ՓՄՁ 2 տնտեսվարող արդեն աջակցության պայմանագիր է կնքել․ ծրագրին դիմել է շուրջ 200 մարդ

Կորոնավիրուսի հետեւանքով առաջացած խնդիրները չեզոքացնելու համար արդեն շուրջ 200 փոքր եւ միջին ձեռնարկատիրության ոլորտի տնտեսվարողներ են դիմել, որպեսզի կառավարության միջոցառումներով նախատեսված օժանդակություն ստանան։ Այս մասին «Հայկական ժամանակ»-ի հետ զրույցում ասաց Հայաստանի Զարգացման եւ ներդրումների կորպորացիայի գործադիր տնօրեն Արթուր Բադալյանը։

Նրա խոսքով՝ արդեն 2 տնտեսվարողի հետ պայմանագիր են կնքել. մեկը մշակող արդյունաբերության ոլորտում է գործունեություն ծավալում, մյուսը՝ հանրային սննդի։

Նշենք, որ միջոցառմամբ օժանդակություն է տրամադրվում ՓՄՁ շրջանակի՝ տուժած ոլորտներին՝ մշակող արդյունաբերություն, հյուրատնային-հյուրանոցային բիզնես, հանրային սննդի ծառայություններ, փոխադրումներ եւ պահեստային բիզնես, զբոսաշրջային ծառայություններ եւ առողջապահության ոլորտի կազմակերպություններ։ Նրանք 2019-ի շրջանառությունը պետք է լինի 24-ից 500 մլն դրամ։ Ծրագրին դիմող ընկերությունը 2019-ին պետք է որեւէ ժամկետանց վարկային կամ հարկային պարտավորություն չունենա։ Այս պահանջները բավարարող կազմակերպությունները կարող են դիմել Ներդրողների աջակցման կենտրոն ու ստանալ իրենց 2019 թվականի տարեկան շրջանառության 10 տոկոսի չափով (ոչ ավելի քան 50 մլն դրամ) վարկ՝ 36 ամսով։ Առաջին 6 ամսում վարկի մարում նախատեսված չէ, իսկ դրան հաջորդող մեկուկես տարում տոկոսադրույք չի լինի, իսկ 3-րդ տարում 12 տոկոս տոկոսադրույք է լինելու։

«Քաղաքացիներն էլեկտրոնային տարբերակով դիմում են Ներդրումների աջակցման կենտրոն, եթե ուսումնասիրության արդյունքում տնտեսվարողը բավարարում է պահանջներին, ապա կենտրոնը տնտեսվարողներին ուղարկում է մեզ մոտ, եւ մենք կնքում ենք վարկային պայմանագրեր»,- մեր զրույցում պարզաբանեց Բադալյանը։

Նրա խոսքով՝ վարկերը տրամադրվում են կոնկրետ նպատակային ծախսեր իրականացնելու համար՝ աշխատավարձ եւ դրան հավասարեցված վճարումներ՝ յուրաքանչյուր աշխատակցի համար առավելագույնը 300 հազար դրամ, հարկերի եւ տուրքերի վճարում, հումքի գնում եւ ներմուծում, հանրային ծառայությունների դիմաց վճարումներ եւ վարձավճարների վճարում։

«Մարդիկ շատ ոգեւորված են, քանի որ իրականում մեծ աջակցություն է այդ կազմակերպություններին՝ առանց գրավի վարկը։ Ես ֆինանսական համակարգում երկար տարիների աշխատանքային փորձ ունեմ ու 0 տոկոսով նման ծրագիր երբեք չի եղել։ Ընդ որում, 2 տարի անտոկոս դրամային վարկ, չկա որեւէ սպասարկման վճար, որեւէ ծառայության վճար, վաղաժամկետ մարման դեպքում չկա որեւէ լրացուցիչ վճար։ Կարծում եմ՝ ժողովուրդը պետք է փորձի հասկանալ եւ գնահատել այս քայլերը»,- նշեց Բադալյանը։

«Հայկական ժամանակ»-ը զրուցեց նաեւ այն 2 տնտեսվարողների հետ, որոնք պայմանագիր են կնքել այս ծրագրի շրջանակներում։

Հանրային սննդի կազմակերպմամբ զբաղվող «Բլիզարդ» ՍՊԸ հիմնադիր եւ տնօրեն Արմենուհի Խաչատրյանը, մեր զրույցում անդրադառնալով իրենց տրվող օժանդակությանը՝ ասաց. «Իմ կազմակերպությունն ունի ճաշարան եւ ունենք նաեւ միջոցառումների կազմակերպման ծառայություն։ Ինձ համար պայմանները շատ լավն են, 24 ամիս անտոկոս վարկավորումը հրաշալի պայմաններ են»։

Հարցին՝ դիմելու պրոցեսը հե՞շտ էր, Խաչատրյանը պատասխանեց. «Բացարձակ բարդություն չկար։ Չեմ կարող նկարագրել, թե ինչքան հեշտ ու արագ ամեն ինչ ստացվեց։ Եթե փաստաթղթերը պատշաճ լրացված են, եթե վարկային պատմությունը լավն է, հարկային պատմությունը լավն է ու կառավարության կողմից առաջադրած պայմաններին բավարարում ես, պրոցեսը շատ արագ է տեւում։ Ընդամենը՝ 3 օր»։

Անդրադառնալով հարցին, թե որքա՞ն գումար են տրամադրելու իրեն եւ ինչի՞ վրա է ծախսելու դա, Խաչատրյանը պատասխանեց. «Ես կարող էի մինչեւ 20 մլն դրամ վերցնել, 7 մլն դրամ վերցրեցի, քանի որ իմ հաշվարկով առաջիկա կես տարում ինձ մոտավորապես այդքան հարկավոր կլինի, որպեսզի աշխատանքս բնականոն հունի մեջ գցեմ»։ Նրա խոսքով՝ այդ գումարն առաջնահերթ օգտագործելու է աշխատավարձի համար, հետո արդեն՝ վարձավճարների, կոմունալ ծախսերի։

Հարցին՝ քանի՞ աշխատակից ունի իր ընկերությունը, Խաչատրյանը պատասխանեց. «13 աշխատող ունենք։ Միջոցառումների դեպքում լինում է, որ մենք նաեւ ժամանակավոր աշխատակիցներ ենք ներգրավում»։

Դիտարկմանը՝ ավելի լավ տարբերակներ կա՞ր ՓՄՁ-ներին աջակցելու, նա արձագանքեց. «Չեմ կարծում, թե սրանից հարմար տարբերակ կա։ Անկեղծ ասած, երբ արտակարգ իրավիճակ հայտարարվեց, ինձ մոտ խուճապ էր սկսվել, թե աշխատակիցներին ինչպես եմ վճարելու, ինչքա՞ն կարող եմ իմ գրպանից վճարել։ Իսկ երբ արդեն այս ծրագրի մասին հայտարարվեց՝ հասկացա, որ սա փրկություն է»։

Խաչատրյանի կարծիքով՝ երբ աշխատանքը սկսեն առաջիկա 3-4 ամիսներին, խնդիր կունենան հաճախորդ ներգրավելու, քանի որ մարդկանց մեջ վախ կա՝ հանրային վայրեր շատ քիչ կգնան եւ միջոցառումներ գրեթե չեն կազմակերպվի. «Այսինքն՝ միայն արտակարգ իրավիճակի դադարով մեր խնդիրները չէին ավարտվի, իսկ այս ծրագիրը տվեց այդ հնարավորությունը, որ մենք ոտքի կանգնենք»։ Նա հույս հայտնեց, որ 24 ամսվա ընթացքում վարկը կկարողանա փակել, եւ տոկոսադրույք վճարելու խնդիր չի առաջանա։

Մշակող արդյունաբերության ոլորտում գործունեություն ծավալող «Վերտեքս Գրուպ» ՍՊԸ տնօրեն Հակոբ Խաչատրյանը, ՀԺ-ի հետ զրույցում անդրադառնալով ծրագրին՝ ասաց, որ շատ բարձր կարծիք ունի դրա մասին, եւ այս պայմաններում շատ մեծ օգնություն է կառավարության կողմից: «Վերտեքս Գրուպ» ընկերությունը զբաղվում է ինքնակպչուն ժապավենների արտադրությամբ. այս ընկերությանն էլ տրամադրելու են 18 մլն 500 հազար դրամ։

Հարցին՝ քանի՞ աշխատակից ունի ընկերությունը եւ ի՞նչ նպատակով է ծախսելու գումարը, Խաչատրյանը պատասխանեց. «9 աշխատակից ունենք։ Գումարն ամբողջությամբ կամ ուղղելու ենք հումքի ձեռքբերմանը, կամ դրա մի փոքր մասը հարկային պարտավորությունների կատարմանը»։

Խոսելով ծրագրի մասին՝ գործարարն ասաց. «Շատ զարմացած ենք, որ այսպիսի բան կարող էր լինել պետության կողմից։ Մեզ սա կարող է բավականին օգնել»։ Խաչատրյանը հավելեց, որ դեռեւս գումարը չեն ստացել՝ պայմանագրերն են միայն կնքել. «Այսօր արդեն հայտը ներկայացրել ենք, գումարի առաջին մասը ստանալու համար։ Երկու օրվա ընթացքում պետք է գումարը փոխանցվի»։

Տպել
1900 դիտում

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

Ունենք կորոնավիրուսի 2 օջախ․ մեկը տուն-ինտերնատն է, մյուսը՝ մանկատունը․ Արսեն Թորոսյան

ԱՆ-ն ձեռք է բերել 500 մատնային պուլսօքսիմետր. դրանք արդեն իսկ բաշխվել են մարզերի եւ Երեւանի հիվանդանոցներին

Իսպանիայում ֆուտբոլասերները գուցե կարողանան մարզադաշտ գնալ հաջորդ մրցաշրջանում