Երևան
17 °C
Երեւանի «Քվանտ» վարժարանի աշակերտներ Կարեն Ալեքսանյանը, Ռոբերտ Սիմոնյանն ու Դավիթ Գյուլամիրյանը (խմբի ղեկավար՝ Գրիգոր Աղաբաբյան) ԱՄՆ Միջազգային գիտատեխնիկական փառատոնում Embedded systems («Ներկառուցված համակարգեր») անվանակարգում զբաղեցրել են 4-րդ մրցանակային տեղը: «Արհեստական քիթ» («Նեյրոցանցերի միջոցով հոտերի և գազերի տարբերակումը») հետազոտական նախագծի համար տղաները ստացել են 500 դոլար մրցանակային գումար:
Նշենք, որ Միջազգային գիտատեխնիկական փառատոնին 50 երկրից մասնակցել է մոտ 1300 մասնակից. նույն անվանակարգում առաջին հորիզոնականը զբաղեցրել է Ռուսաստանի Դաշնությունը:
ԱՄՆ-ում կայացած փառատոնին ի սկզբանե մասնակցելու հնարավորություն էին ստացել 2021 թ. ապրիլի 3-ին կայացած Հայկական համադպրոցական գիտության փառատոնի արդյունքում առավելագույն միավոր ստացած 2 հետազոտական խմբերը՝ «Քվանտ» վարժարանի և 118 ավագ դպրոցի սաները: Վերջիններս (Աննա Թորոսյան, Անի Գեղամյան և Աննա Ղազարյան) ներկայացրել են իրենց «Շաքարային դիաբետը և ալկոհոլը» հետազոտական նախագիծը ISEF-ի շրջանակներում, սակայն մրցանակային որեւէ հորիզոնական չեն գրավել:
Նշենք նաև, որ Հայկական համադպրոցական գիտության փառատոնը անդամակցում է Միջազգային գիտատեխնիկական փառատոնին 2019 թվականի վերջից, սակայն 2020 թ. կորոնավիրուսային հիվանդության սահմանափակումների պատճառով անհնար է դարձել Փառատոնի իրականացումը Հայաստանում: Այսպիսով, սա հայ աշակերտների առաջին մասնակցությունն է 100 տարվա պատմություն ունեցող միջազգային հեղինակավոր փառատոնին:
Միջազգային փառատոնին մասնակցելուց առաջ «Արհեստական քիթ» հետազոտական նախագծի ղեկավար Գրիգոր Աղաբաբյանը, մեզ հետ զրույցում մանրամասնելով «Քվանտ» թիմի հեղինակած ծրագիրը, նշել էր, որ սարքը նեյրոնային ցանցերի միջոցով տարբերակում է 6 հոտ՝ նարնջի կեղեւի, սպիրտի եւ այլնի:
Փառատոնից հետո Գրիգոր Աղաբաբյանը նշեց, որ թեպետ սարքը մրցույթին ներկայացվել է 6 հոտերի տարբերակմամբ, սակայն առաջիկայում նախատեսվում են նոր սենսորներ տեղադրել, որը կմեծացնի հոտերի տարբերակման հնարավորությունը:
«Սարքավորման մեջ սկզբունքային փոփոխություններ չեն կատարվել, որոշակի բարելավումներ արվել են, իհարկե, սակայն սարքը փառատոնին ներկայացվել է 6 հոտերի տարբերակմամբ: Բայց պետք է նշեմ, որ մեր սարքը ունիվերսալ է նրանով, որ կարող ենք հոտերի որոշակի խումբ վերցնել, ենթադրենք, օրինակ, ցիտրուսներ եւ սովորեցնենք, որ սարքը կարողանա տարբերել նաեւ ցիտրուսները: Ընդամենը արհեստական բանականությանը սովորեցնելու հարցն է, ուրիշ ոչինչ: Մենք նոր սենսորներ էինք պատվիրել, ստացել ենք արդեն, հիմա պետք է նորից քանդենք, շատացնենք սենսորները, եւ, ըստ էության, սարքը կարող է ավելի բազմազան հոտեր տարբերակել»,- ասաց նա:
«Արհեստական քիթ» հետազոտական նախագծի ղեկավարը նշեց նաև, որ տղաների հետ միասին որոշել են մրցանակային գումարը ներդնել՝ սարքի հեղինակային իրավունքները ԱՄՆ-ում գրանցելու համար:
«Գումարը պետք է ներդնենք մեր սարքի հեղինակային իրավունքները ԱՄՆ-ում գրանցելու համար: Մինչև հիմա մենք խուսափում էինք սարքի մասին լիարժեք մանրամասներ ներկայացնելուց, սակայն արդեն բաց տեքստերով կարող ենք հրապարակել սարքի ամբողջ կառուցվածքը: Գրանցումը հնարավորություն կտա, որ մեր սարքը հեղինակային իրավունքներով պաշտպանված լինի, որից հետո մենք կարող ենք գրանտային տարբեր ծրագրերի դիմել»:
Գրիգոր Աղաբաբյանը նշեց նաեւ, որ Հայաստանում արդեն որոշակի արձագանքներ ունեցել է իրենց հեղինակային նախագիծը, ընդհուպ Ֆիզիոլոգիայի ինստիտուտից համագործակցության առաջարկ են ստացել:
Նախագծի ղեկավարն անկեղծանում է, որ միջազգային փառատոնից ավելի մեծ արդյունքներ էին սպասում, սակայն գրանցված արդյունքները եւս լավ են համարում, հատկապես եթե հաշվի առնենք հայաստանյան դպրոցների լաբորատոր պայմանների և նյութատեխնիկական բազայի հնարավորությունները.
«Մենք ավելի մեծ արդյունքների կարող էինք հավակնել. պարզապես եթե մի փոքր իրատեսական ենք նայում, ապա ունեցած արդյունքը եւս գնահատում ենք, քանի որ անպայմանորեն պետք է հաշվի առնել՝ ինչ գործիքակազմով ենք աշխատել, ինչ դպրոցական լաբորատոր պայմաններում և այլն: Նյութատեխնիկական բազայի առումով բավականին մեծ տարբերություն կա արտասահմանյան դպրոցների և մեր դպրոցների միջև: Եթե մենք էլ ավելի լավ նյութատեխնիկական բազա ունենայինք, մենք ավելի լավ արդյունքներ կգրանցեինք: Թեպետ մեր դպրոցում հիմա մենք լրիվ նոր գիտական լաբորատորիա ենք պատրաստում, որ երեխաները միջազգային այսօրվա չափանիշներին համապատասխան սարքավորումներով հետազոտություններ կատարելու հնարավորություն ունենան»,- ասաց նա:
Նախագծի ղեկավարի խոսքով՝ չնայած տղաները բազում մրցանակներ ունեն, այնուամենայնիվ, նրանք արդյունքներից եւս ոգևորված են, որովհետև իրենց առաջին գիտական-հետազոտական աշխատանքն էր: Նրա խոսքով՝ ծրագրի ընթացքում հավաքած գիտելիքները նրանց անպայման օգնելու են իրենց հետագա կրթության մեջ, իսկ աշակերտների հետ կապն էլ շարունակական է լինելու:
Հավելենք, որ 12-րդ դասարանցի երեք տղաները իրենց ուսումը անվճար շարունակելու են արտասահմանում. Դավիթ Գյուլամիրյանը ընդունվել է Քեմբրիջի համալսարան, այնտեղ ստանալու է ինժեներիա մասնագիտություն, Ռոբերտ Սիմոնյանը ուսումը շարունակելու է Մոսկվայում՝ ինֆորմացիոն անվտանգություն մասնագիտությամբ, իսկ Կարեն Ալեքսանյանը՝ ուսումը կշարունակի Չինաստանում՝ համակարգչային գիտություններ մասնագիտությամբ:
Երեք տղաներն էլ վստահեցնում են՝ ուսումը ավարտելուց հետո անպայման վերադառնալու են հայրենիք եւ ստացած գիտելիքները ծառայեցնելու ի շահ մեր երկրի, ի նպաստ կրթության եւ գիտության զարգացման։
Մարիամ Գեւորգյան
«Գոլդ» համարանիշով «Մերսեդես»-ը՝ ավտոմեքենաների ջարդի հեղինակ. վարորդն այն թողել է դեպքի վայրում և հեռացել
Որտեղ են հայտնաբերվել Գյումրիում հրդեհից մահացած 3 և 5 տարեկան քույրերը․ մանրամասներ ողբերգական դեպքից (լուսանկարներ)
Բեռլինի պաշտպանական-արդյունաբերական ընկերության գործարանում երեկ բռնկված բռնկված հրդեհը մարել չի հաջողվում
Նիկոլ Փաշինյանը յասամաններ է նվիրել Աննա Հակոբյանին․ վարչապետը տեսանյութ է հրապարակել
Ծանրորդ Սամվել Գասպարյանը վիրահատվել է
ՀԱՄԱՍ-ի պատվիրակությունը մեկնել է Կահիրե, նպատակը Գազայի հատվածում հրադադարի բանակցությունները վերսկսելն է
Մենք չենք ճանաչում ինքներս մեզ բառիս բուն և փոխաբերական իմաստով, պետք է դուրս գալ աքսիոմատիկ տրամաբանությունից․ Փաշինյան
Գազայում լայնամասշտաբ սով է․ ՄԱԿ-ի Պարենի համաշխարհային ծրագրի ղեկավարը հայտարարություն է արել
Սրբազան կրակը դուրս բերելուց առաջ Երուսաղեմում ուժեղացվել են անվտանգային միջոցառումները․ ովքեր կարող են մտնել տաճար
Անձրևային եղանակը կպահպանվի․ հնարավոր է նաև կարկուտ տեղա
Ես խոսել եմ Շառլ Միշելի հետ․ ինչ է ասել Կոբախիձեն ԵԽ նախագահին «օտարերկրյա գործակալների մասին» օրենքի վերաբերյալ
Վրաերթի ենթարկված հետիոտնը մի քանի մետր շպրտվել, բախվել է կայանված «Մազդա»-ին․ վիրավորը հիվանդանոցի ճանապարհին մահացել է
Ինչպես Բալյանը ստեղծեց Գյումրու հիմնը, և ինչ նամակ էր գրել Շիրազը Ռուբեն Մաթևոսյանին․ «Սիրեմ Գը» այգին նոր անուն ունի
Լոնդոնը պետք է հարմարվի «նոր իրականությանը»․ շոգ օրերի թիվը կտրուկ աճում է
Նման ամպրոպ Երևանում դեռ չէի տեսել․ Սուրենյանը նոր տեսանյութ է հրապարակել
Ֆուատ Օքթայը ԱՄՆ կոնգրեսականների հետ Հայաստանի և Ադրբեջանի հարաբերությունների կարգավորմանը վերաբերող հարցեր է քննարկել
Գետափնյա գյուղի մոտակա կամրջով երթևեկությունը շարունակում է փակ մնալ
Ֆրանսիացի բժիշկների հետ քննարկվել են համագործակցության հնարավորությունները
Հիմնանորոգվում է Նորակերտ-Փոքր Մասրիկ ճանապարհի մի հատվածը (տեսանյութ)
Բրազիլիայի հարավում ջրհեղեղի զոհերի թիվը հասել է 39-ի, 68 մարդ անհետ կորած է համարվում (տեսանյութ)
«Մայրիկ Ֆուդ»-ի տոմատի մածուկի արտադրությունը կասեցվել է
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան մայիսի 4-ին
Գյումրու տներից մեկում բռնկված հրդեհը մարելուց հետո 3 և 5 տարեկան երեխաների դիեր են հայտնաբերվել
ԱՄՆ-ն Հայաստանի կողքին է` իր ինքնիշխանության պաշտպանության ճանապարհին․ Մարկ Քեմերոնը ողջունել է սահմանազատման գործընթացը
Անձրևից հետո Երևանի փողոցները հեղեղվել են ջրով (տեսանյութ)
Անցած գիշերվա Երևանի հեղեղաբեր ամպրոպը․ Գագիկ Սուրենյանը լուսանկար է հրապարակել
Ջրալցումներ, փլուզումներ, ջրում արգելափակված մեքենաներ․ տեղատարափ անձրևի հետևանքները Երևանի վարչական շրջաններում
Փլուզվել է Ողջաբերդ գետի հենապատը․ Նոր Արեշում տներ ու փողոցներ են հեղեղվել (լուսանկարներ)
Տներից մեկի բակում քաղաքացին ընկել է փոսն ու մահացել
Ադրբեջանի ԶՈՒ-ն Տավուշի դիրքերի ուղղությամբ կրակ չի բացել․ ՊՆ-ն հերքել է շրջանառվող տեղեկությունները
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
© 2024 Հայկական ժամանակ