Հենց մեր այցի պահին երբեմն գործատուները ձևական դիմակներ են տալիս աշխատողներին. դրանք մի ժամից ավելի կրել հնարավոր չէ

Թե՛ սուպերմարկետներում, թե՛ առևտրի փոքր կետերում սահմանված նորմերը շատ հաճախ չեն պահպանվում. վաճառողները չեն կրում դիմակներ ու ձեռնոցներ կամ դրանք կրում են ողջ օրը՝ միևնույն ձեռոցով հպվելով բազմաթիվ իրերի, դրամի, հացի: Լրագրողների դիտարկմանն ի պատասխան՝ այսօր ասուլիսին Առողջապահական եւ աշխատանքի տեսչական մարմնի ղեկավար Հակոբ Ավագյանն ասաց, որ խախտումներ արձանագրում են նաև մշտադիտարկողները, իրազեկում են, որ վերացնեն խախտումները կամ դադարեցնում տնտեսվարողի գործունեությունը 6 ժամով՝ պահանջելով այդ ընթացքում խախտումները վերացնել: Նա չհամաձայնեց, որ խախտումները համատարած բնույթ են կրում՝ նաեւ հորդորելով դրանց մասին իրազեկել 8107 հեռախոսահամարով:

«Մեր մշտադիտարկումներն սկսվել են՝ ըստ պլանավորվածի, որը կազմելիս հաշվի են առնվել տեսչական մարմնի թեժ գծին, էլեկտրոնային հասցեին ու սոցիալական էջին եկող հասցեները. դրանք շատ արագ ներառվում են հենց հաջորդ օրվա այցի ցուցակում: Եթե մեր քաղաքացիները տեսնում են խախտումներ նաև մեր վերահսկողական գործառույթներում, ապա դրանք արագ հայտնվում են այդ ցուցակում, և այնտեղ էլ ենք իրականացնում մշտադիտարկում»,- ասաց ԱԱՏՄ-ի ղեկավարը:

Նա հավաստեց՝ պահանջում են, որ գործատուները պահեն մատյաններ, որտեղ պիտի գրանցվեն աշխատողների ջերմաչափման արդյունքները և ժամը հերթափոխն ընդունելուց առաջ և մեկ անգամ էլ՝ ընթացքում:

Զամբյուղների և սայլակների ախտահանումը ևս կարևոր հարցերից մեկն է մշտադիտարկման հարցաթերթիկում: Ավագյանի հավաստմամբ՝ երբեմն մշտադիտարկումը սուպերմարկետում տևում է այնքան, որ տեսնեն՝ զամբյուղը օգտագործվելուց հետո անցնում է ախտահանման փուլը եւ դրանից հետո վերադառնում ընդհանուր կիրառման, թե ոչ:         

«Մենք տեսնում ենք, որ հենց մեր այցի պահին գործատուները երբեմն ձևական դիմակներ են տալիս աշխատողներին, և մեր կողմից՝ որպես աշխատողների շահերի պաշտպանության վերահսկողությամբ զբաղվող մարմնի, դրան շատ խիստ ուշադրություն ենք դարձնում: Ակնհայտ է, որ այդ դիմակը աշխատակիցը չի կարող կրել մեկ ժամից ավելի, քանի որ դրանով շնչել հնարավոր չէ, մանավանդ, որ ունենք դեպքեր, երբ աշխատանքը շարունակվում է ութ ժամ»,- ասաց նա:

Առհասարակ այժմ շուկայում առկա բժշկական դիմակների վերահսկողությունը խնդիր է, քանի որ չկա դրանց համար նախատեսված ստանդարտ: «Որքան գիտեմ, այդ դիմակների ստանդարտացումը չկա ԵԱՏՄ տարածքում: Հիմա տեսչական մարմինների գրասենյակի կողմից առաջարկվել է Էկոնոմիկայի նախարարությանը, և շատ արագ ստանդարտն է մշակվում, որից հետո կհաստատվի մեր ազգային ընթացակարգով տեխնիկական կանոնակարգը, այսինքն, թե ինչ չափանիշների պիտի համապատասխանի շնչադիմակը, և, ըստ այդմ, մեր գործընկեր շուկայի վերահսկողական մարմինը կզբաղվի դրա վերահսկողությամբ»,- ասաց Ավագյանը:

Անդրադառնալով ալկոգելի շուկայի վերահսկողությանը՝ նա նշեց, որ այս նյութի ստուգումը Շուկայի վերահսկողության տեսչական մարմնի գործառույթներում է. «Որքանով տեղյակ եմ, դա նրանք պատշաճ են անում»:

Ի՞նչ լուծույթներ են փչում սուպերմարկետներում հաճախորդների ձեռքերին, երբեմն հաճախորդները դրանցից տհաճ հոտ են առնում։ Հարցին ի պատասխան՝ ԱԱՏՄ-ի ղեկավարը փաստեց, որ դա պիտի լինի էթիլային սպիրտ: «Եղել են սուպերմարկետներ, որ փակվելուց հետո, երբ վերաբացվել են, մուտքի մոտ հաճախորդների ձեռքներն ախտահանելու համար աշխատակից են առանձնացրել: Եթե մեր քաղաքացիները այս առումով խախտումներ են նկատել, կխնդրենք դիմեն մեզ, կտեսնենք՝ արդյոք Առողջապահության նախարարության կողմից սահմանված ախտահանիչ լուծույթների մասին նորմին բավարարում է, թե ոչ»,- ասաց նա:

Տպել
402 դիտում

Արցախում կորոնավիրուսի 2 նոր դեպք է հաստատվել. վարակակիրների ընդհանուր թիվը 40 է

Արմեն Գրիգորյանը շնորհավորել է Արցախի ԱԳ նախարարին, ԱԱԾ տնօրենին ու ոստիկանապետին

Կորոնավիրուսի 355 նոր դեպք է հաստատվել, 6 մահ, երկուսը՝ այլ պատճառներով. ընդհանուր թիվը մոտենում է 10 հազարին

Արսեն Թորոսյանը հանդիպել է վերակենդանացման բաժանմունքների ղեկավարներին. քննարկվել են ընդհանուր մոտեցումները

ԱՄՆ-ում ցույցերի ժամանակ պղծվել է Դենվերում գտնվող հայկական խաչքարը (լուսանկար)

Հրդեհ Էջմիածին քաղաքի մթերային խանութներից մեկում․ տուժածներ չկան

Հրդեհ Վանաձորում. 7-ամյա երեխային այրվող բնակարանից դուրս են բերել հարեւանները, տան տիրոջը՝ փրկարարները (լուսանկարներ)

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը