Մեր ընդդիմադիր գործընկերոջ համար ավելի կարեւոր է իշխանությանը սեւացնելու համար դեմ գնալ անգամ պետական շահին․ Գրիգորյան

Հայաստանի խորհրդարանը երկրորդ ընթերցմամբ եւ ամբողջությամբ ընդունելու համար քննարկում է «ՀՀ քրեական դատավարության օրենսգրքում լրացում կատարելու մասին» եւ «Բանկային գաղտնիքի մասին» ՀՀ օրենքում լրացում կատարելու մասին» ՀՀ օրենքների նախագծերի վերաբերյալ կառավարության օրենսդրական նախաձեռնությունը:

Արդարադատության նախարարի առաջին տեղակալ Ռաֆիկ Գրիգորյանը, ՀՀ կառավարության նիստում ներկայացնելով օրենսդրական նախաձեռնությունը, նշել էր, որ որոշման նախագիծը մշակվել է՝ ելնելով կոռուպցիոն հանցագործությունների դեմ պայքարն ավելի արդյունավետ դարձնելու անհրաժեշտությունից, եւ հաշվի է առնվել միջազգային, մասնավորապես՝ սկանդինավյան երկրների փորձը:

Նրա խոսքով՝ գործող օրենսդրությամբ իրավապահ մարմինները սահմանափակված են այն սուբյեկտներով, որոնց առնչությամբ օրենսդրությունը հնարավորություն է տալիս ստանալ բանկային գաղտնիք կազմող տեղեկատվությունը: Մասնավորապես, քրեական դատավարության օրենսդրության հիման վրա ներկայում հնարավոր է ստանալ միայն կասկածյալ եւ մեղադրյալ հանդիսացող անձանց առնչվող բանկային տվյալներ, ինչը բազմիցս քննադատել են միջազգային կառույցները եւ բարձրաձայնվել է իրավապահ մարմինների կողմից՝ որպես խոչընդոտ ֆինանսական, մասնավորապես՝ կոռուպցիոն բնույթի հանցագործություններով գործերի քննության համար: Դա պայմանավորված է նրանով, որ հաճախ բանկային տվյալները, որոնք էական նշանակություն ունեն ֆինանսական հանցագործություններով գործերի քննության համար, կարող են առնչվել ոչ թե կասկածյալին կամ մեղադրյալին, այլ, օրինակ, վերջինիս հետ փոխկապակցված անձին: Առաջարկվող օրենսդրական փոփոխությունների պայմաններում որոշման նախագծով ներկայացված հանցագործություններով հարուցված քրեական գործերով բանկային գաղտնիք կազմող տեղեկությունների ստացման համար սահմանված սուբյեկտային սահմանափակումը կվերացվի եւ առանձին դեպքերում կստեղծվի հնարավորություն՝ ստանալու բանկային գաղտնիք կազմող տեղեկություններ առանց սուբյեկտային սահմանափակման:

Միաժամանակ նախագիծն առաջարկում է հավելյալ երաշխիքներ եւ սահմանափակումներ, մասնավորապես՝ հանցագործությունների սպառիչ ցանկ, որոնցով հարուցված գործերով միայն կարող են իրականացվել որոշակի իրավապահ գործողություններ: Միաժամանակ չեն ստեղծվի անհամաչափ կամ անհաղթահարելի սահմանափակումներ հանցագործությունների կանխմանը, խափանմանը եւ դրանց բացահայտմանն ուղղված գործունեության ընթացքում:

Բանկային գաղտնիք պարունակող տեղեկությունները տրամադրվելու են բացառապես դատարանի որոշմամբ։

Ազգային ժողովում հարցի քննարկման ժամանակ «Լուսավոր Հայաստան» խմբակցության պատգամավոր Մանե Թանդիլյանը հայտարարեց, որ ինքը վստահ է՝ քաղաքացին եւ երկրի տնտեսությունը դրանից կտուժեն։

Նա հարց հնչեցրեց, թե այս փոփոխությամբ ինչ մեսիջ է հղվում, օրինակ՝ ներդրողներին․

«Եթե սրա արդյունքում մեզ մոտ ներդրումային աուրա խաթարվի, որովհետեւ բանկային գաղտնիք պարունակող տեղեկությունը նաեւ ներդրողների հետ ուղղակի առնչություն ունեցող կարգավորում է, եւ եթե դրա հետեւանքով մեր տնտեսությանը հասցվի վնաս, եւ ունենանք տուգանված տնտեսական աճ, արդյոք դատախազությունը դրա պատասխանատո՞ւն է, կասկածում եմ, բայց քաղաքացին եւ երկրի տնտեսությունը դրանից կտուժեն, դրանում վստահություն ունեմ»,- ասաց նա:

