3-4 մլրդ դրամ արժեցող անշարժ գույքի սեփականատերը տարեկան 38 մլն դրամ գույքահարկ կվճարի․ կադաստրի կոմիտեի ղեկավար

Անշարժ գույքի կադաստրային արժեքներն անհամեմատ ցածր են, քան այսօր շուկայում առկա իրավիճակը. դրանք վերջին անգամ հաշվարկվել են 10 եւ ավելի տարիներ առաջ։ Այս մասին ՀԺ-ի հետ զրույցում ասաց ՀՀ կադաստրի կոմիտեի ղեկավար Սուրեն Թովմասյանը՝ անդրադառնալով գույքահարկի սպասվող ռեֆորմներին։

Նշենք, որ այսօր Ազգային ժողովն ամբողջությամբ ընդունեց «Հարկային օրենսգրքում փոփոխություններ եւ լրացումներ կատարելու մասին» Կառավարության ներկայացրած նախագիծը, որով նախատեսվում է գույքը հարկել շուկայական արժեքներին մոտարկված արժեքների հիման վրա։ Նշենք նաեւ, որ ռեֆորմը նախատեսված է ներդնել 2021 թվականի հունվարի 1-ից՝ աստիճանաբար՝ 4 տարվա ընթացքում։

Սուրեն Թովմասյանը պատասխանել է թեմայի վերաբերյալ մեր մի քանի հարցերին:

- Պարո՛ն Թովմասյան, սատարո՞ւմ եք ներդրվող գույքահարկի ռեֆորմը։ Կադաստրի կոմիտեն ինչքանո՞վ է առնչվում նախագծի հետ։

- Այս բարեփոխումները պետք է սատարեք նաեւ դուք, պետք է սատարի ՀՀ յուրաքանչյուր քաղաքացի, քանի որ մենք իրական պատկերն ենք փաստագրում։ Մենք ասում ենք, որ ՀՀ յուրաքանչյուր քաղաքացի պետք է որոշակի առումով իր մասնակցությունն ունենա այս ռեֆորմներին։ Կադաստրի կոմիտեն իր լիազորությունների շրջանակներում 2019 թ. իրականացրել է մոտ 50 հազար գույքի շուկայական գնահատում եւ վերլուծել է  կոմիտեում առկա 3 տարվա տվյալների բազան։ Արդյունքում՝ ՀՀ-ն բաժանվել է 20 գոտիների, ամեն գոտու համար սահմանվել է շուկայականին մոտարկված արժեք՝ բնակելի, հասարակական, արտադրական եւ այլ կառույցների ու հողատեսքերի համար։ 

1-ից դեպի 20 գոտիականությամբ գնալով՝ մենք Երեւան քաղաքի Կենտրոնից գնում ենք դեպի ՀՀ տարբեր ուղղություններով։ 2019 թ. նոյեմբերին ԱԺ-ն ընդունեց «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքը, որի հիման վրա էլ գույքահարկի դրույքաչափեր են սահմանվել։

Քննարկել այս փոփոխությունները վատ տեսանկյունից՝ ճիշտ չէ, քանի որ այն ավելի շատ մեղմիչ գործառույթ է։ Կառավարությունը մշակել է անցումային ժամանակահատված. նախագիծը մշակվել է 4 տարով։ «Իմ քայլը» խմբակցության պատգամավոր Բաբկեն Թունյանն էլ ԱԺ-ում ասաց, որ վաղն առավոտյան (այսօր) իրենք կանեն իրենց առաջարկները թեմայի վերաբերյալ. գուցե մի մոդել առաջարկեն, որով ավելի մեղմացնող հանգամանքներ կդրվեն հիմքում։ Թեմայի վերաբերյալ կարծում եմ, լսել եք նաեւ ընդդիմադիրների կարծիքը, որոնք նշում էին, որ պետք են բարեփոխումներ։ Անտրամաբանական է շուկայում ունենալ այլ արժեք, սակայն սահմանված ունենալ դրանից անհամեմատ ցածր կադաստրային արժեք։

