Կունենանք այնպիսի վարկատեսակ, որը բիզնեսին հնարավորություն կտա հոգալ բոլոր ծախսերը եւ չունենալ տոկոսային բեռ․ Գրիգորյան

ՀՀ կառավարության այսօրվա նիստում վարչապետ Նիկոլ Փաշինյանը նշեց, թե ինչ քայլեր են նախատեսում իրականացնել ճգնաժամի այս փուլում:

«Մենք այս փուլում հստակ արձանագրում ենք, որ մոտավորապես 25 մլրդ դրամ բիզնեսին աջակցություն ցուցաբերելու փաթեթ կգործարկենք, եւս 25 մլրդ դրամի սոցիալական աջակցության փաթեթ կունենանք պատրաստ, որը կօգտագործվի ըստ անհրաժեշտության: Երրորդը, մոտ 80 մլրդ դրամի հիմնադրամ կունենանք, որը միտված կլինի տնտեսության վերաձեւավորմանը եւ կարգաբերմանը՝ հետճգնաժամային ժամանակների պարամետրերին համապատասխան: Չնայած, բոլորս գիտենք, որ այդ պարամետրերը մեծ անորոշություններ ունեն»,- ասաց վարչապետը։

Նա փոխվարչապետ Մհեր Գրիգորյանին խնդրեց ներկայացնել բիզնեսին տրամադրվելիք 25 մլրդ դրամի վերաբերյալ փաթեթը։

«Մենք որոշեցինք առաջին փաթեթն այսօրվանից դնել հանրային քննարկման, քննարկել գործընկերների ու շահագրգիռ կողմերի հետ։ Տրամաբանությունը հետեւյալն է. իհարկե, կորոնավիրուսով պայմանավորված՝ գլոբալ շուկաներում այսօրվա իրավիճակը նախեւառաջ բերում է սպառման անկանոն վիճակի, այդ թվում՝ նվազման։ Դա նշանակում է, որ մենք պետք է ունենանք ֆինանսավորման բարձիկներ, որոնք հնարավորություն են տալիս տնտեսվարողներին սպառման անկանոն ռեժիմի ժամանակահատվածն անցնել առանց էական վնասների կամ կորուստների։ Ըստ այդմ՝ ձեւավորել ենք պոտենցիալ վարկային պրոդուկտների մի շարք, որը ենթադրում է վարկերի համաֆինանսավորում, վարկերի վերաֆինանսավորում եւ տոկոսների սուբսիդավորում»,- ասաց Գրիգորյանը։

Փոխվարչապետն ընդգծեց՝ օժանդակության երեք ձեւերով այս երեք խնդիրները լուծվում են. «Մենք կարծում ենք՝ կունենանք այնպիսի վարկատեսակ, որը հնարավորություն կտա ուղղակի բիզնեսին որոշ ժամանակ հոգալ բոլոր ծախսերը, չունենալ տոկոսային բեռ, արժութային ռիսկ, բայց պահպանել թե՛ աշխատակիցներին, թե՛ ընթացիկ կոմունալ խնդիրները լուծել։ Ես կարծում եմ՝ այս փուլի համար որպես առաջին փաթեթ սա գործիքների այն կազմն է, որը հնարավորություն է տալիս բարեխիղճ տնտեսվարողներին այս իրավիճակում ուղղակի հետեւել ու մտածել բիզնեսի զարգացման մասին, այլ ոչ թե ցայտնոտի մեջ մտածել բիզնեսի օպտիմալացման մասին»։

Վարչապետ Նիկոլ Փաշինյանն ասաց, որ հասկանում են՝ բիզնեսի որոշ ոլորտներ ունեն ու կունենան ֆինանսական, տնտեսական բարդություններ. «Մենք ասում ենք հետեւյալը՝ առաջարկում ենք ճգնաժամային վարկային պորտֆելներ բիզնեսին, որի էությունը հետեւյալն է՝ ֆինանսավորման 50 տոկոսը հատկացնում են առեւտրային բանկերը եւ վարկային կազմակերպությունները, մինչեւ 50 տոկոսը ֆինանսավորում է կառավարությունը։ Կառավարության տված ֆինանսավորումն անտոկոս է, իսկ բանկերի ու վարկային կազմակերպությունների տոկոսները նույնպես սուբսիդավորում է կառավարությունը։ Այսինքն՝ տնտեսավարողը զրո տոկոսով ստանում է վարկային միջոցներ»,- ասաց վարչապետը։

Նա նշեց, թե ինչպես կարող են ֆինանսական միջոցներն օգտագործվել.