Թանդիլյանը կարծիք հայտնեց, որ բանկային գաղտնիք համարվող տեղեկատվության համար Կառավարության շենքի առաջ ցույցեր չեն կատարվի, փողոցներ չեն փակվի, բայց դրանից այս կարգավորման վտանգավորության աստիճանը, ըստ պատգամավորի, որեւէ կերպ չի նվազում։ Նա կոչ արեց կասեցնել այս, իր խոսքով, համակարգաքանդ օրինագծի նախաձեռնությունը։

«Իմ քայլը» խմբակցության պատգամավոր Սուրեն Գրիգորյանը, արձագանքելով Թանդիլյանի ելույթին, նրան մեղադրեց օրենքներ չկարդալու մեջ.

«Ես հասկացա, որ մեր ընդդիմադիր գործընկերոջ համար ավելի կարեւոր է իշխանությանն ամեն կերպ սեւացնելու համար դեմ գնալ անգամ պետական շահին, տվյալ դեպքում՝ ֆինանսական անվտանգության տեսանկյունից, չկարդալ օրենքը, չմասնակցել գեթ մեկ քննարկման այս օրենքի վերաբերյալ եւ ասել, որ ցանկացած անձի վերաբերյալ կարելի է…»։

Թանդիլյանը տեղից ընդհատեց Գրիգորյանին, վերջինս պատասխանեց․

«Ես ոնց նպատակահարմար եմ գտնում, այս ամբիոնից արտահայտվելու եմ, խորհուրդ եմ տալիս ինձ չընդհատել, եւ տարբերակել գնահատականները՝ ուղղված ձեր անձի դեմ այն գնահատականներից, որոնք ուղղված են ձեր բերած կարծիքի ու նախագծերի դեմ ու մեկը մյուսի հետ չխառնել»:

«Իմ քայլ»-ի պատգամավորն ասաց, որ ինքը պատասխանատվությամբ հայտարարում է՝ չկա նման բան, որ քննիչի հայեցողությամբ ցանկացած անձի վերաբերյալ տրվում է բանկային գաղտնիք, տրվում է միայն դատարանի որոշման հիման վրա, ինչպես մյուս պահպանվող գաղտնիքներն այսօր: 

Տպել
1343 դիտում

Արտահերթ ընտրություններ անցկացնելու համար անհրաժեշտ են որոշակի սահմանադրական հիմքեր. Վարդանյան

ԱՀ էկոնոմիկայի և գյուղատնտեսության նախարար Աշոտ Բախշիյանը հայտարարել է զբաղեցրած պաշտոնից հրաժարականի մասին

Ոստիկանությունը նախատեսված զանգվածային միջոցառումների ընթացքում կոչ է անում ցուցաբերել զգոնություն և զսպվածություն

Այսօրվա հավաքներին ընդառաջ ՄԻՊ-ի դիրքորոշումները երկրում տեղի ունեցող իրադարձությունների վերաբերյալ

Սպանողները մեր կողքին են, քայլում են փողոցներով. Սեդա Սաֆարյանը՝ Մարտի 1-ի գործի և նիստերի ձգձգման մասին

Մի խումբ քաղաքացիներ ներխուժել են Կենտրոն վարչական շրջանի աշխատակազմի շենք

Արմեն Սարգսյանը և Նիկոլ Փաշինյանն այսօր հանդիպել են

Այսօր կայանալիք երթը չի անցնելու Բաղրամյան պողոտայով․ «Քաղաքացիական պայմանագիր» կուսակցություն

Վաղ առավոտից նոր շարժակազմով սկսեց աշխատել 99 համարի երթուղին․ Հայկ Մարության (տեսանյութ)

Իրավիճակը Բաղրամյան պողոտայում՝ առավոտյան (լուսանկարներ)

Երթևեկության կազմակերպման փոփոխություն Երևան քաղաքի Արշակունյաց պողոտայում

Քանաքեռ-Զեյթունի ոստիկաններն ապօրինի ինքնաձիգ ու ռազմամթերք են հայտնաբերել․ մեկ անձ ձերբակալվել է (տեսանյութ)

ՊԵԿ նախագահը խոշոր հարկ վճարողների հետ քննարկել է ոլորտային խնդիրները և գործընկերության ուղենիշերը

Ադրբեջանի վերահսկողության տակ հայտնված Արցախի տարածքները համարվում են բռնազավթված Ադրբեջանի կողմից. Արցախի ԱԺ

Ժողովրդի կամքի «գնդակահարումը» պետք է լինի անցյալում. Ռուստամ Բադասյանը՝ Մարտի 1-ի իրադարձությունների մասին

Մարուքյանը նորմա՞լ է համարում, որ ԳՇ պետը եւ ԳՇ պետի տեղակալը պիտի քաղաքական պայմանավորվածության մաս դառնան. Ռուբինյան

Մարտի 1-ի դեպքերը, որոնց հետևանքով ունեցանք անմեղ զոհեր, ցավ են բոլորիս համար. ՀՀ նախագահ

ՀՀ անվտանգության խորհուրդը նախագահին կոչ է անում բավարարել վարչապետի՝ ԳՇ պետին պաշտոնից ազատելու միջնորդությունը

Ցուցարարները մտել են Կառավարության երրորդ մասնաշենք

ՀՀ վարչապետին «Իսկանդեր»-ի իրավիճակի առնչությամբ ճիշտ չի զեկուցվել. խոսնակ Մանե Գևորգյան

Մթնոլորտը թեժ է. Պոլիտեխնիկական համալսարանի հոգաբարձուների խորհրդի նիստի օրակարգում ռեկտորի ընտրության հարցն է

Երբևէ իշխանությունը որևէ քաղաքացու չի բերել հանրահավաքի, առավել ևս՝ այսօր. Հայկ Սարգսյան

Այսօր՝ մարտի 1-ին, տարբեր քաղաքական ուժեր հանրահավաքներ և հավաքներ են անցկացնելու

Գարեգին Բ-ն ընդունել է «Համալսարանը զոհվածների ընտանիքների կողքին» նախաձեռնության անդամներին

Կոչ եմ անում մերժել բռնությունն ու սպառնալիքը որպես քաղաքական գործընթացների հանգուցալուծման գործիք. Արարատ Միրզոյան

Մենք ընդունում ենք Էդմոն Մարուքյանի առաջարկության 2-րդ հատվածը, 1-ին հատվածը նույնիսկ քննարկման ենթակա չի. Մակունց

Նախագահի աշխատակազմը ստացել է Օնիկ Գասպարյանի ազատման վերաբերյալ առարկությունները չընդունելու հիմնավորումները

Վարչապետի գլխավորությամբ տեղի է ունեցել է Անվտանգության խորհրդի նիստ

Հովհաննես Գաբուզյանը երկրորդ անգամ ճանաչվեց Հայաստանի չեմպիոն

ԱԺ պատգամավոր Հակոբ Ասլանյանին հայհոյած անձը ազատ է արձակվել. փաստաբան

Ահա Արմեն Սարգսյանի առարկությունները, որոնք հակասում են Սահմանադրությանն ու օրենքներին. Դանիել Իոաննիսյան (փաստաթուղթ)

ԱԺ հանձնաժողովը երկրորդ ընթերցմամբ քննարկել և դրական եզրակացություն է տվել «Բարձրագույն կրթության մասին» օրենքի նախագծին

Պատգամավոր Հակոբ Ասլանյանին հարվածած անձը ձերբակալվել է

Արցախի ՆԳՆ-ն հերքում է երևանյան հանրահավաքին ոստիկանության ու ԱԻՊԾ-ի մասնակցելու մասին լուրերը

Կոտայքի մարզում ավտովթարի հետևանքով մահացել է Ջրվեժի հոգևոր հովիվ Տեր Կյուրեղը

2 տարվա դադարից հետո «Պատանի երկրապահ» ակումբը վերսկսում է մարզումները. պատանիները նոր համազգեստ կկրեն (տեսանյութ)

Հաստատվել է կորոնավիրուսային հիվանդության 158 նոր դեպք, գրանցվել է 5 մահ, 2-ը՝ այլ հիվանդությունից

Օնիկ Գասպարյանի քայլը դավաճանական է ոչ միայն պետության, այլեւ ամբողջ հայ ժողովրդի հանդեպ. ՌՈ նախկին պետ

13 տարի առաջ մեր պետությունն ու հասարակությունն ուժեղ ցնցման ենթարկվեց, երբ հանդիպեց դիմահար կրակոցին. Ավինյան

Իրականացվելու են Խնածախ, Այգեստան համայնքների տարածքներից հայտնաբերված զենք-զինամթերքի ոչնչացման աշխատանքներ