- Կառավարությունում հարցի քննարկման ժամանակ վարչապետը հայտարարել էր, որ սա ազդելու է շքեղ առանձնատներ, դղյակներ ունեցող մարդկանց վրա։ Կադաստրի կոմիտեի տվյալներով՝ ՀՀ-ում մինչեւ ի՞նչ գների հասնող շքեղ բնակարաններ եւ առանձնատներ կան։ Որքա՞ն գույքահարկ են նրանք վճարում եւ որքա՞ն կվճարեն փոփոխություններից հետո։

- Ներկա կադաստրային արժեքով Հայաստանում ամենաթանկ բնակելի անշարժ գույքը արժե մոտ 500 մլն դրամ, իսկ կադաստրային արժեքի փոփոխված տարբերակով այդ գույքի գինն անհամեմատ բարձրանում եւ մոտենում է իր շուկայական արժեքին՝ դառնալով 3-4 մլրդ դրամ։ Այստեղ մենք իրական շուկայի պատկերն ենք արտացոլում՝ անկախ նրանից, դա կազդի գույքահարկի վրա, թե՝ ոչ։

Օրինակ՝ Երեւանում Բաբայան փողոցում (Մոնումենտ), եթե հիմա ինչ-որ անշարժ գույքի կադաստրային արժեքը 500 մլն դրամի սահմաններում է, նա այս պահին տարեկան վճարում է 4 մլն դրամի չափով գույքահարկ։ Իսկ եթե այն մոտեցնենք իր մոտարկված արժեքին՝ գույքահարկի չափը կդառնա 38 մլն դրամ։

Կան դեպքեր, երբ գույքահարկն ավելանում 4-5 անգամ։ Օրինակ՝ նույն հատվածում գտնվող Ազատության պողոտային հարող բնակելի տան արժեքը հիմա 300 մլն դրամի սահմաններում է եւ այս պահին դրա համար վճարում են 3 մլն դրամի չափով գույքահարկ, երբ այդ գույքը մոտեցնենք իրական արժեքին, գույքահարկը կդառնա մոտ 13 մլն դրամ։

Հիմա շահարկումներ են լինում, թե գույքը թանկանալու է 100 դրամով կամ այսքան անգամ եւ այլն։ Մենք պետք է գիտակցենք, որ այս փոփոխություններով, թանկարժեք գույքի վճարած գույքահարկը բարձրանում է 5-6 անգամ, սակայն գումարային տեսանկյունից այդ գումարը շատ խոշոր է։

Մեկ այլ պարագայում, եթե օրինակ բնակարանի արժեքը գնահատվել էր 3 մլն դրամ, իսկ հիմա գնահատվում է 15 մլն դրամ, նա այն ժամանակ գույքահարկ չէր վճարում, իսկ հիմա ենթադրենք տարեկան վճարելու է 5 հազար դրամ։ Օրինակ՝ հիմա Դավթաշեն վարչական շրջանում բնակարաններ կան, որոնց ներկայիս կադաստրային արժեքը մինչեւ 3 մլն դրամ է գնահատվում, բայց հիմա կարո՞ղ եք Դավթաշենում 3 մլն դրամով բնակարան գտնել։ Այն ժամանակ Դավթաշենում ենթակառուցվածքները զարգացված չէր եւ այդպիսի գներ էր, իսկ հիմա դրանք զարգացել են՝ փոխվել է նաեւ գինը, ու դա պետք է արձանագրել։

- Իսկ եթե մարդը թանկարժեք գույքը կտակ է ստացել, բայց միջոցներ չունի, ինչպե՞ս պետք է վճարի այնքան, որքան ֆինանսական խնդիր չունեցող գույքի տերը։

- Այստեղ աշխատանքները տարանջատված են 2 մասի, եթե անհրաժեշտ լինի որեւիցե մեղմացնող միջոցառում կիրառել՝ համապատասխան առաջարկությունները կհնչեն։ Իսկ ինչ վերաբերում է այսպես ասված կտակով ստացված թանկարժեք գույքատերերին, որոնք հնարավորություն չունեն վճարելու, այդ ծավալի փոփոխություններ տեղի չեն ունենալու։