Առաջին ուղղությունը՝ աշխատակիցներին աշխատավարձ կամ դրան հավասարեցված վճարումներ կամ դրանց գծով հարկերի վճարում։ Կառավարույթյունն առաջարկում է յուրաքանչյուր աշխատակցի դեպքում ոչ ավելի, քան ամսական 500 հազար դրամ գումարի չափով եւ ոչ ավելի, քան երեք ամսվա համար։

Երկրորդ ուղղություն՝ հումքի գնում կամ ներմուծում այն դեպքում, եթե հումքի ամբողջ ծավալը պետք է օգտագործվի Հայաստանում պատրաստի արտադրանք ստանալու նպատակով։ Սարքերի եւ սարքավորումների, այդ թվում՝ գյուղատնտեսական նշանակության, ներմուծում այն դեպքում, եթե տվյալ սարքերն ու սարքավորումները պետք է օգտագործվեն Հայաստանում արտադրություն կազմակերապելու կամ ընդլայնելու նպատակով։

Հաջորդը՝ էլեկտրաէներգիայի, ջրի եւ գազի գծով ծախսերի իրականացում, բայց յուրաքանչյուր ծառայության դիմաց ոչ ավելի, քան ամսական 5 մլն դրամի չափով եւ ոչ ավելի, քան երեք ամսվա համար։

Նախատեսվում է նաեւ առեւտրով զբաղվող տնտեսվարողների համար սննդի ներմուծման ֆինանսավորում հատկացնել՝ պայմանով, որ ապրանքը պետք է իրացվի ՀՀ-ում։ Պարարտանյութ, սերմ, տնկի եւ գյուղնշանակության այլ հումքի գնման եւ ներմուծման համար եւս ֆինանսական աջակցություն կցուցաբերվի։

Օժանդակություն համարվող վարկերի նկատմամբ հիմնական պահանջները հետեւյալն են՝ պետք է կառավարության տրամադրած վարկի մասը լինի ՀՀ դրամով, վարկային կազմակերպությունների կամ բանկերի կողմից կարող է տրամադրվել նաեւ արտարժույթով։ Ժամկետը՝ մինչեւ 24 ամիս, վարկի առավելագույն գումարը՝ 500 մլն դրամ, սակայն համաֆինանսավորման առավելագույն չափը չի կարող գերազանցել 250 մլն դրամը։ Վարկային միջոցների օգտագործման կարգը՝ միայն անկանխիկ եւ բանկային փոխանցումներով։ Առավելագույն տոկոսը՝ 0-6 տոկոս տարեկան՝ կախված ծրագրով սահմանված կանոնից։

Տպել
694 դիտում

Շփվիր և ծանոթացիր առցանց՝ «#LikeU» հավելվածով. ստացիր 30 օր՝ փորձնական

ՌԴ դեսպանատունն իր քաղաքացիներին խորհուրդ է տալիս օգտվել ապրիլի 3-ին Երեւան-Սոչի չվերթից

Մահացած երգչուհին պատրաստվում էր կորոնավիրուսի թեստավորում անցնել. քույրը վատառողջ է, նրանց շփման շրջանակը պարզվում է

IDBank-ը երկարաձգում է վարկային արձակուրդը մինչև մայիսի 17-ը և հայտարարում հաճախորդներին աջակցման երկրորդ փուլի մասին

Անցած 1 օրում Հայաստանում գրանցվել է 3 տրանսպորտային պատահար, կա 3 վիրավոր

«Վարդաշեն» ՔԿՀ-ի Պահպանության բաժնի աշխատակիցներից 5-ի մոտ ախտորոշվել է COVID-19

23:59-ից հետո անձանց տեղաշարժը ՀՀ ոստիկանությունը կսահմանափակի. հայտարարություն Արցախ մեկնելու մասին

Զինվորի ծնողը նրան բանակ ուղարկելուց հետո չպետք է ստիպված լինի հոգ տանել, որ որակյալ սնունդ ուղարկի նրան․ վարչապետ

Ցերեկային խնամքի կենտրոններում երեխայի ճանապարհածախսը կհոգա պետությունը

ՀՀ կառավարությունը հաստատեց Վանաձորի Հ․ Թումանյանի անվան պետական համալսարանի ռեկտորի ընտրության արդյունքները

Մինչեւ 18 տարեկան երեխաներ ունեցող ընտանիքներին աջակցություն կտրամադրվի․ կառավարությունը հաստատեց նախագիծը

Միանվագ աջակցություն կցուցաբերենք նաեւ օրավարձով աշխատող մեր հայրենակիցներին. վարչապետ

Արցախում բնակվող 440 միայնակ քաղաքացիներին պետությունը տրամադրում է մեկ ամսվա պարենամթերք և հիգիենիկ պարագաներ

Սիրելի՛ հայրենակիցներ, ես խնդրում եմ այդքան հանգիստ մի վերաբերվեք էս պրոբլեմին․ վարչապետ

Քաղաքացիներին վերահսկելու անհրաժեշտություն են ունենում այն կառավարությունները, որոնք չունեն լեգիտիմություն․ Փաշինյան

«Ֆլայ Արմենիա Էյրվեյզ» ՍՊԸ-ին օդանավի շահագործման վկայական չի տրամադրվել թերությունները չվերացնելու պատճառով

«Սուրբ Գրիգոր Լուսավորիչ» ԲԿ-ն ամբողջությամբ կդատարկվի եւ կծառայի որպես կորոնավիրուսի դեմ պայքարի հիվանդանոց․ Թորոսյան

Խաղաղությունը հնարավոր է այնտեղ, որտեղ դրան հավատում են. Աննա Հակոբյանը՝ ապրիլյան քառօրյայի մասին

2020 թվականի բյուջեի եկամուտները առաջին եռամսյակի տվյալներով գերակատարվել են 8.9 մլրդ դրամով․ վարչապետ

Ախտահանվում է Բագրատաշենի սահմանային կետը. ՍԱՏՄ աշխատակիցները կաշխատեն արտահագուստով