Մենք՝ մեկը ես, ընտրել ենք սխալ ՍԴ անդամներ, ներողություն իմ կայացրած սխալ ընտրության համար. Անդրանիկ Քոչարյան

Մեր իշխանության ժամանակ մենք ընտրել ենք Սահմանադրական դատարանի սխալ անդամներ, մեկը՝ ես, ներողություն իմ կայացրած սխալ ընտրության համար: Այսօր Ազգային ժողովում լրագրողների հետ զրույցում այսպիսի հայտարարություն արեց «Իմ քայլը» խմբակցության պատգամավոր, Պաշտպանության եւ անվտանգության հանձնաժողովի անդամ Անդրանիկ Քոչարյանը:

Ըստ նրա՝ ՍԴ 8 դատավորները, որոնք կայացրին Ռոբերտ Քոչարյանին մեղսագրվող 300.1 հոդվածը հակասահմանադրական ճանաչելու որոշում, պատասխանատվություն են կրում Մարտի 1-ի գործի 80 հատորների համար, քանի որ իրենց այդ որոշմամբ հասարակությանը զերծ պահեցին այդ հատորների բովանդակությանը ծանոթանալուց եւ հասկանալուց՝ ովքեր են մեղավորները:

«Այ ՍԴ էս 8 անդամները, որոնցից 3-ին մենք ընտրեցինք, այ ինձ հետաքրքիր է էս 3-ին, հատկապես Խունդկարյանին՝ մենք ինչո՞ւ ենք ընտրել, որը 42 էջ հատուկ կարծիք է գրել, հիմնավորել է... Բա Վճռաբեկ դատարանի նախագահ ջան, բա դու էսքան տարիների մեջ մի հատ արտահայտվեիր, որ 300.1-ը մեր Սահմանադրության հետ հակասություն է պարունակում»,- նկատի ունենալով իրենց իշխանության օրոք ՍԴ դատավոր ընտրված Երվանդ Խունդկարյանին՝ ասաց Քոչարյանը:

Նրա համոզմամբ՝ նախկին իշխանությունների օրոք ՍԴ-ում աշխատած 5 դատավորները՝ Հրայր Թովմասյանի գլխավորությամբ, այդ խնդիրը իրագործելուն վաղուց էին պատրաստ:

«Կասկած չունենաք, որ եթե Ռոբերտ Քոչարյանին մեղադրեին խուլիգանության մեջ, այդ հոդվածը կդիտվեր հակասահմանադրական: Էս դատավորների տրամաբանությունը դա է: Իսկ ո՞վ է փորձաքննության ենթարկելու իրենց որոշումը, այս հոդվածն իրոք հակասահմանադրակա՞ն է, թե՞ Հրայր Թովմասյանի ճաշակով է եւ կապված է Ռոբերտ Քոչարյանի հետ: Բայց չէ՞ որ այդ հոդվածը իրենք են բերել: Նույն Հրայր Թովմասյանը՝ իր «հայրիկների» եւ «մայրիկների» հետ, Դավիթ Հարությունյանը, Վարդան Պողոսյանը, որոնք պարբերաբար փոխում էին Սահմանադրությունը՝ իրենց ճաշակին համապատասխան»,- ընդգծեց պատգամավորը:

Նա հարց բարձրացրեց՝ սահմանադրական կարգի տապալմանը վերաբերող 300. 1 հոդվածի հակասահմանադրական ճանաչվելուց հետո Հայաստանում բոլորի ձեռքերը ազա՞տ են թողնվում՝ սահմանադրական կարգի հետ ինչ ուզենան՝ անե՞ն:

«Պետությունը պետք է իր կարգը պահպանելու հնարավորություն ունենա»,- նկատեց Պաշտպանության հանձնաժողովի նախագահը՝ հիշեցնելով, որ 300 հոդվածը արդարադատության նախկին նախարար Դավիթ Հարությունյանի նախաձեռնությամբ փոխվեց, ավելացվեց 300.1-ը, որովհետեւ այն ժամանակ Մարտի 1-ի առնչությամբ միջազգային լուրջ ճնշում կար, եւ քաղբանտարկյալներ կային:

Հարցին, հնարավո՞ր է՝ ՍԴ որոշումից օգտվելով՝ գործող իշխանություններն էլ քայլեր անեն՝ Քոչարյանն արձագանքեց. «ՍԴ-ն ասում է՝ ինչ ուզում եք, արեք, մենք էլ ասում ենք՝ մեր երկրի թշնամին չենք, մենք ուզում ենք, որ սահմանադրական կարգը հստակ պահպանվի, եւ կարգի փոփոխություն բռնի ուժով պետք է բացառել: Դրա համար կան ժողովրդավարական մեխանիզմներ, մեր իշխանությունը այդ մեխանիզմների պահպանման համար է փոխել երկրում իշխանություն: Նախկինում Սահմանադրության մեջ մի բան էր գրած, բայց իշխանությունը տնօրինում էր ախպերությունը»:

Լրագրողները հետաքրքրվեցին նաեւ, թե հիմա ի՞նչ է լինելու Մարտի 1-ի գործի ճակատագիրը, ի՞նչ կարող է անել դատախազությունը: Քոչարյանն ասաց, որ դատախազությունը ամբողջ մեղադրանքը կառուցել էր 300.1 հոդվածի հիման վրա: «850 վկայություն, հիմա դրանք պետք է հրապարակվեն: էդ դեպքում ես չեմ հասկանում՝ Ռոբերտ Քոչարյանի եւ մյուսների շահերը ՍԴ-ն պաշտպանեց, ի՞նչ, Մարտի 1-ին ոչ մի բան չի՞ եղել, բանակ չի՞ օգտագործվել, էդ կարգը խախտված էր, չէ՞, ռազմական դրություն հայտարարվեց չէ՞, Սեյրան Օհանյանն ասում էր՝ ուրեմն մի բան արվել է, չէ՞, որ ներքին զորքերը բերեցին: Սեյրան ջան, էդ մի բանը թվարկի, հասկանանք»,- պատասխանեց նա՝ հավելելով, որ պետք է պաշտպանվեն նաեւ տուժողների շահերը, այլապես կստացվի, որ Սահմանադրությունը միայն Ռոբերտ Քոչարյանի համար էր:  

Հարց հնչեց նաեւ, թե հնարավո՞ր է՝ նորից փոխեն ՍԴ անդամներին. «Մի հատ փոխելու համար գուցե ընտրությունները տան իշխանություններին հնարավորություն՝ այս հարցերին մի քիչ նայել այնպես, ինչպես պահանջում է մեր երկրի շահը, ոչ թե անհատական շահերի առումով»,- պատասխանեց Անդրանիկ Քոչարյանը՝ հավելելով. «Եվ, ի վերջո, մի մոռացեք՝ 20 տարի շարունակ 2 մարդ նախկինում ասում էին՝ սիամական զույգերը, Ռոբերտ Քոչարյանն ու Սերժ Սարգսյանը, էնպիսի իրավական համակարգ էին ստեղծել, այնպիսի կադրային համալրում էին արել, որ ինչքան էլ իշխանափոխությունը տեղի ունեցավ, հեղափոխության պահունակում մնացին էդ մարդիկ, եւ այդ մարդկանց, որ պահին ուզեցին, օգտագործեցին»:

Հիշեցնենք, որ մարտի 26-ին Սահմանադրական դատարանը հակասահմանադրական եւ անվավեր էր ճանաչել ՀՀ քրեական օրենսգրքի 300.1-րդ հոդվածը: Երեկ էլ դատարանի որոշմամբ հանցագործության դեպքի բացակայության հիմքով դադարեցվեց Մարտի 1-ի գործով ամբաստանյալներ Ռոբերտ Քոչարյանի, նախկին բարձրաստիճան պաշտոնյաներ Սեյրան Օհանյանի, Արմեն Գեւորգյանի եւ Յուրի Խաչատուրովի նկատմամբ քրեական հետապնդումը ՀՀ ՔՕ 300.1 հոդվածով:

Տպել
1866 դիտում

Գնել Սանոսյանը շրջայց է կատարել «Դուբայ Էքսպո 2020» ցուցահանդեսի տաղավարում (լուսանկարներ)

Առաջին անգամ էի զեկուցում, մի փոքր հուզված էի. Հակոբ Սիմիդյանը՝ ԱԺ-ում իր ելույթի ընթացքում ժպտալու մասին

49-ամյա տղամարդը առուվաճառքի շուրջ ծագած վիճաբանության ժամանակ տուժողին դանակահարել է, հետո՝ ներկայացել ոստիկանություն

ԵՄ հատուկ ներկայացուցիչն առաջիկա օրերին հանդիպումներ կանցկացնի Հայաստանի և Ադրբեջանի ղեկավարությունների հետ

Ապրանքաշրջանառությունը Հայաստանի և Ուկրաինայի միջև 2021 թ. արդյունքներով ավելացել է 24 տոկոսով

Հունվարից բարձրացել է գիտնականների աշխատավարձը

Ղազախստանում գործողություններից հետո շարունակելու ենք ուժեղացնել ՀԱՊԿ ռազմական բաղադրիչը. Ստանիսլավ Զաս

Մոլդովայում 60 օրով հայտարարվել է արտակարգ դրություն. երկրում գազային ճգնաժամ է

Հրանտ Դինքի սպանության գործը կոծկվում է. Կարո Փայլան

Ալեն Սիմոնյանը հանդիպել է ԱՄՆ ներկայացուցիչների պալատի անդամների հետ

Հպարտ եմ, որ կարողացել եմ նպաստել մեր երկրների հարաբերությունների զարգացմանը. ՀՀ նախագահը շնորհավորել է Եղիսաբեթ 2-րդին

Ձմեռային օլիմպիական խաղերի այս տարվա բացումը ամբողջությամբ տարբերվելու է մյուս խաղերի սցենարներից

2020 թվականին մեզ ծվեն-ծվեն էին անում. վարչապետը՝ հունվարի 22-ից գործող կարգի մասին

Ոստիկանները փնտրում են Մասիս քաղաքում երիտասարդին հարվածած մեքենան ու վարորդին

Հայելային հետքաշման դեպքում այնտեղ, որտեղ կան բնակավայրեր, զորքերը կանգնելու են հենց այդ բնակավայրերի մոտ. ԱԽՔ

Քրեական գործի շրջանակներում որոնվում է տեսագրության մեջ պատկերված անձը (տեսանյութ)

Զինծառայողները կրկին կկարողանան մեկնել արձակուրդ, ծնողները՝ այցելել նրանց. Ավանեսյան

Պարզվել են «Գրանդ Քենդի»-ի արտադրամասի վրա ավազակային հարձակման դեպքի մանրամասները. կան ձերբակալվածներ

25 մլն ԱՄՆ դոլար Ամերիաբանկին՝ մասնավոր հատվածին վարկեր տրամադրելու նպատակով (լուսանկարներ, տեսանյութ)

Նիկոլ Փաշինյանը շնորհավորական ուղերձ է հղել Բորիս Ջոնսոնին հայ-բրիտանական հարաբերությունների 30-ամյակի կապակցությամբ

Դեսպանատներ ենք ունեցել՝ ֆինանսավորվել են անհատի գրպանից. Կառավարությունն ավելացնում է դիվանագետների ֆինանսավորումը

Կարգալույծ է հռչակվել 2 քահանա, մեկը՝ սեփական ցանկությամբ, մյուսը՝ եկեղեցականին անհարիր վարքի համար

Բարձրաստիճան պաշտոնյաներին տուգանած պարեկները խրախուսվել են. Նիկոլ Փաշինյան

Կիպրոսի ազգային գվարդիայի գլխավոր շտաբի պետն այցելել է Հայոց ցեղասպանության հուշահամալիր

ՀՀ-ի առաջարկները ոչ թե նախապայմանների, այլ պայմանավորվածությունները կյանքի կոչելու մասին են. ԱԳՆ-ն՝ սահմանազատման մասին

Ոստիկանության պետի ընտանիքի անդամի մեքենան տարվել է հատուկ պահպանվող տարածք, և համապատասխան տուգանքը վճարվել է. վարչապետ

ԱԺ-ն առաջին ընթերցմամբ ընդունել է հանձնաժողովի նախագահի տեղակալի ընտրության հարցը կարգավորող նախագիծը

«Սագամար» ընկերությունում շուրջ 400 նոր աշխատատեղ կհիմնվի. Լոռու մարզպետն այցելել է ձեռնարկություն

Մեկ օրում Հայաստանում հաստատվել է կորոնավիրուսի 621 նոր դեպք

«Ացետիլացված ափիոն» և խոշոր չափի «հաշիշ». դատապարտյալի կողմից թմրամիջոցների շրջանառման գործը դատարանում է

Փարիզում Հրանտ Դինքի անունով վայր կանվանակոչվի

Ուսման հնարավորություն Լեհաստանում. մեկնարկել է կրթաթոշակային ծրագրի հայտերի ընդունումը

Կատարվել են եկեղեցականների նոր նշանակումներ

Դեպի Արցախ տանող Սարավան-«Զանգեր» հատվածում բուք է, Արցախի բոլոր շրջաններում ձյան տեղումներ են

Ստեփանծմինդա-Լարս ավտոճանապարհը փակ է բեռնատարների համար

Մի քանի ժամ լույս չի լինելու Երեւանում ու 6 մարզերում

103 տարեկանում կյանքից հեռացել է Հայաստանի ամենատարեց ուսուցչուհին՝ Մարիամ Տոնյանը

ՀՀ տարածքում փակվել ու դժվարանցանելի են դարձել մի շարք ավտոճանապարհներ. բուք է, ձյուն ու մերկասառույց

Հայ-ամերիկյան հարաբերություններից մինչև ռազմագերիների խնդիր. Ալեն Սիմոնյանն ԱՄՆ-ում հանդիպել է Նենսի Փելոսիին

Փրկարարները մեկ օրում դուրս են բերել ձյան մեջ արգելափակված 47 ավտոմեքենա