1 ձայնին՝ 10.000, ակտիվիստներին վճարվելիք գումար՝ 34 մլն դրամ․ դատախազը ներկայացրեց Ծառուկյանի վերաբերյալ միջնորդագիրը

Ազգային ժողովում քննարկվում է «Բարգավաճ Հայաստան» խմբակցության ղեկավար Գագիկ Ծառուկյանի նկատմամբ քրեական հետապնդում հարուցելուն համաձայնություն տալու վերաբերյալ ՀՀ գլխավոր դատախազի միջնորդագիրը։

ՀՀ գլխավոր դատախազ Արթուր Դավթյանն ամբիոնից ներկայացրեց միջնորդագրի բովանդակությունը։ Այնտեղ մասնավորապես նշված էր, որ պաշտոնեական լիազորությունները չարաշահելու, ձեռնարկատիրական գործունեությանն ապօրինի մասնակցելու, պաշտոնատար անձին առանձնապես խոշոր չափի կաշառք տալու, կաշառք ստանալու, կաշառք ստանալուն օժանդակելու դեպքերի առթիվ ԱԱԾ-ի քննչական դեպարտամենտում հարուցված գործի նախաքննությամբ տվյալներ են ձեռք բերվել այն մասին, որ Քաղաքաշինության կոմիտեի նախագահը, հանդիսանալով պաշտոնատար անձ, իր պաշտոնական դիրքը ծառայության շահերին հակառակ օգտագործելով, անձնական շահագրգռվածությունից ելնելով, շինարարական աշխատանքներ ծավալող անձանց կամ կառուցապատող ընկերությունների ներկայացուցիչների հետ ձեռք բերված պայմանավորվածությունների համաձայն, խոշոր եւ առանձնապես խոշոր չափերով կաշառք ստանալու դիմաց 2019 թվականին նրանց օգտին կատարել է գործողություններ կամ նպաստել է ցանկալի որոշումների կայացմանը՝ կազմակերպելով բազմաբնակարան շենքերի եւ շինությունների կառուցապատման համար անհրաժեշտ ճարտարապետահատակագծային առաջադրանք, փաստաթղթերի անխոչընդոտ ստացման գործընթացը՝ դրան նպաստելու համար կապ հաստատելով Երեւանի քաղաքապետարանի իրավասու պաշտոնատար անձանց հետ, ինչպես նաեւ իր իրավասության մեջ մտնող անհրաժեշտ փաստաթղթերի առավել արագ ձեւակերպումը եւ անարգել տրամադրումը։

«Նախաքննությամբ պարզվել է, որ շինարարական ու կառուցապատման աշխատանքներ իրականացնող «Երեւանշին» ընկերության խորհրդի նախագահը, նպատակադրվելով ստանալ «ՀՀ վաստակավոր շինարար» պատվավոր կոչումը, իր ընկերոջ հետ նախնական համաձայնությամբ առանձնապես խոշոր չափերով՝ 2 միլիոն 379 հազար 950 դրամին համարժեք՝ 5000 դոլար կաշառք է տվել ՀՀ քաղշինության կոմիտեի նախագահին»,- հայտնեց դատախազը։

Սույն քրեական գործի ընթացքում հանցավոր ճանապարհով ձեռք բերված առարկաներ ու արժեքներ, ինչպես նաեւ այլ առարկաներ եւ փաստաթղթեր, որոնք կարող են նշանակություն ունենալ գործի համար, հայտնաբերելու նպատակով «Երեւանշին» ՍՊԸ-ում կատարված խուզարկությամբ հայտնաբերվել եւ առգրավվել են «Հաշվետվություն» վերտառությամբ փաստաղթղեր, Գեղարքունիքի մարզի տարբեր ընտրատեղամասերում 2017 թվականին կայացած Ազգային ժողովի ընտրությունների ընթացքում «Բարգավաճ Հայաստան» կուսակցության, որը ներառված էր «Ծառուկյան» դաշինքի մեջ, նախընտրական միջոցառումների, դրանց ծախսերի, ներառյալ՝ ընտրողներին ընտրակաշառք բաժանելու վերաբերյալ։

Մասնավորապես՝ փաստաթղթերում առկա են հետեւյալ գրառումները․ «Օրինակ՝ Գեղարքունիքի մարզ, ընտրական տարածք համար 8, 19, 20, 21 տարածքային ընտրական հանձնաժողովներ, «01․02․2017-02․04․2017 ժամանակահատվածի համար շտաբների մոտավոր ծախսերի ցանկ» վերտառությամբ փաստաթղթում առկա է 5 աղյուսակ, որոնցից 3-րդում եւ 4-րդում առկա են հետեւյալ գրառումները․ «Մեկ ակտիվիստ, 50 ձայն, մարտ ամսվա համար 50 հազար դրամ, 15 հազար ընտրող եւ գումարի բաշխումը։ 4 թվով համարակալված «Գեղարքունիքի մարզ, ընտրական տարածք թիվ 8, ԱԺ ԲՀԿ պատգամավորների ընտրությունների եւ 2017 թվականի նախնական ընտրողների թիվը» վերնագրով փաստաթղթում առկա է ցուցակ, որտեղ առկա են մարզի համայնքների անունները, շտաբների քանակը եւ աղյուսակի վերջին սյունակում գրված է․ «2017 թվականին քվեարկողների նախնական համաձայնեցված թիվ, ԲՀԿ եւ այլ թվեր։

Դավթյանը ներկայացրեց եւս մեկ փաստաթղթի տվյալներ, որում մասնավորապես նշված է՝ «Գեղարքունիքի մարզ, ընտրական տարածք համար 8, 19, 20, 21 տարածքային ընտրական հանձնաժողովներ, նախնական քարոզարշավի ժամանակ հաշվետվություն՝ 17.194 ընտրողի համար 40 տոկոս կորստով ձայն»։ Այս փաստաթղթում առկա է 13 կետից բաղկացած աղյուսակ, որի առաջին սյունակում գրված է․ «Ծառուկյանի հանձնարարությամբ Աբրահամյանին 4 միլիոն 600 հազար դրամ, երրորդ աղյուսակում՝ 17.194 ընտրողի համար ակտիվիստներին վճարվելիք գումար՝ 34 միլիոն դրամ» եւ այլն։ Աղյուսակից հետո գրված է՝ 1 ձայնին վճարված գումար՝ 10 հազար դրամ, 17.194 քվեի համար վճարվել է 10 հազար դրամ յուրաքանչյուրին, 171 միլիոն 940 հազար դրամ ընդհանուր արժեքով։

Դատախազը ներկայացրեց եւս մի քանի փաստաթուղթ նման բովանդակությամբ եւ շարունակեց, որ նախաքննության մարմնի կողմից 2020 թվականի հունիսի 10-ին որոշում է կայացվել ընտրողներին կաշառք տալու դեպքի առթիվ Քրեական օրենսգրքի 154․2 հոդվածի երկրորդ մասով նոր քրեական գործ հարուցելու եւ առանձին վարույթում առանձնացնելու մասին։

Միջնորդագրում նշված էր նաեւ, որ հայտնաբերված փաստաթղթերի կապակցությամբ «Երեւանշին» ընկերության տնօրենը ցուցմունք է տվել այն մասին, որ 2017 թվականին Գագիկ Ծառուկյանը հրավիրել է իրեն եւ առաջարկել, որ մասնակցի ընտրություններին՝ պայմանով, որ պետք է ապահովի 9000 ձայն Գեղարքունիքի մարզում։ Գագիկ Ծառուկյանի հետ պայմանավորվածության համաձայն՝ անհրաժեշտ ծախսերն ապահովելու համար դիմել է Սեդրակ Առուստամյանին եւ Աբրահամ Մանուկյանին։ 2017 թվականի Ազգային ժողովի ընտրությունների ժամանակ «Բարգավաճ Հայաստան» կուսակցության ֆինանսական հարցերով զբաղվել են վերջիններս։ Պայմանավորվածությունից հետո նրանցից որպես կանխավճար ստորագրությամբ ստացել է 10 հազար դրամ թղթադրամներից բաղկացած գումար, որի չափը չի հիշում։ Դրանից հետո հաճախակի հաշվետվություններ է ներկայացրել եւ տեղեկացրել ձայների պայմանավորված քանակի մասին, որի համաձայն՝ ստացել է 10 հազար դրամանվանապես արժեքով թղթադրամներ։ Ընտրությունների ավարտից հետո ստացված գումարների եւ բերված ձայների ամփոփումն արել է Մանուկյանի եւ Առուստամյանի հետ։ Վերնջիններից կանխիկ ստացել է մոտավորապես 90 միլիոն դրամ։ Այդ ամենի վերաբերյալ կազմվել են փաստաթղթեր, որոնց իր մոտ առկա օրինակները հայտնաբերվել են ընկերության գրասենյակում կատարված խուզարկությամբ։

Միջնորդագիրը ներկայացնելուց հետո Դավթյանը հայտարարեց, որ միջնորդում է համաձայնություն տալ ՀՀ Ազգային ժողովի պատգամավոր Գագիկ Ծառուկյանի նկատմամբ քրեական հետապնդում հարուցելուն, վերջինիս որպես մեղադրյալ ներգրավվելուն եւ մեղադրանք առաջադրելուն։

Տպել
2082 դիտում

Բարձրաստիճան հայ զինվորականի մահվան մասին լուրը չի համապատասխանում իրականությանը. Արծրուն Հովհաննիսյան

Արցախի ժողովուրդը պայքարում է թուրք-ադրբեջանական դաշինքի դեմ. Աննա Նաղդալյան

Ռազմաճակատ են մեկնում նաեւ Երեւանի քաղաքապետարանի աշխատակիցները

Էլ ի՞նչ պետք է լինի, որ միջազգային հանրություն կոչվածն արձագանքի. Սոս Ավետիսյանը կոչով դիմում է աշխարհին

Ֆեյսբուքի հայկական տիրույթում ադրբեջանական կեղծ օգտատերերի ակտիվությունը կարելի է փակել. Արծրուն Հովհաննիսյան

Կազմավորվել է ԵՊՀ կամավորական դասակ, որն այսօր մեկնել է Արցախ

Հարավային ուղղությամբ թշնամին հետ է շպրտվել՝ կորցնելով 10-11 միավոր զրահատեխնիկա. Արծրուն Հովհաննիսյան

Պետական մտածողությամբ սատար լինենք մեր զինվորներին. ՊԵԿ նախագահի ուղերձը

Գորիսի բժշկական կենտրոնը ծառայում է որպես տարհանման կետ (տեսանյութ)

Ջավախքի երիտասարդությունը համախմբված եւ ընդվզուն կեցվածքով ցուցակագրվում է եւ պատրաստ է մեկնել Արցախ. Շիրակ Թորոսյան

Զինծառայողներին աջակցություն ցուցաբերել ցանկացողները կարող են ցուցակում առկա ապրանքները տանել «ՔՊ» կենտրոնական գրասենյակ

Թուրքիան գործում է ծայրաստիճան թշնամական դիրքերից. Զոհրաբ Մնացականյանի հարցազրույցը «Ալ Արաբիա»-ին

Ինչպես եւ ում դիմել. Արցախին ու Պաշտպանության բանակին աջակցել ցանկացողների համար հրապարակվել են հեռախոսահամարներ

Առավոտյան հաջողություններ ենք գրանցել Ասկերան-Մարտունի հատման հատվածում. Անդրանիկ Քոչարյան

Հակառակորդը տանկային մարտում կորցրել է 10 միավոր զրահատեխնիկա (տեսանյութ)

ԱԱԾ-ն ՀՀ քաղաքացիներին կոչ է անում զերծ մնալ արցախցիներին իրենց տներում ընդունելու մասին հրապարակումներից

Զինծառայող Հարութ Սաղաթելի Գևորգյանը չի զոհվել, նա վիրավորում է ստացել. ՊԲ-ն հայցում է հարազատների ներողամտությունը

Տեղի է ունեցել Հանրային խորհրդի արտահերթ նիստ. որոշում է կայացվել ստեղծել օպերատիվ աշխատանքային խումբ

ՌԴ-ում 20 հազար հայորդի կամավորագրվել է Արցախ մեկնելու համար. Արա Աբրահամյան

ՀՀ-ն ՄԻԵԴ-ին նոր փաստեր է ուղարկել Ադրբեջանի կողմից քաղաքացիական բնակչության թիրախավորման վերաբերյալ