Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

10 գոլ հիմնական ու լրացուցիչ ժամանակում, «քամբեք» կարմիր քարտ, 11-մետրանոցներ. դրամատիկ, լարված ու գոլառատ պայքարում առաջին անգամ իր պատմության մեջ Հայաստանի ֆուտբոլի գավաթակիր դարձավ «Նոան»։ Քիչ առաջ Երեւանի ֆուտբոլի ակադեմիայում ավարտված Գավաթի 2019-20թթ խաղարկության եզրափակչում առավելության հասավ «Արարատ-Արմենիայի» նկատմամբ։ Հաղթողը որոշվեց 11-մետրանոց հարվածաշարում

8-րդ րոպեին հաշիվն «Արարատ-Արմենիայի» կազմում բացեց Օգանա Ուգոչուկվուն։ 23-րդ րոպեին «Նոայի» խաղացողները զավեշտալի ինքնագոլի հեղինակ դարձան։ Տուգանային հրապարակում նրանցից մեկը փորձեց հեռացնել գնդակը, այն դիպավ թիմակցին՝ Ալան Տատաեւին, եւ անդրադարձով հայտնվեց դարպասում։ 29-րդ րոպեին «Արարատ-Արմենիայի» կազմում Յուսուֆ Օտուբանջոն հաշիվը դարձրեց խոշոր՝ 3։0։ 10 րոպե անց «Նոան» 1 գնդակ խփեց, աչքի ընկավ Մաքսիմ Մայրովիչը, սակայն 41-րդ րոպեին «Արարատ-Արմենիան» Օգանա Ուգոչուկվուի գոլի շնորհիվ վերականգնեց 3 գնդակի տարբերությունը։ Թիմերը ընդմիջման գնացին 4։1 հաշվով, թեեւ անկախ բաց թողած գոլերից չի կարելի ասել, որ «Նոան» անօգնական տեսք ուներ։

2-րդ կեսում «Նոան», ինչպես ֆուտբոլում ասում են, «քամբեք» արեց։ 56-րդ րոպեին Վլադիմիր Ազարովը 11-մետրանոցից խփեց իր թիմի 2-րդ գոլը, ապա Մաքսիմ Մայրովիչը եւ Դանու Սպատարուն, համապատասխանաբար 60 եւ 67-րդ րոպեների գրավելով մրցակցի դարպասը, վերականգնեցին հաշվի հավասարակշռությունը։ Հիմնական ժամանակում այլեւս գոլեր չգրանցվեցին, ու հանդիպումը տեղափոխվեց լրացուցիչ ժամանակ։ Մինչեւ այդ՝ հիմնական ժամանակի վերջին վայրկյաններին, «Արարատ-Արմենիայի» կազմում իր թիմին վերահաս գոլից վերջին հույսի խախտմամբ փրկեց Ալֆոնսեն. գոլ չեղավ, սակայն նա կարմիր քարտ ստացավ, ու թիմը մնաց 10 հոգով: Լրացուցիչ ժամանակում թիմերը փոխանակվեցին մեկական գոլով։ «Նոայի» կազմում 11-մետրանոցով իր թիմին առաջ մղեց Վլադիմիր Ազարովը, քիչ անց Օտուբանջոն հաշիվը դարձրեց 5։5։ Այլեւս գոլեր չեղան, ու հաղթողը որոշվեց 11-մետրանոց հարվածաշարում, որտեղ ավելի հաջողակ գտնվեց «Նոան», որը ֆուտբոլային վիճակահանությունում հաղթեց 7։6 եւ նվաճեց իր պատմության առաջին տիտղոսը:

Հանդիպմանը ներկա էին Հայաստանի ֆուտբոլի ազգային հավաքականի գլխավոր մարզիչ Խոակին Կապառոսը, Հայաստանի ֆուտբոլի ֆեդերացիայի տեխնիկական տնօրեն Խինես Մելենդեսը, ՀՖՖ նախագահ Արմեն Մելիքբեկյանը եւ փոխնախագահ Արմեն Նիկողոսյանը։ Հյուրերի թվում էին ՀՀ պաշտպանության նախարար Դավիթ Տոնոյանը եւ կրթության, գիտության, մշակույթի եւ սպորտի նախարար Արայիկ Հարությունյանը:  Երկրպագուներ, սակայն, չկային կորոնավիրուսի տարածման պատճառով:

Այս թիմերն ընթացիկ մրցաշրջանում միմյանց դեմ կխաղան եւս մեկ անգամ՝ Բարձրագույն խմբի առաջնություն վերջին՝ 28-րդ, տուրի շրջանակներում։ Այդ հանդիպումը նույնպես եզրափակչի նշանակություն կունենա, քանի որ մրցաշարային աղյուսակում դասավորությունն այնպիսին է, որ այդ խաղի հաղթողը չեմպիոն կդառնա։ «Արարատ-Արմենիան» առաջինն է ու «Նոային» գերազանցում է ընդամենը 1 միավորով։ Այդ խաղը հուլիսի 14-ին է։ Նույնպես տեղի է ունենալու Երեւանի ֆուտբոլի ակադեմիայում։

Տպել
988 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են