Ռեալ շանսեր ունենք, որպեսզի ռուս զբոսաշրջիկների հիմնական մասը Հայաստան այցելի. պատգամավոր

Ռուսաստանը ապրիլի 15-ից մինչեւ հունիսի 1-ը կսահմանափակի դեպի Թուրքիա կանոնավոր եւ չարտերային թռիչքները, ինչը նշանակում է, որ զբոսաշրջային առումով ռուսներն այլ ուղղություններ պետք է փնտրեն:

Պատճառը Թուրքիայում համաճարակաբանական իրավիճակի վատթարացումն է: ՌԴ փոխվարչապետ Տատյանա Գոլիկովան ապրիլի 12-ին հայտարարել է, որ 2 երկրների միջեւ կանոնավոր թռիչքները կսահմանափակվեն շաբաթական երկու չվերթով` փոխադարձ հիմունքներով: Նոր սահմանափակումների կապակցությամբ տուրօպերատորներին առաջարկվել է նշված ժամանակահատվածում կասեցնել դեպի Թուրքիա շրջագայությունների տոմսերի վաճառքը:

Այս որոշումը նոր հնարավորություն է ստեղծում Հայաստանի զբոսաշրջության համար, քանի որ որպես այլընտրանք՝ ՀՀ-ն այն երկրներից է, որը բաց է ռուս զբոսաշրջիկների համար: Երեկ փորձագետները կարծիքներ էին հայտնում սոցցանցերում, որ Հայաստանը, Վրաստանը լուրջ պայքար են մղելու մինչեւ հունիս ռուս զբոսաշրջիկներին իրենց երկիր բերելու համար:

Կորոնավիրուսից առաջ՝ 2019 թ. Ռուսաստանից  Թուրքիա 7 մլն զբոսաշրջիկ է այցելել եւ նրանք ապահովել են Թուրքիայի զբոսաշրջության 16 տոկոսը: 2019-ին ՌԴ-ից ՀՀ է ժամանել 855 612 զբոսաշրջիկ: Ռուսաստանի տուրօպերատորների ասոցիացիայի տվյալներով՝ թռիչքների դադարեցման ժամանակահատվածում 533 200 ռուսաստանցիներ տուրեր են ամրագրել դեպի Թուրքիա, որոնց ընդհանուր արժեքը գնահատվում է 32 մլրդ ռուբլի:

ՀՀ Ազգային ժողովի «Իմ քայլը» խմբակցության պատգամավոր, Զբոսաշրջության կոմիտեի նախկին նախագահ Հռիփսիմե Գրիգորյանը ՀԺ-ի հետ զրույցում ասաց, որ ՌԴ հայտարարությունից հետո զբոսաշրջիկներ ներգրավելու ռեալ հնարավորություն կա, այդ թվում՝ Հայաստանի համար:

«Բայց այստեղ մենք ունենք մրցակից զբոսաշրջային ուղղություններ, որոնց թվում են ինչպես Վրաստանը, այնպես էլ Արաբական Միացյալ Էմիրությունները, հնարավոր է նաեւ Մալդիվները: ՌԴ փոխվարչապետը նշել է նաեւ Սերբիան, Կուբան: Մենք պետք է հասկանանք, թե այստեղ որն է մեր մրցակցային առավելությունը»,- ասաց Գրիգորյանը:

Նրա խոսքով՝ ՀՀ առավելություններից է՝ ճանապարհորդության կարճ ժամանակը, մատչելիությունը: Ըստ նրա առավելություն են նաեւ  արեւային եղանակը, էկո տուրիզմը, էնո տուրիզմը՝ գինու զբոսաշրջությունը. «Այստեղ կարեւոր է, որ մենք վարենք շատ ակտիվ մարքեթինգային քաղաքականություն, առաջին հերթին՝ օնլայն: Այսօր ոլորտում թիրախավորումը շատ ավելի մեծ արդյունավետություն ունի թվային տիրույթում, հատկապես կորոնավիրուսի շրջանում»:

Պատգամավորն ընդգծեց՝ կարեւոր է նաեւ, որ չվերթների թիվը մեծացվի. «Մենք ունենք ռեալ շանսեր, բայց միեւնույն ժամանակ ունենք ռեալ անելիքներ, որպեսզի այս նպատակին հասնենք, այսինքն ռուս զբոսաշրջիկների հիմնական հոսքը, որոնք այս ընթացքում չեն կարողանա այցելել Թուրքիա, այցելեն Հայաստան»:

Հարցին՝ 2019-ին ՌԴ-ից Թուրքիա 7 մլն զբոսաշրջիկ էր այցելել, Հայաստանը որքա՞ն հոսք կարող է ներգրավել այդտեղից, Գրիգորյանը պատասխանեց, որ կորոնավիրուսի պայմաններում հոսքը սահմանափակ կլինի. «Ես չէի ցանկանա թվեր նշել: Այստեղ միայն Հայաստանի հյուրընկալելու պոտենցիալի մասին չէ խոսքը, այլեւ այն բոլոր գործոնների, թե օրինակ՝ որքան զբոսաշրջիկ է պատրաստ ճանապարհորդել ՌԴ-ից՝ այս շրջանում»:

