Շաբաթը մեկ կարող ա 15 մանդատ ուզեք, վերջում դառնաք 250 հոգի. ԿԸՀ անդամը՝ Խաժակյանին

Կենտրոնական ընտրական հանձնաժողովը այսօր քննարկեց եւ մերժեց «Լուսավոր Հայաստան» կուսակցության ղեկավար Էդմոն Մարուքյանի դիմումը՝ կուսակցության 18-րդ մանդատը վերականգնելու մասին: Որոշումն ընդունվեց միաձայն:

2018-ի դեկտեմբերի խորհրդարանական ընտրությունների արդյունքում ԼՀԿ 18 ներկայացուցիչների թվում անցնելով խորհրդարան՝ 2019-ի սեպտեմբերին Արման Բաբաջանյանը լքեց խմբակցությունը: Եվ ահա հիմա, այդ իրադարձություններից 10 ամիս անց կուսակցությունը որոշել է վերականգնել 18-րդ մանդատը՝ ընդգծելով, թե  խախտվել է մանդատների 1/3-ը ընդդիմությանը պատկանելու համամասնությունը: Մերժելով Մարուքյանի դիմումը՝ ԿԸՀ-ն պարզաբանեց, որ որեւէ իրավական հիմք չկա, որով ԿԸՀ-ն կարող է լրացուցիչ մանդատ տրամադրել որեւէ խմբակցության՝ առանց թափուր մանդատի առկայության: Որոշումը եռօրյա ժամկետում կարող է բողոքարկվել Վարչական դատարան:

ԿԸՀ ներկայացված դիմումի քննարկումը բավական հետաքրքիր հարցուպատասխանների մթնոլորտում անցավ: Էդմոն Մարուքյանին ներկայացնում էր Երեւանի ավագանու «Լույս» խմբակցության անդամ Դավիթ Խաժակյանը:

Դիմումը ներկայացնելիս Խաժակյանն ասաց, որ «Լուսավոր Հայաստան» խմբակցությանը հասած 18 մանդատը եղել է ժողովրդի կամարտահայտությունը եւ Արման Բաբաջանյանի դսրս գալով ստեղծվել է մի իրավիճակ, որը հակասում է ժողովրդի կամարտահայտությանը:

«Մենք Արման Բաբաջանյանին կոչ ենք արել, որ իր մանդատը վայր դնի, բայց քանի որ նա որոշել է պահպանել իր մանդատը, ստեղծվել է այնպիսի իրավիճակ, որ լիազոր մարմինը՝ ԿԸՀ-ն պետք է այս խնդրին լուծում տա»,- ընդգծեց Խաժակյանը:

ԿԸՀ նախագահն էլ իր նախնական խոսքում ասաց, որ ընտրություններից հետո՝ 2018 թվականի դեկտեմբերի 16-ին ԿԸՀ-ն ամփոփել է ընտրությունների արդյունքները, 132 մանդատները բաշխվել են հետեւյալ համամասնությամբ. «Իմ  քայլը» խմբակցությանը տրամադրվել է 88 մանդատ, ԲՀԿ-ին՝ 26, ԼՀԿ-ին՝ 18: Ըստ Մուկուչյանի՝ առ այսօր այդ որոշումը ոչ վիճարկվել է, ոչ փոփոխվել: Ուստի, Լուսավոր Հայաստանին մեկ լրացուցիչ մանդատի տրամադրումը կնշանակի, որ մանդատների թիվը դառնում է 133, ինչը հակասում է ԿԸՀ որոշմանը:

«Ձեր լիազորությունների մեջ է՝ այդ 1/3-ի հարաբերակցությունը վերականգնել լրացուցիչ մանդատի տրամադրմամբ կամ Արման Բաբաջանյանին մանդատից զրկելու միջոցով»,- ասաց Խաժակյանը՝ հավելելով. «Մենք տարբեր քննարկումներ ենք ունեցել, եւ իմ տեսակետը այն է, որ դա պետք է տեղի ունենա հենց այդ տարբերակով, որովհետեւ հատկապես համամասնական ցուցակով եւ այս գումարման խորհրդարանում ամենաքիչ ընտրողների ձայներ ստացած պատգամավորը չի կարող ինքնուրույն համարվել առանձին միավոր՝ դրանով խախտելով համամասնությունը»:

Ամբողջ քննարկման ընթացքում Խաժակյանն իր խոսքի այս՝ վերջին հատվածը մի քանի անգամ կրկնեց:

Մուկուչյանը ակնարկեց, որ դիմումում Բաբաջանյանին մանդատից զրկելու մասին խոսք չկա, ուստի կոչ արեց մնալ դիմումի շրջանակներում:

«Ունենք դիմում, ունենք պահանջ՝ լրացուցիչ մեկ մանդատ տրամադրել: Ունենք 132 բաշխված մանդատ, եթե բավարարվում է ձեր դիմումը, ապա պատգամավորների թիվը դառնում է 133: Ճի՞շտ է»,- հարցրեց Մուկուչյանը:

Ըստ նրա՝ ԿԸՀ-ն օրենքով գործող մարմին է, եւ Ընտրական օրենսգրքի համաձայն՝ ԿԸՀ-ն լրացուցիչ մանդատ տրամադրում է բացառապես թափուր մանդատի առկայության դեպքում: «Հիմա, երբ որ առկա չէ թափուր մանդատ, ԿԸՀ-ն, որի լիազորությունները ֆիքսված են Ընտրական օրենսգրքում, ո՞ր մանդատը պիտի տա ձեզ»,- երկրորդ հարցն ուղղեց ԿԸՀ նախագահը:

Խաժակյանը դարձյալ հիշեցրեց խնդրի լուծման մյուս տարբերակի՝ Բաբաջանյանից մանդատը վերցնելու մասին:

Այս անգամ ԿԸՀ նախագահը մեկ այլ հնարավորություն քննարկեց. նա ընդգծեց, որ խոչընդոտ չկա, որ խմբակցությունից դուրս եկած պատգամավորը որոշակի ժամանակ անց հայտարարի նորից վերադառնալու մասին: «Հետո ի՞նչ ենք անելու, եթե հիմա տանք, հետո էլ հե՞տ ենք վերցնելու»,- ասաց Մուկուչյանը:

Խաժակյանը, սակայն, այս հարցի պատասխանն էլ ուներ. ըստ նրա անցնող ժամանակը նրա վկայությունն է, որ դա տեղի չի ունենա: Բայց եթե այնուամենայնիվ 18 մանդատը դառնա 19-ը՝ դա եւս կարող է դառնալ քննարկման առարկա եւ օրենսդրական բացերի շրջանակներում կարգավորվի:

ԿԸՀ նախագահն այնուհետեւ ցանկացավ Դավիթ Խաժակյանից կորզել այն հարցի պատասխանը, որ որեւէ իրավական հիմք չկա, որ ԼՀԿ-ին պատկանող մանդատների թիվը պակասել է: Խաժակյանն այս դեպքում էլ որոշեց այո կամ ոչ պատասխանի փոխարեն պարզաբանել, որ իր կարծիքով ԱԺ նախագահը անհրաժեշտության դեպքում կարձանագրի, որ ԼՀԿ-ն ունի ոչ թե 18, այլ 17 պատգամավոր:

Մուկուչյանն այս պատասխանն էլ չընդունեց՝ պարզաբանելով, որ մանդատների բաշխումը ԿԸՀ-ն է իրականացրել եւ այդ որոշումը փոփոխության չի ենթարկվել:

ԿԸՀ այլ ներկայացուցիչներ եւս հարցեր ունեին: ԿԸՀ քարտուղար Արմեն Սմբատյանը, օրինակ, խնդրեց վկայակոչել իրավական նորմ, ըստ որի ԿԸՀ-ն իրավունք ունի ԱԺ պատգամավորին հրավիրել եւ հարցադրում անել, թե ինչու եք դուրս եկել խմբակցությունից:

Խաժակյանի պատասխանը հետեւյալն էր, որ  առնվազն 18 մանդատների խախտման բերումով այդ հարցը պետք է դառնար քննարկման առարկա:

ԿԸՀ անդամ Գեորգի Մարտիրոսյանն էլ հարցրեց. «Մենք 18-ը տալիս ենք, վաղը 15 հոգի նորից դիմում են գրում, դուրս են գալիս, նորից գալու եք 15 մանդատ ուզե՞ք»: Ըստ ԿԸՀ ներկայացուցչի՝ այդպես շաբաթը մեկ կարող են 15 մանդատ ուզել, վերջում դառնաք 250 հոգի միայն այդ խմբակցությունում:

Խաժակյանը մեկնաբանեց, որ այդպիսի իրավիճակ չի կարող լինել, դա սպեկուլյատիվ գործողություն կլինի եւ այլ  տեսակի ճգնաժամ կառաջացնի:

Նիստի ընթացքում ծավալված քննարկումից հետո ԿԸՀ նախագահ Տիգրան Մուկուչյանը ներկայացրեց ԿԸՀ որոշման նախագիծը, որի զրափակիչ մասում ասվում էր. «Արդեն իսկ ընտրությունների արդյունքում  բաշխված մանդատների պայմաններում լրացուցիչ մանդատ տրամադրելու՝ մանդատների ընդհանուր թվի ավելացման լիազորությամբ ԿԸՀ-ն օժտված չէ: ԿԸՀ-ն արձանագրում է, որ կուսակցության տարածքային կամ համապետական ընտրական ցուցակի հերթական հաջորդ թեկնածուին ԿԸՀ արձանագրությամբ տրվում է լիազորությունները վաղաժամկետ դադարեցրած պատգամավորի մանդատը, հետեւաբար, եթե որեւէ պատգամավորի լիազորություններ վաղաժամկետ դադարեցված չեն, առկա չէ այն իրավական փաստը, որի հիմքով ԿԸՀ-ն այդ մանդատը կարող է տրամադրել մեկ այլ թեկնածուի: ԿԸՀ-ի կողմից մանդատը տրամադրելու լիազորությունները հնարավոր է իրականացնել բացառապես թափուր մանդատ առաջանալու դեպքում»: Այս որոշման նախագիծը դրվեց քվեարկության եւ միաձայն որոշվեց մերժել «Լուսավոր Հայաստան» կուսակցության ղեկավարի դիմումը:

Նիստից հետո լրագրողները Տիգրան Մուկուչյանից հետաքրքրվեցին՝ հնարավոր չէ՞ր բավարարել ԼՀԿ-ի դիմումը եւ դրանով նախադեպ ստեղծել, որ խմբակցություններից դուրս գալիս պատգամավորները ավելի զգուշավոր լինեին, Մուկուչյանը արձագանքեց. «ԿԸՀ-ն պետական մարմին է եւ ոչ թե նախադեպային որոշումներ է կայացնում, այլ կայացնում է որոշումներ, որոնք պետք է համապատասխանեն ՀՀ օրենսդրության պահանջներին»:
Լրագրողների հարցերին պատասխանեց նաեւ Խաժակյանը եւ ասաց, որ «Արման Բաբաջանյանը մանդատ է ստացել ԼՀԿ-ի միջոցով, իսկ հիմա այդ մանդատը ծառայեցնում է բոլորովին այլ կուսակցություն ստեղծելու համար, ինչն անընդունելի է»:

«Եթե գոնե նա մեծամասնական ընտրակարգով քվեներ ստացած լիներ, նա որոշակի էլեկտորալ արժեք կունենար»,- Բաբաջանյանի մասին ասաց Խաժակյանը՝ հիշեցնելով, որ նա շուրջ 300 ձայն է ստացել, ինչն ամենաքիչն է այս խորհրդարանի դեպքում:
Խոսելով իրենց հաջորդ քայլերի, ԿԸՀ որոշման բողոքարկման մասին՝ ԼՀԿ ներկայացուցիչն ասաց, որ հաջորդ քայլը կքննարկեն, կորոշեն:

Հ. Գ. Առաջին լրատվականի հետ զրույցում Արման Բաբաջանյանը երեկ արձագանքեց իր վերաբերյալ հայտարարություններին եւ մանդատը վայր դնելու կոչերին:

«Այդ մանդատի տերը ոչ այդ խմբակն է, ոչ ես. այդ մանդատի տերը ժողովուրդն է եւ ես միայն նրան եմ հաշվետու»,- ասաց նա:

Տպել
5607 դիտում

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին