Գերմանիայի առաջնությունում նորաստեղծ «Լայպցիգը» գերհզոր «Բավարիային» գահընկեց անելու ճանապարհին է

Եվրոպայի 5 խոշորագույն ֆուտբոլային առաջնություններից մեկում անակնկալ առաջատար կա: Գերմանիայի Բունդեսլիգայի 2019-20 մրցաշրջանի 18 տուրերից հետո մրցաշարային աղյուսակի առաջին տողում «Բավարիային» չենք գտնի: Այնտեղ տեղակայվել է համեստ «Լայպցիգը»: Ունի 40 միավոր ու աշխարհի ամենաուժեղ թիմերից մեկին, երկրի հզորագույն թիմին՝ «Բավարիային», գերազանցում է 4-ով: Ընդ որում, ընթացիկ մրցաշրջանում նաեւ հաջողացրել է սեփական հարկի տակ միավորներ խլել մյունխենցիներից. 1:1 է խաղացել:

Առաջնության ավարտը դեռ բավական հեռու է, ու հաշվի առնելով՝ ովքեր են «Լայպցիգի» հակառակորդները՝ հավանականությունը մեծ է, որ չի պահպանի առաջին տեղը, բայց նույնիսկ մինչեւ հիմա այս թիմի արածը մեծ հաջողություն է ու հպարտության առիթ: Այս ակումբը ստեղծվել է բոլորովին վերջերս՝ 2009 թ.: Այդ տարի այն գնել է ավստրիական Red Bull GmbH ընկերությունը, որը տարբեր երկրներում մի շարք ակումբների սեփականատեր է: Այս կազմակերպությանն են պատկանում ավստրիական «Ռեդ Բուլ Զալցբուրգը», ամերիկյան «Նյու Յուրք Ռեդ Բուլը», Բրազիլական «Ռեդ Բուլ Բրազիլը» եւ Գանայի «Ռեդ Բուլ Գանան»: Ի տարբերություն մյուս ակումբների՝ «Լայպցիգի» դեպքում սեփականատերը չի կարողացել անվան համար օգտագործել «Ռեդ Բուլ» տարբերակը, քանի որ Գերմանական ֆուտբոլի միության կանոնակարգը դա չի թույլատրում:

Նոր սեփականատիրոջ ներդրումները, ինչպես երեւում է, արդյունք են տալիս: Գնելուց հետո սկզբնական շրջանում Red Bull GmbH-ը կտրուկ փոփոխություններ չի արել: Թողել է թե՛ թիմի կազմը եւ թե՛ մարզչին: «Լայպցիգն» իր ելույթներն սկսել է Օբերլիգայում, որը գերմանական ֆուտբոլի համակարգում 5-րդ դիվիզիոնն է: 11 տարիների ընթացքում այն աստիճանաբար վեր է բարձրացել դիվիզիոններով, հայտնվել՝ Բունդեսլիգայում: Հիմա արդեն փորձում է վեր բարձրանալ այնտեղի մրցաշարային աղյուսակով, պայքարում է ոչ ավել, ոչ պակաս «Բավարիայի» դեմ, սկսել է հանդես գալ Չեմպիոնների լիգայում, որտեղ նույնպես գործերն առայժմ լավ են ընթանում: Խմբային փուլը հաղթահարել է առաջին տեղով ու 1/8 եզրափակչում հանդիպելու է «Թոթենհեմին»:

Գերմանական թիմը տարբեր «հարթակներում» է մրցակցության մեջ մտել եվրոպական ուժեղների դեմ: Առաջատարը՝ 23-ամյա հարձակվող Թիմո Վերները, եվրոպական առաջնությունների լավագույն ռմբարկուի կոչման ու «Ոսկե խաղակոշիկն» ստանալու համար մղվող պայքարում այս պահին 3-րդն է: 20 գոլ է գրանցել իր հաշվին՝ նույնքան, որքան «Բավարիայի» գոլահար Ռոբերտ Լեւանդովսկին (որը 2-րդ տեղում է) ու 3 գոլով է հետ մնում իտալական «Լացիոյի» հարձակվող Չիրո Իմոբիլեից (առաջին տեղում է): Գոնե միայն այս պահին նա գերազանցում է գերաստղերին՝ Կրիշտիանու Ռոնալդուին («Յուվենտուս») ու Լիոնել Մեսսիին («Բարսելոնա»), որոնք համապատասխանաբար 16 ու 14 գոլ են խփել:

Ինչպես անգլիական «Լիվերպուլի» ապշեցուցիչ մրցաշրջանի հեղինակը գլխավոր մարզիչ Յուրգեն Կլոպն է, այնպես էլ «Լայպցիգի» դեպքում այս տարվա որակյալ ելույթների համար երկրպագուները պետք է շնորհակալություն հայտնեն իրենց գլխավոր մարզչին՝ Յուլիան Նագելսմանին: Միջազգային լրատվամիջոցները նկատում են, որ նրա ստեղծած թիմը կարողանում է լավ պրեսինգ կիրառել ու դինամիկ խաղ ցուցադրել: Բացի այդ՝ շատ ճկուն է, խաղում է տարբեր սխեմաներով ու հանդիպման ընթացքում կարողանում է հաճախ վերադասավորումներ անել:

Իր ելույթներով «Լայպցիգին» հաջողվել է նաեւ գրավել ֆուտբոլասերների սրտերը: Ընդհանրապես լինի դա հավաքականների, թե ակումբներ մակարդակով, ամեն անգամ, երբ ֆուտբոլում հայտնվում են նման թիմեր, որոնք առանց աստղաբաշխական տրանսֆերների կարողանում լուրջ պայքար մղել գրանդերի դեմ, ֆուտբոլասերները համակրանքով են լցվում դրանց նկատմամբ: Նրանք սիրում են ընդգծել, որ ֆուտբոլում փողը չէ ամենակարեւորը, ու նրանց դուր է գալիս՝ ինչպես են համեստները «դաս» տալիս հարյուրավոր միլիոններ ծախսողներին:

Ամեն դեպքում Բունդեսլիգան դեռ նոր է հատել հասարակածը, առաջնության ավարտին դեռ 16 տուր կա, եւ լիովին արդարացված է՝ շատերը վստահ են, որ «Բավարիան» թույլ չի տա անակնկալ մատուցել: Բացի այդ՝ մրցաշարային աղյուսակի վերնամասում պայքարը շատ լարված է: Թիմերը միավորների բավական մեծ խտությամբ են դասավորված, առաջին ու 5-րդ տեղերին բաժանում է 7 միավոր, ու ցանկացած սայթաքում կարող է գլխիվայր շրջել իրավիճակը: Մյուս կողմից թե՛ ֆուտբոլասերները եւ թե՛ «Լայպցիգը» լավ են հիշում՝ ինչպես Անգլիայում 2015-16 մրցաշրջանում համեստ «Լեստերը» զարմացրեց ողջ աշխարհին ու չեմպիոն դարձավ, մինչդեռ առաջնության ողջ ընթացքում շատերը հավատացած էին, որ լավ խաղը ժամանակավոր է, ու ուր որ է թիմի ուժերը կսպառվեն:

Տպել
1104 դիտում

Հայտնաբերվել է արգելված հրապարակումների 140 դեպք, որոնցից 110-ը՝ լրատվական գործունեություն չիրականացնող անձանց կողմից

Կորոնավիրուսը շարունակում է ներթափանցել հայկական ֆուտբոլ․ առաջնութան ևս երկու հանդիպում հետաձգվել են

Ռազմական դրության ժամանակահատվածում սահմանված հարկային արտոնությունները. ՊԵԿ-ն իրազեկում է

Գագիկ Ծառուկյանը ազատ կարձակվի 100 միլիոն դրամ գրավի դիմաց

Տղաները գրավել են հակառակորդի դիրքեր, բարելավել յուրային ուժերի մարտավարական առավելության մակարդակը. ՊԲ

Մոսկվայում ահաբեկչություն է կանխվել

Ադրբեջանական բանակի կորուստները (տեսանյութ)

Պաշտպանության բանակը հրապարակել է ադրբեջանական ագրեսիան հետ մղելու ընթացքում զոհված եւս 40 զինծառայողի անուն

Դատարանը հեռացավ խորհրդակցական սենյակ՝ Գագիկ Ծառուկյանի խափանման միջոցի վերաբերյալ որոշում կայացնելու

ԵՏՀ-ն կքննարկի Թուրքիային ԵԱՏՄ սակագնային արտոնությունների միասնական համակարգից օգտվող երկրների ցանկից հանելու հարցը

Թուրքիայի ներկայությունը լուրջ սպառնալիք է տարածաշրջանային և միջազգային անվտանգության համար․ նախագահ

Դատարանը քննում է Գագիկ Ծառուկյանի կալանավորումը գրավով փոխարինելու միջնորդությունը

Արմեն Սարգսյանը ստորագրել է Ռազմական դրության ժամանակահատվածում հարկային արտոնություններ սահմանելու վերաբերյալ օրենքներ

Համայնքի ղեկավարները հիմա նաեւ իրենց առաջնորդությամբ մոբիլիզացիոն եւս մեկ փուլ պետք է ապահովեն. Երիցյան

ՀՀ ԿԳՄՍՆ-ն կստանձնի 2021 թվականի ԱՊՀ անդամ երկրների կրթության ոլորտում համագործակցության խորհրդի նախագահությունը

Հայաստանցի սպառողներին կոչ ենք անում չխոչընդոտել Թուրքիայից արդեն իսկ ներկրված ապրանքների սպառմանը․ Ղազարյան

ԼՂ-ում հակամարտության սրումը նպաստում է կորոնավիրուսի տարածման տեմպերի աճին. ԱՀԿ-ն հայտարարություն է տարածել

Կատալունիայի խորհրդարանը դատապարտում է Ադրբեջանի կողմից քաղաքացիական բնակչության վրա հարձակումները

Փաշինյանի որոշմամբ՝ Տաթև Անտոնյանը նշանակվել է ԱԽ գրասենյակի ղեկավարի տեղակալի պաշտոնում

ԵՊՀ-ի ուսանողներն ընթացիկ քննություն կհանձնեն, որոշվել է չչեղարկել քննությունները