Տեղաշարժման թերթիկը լրացնելը մեկ րոպե էլ չի տևում, բայց ազատում է 100․000-200.000 դրամ տուգանքից

Դեռ երեք օր առաջ արտակարգ դրության կանոնների խստացման շրջանակում պարետատան կողմից հրապարակվել է այս տեղաշարժման թերթիկը, որը տնից դուրս եկող յուրաքանչյուր քաղաքացի պետք է ունենա իր մոտ՝ լրացված վիճակում։

Տեղաշարժման ձեւաթուղթը կարելի է ձեռք բերել թերթի կրպակներից (տրվում են անվճար), ներբեռնել եւ տպել տանը կամ էլ դրա օրինակով գրել ու լրացնել ձեռագիր: Կա նաեւ հեռախոսային հավելված, որը հեռախոսում ներբեռնելու, դրանով ձեւաթուղթը լրացնելու եւ պահպանելու պահին իսկ երեւում է ոստիկանությունում:

Սակայն, ինչպես ցույց են տալիս հարցումները, քաղաքացիների մի զգալի մասը տնից դուրս գալիս հաշվի չի առնում, որ անձամբ պետք է լրացնել եւ նոր դուրս գալ՝ ենթադրելով, որ եթե ոստիկանն իրենց ստուգի, այդ պահին օրենքի ներկայացուցչի մոտ եղած ձեւաթղթում, նրա օգնությամբ կլրացնի: Իրականում, երբ ոստիկանը ստուգի ու տեսնի, որ Ձեզ մոտ լրացված ձեւաթուղթ չկա, նա ոչ թե կօգնի լրացնել իր մոտ եղած թղթի վրա, այլ կտուգանի 100 հազարից 200 հազար դրամով:

Երբեմն էլ քաղաքացիները ենթադրում են, որ եթե իրենց տնից շատ չեն հեռանալու, կարող են եւ չունենալ «ձեւական թուղթը»: Իրականում մի քանի մետր, թե տասնյակ կիլոմետրեր՝ տարբերություն չկա: Եթե ձեւաթուղթ չունեք, կտուգանվեք:

Մեղմացուցիչ հանգամանք չէ նաեւ դեղատուն գնալը, ջերմիջեցնողի կարիք ունենալը, գրպանից հանված-ներկայացված դիմակներն ու դեղերը որեւէ նշանակություն չեն ունենում: Իրականում որքան էլ շտապեք, թղթի վրա ութ գիծ քաշելն ու տասը-քսան բառ գրելը, ժամանակատար չէ. միջինը կես րոպե է տեւում, իսկ խնայում է զգալի գումար:

Ընդգծենք նաեւ, որ ձեւաթղթի հետ միասին անպայման հարկ է ունենալ անձը հաստատող փաստաթուղթ:

Մեր երկրում նոր կորոնավիրուսի տարածումը կանխելու նպատակով ընդունված այս սահմանափակումներն առնվազն մեկ շաբաթով են, թեպետ երեկ առողջապահության նախարարը նշեց, որ չի բացառվում՝ այս կարգը երկարաձգվի:

Այնպես որ, կրկնենք՝ փողոց դուրս եկած բոլոր քաղաքացիները պետք է հստակ բացատրություն ունենան, թե ուր են գնում, եւ այդ բացատրությունը պետք է տեղավորվի կենսական անհրաժեշտ տեղաշարժի տրամաբանության մեջ, որը պետք է նշված լինի ձեւաթղթում:

«Կենսական անհրաժեշտ»-ը հստակ սահմանված չէ, այստեղ կառավարությունը քաղաքացիներին հնարավորություն է տալիս անձամբ որոշել՝ ինչն է իրենց համար կենսական անհրաժեշտություն: Իհարկե, պետք է հիշել, որ այս անհրաժեշտությունը հավասարակշռվում է նաեւ այն վտանգին, որին ենթարկում է քաղաքացին իրեն եւ այլոց այդ անհրաժեշտության բավարարման համար: Նկատի ունենանք, որ այս բոլոր կանոնների միակ նպատակը վարակի տարածումը կանխելն է մարդկանց շփումները սահմանափակելու միջոցով, շփումները անվտանգության կանոնների համապատասխան՝ մեկ-երկու մետր հեռավորությունից, դիմակով իրականացնելը վերահսկելով:

Եթե, օրինակ, գյուղում ապրող երիտասարդն առավոտյան իր տնամերձ հողամասում պիտի հողային աշխատանքներ անի, որեւէ հիմք չկա պնդելու, որ դա որեւէ հավելյալ վտանգ է ներկայացնում: Իսկ եթե 70-ամյա թոքային հիվանդությամբ, ծխող պապիկը գյուղամիջով պիտի անցնի, հանդ բարձրանա նույն հողային աշխատանքներն անելու համար, բնական է, որ դա հավելյալ վտանգ է արտակարգ դրության պայմաններում, թերեւս՝ չարդարացված: Սակայն եթե այդ աշխատանքները նրա համար կենսական անհրաժեշտություն են, ու ինքը դրա համար ձեռնարկում է անվտանգության բոլոր միջոցառումները՝ երկու մետրից ավելի չի մոտենում համագյուղացիներին, նրանց ձեռքով չի բարեւում, նրանց հետ շփվում է միայն բժշկական դիմակով, ապա ռիսկը նվազեցվում է:

Եթե մարդու նյարդերը ծայրահեղ լարվում են՝ քաղաքային փոքրիկ բնակարանի մի պատից մյուսն անընդհատ անցնելով, առաջանում են մկանային խնդիրներ կամ որոշակի հիվանդությամբ պայմանավորված՝ նրան պետք է ամեն օր որոշակի տարածություն քայլել, ապա միանշանակ է, որ կարելի է ընտրել դա անելու պակաս ռիսկային պահ՝ բազմաբնակարան շենքից դուրս գալ, օրինակ, ոչ թե վերելակով, այլ աստիճաններով, չշփվել հարեւանների հետ կամ շփվել դիմակով, սոցիալական հեռավորություն պահելով:

Եվ իհարկե, գնումների անհրաժեշտություն պարբերաբար ունենում են բոլորը, եւ ոչ ոք դա չի արգելում: Միայն թե գնումների գնալիս պետք է պահանել հիգիենայի եւ արտակարգ դրության կանոնները՝ սոցիալական հեռավորություն պահել, հազալ-փռշտալ արմունկի վրա, փակ տարածքում կրել դիմակ, հերթ կանգնել՝ նախորդ մարդուց 1-1.5 մետր հեռու, հաշվի առնել օրվա ժամը: Չմոռանանք՝ 10:00-12:00-ը խանութները սպասարկում են միայն թոշակառումներին: Եվ մի անգամ էլ կրկնենք՝ տուն հասնելուն պես լվացվել, լվանալ, ախտահանել ինչ հնարավոր է:

Վերջում հիշեցնենք, որ երեկ՝ ժամը 09:00-18:00-ը, մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելու փաստերով 349 անձի նկատմամբ կազմվել է վարչական իրավախախտման վերաբերյալ արձանագրություն, իսկ պարետի որոշումն ուժի մեջ մտնելուց հետո մինչեւ մարտի 26-ի ժամը 18-ը՝ 635 անձի նկատմամբ, 299՝ մայրաքաղաքում, 336-ը՝ մարզերում։

Այնպես որ, եթե ձեզ համար կենսական անհրաժեշտությամբ պայմանավորված պիտի դուրս գաք տնից, չմոռանաք վերցնել Ձեր անձը հաստատող փաստաթուղթն ու լրացնել տեղաշարժման թերթիկը, եւ խնդրում ենք՝ «Նպատակը» տողը լրացնելիս հիշեք, որ հարկ է ողջամտորեն օգտվել տնից դուրս գալու իրավունքից՝ բարեխղճորեն չվտանգելով Ձեր եւ այլոց կյանքն ու առողջությունը: Սա Ձեր անձնական-սոցիալական պատասխանատվությունն է:

Տպել
2229 դիտում

Կորոնավիրուսի 355 նոր դեպք է հաստատվել, 6 մահ, երկուսը՝ այլ պատճառներով. ընդհանուր թիվը մոտենում է 10 հազարին

Արսեն Թորոսյանը հանդիպել է վերակենդանացման բաժանմունքների ղեկավարներին. քննարկվել են ընդհանուր մոտեցումները

ԱՄՆ-ում ցույցերի ժամանակ պղծվել է Դենվերում գտնվող հայկական խաչքարը (լուսանկար)

Հրդեհ Էջմիածին քաղաքի մթերային խանութներից մեկում․ տուժածներ չկան

Հրդեհ Վանաձորում. 7-ամյա երեխային այրվող բնակարանից դուրս են բերել հարեւանները, տան տիրոջը՝ փրկարարները (լուսանկարներ)

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)