Ինչո՞ւ փետրվարին չներկայացրեցիք Ծառուկյանին կալանավորելու միջնորդություն. Մարուքյանը՝ Դավթյանին

Որքանով հիշում եմ, խուզարկությունը, որ եղել է այլ գործով, այլ մարմնում եղել է ամիսներ առաջ՝ փետրվարին կամ՝ ավելի շուտ։ Ինձ՝ որպես քաղաքական մարդու, հետաքրքիր է, թե ինչո՞ւ չեկաք փետրվարին Գագիկ Ծառուկյանին կալանավորելու միջնորդությամբ։ Եթե փետրվարին գայիք, ես ձեզ ընդհանրապես հարց չէի տա։

Այս մասին այսօր ԱԺ-ում ասաց «Լուսավոր Հայաստան» խմբակցության ղեկավար Էդմոն Մարուքյանը ՀՀ գլխավոր դատախազ Արթուր Դավթյանին՝ «Բարգավաճ Հայաստան» խմբակցության ղեկավար Գագիկ Ծառուկյանին կալանավորելու որոշմամբ միջնորդագրի քննարկման ժամանակ։

Մարուքյանը նաեւ հայտնեց, որ 2017 թվականի ընտրությունների արդյունքներով «Ելք» դաշինքն ընդունեց հայտարարություն, որում ասվեց, որ, չնայած նրան, որ զանգվածային ընտրակաշառքներ են բաժանվել ՀՀ-ում, ընտրական տեղամասերում իրենց հաջողվել է արձանագրել իրենց տրված քվեները։ «Սակայն մենք, չունենալով այդ զանգվածային ընտրակաշառքների մասին ապացույցներ, չդիմեցինք ՍԴ։ Եվ այդ ժամանակ, այդ զանգվածային ընտրակաշառքները բաժանելու ժամանակահատվածում դուք եղել եք գլխավոր դատախազ։ Հիմա որոշակի դիսկոմֆորտի հարց կա»,- ասաց Մարուքյանը։ Ըստ նրա՝ այդ դիսկոմֆորտը կապված է նրա հետ, որ այդ ժամանակ օրը ցերեկով մարդիկ զանգվածաբար հերթ էին կանգնում, որ փող ստանային՝ ընտրություններին մասնակցելու համար։ «Հիմա անցել է 3 տարի, եկել ասում եք՝ գրասենյակում մի հատ թուղթ ենք գտել, դրանցով ոնց որ ընտրակաշառք է բաժանվել, ուզում ենք մի հատ քննենք»,- ասաց Մարուքյանն ու հնչեցրեց նաեւ երրորդ հարցը։

Նա հարցրեց, թե արդյոք կա՞ ցուցմունք, որ Գագիկ Ծառուկյանը անձամբ փող է տվել, որ ընտրակաշառք բաժանեն։ Մարուքյանի խոսքով՝ հիմա եթե խորհրդարանը թույլ տա կալանավորել Ծառուկյանին, քննելուց հետո պարզվի, որ Պողոսը, Պետրոսը եւ Մարտիրոսը փող են բաժանել, բայց Ծառուկյանը տեղյակ չէր, ի՞նչ պատասխան է տրվելու խորհրդարանին, որովհետեւ, ինչպես ասաց նա, սա «շըփթըփ» հարց չէ, ֆրակցիայի ղեկավարին կալանավորելու որոշում է։

Դավթյանը նախ պատասխանեց հարցին, թե ինչու չներկայացավ փետրվարին այս միջնորդագրով։ Նա ասաց, որ եթե փետրվարին գար միայն այդ փաստաթղթով, ԲՀԿ պատգամավոր Արման Աբովյանի հարցադրումների պատասխանները չէր ունենա։ «Այդ ժամանակ պարոն Աբովյանը կբարձրաձայներ, իմ փաստարկները կլինեին շատ թույլ, դուք էլ կասեիք՝ էս ինչ-որ մեկի նկարած փաստաթուղթն է»,- ասաց Դավթյանն ու հավելեց, որ որպեսզի գնահատվեր ապացույցների բավարարություն, այս ամիսների ընթացքում տեղի են ունեցել քննչական եւ շատ ծավալուն օպերատիվ հետախուզական միջոցառումներ։

