Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Երեւանի պետական համալսարանում հունվարի 30-ին կհրավիրվի հոգաբարձուների խորհրդի նիստ, որի օրակարգում կլինի նաեւ ռեկտորի թափուր պաշտոնը զբաղեցնելու համար մրցույթ հայտարարելու հարցը: Նիստի օրը դեռ նախնական է եւ հնարավոր է փոփոխվի: Այս մասին մեզ հետ զրույցում նշեց ԵՊՀ հոգաբարձուների խորհրդի նախագահ Գեւորգ Մուրադյանը:

Նրա խոսքով՝ այդ օրը մրցույթ հայտարարելուց հետո բուն ընտրությունը հնարավոր կլինի անցկացնել 50-60 օր անց: Ինչպես հավելեց Մուրադյանը, սպասվող նիստի օրակարգում գլոբալ հարցեր չկան, կլինեն միայն աշխատանքային քննարկումներ:

Նշենք, որ Գեղամ Գեւորգյանը ԵՊՀ ռեկտորի պաշտոնակատար է ընտրվել 2019 թվականի մայիսի վերջին: Նույն թվականի դեկտեմբերի 26-ին՝ ԵՊՀ-ում տեղի ունեցած հոգաբարձուների խորհրդի տարեվերջյան նիստի ժամանակ ռեկտորի ընտրության հարցն օրակարգում չէր ներառվել եւ որոշվել էր հարցի շուրջ քննարկում իրականացնել տոներից հետո՝ հունվարի վերջին։

Անդրադառնալով այս ամիսների ընթացքում ռեկտորի թափուր պաշտոնի մրցույթ չհայտարարելու պատճառներին՝ բուհի հոգաբարձուների խորհրդի նախագահը հիշեցրել էր, որ Կրթության, գիտության, մշակույթի եւ սպորտի նախարարությունը մշակել է «Բարձրագույն կրթության եւ գիտության մասին» օրենքի նախագիծ, որի ընդունմանն էլ այս ընթացքում սպասել են: Եթե օրենքի նախագիծն արդեն Ազգային ժողովի կողմից ընդունված լիներ, ապա ԵՊՀ ռեկտորի թափուր պաշտոնի մրցույթը կկազմակերպվեր ըստ նոր օրենքի: Բայց քանի որ հարցը երկար է ձգվում, որոշվել է ընտրություններն անցկացնել այսօր առկա օրենքի սահմաններում:

Մուրադյանը նաեւ հավելել էր, որ մինչեւ ռեկտորի ընտրությունը, համապատասխան կանոնակարգում որոշակի փոփոխություններ կարվեն, եւ կնորացվեն արդեն հնացած որոշ դրույթներ: 

Հետագայում այդ նպատակով ստեղծված հանձնախմբի կազմում են Գեւորգ Մուրադյանը, ԵՊՀ ուսանողական խորհրդի նախագահ Դավիթ Ափոյանը, ՀՀ կրթության, գիտության, մշակույթի եւ սպորտի նախարարության Բարձրագույն որակավորման կոմիտեի նախագահ Սմբատ Գոգյանը եւ Ազգային ժողովի պատգամավոր Հովհաննես Հովհաննիսյանը:

Ինչպես մեզ հետ զրույցում նշեց Դավիթ Ափոյանը, հանձնախումբը նիստ է գումարել, որտեղ քննարկել են մի քանի դիտարկումներ: Դրանցից մեկը վերաբերում է թեկնածուի փորձառությանը, որպեսզի հանրային բուհի ռեկտորի պաշտոնում ընտրվի այն քաղաքացին, որն ունի գիտական աստիճան, բուհում դասավանդման, կա՛մ գիտական, կա՛մ վարչական աշխատանքի առնվազն 5 տարվա ստաժ եւ բարձրագույն կրթության կամ գիտության ոլորտի առնվազն 5 տարվա փորձ: Հիշեցնենք, որ ներկայիս իրավական ակտերի համաձայն՝ ԵՊՀ-ի ռեկտոր կարող է ընտրվել այն պրոֆեսորը, որն ունի դոկտորի գիտական աստիճան:

Ափոյանի խոսքով՝ օրերս նախատեսվում է եւս մեկ նիստ անցկացնել:

Տպել
1512 դիտում

Բնակչության տարհանման որոշում չի կայացվել. Ստեփանակերտի քաղաքապետարան

Տեսանյութն ապացուցում է, որ Ադրբեջանը խախտել է ՀՀ-ի միջազգայնորեն ճանաչված սահմանները. Հովհաննես Մովսիսյան (տեսանյութ)

Ջավախքցիները փակել են Վրաստան-Թուրքիա միջպետական ճանապարհը եւ արգելում են բեռնատարների տեղաշարժը

ՀՀ-ի դիմումի հիման վրա ՄԻԵԴ-ը միջանկյալ միջոց կիրառելու որոշում է կայացրել

Ռազմական գիտության չափորոշիչներով Ադրբեջանի օպերացիան տապալված է. Արծրուն Հովհաննիսյան

Ադրբեջանական ագրեսիայի հետևանքով մեծ վնաս է հասցվել կապի ոլորտին․ Արցախի պետական նախարար

Ադրբեջանը Թուրքիայի լայնածավալ աջակցությամբ իր ամբողջ ռեսուրսն ու արսենալն է ներդրել այս ոտնձգության մեջ. Ավինյան

Մինչ այս ժամը մարդիկ ՊԲ-ին օգնություն են բերում. Հովսեփ Կուբատյան

Հանրային խորհրդում ՀՀ-ում ՌԴ դեսպանի հետ քննարկվել է տարածաշրջանային բարդացող իրավիճակը

ՀՀ ներկայացուցիչը ՄԻԵԴ է ուղարկել տվյալներ նաեւ Վարդենիսի դեպքերի մասին. Եղիշե Կիրակոսյանի խոսքով՝ իրավիճակն աննախադեպ է

Կապի միջոցներն անջատելու կարիք չկա. բարձր ճառագայթահարման մասին լուրը կեղծ է

Ադրբեջանի խոցված տեխնիկայի թվերն այնքան մեծ են, որ սկսել ենք դրանք մոտավոր գրել. Հակոբ Արշակյան

Հայկական բանակը խոցել է հակառակորդի 137 տանկ և զրահատեխնիկա, 72 ԱԹՍ, 7 ուղղաթիռ, 1 ինքնաթիռ․ Արծրուն Հովհաննիսյան

Ջորջ Բաղումյանը 1 մլն դոլար է նվիրաբերում «Իմ քայլը» հիմնադրամին, գումարը կծախսվի ի շահ մեր պետության. Աննա Հակոբյան

Երեւանի ավագանու կամավորագրվածերի թիվն արդեն հասնում է տասի

Այս պահին պարենային դեֆիցիտի առաջացման վտանգ չունենք․ Արցախի պետական նախարար

Ամիրյան փողոցի երթևեկելի հատվածում քաղաքացի է վրաերթի ենթարկվել

Նիկոլ Փաշինյանը հեռախոսազրույց է ունեցել Վլադիմիր Պուտինի հետ

Ողջ միջազգային հանրությունը պետք է ստիպի Թուրքիային դուրս գալ այս հակամարտությունից. վարչապետը՝ BBC-ի հետ հարցազրույցում

Իրենց բնակավայրից ժամանակավորապես հեռու գտնվող դպրոցականները կսովորեն փաստացի բնակության վայրին մոտ դպրոցներում. ԿԳՄՍՆ