունը՝ ի դեմս ՀՅԴ ԳՄ ներկայացուցիչ Իշխան Սաղաթելյանի եւ մի շարք այլ ՀՅԴ-ականների (Արթուր Խաչատրյան, Արծվիկ Մինասյան, Արմենուհի Կյուրեղյան, Տարոն Տոնոյան, Լիլիթ Գալստյան, Հակոբ Մաթիլյան, Միքայել Մանուկյան, Սիմոն Սիմոնյան, Աշոտ Սիմոնյան, Շաղիկ Մարուխեան) դատի են տվել ԱԺ պատգամավոր Արման Բաբաջանյանին:

Նրանք պահանջում են վիրավորանքի համար հրապարակային ներողություն խնդրել եւ զրպարտության համար փոխհատուցում վճարել:

Հիշեցնենք, որ 2019-ի դեկտեմբերի 6-ին Արման Բաբաջանյանն ԱԺ-ում իր ելույթի ժամանակ ՀՅԴ-ին անվանեց՝ ահաբեկչական անցյալով հայտնի ուժ:

- Պարոն Բաբաջանյան, ԱԺ-ում ՀՅԴ-ի վերաբերյալ ձեր ելույթը, որում նշել էիք, թե ՀՅԴ-ն ահաբեկչական անցյալով հայտնի կուսակցություն է՝ զրպարտություն կամ վիրավորանք համարո՞ւմ եք:

- Ոչ, եթե դա վիրավորանք կամ զրպարտություն համարեի, նման բովանդակությամբ ելույթով հանդես չէի գա, առավել եւս՝ Ազգային ժողովի բարձր ամբիոնից: ՀՅԴ-ի ահաբեկչական անցյալը ոչ թե սուբյեկտիվ գնահատական է կամ պիտակավորում, այլ ըստ էության պատմական փաստ: ՀՅԴ-ն կուսակցություն է, որի հետ անմիջականորեն կապված կառույցը՝ Դրոն դատապարտվել է երկրում ահաբեկչական գործողություններ պլանավորելու համար: ՀՅԴ-ի մի շարք բարձրաստիճան անդամներ տարբեր պատժաչափերով ազատազրկման են դատապարտված եղել ահաբեկչության հետ կապված մեղադրանքներով եւ ազատության են հայտնվել Ռոբերտ Քոչարյանի իշխանության գալուց հետո միայն՝ ինչպես այն ժամանակ էր ընդունված ասել՝ իրադրության փոփոխության պատճառով: Մինչեւ օրս էլ այդ դատական գործերը ըստ էության առկախված են, դրանք չեն կարճվել կամ դրանցով մեղադրվողները չեն արդարացվել, այլ ինչպես նշեցի, ազատության մեջ են հայտնվել բացառապես քաղաքական որոշման արդյունքում: Այնպես որ, այս անցյալը՝ ահաբեկչության հետ կապված անցյալը ՀՅԴ-ի պատմության մի մասն է, ինչպես այն հերոսական էջերը, որոնցով սիրում են հպարտանալ դաշնակցականները: Պատմությունից կամ անցյալից փախչել, առավել եւս հերքել այն հնարավոր չէ: Ուստի անհամբերությամբ սպասում եմ, թե դատարանում ինչ հիմնավարումներ ու փաստարկներ են հնչեցնելու դաշնակցականները այս հարցի առնչությամբ: Այս պահին կարող եմ ասել միայն, որ նրանք առնվազն իրավական հարությունում որեւէ հոդաբաշխ հակափաստարկ չեն կարող ներկայացնել:

- Եթե հայցը վարույթ ընդունվի, ո՞րն է լինելու ձեր հետագա քայլը:

- Իմ հետագա քայլը կամ քայլերը լինելու են իմ արած հայտարարություններն ապացուցող փաստական տվյալների հավաքագրումը, որը ընդամենը տեխնիկական հարց է: Ինչպես նշեցի, միայն այդ տարիների մամուլի հրապարակումները առավել քան բավարար են ՀՅԴ-ի ահաբեկչակական կերպարը վերհիշելու համար: Իսկ եթե դրան գումարենք նաեւ Դրոյի մի քանի հատորանոց քրեական գործը, ապա պատկերն ավելի ամբողջական կդառնա: Ես դեռ չեմ բացառում, որ ՀՅԴ-ն կարող է հետ վերցնել այս հայցը, քանի որ ինչպես նշեցի, դրա արծարծումը, առավել եւս դատավարական փուլը մեղմ ասած ՀՅԴ-ի շահերից չի բխում:

- Եթե դատարանը որոշում կայացնի հօգուտ ՀՅԴ-ի, պատրաստվո՞ւմ եք ներողություն խնդրել եւ փոխհատուցում վճարել:

- Չեմ ուզում պատասխանել եթեներով հարցերի, մինչեւ ձեր նշած սցենարը, գործը պետք է անցնի դատավարական փուլ, որի ընթացքում, վստահեցնում եմ ՀՅԴ-ի համար շատ ավելի ոչ հաճելի իրողություններ կնեկայացվեն: Եթե անկեղծ լինեմ, խիստ զարմացած եմ, որ Դաշնակցությունը նման դատական հայց է ներկայացրել, քանի որ կարծում եմ առաջին հերթին ՀՅԴ-ի շահերից չի բխում ահաբեկչության հետ կապված պատմական իրողությունների վերհանումը դատարանում: Բավական է միայն այդ տարիների մամուլի հրապարակումների ներկայացումը, ՀՅԴ-ի ոչ այնքան լուսավոր անցյալը հասարակությանը հիշեցնելու համար: Այնպես որ, մինչեւ դատական վճռի կայացումը դատարանում դեռ շատ հետաքրքիր զարգացումներ կարող են արձանագրվել:

- Տեղյա՞կ եք, թե ինչքան փոխհատուցում են պահանջում ձեզնից:

- Ոչ, տեղյակ չեմ, քանի որ, ինչպես նշեցի, պաշտոնապես չեմ ծանուցվել հայցի մասին:

Տպել
2181 դիտում

Հայաստանում կորոնավիրուսով վարակվածների ընդհանուր թիվը հասել է 532-ի

Պարո՛ն նախարար, եթե ձեր սխալները դնեմ ֆեյսբուքյան քվեարկության, հետեւանքները ձեզ հաճույք չեն պարգեւի. Լուսինե Բադալյան

Պաշտոնական տվյալներով՝ մինչ այս Իտալիայում գտնվող մեկ հայ է վարակվել կորոնավիրուսով․ փոխնախարար

Հայաստան վերադառնալու համար կան 3 օբյեկտիվ դժվարություններ․ Ավետ Ադոնց

Ոստիկանները թույլ չեն տալիս, որ 3 հոգուց ավելի ընտրողներ մուտք գործեն Արցախի ընտրատեղամասեր. ՀՀ ԱԺ պատգամավորներ

Մնա տանը, վճարիր և փոխացիր անհպում. Idram-ի և IDBank-ի համատեղ թվային հարթակն արդեն իրականություն է

Սիրիայում հայ առաքելության բժիշկները բուժօգնություն են ցուցաբերել 1169 սիրիացու. ականազերծվել է 19697 քմ տարածք

Հայտնի է Հրայր Թովմասյանի եւ նրա սանիկ Նորայր Փանոսյանի գործով առաջին դատական նիստի օրը

Նա Հայաստանի լավ բարեկամն էր, մեր երկրի զարգացման բազմաթիվ նախաձեռնությունների հեղինակ. վարչապետը՝ Կաոլիի մասին

Կառավարության փաթեթը ոնց որ «ֆորդ բոյար»-ը լինի՝ 10 փուլ պետք է անցնես, որ հասնես բարիքի․ Էդմոն Մարուքյան

Իրավիճակի ամբողջ պատասխանատվությունը Բակո Սահակյանի եւ նրա նեղ շրջապատի վրա է. Հայկ Խանումյանը կատարեց իր ընտրությունը

Առողջապահության նախարարությունը համալրվելու է 100 շնչառական նոր սարքով, 60 հազար թեստերով

Սլովակիայի ամենահայտնի ֆուտբոլային թիմերից մեկը լուծարվում է. այնտեղ է խաղում Վահան Բիչախչյանը

Պետք է ջանքեր գործադրել՝ համոզելու քաղաքացիներին, թե ինչու է անհրաժեշտ իրավունքների որոշ սահմանափակում․ Ռուստամ Բադասյան

Հնդկաստանից հատուկ չվերթով Կալկաթայի Հայոց ճեմարանի 68 սաները և նրանց ուսուցիչները տեղափոխվել են Հայաստան

Թուրք-իրանական սահմանին գազատարի պայթյուն է տեղի ունեցել (լուսանկարներ)

Մանվել Գրիգորյանը տանն է, բայց վիճակը շարունակվում է գնահատվել շատ վատ. պաշտպան

Ոսկեվան համայնքում հակառակորդի կրակոցից վիրավորված երեխայի վիճակը կայուն է, գանգատներ չունի

Շուշիի քրեակատարողական հիմնարկում քվեարկությունը կմեկնարկի ժամը 11:00-ին

Կաշառք, սպանության փորձ, ծեծ, մաքսանենգություն, լիազորությունների չարաշահում. ոստիկանության ամփոփագիրը