Նա նաեւ ասաց, որ առիթի դեպքում կհրապարակի ժամանակագրությունը, որտեղից արդեն տեսանելի կլինի, որ մինչեւ երեկ՝ միջնորդությունը մուտք անելու պահը, ձեռք էին բերվում առանցքային նշանակություն ունեցող ապացույցներ։

Հաջորդ հարցին, որ վերաբերում էր 2017 թվականին «Ելք» դաշինքի արած հայտարարությանը, Դավթյանը պատասխանեց՝ խոսքն ուղղելով Մարուքյանին։ Նա ասաց, որ Մարուքյանն իրավաբան է եւ պետք է այդ հարցի պատասխանը շատ լավ ունենա։ «Ես կարող եմ 3 տարի հետո եւս մեկ այլ հարցով գամ, որ այդ հարցը հնչի, որովհետեւ իմ գալը ժամանակագրության հետ չի կապված, իմ գալը կապված է ապացույցների հետ։ Հիմա այդ ապացույցները 3 տարի հետո ձեռք կբերվեն, տարի հետո ձեռք կբերվեն՝ այդ ժամանակ էլ ես գալու եմ»,- ասաց դատախազն ու անդրադարձավ նաեւ վերջին հարցին։ Ինչ վերաբերում է ուղիղ ցուցմունքին, Դավթյանն ասաց, որ միջնորդության մեջ նկարագրել է դա եւ կրկին ընթերցեց այդ հատվածը․ «Գագիկ Ծառուկյանն իրեն հրավիրել է, առաջարկել, որ մասնակցի ընտրություններին՝ պայմանով, որ պետք է ապահովի 9000 ձայն։ Գագիկ Ծառուկյանի հետ պայմանավորվածության համաձայն՝ անհրաժեշտ ծախսերն ապահովելու համար դիմել է համապատասխան անձանց, որոնք զբաղվում էին ֆինանսական միջոցներով»։ Դավթյանը նաեւ շեշտեց, որ իր հետագա՝ ավելի մանրամասն ցուցմունքի բացահայտման մեջ գումարային ծախսերի պարզաբանումները եւս տրված են։

Այնուհետեւ անդրադառնալով ցուցմունքի վերաբերյալ պատասխանին՝ Մարուքյանն ասաց, որ իր կարծիքով բացառված չէ իր նախանշած ելքը։ Նրա խոսքով՝ բացառված չէ, որ քննության արդյունքում կպարզվի, որ Ծառուկյանը տեղյակ չի եղել կաշառքի գործերից, ինչի արդյունքում կխայտառակվի մի ամբողջ խորհրդարան, որը թույլ է տվել կալանավորել խմբակցության ղեկավարի։

Մարուքյանը, անդրադառնալով նաեւ առաջին հարցին, թե ինչու սա չի եղել փետրվարին, հավելեց նաեւ, որ այդ ժամանակ չէր բացվի քաղաքական ենթատեքստի հարց։

Վերջում Մարուքյանը հարցրեց նաեւ, թե արդյոք խուզարկվե՞լ է ՀՀԿ-ի գրասենյակը, որովհետեւ հնարավոր է, որ այնտեղ նույնպես լինեն նմանատիպ փաստաթղթեր։

Դավթյանն ի պատասխան՝ ասաց, որ պետք չէ խորհրդարանին խայտառակ անելու խոսքով վախեցնել պատգամավորներին, խայտառակ անելու ոչինչ չկա։ «Մենք հիմա քրեադատավարական մի փուլում ենք, որտեղ լուծում ենք անձին մեղադրանք առաջադրելու հարցը։ Ձեր ասածով՝ այո՛, տեսականորեն ցանկացած այս փուլին հաջորդող փուլերում կարող է ելք լինել նաեւ, օրինակ, քրեական գործի վարույթի կարճվելը, բայց եթե դուք պատկերացնում եք, որ այստեղ պետք է կայացվի դատավճիռ, դա մեր օրենքից եւ տրամաբանությունից չի բխում։ Հակառակ դեպքում օրենքը կսահմաներ, որ դատավճիռ հրապարակելուց առաջ պիտի գա դատարանն ԱԺ-ում քննարկի, հետո համաձայնություն ստանա, որ մտնի, ազատ դատավճիռ կարողանա հրապարակի»,- ասաց Դավթյանը։

Նա նաեւ շեշտեց, որ ոչ միայն ՀՀԿ-ի, այլեւ ցանկացած կուսակցության գրասենյակ պարտադիր եւ անխուսափելի կխուզարկվի դրա համար օրենքով նախատեսված հիմքերի առկայության դեպքում։

Տպել
808 դիտում

Կորոնավիրուսի նոր հակառեկորդ՝ 1836 դեպք 1 օրում. առաջին անգամ գրանցվել է 16-ամյա երեխայի մահ

75-ամյա Մարուսյա տատն ու Գառնիկ պապն իրենց կովը մորթել, վաճառել ու 100․000 դրամ են փոխանցել զինծառայողների հիմնադրամին

«Ճանաչե՛ք Արցախի անկախությունը»․ բողոքի ակցիա` ՀՀ-ում Գերմանիայի դեսպանատան դիմաց

Պարզվում է՝ մենք միջմայրցամաքային բալիստիկ «Յարս» հրթիռ ունեինք, բայց չգիտեինք. Ադրբեջանի հայտարարության մասին

Արմեն Սարգսյանը մեկնել է Բրյուսել. նախատեսված են մի շարք հանդիպումներ

Լուսադեմին Մարտակերտը հարակից գյուղերով նորից հայտնվել է թշնամու նշանակետում. ԱԻՊԾ

Խոցվել է հակառակորդի ինքնաթիռ. իրավիճակը հարաբերական կայուն-լարված է

Ջոն Հայրապետյանը նշանակվել է Երևան քաղաքի առաջին ատյանի ընդհանուր իրավասության դատարանի դատավոր

Չեխիայի հայերը ի պաշտպանություն Արցախի ստորագրահավաք են անցկացրել և դիմել Չեխիայի խորհրդարան

Հոկտեմբերի 20-ի ժամը 16:00-ի դրությամբ հայտնաբերվել է արգելված հրապարակումների 121 դեպք

Ֆրանսիայի Վիեն քաղաքը միաձայն ճանաչել է Արցախի անկախությունը

«Արյունոտ լվացք» Տորոնտոյում. ակցիա՝ ընդդեմ ադրբեջանական ագրեսիայի (լուսանկարներ)

Սոթք-Քարվաճառ ավտոճանապարհն անվտանգության նկատառումներից ելնելով՝ շարունակում է փակ մնալ

ՀՀ ԱԳ նախարար Զոհրաբ Մնացականյանը կարճատև աշխատանքային այցով գտնվում է Մոսկվայում

Ինչպես Հադրութն ու Ֆիզուլին էին գրավել, այնպես էլ Զանգելանը. Արծրուն Հովհաննիսյանը հերքեց Բաքվի տարածած լուրը

Սաուդյան Արաբիան արգելել է թուրքական բոլոր տեսակի ապրանքների ներկրումն ու հետ է կանչում այնտեղ ապրող սաուդցիներին

ԱՄՆ-ի կոնգրեսական Գրեյս Նապոլիտանոն Կոնգրեսին է ներկայացրել Արցախի անկախության ճանաչման մասին բանաձեւ

Հովհաննիսյանը խնդրում է զերծ մնալ զանգեր կատարելուց, որպեսզի չտեղորոշվի, չվտանգվի զինծառայողի կամ ստորաբաժանման կյանքը

Կենտրոնական կողմում դիակահանության խնդիր չունենք. այսինքն, մենք որեւէ բնագիծ հետ չենք քաշվել, որ դիակ մնա. Հովհաննիսյան

Այս պահին մենք շատ բարենպաստ դիրքի ենք հասել, կարող ենք ջախջախել հակառակորդի թշնամու բանակի մնացուկները. Սուրեն Սահակյան