Ըստ էության, այդ 4 տարվա անցումային դրույթները սահմանվում են նրա համար, որ մարդիկ հնարավորություն ունենան վերադասավորվելու եւ հասկանալու։

- Գույքի արտաքին եւ ներքին տեսքը հաշվի առնվո՞ւմ է դրա արժեքը գնահատելիս։

- Մոտարկված արժեքի սահմանման մեջ տրված է բանաձեւ, ըստ որի հաշվի է առնվում անշարժ գույքի կոնստրուկտիվ բոլոր էլեմենտները՝ հարդարումը, գտնվելու վայրը։ Ներքին հարդարումը հաշվի չի առնվում, քանի որ դա միայն շուկայական գնահատման պարագայում է հնարավոր ֆիքսել։

- Գործող կադաստրային արժեքների եւ փոփոխվող տարբերակով կադաստրային արժեքների մեջ թանկարժեք գույքերի քանակը որքանո՞վ է ավելանում։

- Գործող կադաստրային արժեքներով 50-100 մլն դրամի սահմաններում կա 356 բնակարան եւ 536 բնակելի տուն։ Փոփոխվող տարբերակով ՀՀ-ում առկա է 50-100 մլն դրամ արժեցող 7258 բնակարան են 9725 բնակելի տուն։

Գործող կադաստրային արժեքներով 100-200 մլն դրամի սահմաններում ունենք 31 բնակարան եւ 90 բնակելի տուն։ Փոփոխված՝ տարբերակով, այս պահին կա 100- 200 մլն դրամի սահմաններում՝ 1364 բնակարան եւ 2676 բնակելի տուն։

Իսկ 200 մլն դրամի եւ ավելի սահմաններում գործող կադաստրային արժեքներով ունենք 5 բնակարան եւ 18 բնակելի տուն։ Հասկանում եք, չէ՞, որ ամբողջ հանրապետությունում չի կարող 200 մլն դրամը գերազանցող 5 բնակարան եւ 18 բնակելի տուն լինել։ Փոփոխված տարբերակով՝ 200 մլն դրամ եւ ավելի արժեցող 113 բնակարան եւ 506 բնակելի տուն կա։

Տպել
5779 դիտում

Հայաստանում այս պահին բուժում է ստանում կորոնավիրուսով վարակված 10 հազարից ավելի մարդ

Վրաստանից Հայաստան մուտք գործելու նոր կանոնակարգ է սահմանվել

«Fitch Ratings»-ն իջեցրել է Թուրքիայի տնտեսական վարկանիշը. պատճառը լիրայի արժեզրկումն է

Աշոցքի տարածաշրջանում, Թալինում, Արագածում ձյուն է տեղում

Սպիտակ տունը հաստատել է. Պուտինն ու Բայդենը դեկտեմբերի 7-ին տեսակապով հանդիպում կունենան

89-ամյա կնոջը ծեծել և տունն ու դին այրել էր նրա 36-ամյա թոռնուհին. վերջինս ձեբակալվել է

Շիրակի մարզի 4 համայնքում ՏԻՄ ընտրություններ են

Մարմարաշեն գյուղի մոտակայքում 2 մեքենաների բախումից հետո «Մերսեդես»-ը բռնկվել է. կան տուժածներ

ՀՀ տարածքում կան փակ ավտոճանապարհներ. մի շարք կարևոր հատվածներում մերկասառույց է

Ժամը 8:00-ին ՀՀ տարածքում բացվել են բոլոր 984 տեղամասային կենտրոնները

Երևան-Աշտարակ ավտոճանապարհին մեքենաներ են բախվել. 3 տուժածներ հոսպիտալացվել են

ԵԱՀԿ Մինսկի խումբը ափսոսանք է հայտնել Բայրամով-Միրզոյան չկայացած հանդիպման կապակցությամբ. հայտարարություն

Այսօր ՀՀ մի շարք մարզերի խոշորացված համայնքներում տեղի են ունենում ՏԻՄ ընտրություններ. որոնք են դրանք

Ադրբեջանական կողմը քրգործ է հարուցել Արցախի խաղաղ բնակչի սպանության փաստով. ՌԴ ՊՆ

Արցախի Մարտունու շրջանում իրականացված որոնողական աշխատանքների արդյունքում հայտնաբերվել է ևս մեկ աճյուն

Ադրբեջանական կողմը հայկական կողմին է փոխանցել երեկ սպանված Սեյրան Սարգսյանի դին

Հայրենադարձվածերից 2-ը Գյումրիից են. Նազելի Բաղդասարյան

Հայաստան է վերադարձել 10 հայ գերի. հայտնի են նրանց անունները

Արմավիրի մարզի Բաղրամյան համայնքում՝ պատերազմում զոհված տղաներին նվիրված «Արմաթ» լաբորատորիայի բացումը՝ լուսանկարներով

ՀՀ տարածքում կան փակ և դժվարանցանելի ավտոճանապարհներ, Լարսը բաց է

Վարչապետի և արտախորհրդարանական քաղաքական ուժերի ղեկավարների մասնակցությամբ նիստ է տեղի ունեցել (լուսանկարներ, տեսանյութ)

Անավարտ թռիչք. Գյումրու N զորամասում հուշակոթող է բացվել՝ ի հիշատակ զոհված օդաչուների (լուսանկարներ)

Հակահամաճարակային կանոնները խախտվել են Ավան և Նոր Նորք վարչական շրջանների հանրային տրանսպորտում

«Ալիբեկ» սարի գագաթին ավտոմեքենան արգելափակվել է ձյան մեջ

Կալանավորվել է ոստիկանության ՊՊԳՎ նախկին պետ Վարդան Մինասյանը

Զագրեբում քննարկվել է հայ-խորվաթական երկկողմ օրակարգին վերաբերող հարցերի լայն շրջանակ (լուսանկարներ)

Հայտնի է Ճարտարի բնակչին սպանած ադրբեջանցու ինքնությունը. խաղաղապահները բանակցում են դին արցախյան կողմին հանձնելու շուրջ

Արմավիրի մարզի Բաղրամյան համայնքում «Արմաթ» ինժեներական լաբորատորիա է բացվել

2 դեղաչափով պատվաստված անձինք 6 ամիս անց կարող են ստանալ բուստեր՝ խթանիչ դեղաչափ. ՀՎԿԱԿ

Հալեպի նահանգապետը պատրաստակամություն է հայտնել օժանդակել Հալեպի հայկական եկեղեցիներին, դպրոցներին և հայ համայնքին

ԱԳՆ-ն վերահաստատել է ՀՀ աջակցությունը՝ ԵԱՀԿ մամուլի ազատության հարցերով ներկայացուցչի կողմից նախաձեռնված ծրագրերին

Մայր Աթոռ Սուրբ Էջմիածնում նշվել է հայոց առաջին լուսավորիչների տոնը (լուսանկարներ)

Ողբերգական դեպք Վանաձորում. ննջասենյակում հայտնաբերվել է տան տիրոջ կիսաայրված դին (լուսանկարներ)

Լեռնային և նախալեռնային գոտիներում ճանապարհները կպատվեն մերկասառույցով

Օտարերկրացի տղամարդուն ծեծել են, հափշտակել բջջային հեռախոսը, գումարն ու արծաթե վզնոցը

Իրականացվել է մարտական հերթապահության հերթափոխ, ստուգվել է զինծառայողներին կցագրված զենք-զինամթերքը

Դեկտեմբերի 5-ի ՏԻՄ ընտրություններով Հայաստանը կավարտի վարչատարածքային ամենամեծ բարեփոխումը (տեսանյութ)

Մուշի ոստիկանները ապօրինի պահվող զենք են հայտնաբերել

Երկրաշարժ է գրանցվել Բավրա գյուղից 18 կմ հյուսիս-արևելք. ցնցումները զգացվել են Լոռիում

Հատուկ նշանակության ստորաբաժանման զինծառայողների հետ կրակային պատրաստության պարապմունք է անցկացվել