Երևան
19 °C
Այսօր Գյումրիում բացված «Ընտանիքի անկյունը» կծառայի որպես հարթակ երիտասարդ կանանց ու տղամարդկանց համար, որտեղ կանցկացվեն թեմատիկ հանդիպումներ, դասընթացներ և միջոցառումներ՝ ուղղված կանանց ու տղամարդկանց դերերի վերաբերյալ կարծրատիպերի փոփոխմանը, երեխայի խնամքի ու ծնողավարման մեջ տղամարդկանց ներգրավվածության մեծացմանը։
«Ընտանիքի անկյուն»-ը հիմնադրվել է Գյումրու «Երիտասարդական նախաձեռնությունների կենտրոն» ՀԿ-ի և ՄԱԿ-ի Բնակչության հիմնադրամի կողմից՝ Եվրոպական միության ֆինանսավորմամբ իրականացվող «ԵՄ-ն հանուն կանանց և տղամարդկանց իրավահավասարության» եռամյա տարածաշրջանային ծրագրի շրջանակներում։
ՀՀ-ում Եվրոպական միության պատվիրակության ղեկավար, դեսպան Անդրեա Վիկտորինը հանդես եկավ տեսաուղերձով, որում կարևորեց Գյումրիում բացված առաջին «Ընտանիքի անկյուն» ռեսուրսային կենտրոնի ստեղծումը։ Ըստ դեսպանի, նման անկյունները երջանիկ և լավ ընտանեկան կյանք ունենալու հնարավորություն են ընձեռում։
Շիրակի մարզպետ Հովհաննես Հարությունյանը, կարևորելով մարզում նման կենտրոնների առկայությունը, բարձր գնահատեց Շիրակի մարզի երիտասարդների, կանանց ու տղամարդկանց դերերի, կարծրատիպերի փոփոխմանը, երեխայի խնամքի ու ծնողավարության մեջ տղամարդկանց ներգրավվածության մեծացմանը միտված ցանկացած նախաձեռնություն. «Ուրախ եմ ներկա գտնվելու նման կենտրոնի բացմանը և պատահական չէ, որ այն համընկել է ընտանիքի միջազգային օրվա հետ, քանի որ միայն ամուր ընտանիք ունենալու դեպքում կարող ենք ունենալ ամուր պետություն, որն էլ ամեն կերպ կաջակցի ամուր ընտանիքներ ունենալուն»,-ասաց մարզպետը:
«Մենք աջակցում ենք կառուցել այնպիսի աշխարհ, որտեղ յուրաքանչյուր հղիությունը ցանկալի լինի, յուրաքանչյուր ծնունդ լինի անվտանգ, յուրաքանչյուր մարդու կյանքը լինի արժանապատիվ, և յուրաքանչյուրը՝ կին թե տղամարդ, տարեց թե երիտասարդ, կարողանա ինքնադրսևորվել, ներուժը ռեալիզացնել»,-ներկաներին դիմեց ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը:
Անդրադառնալով «Ընտանիքի անկյուն» ռեսուրսային կենտրոնի ստեղծման նպատակներին՝ Գյումրու «Երիտասարդական նախաձեռնությունների կենտրոն» ՀԿ-ի նախագահ Արթուր Նաջարյանն ասաց, լիահույս են, որ «Ընտանիքի անկյունը» լինելու է ապահով և հարմարավետ հարթակ ինչպես երիտասարդ կանանց և տղամարդկանց, այնպես էլ Գյումրիում գործող պետական ու հասարակական կառույցների կողմից տարբեր նախաձեռնություների և միջոցառումների անցկացման համար։ Կգործի է նաև «Հայրերի դպրոցը»:
«Այս եզրույթը հետաքրքիր տրամադրություններ է առաջացնում: Հայրերի դպրոց: Մի բան եմ ուզում պատմել մեր ծնողավարման դասընթացների փորձից:
Ունեինք նորապսակներ, որոնք պլանավորում են երեխա ունենալ։ Այստեղ՝ դասընթացի ժամանակ, կինը մեր փորձագետներին խոստովանեց, որ առաջին անգամ է տեսնում, որ իր ամուսինը կարող է այդքան ռոմանտիկ լինել, երբևէ այդքան շռայլ չի եղել կնոջ նկատմամբ սիրո խոստովանություններում։ Ասացին, որ դա փոխեց իրենց կյանքը, դասընթացների և այս կենտրոն այցելության ընթացքում զգացել են, որ ոչ միայն իրար սիրում են, այլ իրարով ապրում են ու ամենակարևորը՝ հասկանում են միմյանց։ Ու այն ներդաշնակությունը, որին հասել են, անգամ կոնֆլիկտների լուծումն է դարձրել ավելի հեշտ։
Կազմակերպիչներիս համար լավագույնն է լսել և իմանալ, որ մեկնարկային կետում արդեն շոշափելի արդյունքներ կան։ Հատկապես կանայք են փաստում՝ իրենց ամուսինները հիմնականում չեն վախենում կամ խուսափում ասել, որ այո՛, երեխայիս խնամում եմ, կաթ եմ տալիս, հարկ եղած դեպքում տակդիրն եմ փոխում, և, իհարկե, կնոջս աշխատանքի ժամանակ տանն եմ մնում և հոգ եմ տանում երեխայի համար։
Սա կարծրատիպ է, շատերիս համար միգուցե ծիծաղելի, բայց մարզերում մեր բազմաթիվ ուսումնասիրությունները փաստել են, որ սա լուրջ խնդիր է։ Եվ մենք հուսով ենք, որ մեր փոքրիկ աշխատանքով կկարողանանք դրական փոփոխություն մտցնել հասարակության մեջ»,-ասաց Արթուր Նաջարյանը։
Ըստ Ծովինար Հարությունյանի էլ, թեպետ վերջին տարիներին Հայաստանում հայրերի՝ երեխայի խնամքում ավելի մեծ ներգրավվածության միտում կա, սակայն առկա իրականությունը հեռու է բավարար լինելուց: Անելիքը շատ է։
Բնակչության թվով հարևաններին գերազանցել չենք կարող, սակայն ըստ ՀՀ Կրթության, գիտության, մշակույթի և սպորտի հարցերի փոխնախարար Արթուր Մարտիրոսյանի, մարդկային կապիտալի վրա կարող ենք մեծ ներդրումներ անել: Հայ անհատը պետք է դառնա ավելի իրացված ու ավելի կարողունակ։ Այս հարցում մեծ է կանանց ու տղամարդկանց իրավահավասարությունը։
«Ինքս առիթ եմ ունեցել գնալու տղայիս ծնողական ժողովին ու հայտնաբերել, որ միակ տղամարդն եմ, որը մասնակցում է ծնողական ժողովին։ Ավելին, ուսուցիչները դիմում էին՝ «սիրելի՛ մայրեր» արտահայտությամբ, կարծես թե ծնողը միայն մայրն է», -ասաց փոխնախարարը։
Մինչ տարեվերջ «Ընտանիքի անկյուն» ռեսուրսային կենտրոններ կբացվեն նաև Լոռու և Տավուշի մարզերում։
Ռեսուրսային կենտրոնում այս տարվա փետրվար-ապրիլ ամիսներին Վորլդ Վիժն Հայաստանի և ԵՆԿ ՀԿ-ի հետ համագործակցությամբ արդեն իրականացվել է «Հոգատարություն հանուն հավասարության» ծնողավարման երկամսյա դասընթացը, որին մասնակցել է Շիրակի մարզի 18 ներկայացուցիչ՝ երիտասարդ տղաներ և աղջիկներ, կանայք և տղամարդիկ: Ռեսուրս կենտրոնի բացման արարողության ժամանակ նրանք ծնողավարման երկամսյա դասընթացի իրենց վկայականները ստացան:
«ԵՄ-ն հանուն կանանց և տղամարդկանց իրավահավասարության» տարածաշրջանային եռամյա ծրագիրը մեկնարկել է 2020 թվականին և իրականացվում է Արևելյան գործընկերության 6 երկրներում։ Հայաստանում ծրագիրն իրականացնում է ՄԱԿ-ի Բնակչության հիմնադրամը՝ Եվրամիության թիրախ երեք մարզերում՝ Շիրակ, Լոռի, Տավուշ։
Հայաստանի հավաքականը 4։1 հաշվով հաղթեց Լատվիայի ընտրանուն
Ոստիկանությունը հրապարակել է ոստիկանին սպանած ու վիրավորած անձի նկարը. նրան որոնում են
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
«Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով
ՌԴ-ն արգելված պահանջներ է առաջադրում ՀՀ-ին, փորձում է անտեսել Իրանի դիրքորոշումը, ճնշել նրան. Խալաթյան
Ֆրանսիայում բողոքի ցույցեր են. հազարավոր ակտիվիստներ դեմ են նոր վարչապետի նշանակմանը
Ոտքը վնասած քաղաքացուն փրկարարները սարալանջից ամենագնացով իջեցրել, մոտեցրել են շտապօգնության մեքենային
Նիդերլանդների նորանշանակ դեսպանն այցելել է Հայոց ցեղասպանության հուշահամալիր
Գնդակոծվել է Դոնեցկի շրջանի մանկական հիվանդանոցը. վիրավորների թվում երեխա կա
Փարիզ-2024. գյումրեցի պարածանրորդ Գրետա Վարդանյանը 3 անձնական ռեկորդ է սահմանել, նա 6-րդ հորիզոնականում է
Հայաստան է ժամանել Իրաքի Դաշնային գերագույն դատարանի բարձրաստիճան պատվիրակությունը
Հրդեհ Բայանդուրում. գազի բալոնից արտահոսք է տեղի ունեցել
Օդինցովոյում ավտոկանգառ է հրդեհվել. կան զոհեր
Արգենտինան Միջազգային քրեական դատարանից Նիկոլաս Մադուրոյին ձերբակալելու օրդեր է խնդրել
Հայաստան կայցելի Հունգարիայի արտաքին գործերի և առևտրի նախարար Պետեր Սիյարտոն
Համոզված եմ, որ մեր կառավարությունները կշարունակեն սերտորեն համագործակցել. Նիկոլ Փաշինյանի ուղերձը Ֆրանսիայի վարչապետին
Կայացել է Ժողովրդավարության դպրոցի 2-րդ հոսքի բացումը
ՀՀ օրգանական և դեղագործական քիմիայի գիտահետազոտական կենտրոնի հարակից շինարարությունը ժամանակավորապես դադարեցվել է
2024 թվականին երեխաների ստացիոնար բուժման համար բյուջետային հատկացումները 2019-ի համեմատ 23 տոկոսով աճել են. փոխնախարար
Հաստատվել է մշակութային արժեքների փորձաքննություն անցկացնող մասնագետների ցանկը
Որ դեպքում Արևմտյան Նեղոսի տենդը կարող է փոխանցվել մարդուց մարդուն. վարակված և բուժված մայրը կարո՞ղ է կրծքով կերակրել
Նոր Նորք վարչական շրջանի նոր զբոսայգում շների համար առանձնացված տարածք կկառուցվի (տեսանյութ)
Ավարտվել է ԱԺ «Ամառային դպրոց» 3-րդ ծրագիրը. մասնակիցները հավաստագրեր են ստացել
Հերհերի ջրամբարի մոտ մեքենաներ են բախվել. վարորդներից մեկը մահացել է
Հրապարակվել է Հայաստանի ազգային հավաքականի վերջնական հայտացուցակը Լատվիայի դեմ խաղում. ովքեր են դուրս մնացել
Ազգային փոքրամասնությունները ՀՀ կառավարության և խորհրդարանի ուշադրության կենտրոնում են. ինչ խնդիրներ կան համայնքներում
Գնել Սանոսյանը դժգոհել է Դիլիջան-Վանաձոր հատվածում իրականացվող աշխատանքների տեմպից
Օդի ջերմաստիճանը կբարձրանա 2-4 աստիճանով. առանձին շրջաններում կարճատև անձրև կտեղա
SMS-ով խախտման մասին ծանուցումը չի փոխարինում էլեկտրոնայինին. ինչպես օգտվել 20 տոկոսի բոնուսային համակարգից
Պաշտոնական այցով Հայաստան կժամանի Լյուքսեմբուրգի Մեծ Դքսության փոխվարչապետ Քսավյե Բետելը
«Զանգեզուրի միջանցքը» կեղծ է, նման պատրանքներին հետևողների համար հետևանքները ծանր կլինեն. Էբրահիմ Ազիզի
Լոռիում մեքենաներ են բախվել. ընտանիքի 4 անդամ, այդ թվում՝ անչափահասներ, տեղափոխվել են հիվանդանոց
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
Հայաստանը կարևորում է բազմաբնույթ հարաբերությունների զարգացումը. վարչապետը շնորհավորել է Բրազիլիայի նախագահին
7 միլիոն վաղաժամ մահ աշխարհում. մոլորակի բնակչության 99%-ը աղտոտված օդ է շնչում
Թեհրանը կշարունակի աշխատել Ռուսաստանից գազ ստանալու ուղղությամբ. Ջալալի
Վրաստանում 4,1 մագնիտուդ ուժգնությամբ երկրաշարժ է տեղի ունեցել
Բանվորները պահեստից հեռահաղորդակցության մարտկոցներ են գողացել․ ընկերությանը պատճառվել է խոշոր չափի նյութական վնաս
Քննարկվել է արտահանման և ներմուծման նոր ուղիներ գտնելու հնարավորությունը. Լատվիայում հանդիպել են Պապոյանն ու Վալայնիսը
Մեր քաղաքին պետք են մարդիկ, որոնք ընկեր են Երևանին ու գրքին. Տիգրան Ավինյան
© 2024 Հայկական ժամանակ