ՀՀ նախկին իշխանությունների ալիքներով ագրեսիվ գնում է Վ. Բալասանյանի գովազդը. Խանումյանը՝ անհավասար մրցակցության մասին

Արցախի նախագահի թեկնածու եւ Ազգային վերածնունդ կուսակցության նախագահ Հայկ Խանումյանն ասում է՝ փորձում է հետեւել ԿԸՀ հորդորներին եւ խուսափել փակ տարածքներում հանդիպումներ անցկացնելուց:

«Փորձում ենք հարգել այդ պահանջը, բայց լինում են ժամեր, երբ ցուրտ է եւ նաեւ փակ տարածքներում ենք անում հանդիպումներ: Բոլոր ուժերն են այդ մեթոդով աշխատում: Հույս ունեմ, որ Արցախում կորոնավիրուսի որեւէ դեպք չի արձանագրվի, որպեսզի ավելի կտրուկ միջոցներ ձեռնարկվեն, եւ ընտրությունները տեղի կունենան նախատեսված օրը»,- մեզ հետ զրույցում ընդգծեց մարտի 31-ին կայանալիք ընտրությունների թեկնածուն:

Խոսելով քարոզչության ընթացքի, հասարակության հետ շփումներից ստացած տպավորություններից՝ Խանումյանն ասաց, որ 5 տարի առաջվա հետ համեմատած հասարակությունը ահագին հասունացել է:

«5 տարի առաջ ընտրությունից առաջ կարող էիր իմանալ, թե ամեն գյուղում որ ուժը քանի ձայն է ստանալու: Հիմա այդ ամենը փոխվել է եւ մարդիկ ոչ թե սրա-նրա ասելով, աշխատանք կորցնելու վախով են փորձում առաջնորդվել, այլեւ պատրաստ են գիտակից ընտրություն կատարել՝ ձայն տալով այս կամ այն թեկնածուին, որին նախընտրում են: Իհարկե մեծ է նաեւ փողի ազդեցությունը ընտրությունների վրա, դա տարբեր ձեւերով է դրսեւորվում, բայց հույս ունեմ դա վերջնարդյունքի վրա ազդեցություն չի ունենա: Կան թեկնածուներ, որ մեծ քանակությամբ գումարներ են ծախսում քարոզարշավի վրա, տարբեր ռեսուրսներ են աշխատում իրենց համար, այդ թվում հայաստանյան հեռուստաընկերություններ: Այդ դեպքում, բնականաբար, մրցակցությունը մեզ համար մի քիչ դժվար է, բայց էլի եմ ասում՝ հասարակությունը բավականին հասունացել է»,- հայտարարեց թեկնածուն:

Հարցին, թե կա՞ն կաշառք բաժանելու հստակ տվյալներ՝ Խանումյանը պատասխանեց, որ խոսքն առաջին հերթին ոչ ուղիղ կաշառքի մասին է.

«Կուսակցություններ կան, որ հարյուրավոր շտաբներ են ձեւավորել եւ ամեն շտաբում 5, 6, 10 մարդ է աշխատում: Բնականաբար դա օրինականացված ընտրակաշառքի ձեւ է, որովհետեւ ընտրական շտաբները չհայտարարարգրվող ընտրական ծախսեր են: Եթե ամեն շենքի տակ մի ընտրական շտաբ ունես, 4-5 հոգի էլ վերցնում ես աշխատելու՝ նշանակում է որոշակի տոկոս էդ շենքի բնակչությունից ձայն ես վերցնում: Նույնն էլ գյուղերի մասին է խոսքը: Գյուղերում միջինը 150-200 ընտրող է եւ եթե վերցնում ես մի քանի հոգի աշխատող քո շտաբում, նշանակում է այդքան ընտանիքի ձայն ես վերցնում: Սրա մասին է խոսքը»:

Ընդդիմադիր թեկնածուն չթաքցրեց, որ այս մեղադրանքները վերագրում է հիմնականում Ազատ Հայրենիք կուսակցությանը եւ դրա ղեկավար Արայիկ Հարությունյանին, սակայն ընդգծեց. «Էս վերջերս Հայաստանի նախկին իշխանություններին պատկանող հեռուստաընկերություններով ագրեսիվ գնում է Վիտալի Բալասանյանի գովազդը: Դրանք էլ հեռուստաընկերություններ են, որ հեռարձակվում են Արցախի տարածքում եւ բնական է՝ այդ առումով հավասար չեն մյուս թեկնածուների եւ կուսակցությունների պայմանները: Դրա մասին է խոսքը»:

Հիշեցնենք, որ Արձախում նախագահական ընտրությունները տեղի են ունենալու նույն օրը՝ մարտի 31-ին: Գրանցված թեկնածուների թիվը 14-ն է. Քրիստին Բալայան, Վիտալի Բալասանյան, Սերգեյ Ամիրյան, Դավիթ Բաբայան, Բելա Լալայան, Արայիկ Հարությունյան, Հայկ Խանումյան, Դավիթ Իշխանյան, Վահան Բադասյան, Մասիս Մայիլյան, Աշոտ Ղուլյան, Ռուսլան Իսրայելյան, Աշոտ Դադայան, Մելսիկ Պողոսյան:

Խորհրդարանական ընտրություններին մասնակցելու համար գրանցվել է 12 կուսակցություն եւ դաշինք:

Տպել
1535 դիտում

«Նորք»-ում գտնվող 25 հիվանդներից 1-ի վիճակը ծայրահեղ ծանր է, 3-ին միացված է թոքերի արհեստական օդափոխության սարք

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան

Վարդենյաց լեռնանցքը փակ է, տարբեր մարզերում ձյուն է տեղում

Դանակահարություն Երևանում. 28-ամյա քաղաքացին խոստովանական բացատրություն է տվել