Նորաշենում մեկուսացված քաղաքացին թաղմանը գրկախառնվել է հարազատների հետ. 2 օր անց նրա մոտ կորոնավիրուս է հաստատվել

ՀՀ կառավարության այսօրվա նիստում վարչապետ Նիկոլ Փաշինյանը առողջապահության նախարար Արսեն Թորոսյանից հետաքրքրվեց, թե ի՞նչ իրավիճակ է այս պահին կորոնավիրուսի շրջանակներում։

Նախարարն ասաց, որ անցնող օրվա դրությամբ ունեցել են 48 նոր հաստատված դեպք եւ 61 առողջացում. «Հետեւաբար կարող ենք ասել, որ դրական բալանսով ենք փակել օրը։ Ընդհանուր հաստատված դեպքերի թիվը՝ 1159։  Կարող եմ տեղեկացնել, որ մոտավորապես 1500 հոգուց ավելի մարդ է դուրս եկել կարանտինից այս ամբողջ ընթացքում։ Կարանտինում գտնվող անձանցից մոտավորապես 300 հոգու մոտ հաստատվել է դրական արդյունք։ Սա ասում եմ նրա համար, որ պարզ լինի՝ կարանտինային միջոցառումները շատ էֆեկտիվ են։ Եթե մենք դրանք արած չլինեինք, ապա մոտ 300 քաղաքացու մենք հետազոտած եւ հաստատած չէինք լինի»։

Թորոսյանի խոսքով՝ միջոցառումները շարունակվում են, մահճակալային ֆոնդը հիվանդանոցներում այս պահին կիսով չափ է ծանրաբեռնված։ «Եթե կարողանանք այս տեմպը պահել, մեր նոր բացվող գործարանները պահեն համաճարակային կանոնները, այս իրավիճակը երկար ժամանակ կլինի կառավարելի։ Մենք իրականացրել ենք 537 թեստ, բայց քանի որ թեստերի մի մասը հաջորդ օրն է մուտքագրվել համակարգ, կարող եմ ընդհանուր թիվն ասել՝ 810։ Մենք նաեւ համեմատվում ենք այլ երկրների 1 միլիոն բնակչին ընկնող թեստերի թվով եւ բավական լավ վիճակում ենք այդ առումով։ Այլ երկրների համեմատ մենք անում ենք բավականաչափ մեծ թվով թեստեր։ Մեր առջեւ դրված նպատակն իրագործվել է փաստացի։ Եթե կարիք լինի նոր ծավալներ ապահովելու, մենք էլի կարող ենք մտածել նոր լաբորատորիա ներգրավվելու եւ ծավալները մեծացնելու»,- ասաց նախարարը։

Վարչապետ Նիկոլ Փաշինյանն ասաց, որ այսպիսի մի հաշվարկ կա՝ մոտավորապես 16 թեստից 1 դրական արդյունք է լինում Հայաստանում։

«Ընդհանուր առմամբ մեր համաճարակի կորը գտնվում է կառավարելիության տիրույթում, բայց եթե մենք շարունակենք այն վերաբերմունքը, որը շատ հաճախ տեսնում ենք մեր իրականության մեջ, կարող է իսկապես ունենանք համաճարակի նոր բռնկում։ Ես ուզում եմ, որ մեր հանրությունը տեղյակ լինի այն դեպքին, որ տեղի է ունեցել օրեր առաջ Արարատի մարզի Նորաշեն գյուղում»,- ասաց վարչապետը՝ հավելելով, որ մեկուսացման մեջ գտնվող քաղաքացիներից մեկի ընտանիքում դժբախտ դեպք է տեղի ունեցել։

«Դիմումի հիման վրա մեկուսացման մեջ գտնվող անձն ուղեկցվել է թաղման արարողության, իհարկե, նախապես զգուշացվելով, որ պետք է հեռավորություն պահել: Ոստիկանի եւ մասնագետի ուղեկցությամբ է եղել, բայց հասկանալի է, որ իրավիճակը հուզումնալից է, եւ նրանք, ի հեճուկս խնդրանքների, հորդորների, չեն պահել պայմանները, գրկախառնվել են, եւ երկու օր հետո մեկուսացման մեջ գտնվող անձի մոտ թեստը դրական արդյունք է գրանցել, եւ սրա պատճառով պարետատունը որոշում է կայացրել Նորաշեն համայնքն ուղղակի ամբողջությամբ մեկուսացնել: Հասկանալի է, որ պարետատունը ճիշտ որոշում է կայացրել՝ հարազատին թույլ տալով մասնակցել այդ արարողությանը»,- ասաց վարչապետը։

Նա ընդգծեց՝ պարզ է, որ ոստիկանությունը չի կարող ամեն ինչ հսկողության տակ պահել, եւ քաղաքացիները պետք է հասկանան, որ ամեն ինչ լուրջ է. «Այսօր ազգակցական հարաբերություններ կան, որ համաճարակային մեր անհատական պահվածքի պատճառով փլուզվում են: Քաղաքացիներն իրենք պետք է հասկանան, որ այս իրավիճակը բավական լուրջ է։ Պետք է շատ լուրջ վերաբերվել այս իրավիճակին։ Մենք պետք է հասկանանք, որ մեր գործողությունների արդյունքում կարող են մահանալ մեր հարազատները կամ մեր ընկերների մերձավոր հարազատները»։

Նիկոլ Փաշինյանն ասաց, որ իրենց ռազմավարությունն այն է, որ այս վիրուսին զուգահեռ պետք է ապրել, բայց որպեսզի դրա արդյունքում աղետներ չլինեն, անհրաժեշտ է, որ յուրաքանչյուրն առանձնահատուկ պատասխանատվությամբ վերաբերվի իր վարքին ու պահվածքին։

«Եթե մենք հանկարծ գտնվենք էմոցիոնալ, մենք կարող ենք աղետներ բերել մեր գլխին։ Առաջիկայում Ապրիլի 24-ն է, եւ չեմ կարծում, որ եթե այդ օրը մեր էմոցիոնալ պահվածքի պատճառով հարյուրավոր մարդիկ մահանան, դրանով ցեղասպանության մեր նահատակների հոգիներն ավելի հանգիստ կլինեն։ Բացարձակ չեմ կարծում։

Մարդիկ այսօր 1 ամսից ավելի տներում փակված հոգեբանական, տնտեսական, սոցիալական ճնշման ներքո են։ Մենք պետք է սովորենք ապրել կորոնավիրուսի պայմաններում»,- ասաց վարչապետը։

Նրա խոսքով՝ ապրիլի 20-ից հնարավորություն պիտի տան տեքստիլ գործարաններին աշխատելու. «Բայց եթե այդ գործարանների գործատուներն ու աշխատողները առանձնահատուկ պատասխանատվություն չցուցաբերեն, այս որոշումը բերելու է աղետալի վիճակի։ Այո՛, մենք պատրաստ ենք պատասխանատվության մեր մասը կրել եւ այսօր քննարկում էինք, որ այդ ձեռնարկությունները պիտի լինեն հատուկ հսկողության տակ, եւ պետական ներկայացուցիչները ստուգայցերով կստուգեն, թե ինչպես են պահում Առողջապահության նախարարության ուղեցույցով նախատեսված կանոնները»։

Վարչապետն ընդգծեց, բարեբախտաբար, ունեն շատ հաջողված դեպքեր, թե ինչպես են գործատուները ճշգրիտ պահպանում այդ ամենը։

«Մենք ունենք ձեռնարկություններ, որտեղ աշխատողները, ջերմություն ունենալով, իրենք չեն գնացել աշխատանքի։ Այսպիսի դեպքերում բոլորս մտածում ենք, որ մեզ հետ տեղի չի ունենա, բայց եկեք այնպես չանենք, որ մեզնից յուրաքանչյուրն այդ ամենի հետեւանքները զգա։ Համենայն դեպս այս պահին պետական կառավարման համակարգը կարողացել է համաճարակն առնել հսկողության տակ։ Այս փուլից սկսած՝ արդեն յուրաքանչյուր քաղաքացու աջակցությունն է պետք, որպեսզի իրավիճակը նեգատիվ առումով չփոխվի»,- ասաց վարչապետը։

Ի հավելումն՝ առողջապահության նախարար Արսեն Թորոսյանն ասաց, որ Հայաստանում ապրիլի 15-ին կորոնավիրուսի դեպք է հաստատվել մի խոշոր գործատուի աշխատողի մոտ, սակայն գործատուն պահպանել է կանխարգելիչ բոլոր պայմանները, եւ մինչ վարակված մարդը մուտք կգործեր արտադրության տարածք, նրան ջերմաչափում է կատարվել, որից հետո թեստը դրական պատասխան է ցույց տվել:

Տպել
1350 դիտում

ԶՈՒ ԳՇ հետախուզության գլխավոր վարչության պետը հանդիպել է Վազգեն Սարգսյանի անվան ռազմական համալսարանի կուրսանտների հետ

ԵՊՀ-ն կդիմի Վարչական դատարան՝ վիճարկելու բուհերի վերաբերյալ Կառավարության որոշումը

Երևանն ու Նուրսուլթանը մեծ դերակատարություն ունեն հայ-ղազախական հարաբերությունների խորացման գործում

Թեհրանը համաձայն չէ Արևմուտքի պահանջներին

Սահմանում օպերատիվ մարտավարական կայուն իրավիճակը պահպանվել է

Արթիկում մսուր-մանկապարտեզ կկառուցվի. Կառավարությունը 100 մլն դրամ է հատկացրել

ԱՄՆ Պետդեպարտամենտը Կիևին խորհուրդ է տվել չշտապել ՆԱՏՕ-ին անդամակցելու հարցում

Իսրայելում առկա է հինգերորդ ընտրություններն անցկացնելու հավանականությունը

Բելգիայից՝ Սանդրոն, Թեհրանից՝ Թարան. շրջիկ բուժկենտրոնում COVID19-ի դեմ պատվաստվել ցանկացողների հոսքն այսօր մեծ էր

Հրատապ է ռազմագերիների, պատանդի կարգավիճակում գտնվող քաղաքացիական անձանց վերադարձը. Այվազյանը՝ Լավրովին (տեսանյութ)

Միացյալ Թագավորությունը հետաքրքրված է տարածաշրջանում կայուն խաղաղության պահպանմամբ․ ԱԺ նախագահն ընդունել է դեսպանին

«ՍԴ-ն Հռոմի պապից կաթոլիկ գտնվեց». ՀՀ գլխավոր դատախազը՝ 300․1 հոդվածի հակասահմանադրական ճանաչելու մասին

Մոտ ժամանակներս կկարողանանք լուծել պահվող անձանց վերադարձի խնդիրը. Սերգեյ Լավրով

Տեր-Պետրոսյանի երեկ հրապարակած չստորագրված հայտարարության մասով կարող եմ միայն երեք բան ասել․ Վահագն Ալեքսանյան

Կան ապացույցներ՝ Թուրքիայի միջամտությամբ ահաբեկչական խմբավորումներ ու վարձկաններ են տեղափոխվել Ադրբեջան. Արթուր Դավթյան

ԱԺ խորհուրդը քննարկում է այսօր երեկոյան արտահերթ նիստ հրավիրելու հարցը. օրակարգում մեկ հարց է

Սերգեյ Լավրովն այցելել է Հաղթանակ զբոսայգի

Անհրաժեշտ է վերականգնել խաղաղ գործընթացը՝ ԼՂ հակամարտության վերջնական կարգավորման հասնելու նպատակով. Փաշինյանը՝ Լավրովին

Աշխատանքի և սոցիալական հարցերի նախարարությունը հայտարարում է դրամաշնորհային մրցույթներ

Ադրբեջանի կողմից արգելված զինատեսակների օգտագործման փաստերով հարուցված են քրգործեր. Արթուր Դավթյան

Նիկոլ Փաշինյանը հանդիպել է Սերգեյ Լավրովի հետ

3 միլիոն 523 հազար եվրոյի ներդրում Վանաձոր և Լեռնապատ համայնքներում

Ուզում ես միանաս, դառնաս վիշապի երրորդ գլո՞ւխ, միանում ես, որ դառնաս ավազակապե՞տ. Մարտի 1-ի զոհի հայրը՝ Տեր-Պետրոսյանին

Հայաստանի հետազոտողները կարող են մասնակցել գերմանական «Green Hydrogen» մրցույթին

Ֆերդինանդ Կարապետյանը դուրս մնաց մեդալների համար պայքարից

Արմեն Սարգսյանը հարգանքի տուրք է մատուցել Արկադի Տեր-Թադևոսյանի հիշատակին (տեսանյութ)

Անդրեասյանն ու Մխիթարյանը չկարողացան օլիմպիական խաղերի ուղեգիր նվաճել

ԵՊՀ-ում գիտխորհրդի արտահերթ նիստ է հրավիրվել. պատճառը բուհերի վերաբերյալ Կառավարության որոշումն է

Ինչո՞ւ ոչ մի իրավապաշտպան կազմակերպություն չի այցելում Ղարաբաղ. Արման Թաթոյան

Եղեգնաձոր-Վայք ավտոճանապարհին բեռնատարը և «Gazele» մակնիշի ավտոմեքենան բախվել են․ ուղեւորը տեղում մահացել է

Առաջիկա տարիներին էապես մեծ է լինելու բանկային համակարգի դերը տնտեսության զարգացման և ուժեղ պետություն ունենալու հարցում

Թուրքիայի ԱԳՆ-ն արձագանքել է Լատվիայի խորհրդարանի կողմից Հայոց ցեղասպանությունը ճանաչող և դատապարտող բանաձևի ընդունմանը

Պաշտոնապես հայտարարվեց. Ռոբերտ Քոչարյանն ընտրություններում կգլխավորի ՀՅԴ-«Վերածնվող Հայաստան» դաշինքը

Մոտակա ընտրություններում ժողովուրդն է հենց գնահատական տալու իրենց. ԱԽ քարտուղարը՝ Տեր-Պետրոսյանի հայտարարության մասին

Լավրովը շնորհավորել է Հայաստանի ժողովրդին Հաղթանակի գալիք օրվա առթիվ

Բացահայտվել է ապօրինի թմրաշրջանառության դեպք. հայտնաբերվել է մարիխուանայի նմանվող զանգված (տեսանյութ)

Դպրոցները կստանան պետական դրամաշնորհ՝ անվտանգության պայմանների բարելավման համար

ՀՀ նախագահն այցելել է Արկադի Տեր-Թադևոսյանի ընտանիքին. քննարկվել է տուն-թանգարան հիմնելու առաջարկը (տեսանյութ)

Բուհերի վերաբերյալ Կառավարության որոշումն Արման Թաթոյանը կվիճարկի Սահմանադրական դատարանում

Hope For Armenia and Teach For Armenia. Քարդաշյանը, Թանկյանը կոչ են անում միանալ «Դասավանդի՛ր, Հայաստանին» (տեսանյութ)