Նրա խոսքով՝ անգամ եթե այդ 7 մլն-ից Հայաստան եկողների թիվը հարյուր անգամ քիչ լինի՝ միեւնույն է մեր տնտեսության համար դա շատ կարեւոր է: «Մենք գիտենք, որ զբոսաշրջիկի այստեղ ծախսած գումարը տարբեր շերտերով է մտնում տնտեսություն, միայն հյուրանոց չէ, միայն սնունդ չէ, բազմաթիվ ոլորտներ են»,- նշեց նա:

Պատգամավորի կարծիքով՝ ե՛ւ պետությունը, ե՛ւ մասնավորը պետք է քայլեր ձեռնարկեն, որ այդ զբոսաշրջիկների մի մասին դեպի Հայաստան ներգրավեն: «Այն ռեսուրսը, որը պետությունը ներդնում է երկրի մարքեթինգի մեջ՝ առանձին վերցրած տուրիստական ընկերությունները չեն կարող իրենց թույլ տալ: Սա համագործակցություն է մասնավորի եւ պետության միջեւ: Պետությունը ներգրավում է զբոսաշրջիկին, իսկ մասնավորն արդեն այստեղ հյուրընկալում եւ սպասարկում է»,- ասաց նա:

Տուրիզմի հայկական ֆեդերացիայի նախագահ Մեխակ Ապրեսյանը էլ է այն կարծիքին, որ Ռուսաստանի որոշումը կարող է իր ազդեցությունն ունենալ նաեւ Հայաստանի վրա: «Բայց պետք է ոչ թե հույսներս դնենք, որ այս կամ այն ուղղությունը փակվի ու դրա հետեւանքով գան մեզ մոտ, այլ մենք մեր գործը պիտի անենք: Ի դեպ որոշակի քայլեր արվում են այդ ուղղությամբ»,- ասաց Ապրեսյանը:

Նրա խոսքով՝ Տուրիզմի հայկական ֆեդերացիան ՌԴ մարզերի հետ է կապեր հաստատում: Նա ընդգծեց՝ պետք է ակտիվացնել  աշխատանքները. «Երբ մենք լինում ենք քիչ այլընտրանքներից մեկը եւ դրան համապատասխան նաեւ աշխատանքներ են տարվում, ապա դա իր արդյունքը տալիս է»: 

Դիտարկմանը՝ ռուս զբոսաշրջիկների համար Թուրքիային այլընտրանք մնում է՝ Վրաստանը, Հայաստանը, նա արձագանքեց, որ կա նաեւ Եգիպտոսը եւ որոշ այլ ուղղություններ:

Հարցին՝ մոտավորապես որքա՞ն զբոսաշրջային հոսք է հնարավոր ապահովել սրա արդյունքում, եթե ճիշտ աշխատանքներ տարվեն, Ապրեսյանը պատասխանեց. «Մենք պետք է մտածենք, թե կորոնավիրուսից առաջ ինչքան ունեինք եւ գոնե այդքանը կարողանանք վերականգնել: Այստեղ միայն գովազդ չէ, որ պետք է անենք: Շատ կարեւոր է նաեւ, որ անհրաժեշտ ինստիտուցիոնալ բարեփոխումներ անենք, սահմանային անցման գործընթացներն ավելի բարելավենք»:

ՏՀՖ նախագահն ասաց, որ այսօր Հայաստանում այլ երկրների համեմատ բավականին բարենպաստ ռեժիմ է, քանի որ միայն 72 ժամվա կորոնավիրուսի բացասական թեստով հնարավորություն ունեն զբոսաշրջիկները այցելել. «Բայց հիմա էլ մեծ թափով սկսվում է պատվաստումները, իսկ մեզ մոտ այցելելու համար պարտադիր չէ պատվաստում ստացած լինելը: Եթե գտնում ենք, որ անվտանգության ապահովման արդյունավետ միջոց է պատվաստման փաստը հաստատող փաստաթուղթը, այդ դեպքում ինչո՞ւ մենք էլ արագ այդ փոփոխությունը չանենք, որ մարդիկ կարողանան գալ ե՛ւ բացասական թեստի արդյունքով ե՛ւ պատվաստված լինելու դեպքում»:

Հարցին՝ ի՞նչ պետք է անել, որպեսզի ռուս զբոսաշրջիկների համար Հայաստանը դառնա այլընտրանք, Ապրեսյանը պատասխանեց, որ պետք է շատ արագ մարքեթինգային խթանման քաղաքականություն իրականացնել, ՌԴ տարբեր մարզերում Հայաստանը ներկայացնել իր ողջ գրավչությամբ. «Պետք է կարողանանք համոզել, որ մեզ մոտ անվտանգ է, լավ պայմաններ են ստեղծված»:

Ըստ նրա՝ մատչելիության առումով եւս Հայաստանը բավականին մրցունակ է, լավ ծառայություններ կան ու դա պետք է ներկայացնել. «Կորոնավիրուսը մեծ վնաս հասցրեց զբոսաշրջությանը: Այս նոր վերականգնվող շուկայում ինչպես մեր դիրքերն ամրապնդելու, այնպես էլ նոր շուկաներ ընդլայնելու հնարավորություն կա: Հատկապես Ռուսաստանը մեծ շուկա է, մենք պետք է կարողանանք գրավել նրանց»:

Ապրեսյանի խոսքով՝ հայաստանյան տուրիստական գործակալություններն արդեն բավականին ակտիվ գործողություններ են իրականացնում եւ շատ կարեւոր է նաեւ շուկան դիվերսիֆիկացնելը:

Տպել
1531 դիտում

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել