Է. Ղազարյանի ՀՀԿ-ական անցյալը հայտնի էր. բայց նա ապացուցեց այն, ինչ պահանջվում էր հանրաքվեն նախաձեռնողներից. Ռ.Ռուբինյան

Սահմանադրական դատարանի աշխատակազմի ղեկավար Էդգար Ղազարյանի երեկվա գրառումը այն մասին էր՝ ինչ պահանջվում էր ապացուցել ապրիլի 5-ի Սահմանադրական փոփոխությունների հանրաքվեն նախաձեռնողներից. որ Սահմանադրական դատարանը քաղաքական կողմ է՝ չնայած դրա լիազորությունը չունի:

Մեզ հետ զրույցում այսպիսի կարծիք արտահայտեց «Իմ քայլը» խմբակցության պատգամավոր, ԱԺ արտաքին հարաբերությունների հանձնաժողովի նախագահ Ռուբեն Ռուբինյանը:

Վայոց Ձորի նախկին մարզպետ, ՀՀԿ Ջերմուկի տարածքային կառույցի նախկին ղեկավար, Լեհաստանում ՀՀ նախկին դեսպան, ՍԴ աշխատակազմի ներկայիս ղեկավար Էդգար Ղազարյանը երեկ ֆեյսբուքի իր էջում «Մի մասնակցեք հանրաքվեին» հեշթեգով գրառում էր կատարել: Ապրիլի 5-ին սպասվող Սահմանադրական փոփոխությունների հանրաքվեն անվանելով կեղծ օրակարգ, մեծ անօրինականություն՝ նա հայտնել էր, թե իր կյանքում առաջին անգամ չի մասնակցելու այդ հանրաքվեին եւ նույնը կոչ է անում իր ընկերներին, բարեկամներին:

Ստորեւ մեր զրույցը Ռուբեն Ռուբինյանի հետ.

- Պարոն Ռուբինյան, հավանաբար նկատել եք, որ Սահմանադրական դատարանը վերջերս ակտիվացել է. համացանցում նիստերի վերաբերյալ իվենթներ են բացվում, դրանք լուսաբանելու հրավերներ արվում, ուղիղ եթերներ կազմակերպվում: Ինչո՞վ եք պայմանավորում այս անսպասելի ակտիվությունը:

- Կարող են լինել մեկնաբանություններ, որ այդ ակտիվությունը կապված է սպասվող հանրաքվեի հետ, բայց ինձ ավելի շատ անհանգստացնում է այն փաստը, որ Սահմանադրական դատարանի աշխատակազմի ղեկավարն է բացահայտ քաղաքական հայտարարություններ անում եւ կոչ անում բոյկոտել հանրաքվեն: Ինձ անհանգստացնում է այն հանգամանքը, որ Սահմանադրական դատարանի նախագահի խորհրդականն (Գրիգոր Մուրադյանը-խմբ.) է ըստ էության հանրաքվեն անվանում իրավագիտության տապալում: Այստեղ ես խնդիր եմ տեսնում եւ կարծում եմ, որ եթե նրանց այս խոսքերը չեն հերքվում կամ նրանք աշխատանքից չեն ազատվում՝ կարող են որոշ շրջանակներ ենթադրել, որ սա նաեւ ՍԴ նախագահի եւ/կամ անդամների տեսակետն է, եւ նրանք միջնորդավորված կերպով քաղաքական հայտարարություններ են անում:

- Դուք միանգամից պատասխանեցիք նաեւ իմ երկրորդ հարցին՝ Էդգար Ղազարյանի գրառման վերաբերյալ: Կարո՞ղ եք ասել՝ այդ գրառումը անակընկա՞լ էր ձեզ համար: Հայտնի չէ՞ր, թե նա ինչ քաղաքական հայացքներ ունի:

- Երկու բան է պետք տարբերակել: Իհարկե հայտնի է, որ Էդգար Ղազարյանը առնվազն թղթաբանորեն Հանրապետական անցյալ ունի, իսկ բովանդակային առումով ամենայն հավանականությամբ նաեւ ներկա, բայց խնդիրը դա չէ: Խնդիրն այն է, որ Սահմանադրական դատարանի՝ այսինքն ապաքաղաքական մարմնի աշխատակազմի ղեկավարը բացահայտ քաղաքական հայտարարություն է անում եւ կոչ է անում բոյկոտել հանրաքվեն: Այստեղ երկու տարբերակ կա: Մեկը անհավանական տարբերակ է՝ ենթադրենք դա իր մասնավոր կարծիքն է եւ ՍԴ-ն չի կիսում այդ կարծիքը կամ համարում է, որ ճիշտ չէ, որ ՍԴ աշխատակազմի ղեկավարը նման հայտարարություն անի: Բայց այդ դեպքում կամ պետք է պարզաբանում հնչեր կամ աշխատանքից հեռացվեր պարոն Ղազարյանը: Բայց քանի որ դա չի արվում, ըստ էության ՍԴ-ն ներքաշվում է քաղաքականության մեջ, ինչը պահանջվում էր ապացուցել: ՍԴ ճգնաժամի կարեւոր պատճառներից մեկն այն էր, որ ՍԴ նախագահը դառնում է քաղաքական ընդդիմախոս, ինչի լիազորությունը նա չունի:

- Քաղաքական առումով խնդիրը պարզ է: Իսկ իրավական խնդիր կա՞: Պե՞տք է իրավական գործընթաց հետեւի այս հայտարարություններին:

- Չեմ կարող ասել, ես չեմ ձեր հարցի հասցեատերը: Իմ գործը բարձրաձայնելն է, ես դա արել եմ:

- Էդգար Ղազարյանի այս գրառումը, ՍԴ անդամ Ֆելիքս Թոխյանի երեկվա հայտարարությունները, թե ՍԴ-ում ճգնաժամ չի եղել եւ չկա, ինքը պատրաստ է ստորագրել վերջին 20 տարիների իր որոշումների տակ եւ այլն, Սահմանադրական դատարանի նախագահ Հրայր Թովմասյանի պահվածքը այս ամենը վկայո՞ւմ են, որ ՍԴ-ն թաքնված կերպով «Ոչ»-ի քարոզչություն է անում:

- Կարող են այդպիսի մեկնաբանություններ լինել, եւ ես կարծում եմ, որ դա եւս մեկ անգամ ցույց է տալիս ամբողջ խնդիրը. որ մենք ունենք Սահմանադրական դատարան, որն առնվազն ընկալվում է որպես քաղաքական կողմ:

- Պարոն Ռուբինյան, իսկ Էդգար Ղազարյանի, մյուսների պահվածքը զուտ մարդկային առումով ընկալելի չէ՞, եթե հաշվի առնենք, որ մարդիկ շուտով ենթադրաբար աշխատանք են կորցնելու:

- Իրենց պահվածքը ցուցիչ է խնդրի, բայց կարեւոր չէ այդ խնդրի լուծման առումով: Քաղաքացիները շատ հեշտ ճանապարհ ունեն այս խնդիրը լուծելու, այն է՝ գնալ ընտրատեղամաս, մասնակցել հանրաքվեին եւ քվեարկել այո:

- Իսկ ի՞նչ քայլեր է անելու «Այո»-ի շտաբը՝ այդ մասնակցությունը ապահովելու համար:

- Շտաբի ղեկավարը (Սուրեն Պապիկյան-խմբ.) մոտ օրերս ասուլիսով հանդես կգա եւ այդ բոլոր քայլերը կներկայացնի:

- Երեկ «Իմ քայլը» խմբակցության պատգամավոր Սիսակ Գաբրիելյանը հայտարարել է, որ խորհրդարանական ուժերից մեկը մարզերում «Ոչ»-ի քարոզարշավ է անում: Կարո՞ղ եք ասել, թե որ ուժի մասին է խոսքը:

- Ես չգիտեմ ինչի մասին էր խոսում պարոն Գաբրիելյանը, բայց կարող եմ ասել մի բան, որ բոյկոտի քարոզը ըստ էության նույն «Ոչ»-ի քարոզն է: Ինչո՞ւ, որովհետեւ գուցեեւ քարոզարշավը լինի տարբեր, բայց ակնկալվող արդյունքը նույնն է, որ «Այո»-ն չհաղթի եւ, հետեւաբար, խնդիրը առաջարկվող տարբերակով չլուծվի:

- Եթե հաշվի առնենք, որ եւ «Լուսավոր Հայաստանը» եւ «Բարգավաճ Հայաստանը» հայտարարել են հանրաքվեն բոյկոտելու մասին՝ Ձեր կարծիքով «Ոչ»-ի քարոզիչները ինչո՞ւ բացահայտ հանդես չեն գալիս, նույն այդ խորհրդարանական ուժին ի՞նչն է խանգարում միանալ «Ոչ»-ին:

- Շատ պարզ պատճառով. նախ ակնհայտ է բոլորին, որ ցանկացած արդյունքի դեպքում «Ոչ»-ը տասնյակ անգամներ ավելի քիչ ձայն է հավաքելու, քան «Այո»-ն: Բացի դրանից, կա քվորումի հարց. որպեսզի «Այո»-ն հաղթի՝ անհրաժեշտ է առնվազն 650 հազար քաղաքացու «Այո» քվեարկություն: Երեւի թե իրենց հաշվարկներով մի քիչ ավելի հեշտ է այնպես անել, որ քվորումը չապահովվի, քան այնպես անել, որ «Ոչ»-ը հաղթի:

Տպել
4684 դիտում

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ

Չաուշի փողոցում մեքենա է այրվել. վարորդը հոսպիտալացվել է

Ադրբեջանցին հեռացավ առանց ձեռքսեղման. Հովհաննես Բաչկովի հաղթական մենամարտի տեսագրությունը (տեսանյութ)

Տոկիո-2020 Հովհաննես Բաչկովը հաղթեց ադրբեջանցուն ու դուրս եկավ քառորդ եզրափակիչ

Պատվաստվել, թե չեն պատվաստվել մշակույթի ու շոուբիզնեսի գործիչները. հարցում

Տեսչական մարմինը դիտարկումներ է իրականացրել հանրային տրանսպորտի հավաքակայաններում

Տիգրան Ավինյանն աշխատանքային շրջայց է կատարել Երևանի 33-րդ (Ֆիրդուսի) թաղամասում

Արմեն Սիմոնյանը Երկաթուղայինի օրվա առիթով պատվոգրեր է հանձնել համակարգի մի շարք աշխատողների

Արմեն Շեկոյանի հոգեհանգստի արարողությունը տեղի կունենա հուլիսի 31-ին, հուղարկավորությունը՝ օգոստոսի 1-ին

ԳԹԿ-ն նախաձեռնում է ստեղծել հայոց լեզվի ավարտական և միասնական քննությունների թեստերի նոր առաջադրանքների պաշարներ

Վահան Քերոբյանը Վրաստանի գործընկերոջ հետ խոսել է արագընթաց գնացքի գործարկման հնարավորության մասին

ՄԱԿ-ում Հայաստանի մշտական ներկայացուցիչը նամակ է հղել կառույցի Անվտանգության խորհրդի նախագահող Նիկոլա Դե Ռիվիերին