Եկեք տարբերենք քաղաքական գործիչներին եւ համացանցում քֆուր տալով հայտնի դառնալ փորձողներին. Ալեն Սիմոնյան

Եկեք տարբերենք քաղաքական գործիչներին եւ համացանցում քֆուր տալով հայտնի դառնալ փորձողներին: Այս մասին այսօր լրագրողների հետ զրույցում ասաց ԱԺ փոխնախագահ, «Իմ քայլը» խմբակցության պատգամավոր Ալեն Սիմոնյանը: Նրա պնդմամբ՝ այն մարդը, որը տարբեր բնույթի վիրավորանքներ է հնչեցնում իշխանությանը, քաղաքական գործիչ չէ: «Ուստի քաղաքական հետապնդումներից խոսելիս եւ քաղաքական գնահատականներ տալիս մենք չենք հարգում քաղաքական գործիչներին. խոսքը միայն իշխանական թեւի գործիչների մասին չէ»,- ասաց Սիմոնյանը՝ անդրադառնալով «Ադեկվադ»-ի անդամներից մեկի՝ Արթուր Դանիելյանի բերման ենթարկելուն:

«Ոստիկանությունն ու իրավապահ մարմիններն ունեն նաեւ կանխարգելիչ ֆունկցիա, եւ երբ մի վատ բան է լինում, ասում ենք՝ բա, մինչեւ այդ՝ ինչի չէ՞ին հետաքրքրվում: Ձեր նշած մարդիկ հայտնի են իրենց ռադիկալ հայտարարություններով: Նրանց հետ կապված եղել է տեղեկություն, ոստիկանությունն էլ գործել է իր իրավունքի սահմանների մեջ»,- նկատեց ԱԺ փոխնախագահը:

Անդրադառնալով նաեւ Ռոբերտ Քոչարյանի հայտարարությանը, թե ՀՀ-ում արտահերթ խորհրդարանական ընտրությունների հավանականություն կա՝ Սիմոնյանը նշեց, որ Քոչարյանը, ինչպես միշտ, կտրված է իրականությունից: Նրա կարծիքով՝ ՀՀ-ում որեւէ արտահերթ գործընթացի կարիք չկա: «Եթե ինչ-որ արտահերթ գործընթացի կարիք կա, դա ՀՀ-ին հասցված այն վնասը եւ այն իրավիճակը, որը մենք ժառանգություն ենք ստացել, արտահերթ ձեւով լուծելու անհրաժեշտությունն է: Որեւիցե այլ բանի կարիք ՀՀ-ում արտահերթ առումով չկա»,- ասաց Սիմոնյանը:

Նրա փաստմամբ՝ Սահմանադրական դատարանի խնդրի հետ կապված թեման առաջիկա 1-2 ամսվա ընթացքում մեկընդմիշտ փակ կլինի:

«ՍԴ-ն մի վայր է, որը մնացել է հին աշխարհում եւ շուտով ազատվելու եւ հայտնվելու է «նոր Հայաստանում», Հրայր Թովմասյանը ուզի, թե չուզի»,- նկատեց պատգամավորը:

Ինչ վերաբերում է ՍԴ նախագահ Հրայր Թովմասյանին, Սիմոնյանի պնդմամբ՝ նա ընդհանրապես պետք է ՍԴ նախագահ եւ դատավոր չլիներ, որովհետեւ նույնիսկ այսօր նա շարունակում է մնալ որպես քաղաքական գործիչ: Պատգամավորը նշեց նաեւ, որ Թովմասյանի կալանավորումը չի կարելի համարել ՍԴ խնդրի լուծում:

Անդրադառնալով նաեւ ՍԴ դատավոր Վահե Գրիգորյանի աշխատանքի չներկայանալու հարցին՝ Սիմոնյանն ասաց, որ դա ներքին կանոնադրությունով լուծվում է, եւ եթե խախտվել է օրենք, միանշանակ դատավորը պետք է կրի պատասխանատվություն:

«Ձեզ թվում է, որ եթե Վահե Գրիգորյանն է, ու մենք ենք ընտրել, եթե օրենք խախտի, պետք է ասենք՝ հա, տե՞նց է: Ինչ տարբերություն՝ Վահե Գրիգորյանն է, ես եմ, թե Հրայր Թովմասյանը»,- եզրափակեց Սիմոնյանը:

Տպել
1213 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