Երեւանի փողոցներում նոր ավտոբուսների կողքին հայտնվել են բարձրացված տանիքով հին գազելներ. ինչպես եւ ինչու դա պատահեց

Երեւանյան երթուղիներում քաղաքապետարանի ներկրած նոր ու հարմարավետ փոքր դասի ավտոբուսների կողքին ավելի ու ավելի հաճախ են սկսել նկատվել բարձր տանիքով գազելներ, երբեմն էլ՝ ֆորդեր: Հին գազելների «հասակն» ակնհայտորեն բարձրացել է միջամտության արդյունքում, եւ դա մեքենայի գործարանային տեսքը չէ:

Իսկ ինչու հանկարծ մայրաքաղաքի փողոցներում սկսեցին երթեւեկել այսպիսի մեքենաներ, այն դեպքում, երբ տարիներ շարունակ գազելներում ուղեւորները կքած էին երթեւեկում: Արդյոք պատճառը մայրաքաղաքի երթուղային ցանցի սկսված նորացումն է, որի ավարտից հետո, ինչպես հայտարարվել է, գազելներ չեն լինելու, ու տնտեսվարողները հույս ունեն բարձր մեքենաներ շահագործելու դեպքում շարունակել աշխատանքը: Թե՞ խնդիրը քաղաքապետարանի ներկրած բարձր մեքենաների հետ մրցակցությունն է, որին դիմանալ է պետք, քանի դեռ մասնավոր կազմակերպությունները շարունակում են գործունեություն ծավալել այս ոլորտում:

Համար 28 երթուղու տնօրեն Վլադիկ Աբրահամյանը մեր զրույցում ասաց՝ դեռ 2019 թվականին ինքն է նախաձեռնել, որ Երեւանի քաղաքապետն ընդունի երթուղիները սպասարկող տնտեսվարողներին:

«Ասացի՝ այսօր հարցեր կան, որոնք պետք է քննարկվեն: Չպարզաբանված հարցեր ունենք, որ եթե հնարավոր է, կազմակերպեք հանդիպում: Մի քանի օր հետո քաղաքապետը հրավիրեց: Հանդիպման ժամանակ ես հարցրի՝ եթե մեքենաները բարձր տանիքներով լինեն, լա՞վ կլինի: Ասաց՝ հա, գոնե մարդիկ մեջը կկանգնեն: Ասացինք՝ լավ: Մարդ ուղարկեցինք, Ռուսաստանից բերեցին: Հիմա մենք ձգտում ենք, որպեսզի լինեն բարձր տանիքներով, որպեսզի մարդիկ կարողանան մեջը կանգնել: Հիմա դա է, ի՞նչ կարող ենք անել»,- ասաց Վլադիկ Աբրահամյանը՝ նշելով, որ համար 28 երթուղում բարձր տանիքով երեք մեքենա արդեն ունեն, եւ համալրում է սպասվում:

«Ինչքան բարձր տանիքով լինեն, էնքան լավ: Բա մարդը կանգառում կանգնած, մենք կարո՞ղ ենք ասել՝ մեքենա մի նստի: Չենք կարող, չէ, եթե մարդը դպրոցից, ինստիտուտից աշխատանքից ուշանում է, մարդը հացի փող է աշխատում, ուզում է՝ նստի, ասում ես՝ իջիր, չի կարելի»,- շարունակեց նա:

Իսկ քաղաքային իշխանությունների հետ պայմանավորվածություն ունե՞ն, որ եթե երթուղում բարձր տանիքով մեքենաներ շահագործվեն, հետագայում նոր երթուղային ցանցում եւս աշխատելու հնարավորություն կստանան: «Պետության բերածն էլ գազել է, էլի»,- հարցին այսպես պատասխանեց Վլադիկ Աբրահամյանը:

Նա հիշում է, որ երթուղիները սպասարկող տնտեսվարողներին ժամանակին առաջադրվող պահանջները շատ ավելի մեղմ էին, իսկ հիմա քիչ է մնում՝ ինքնաթիռ պահանջեն:

«Պետությունը ասել էր՝ այ մարդ, «Ռաֆով», «Երազով», «Վիլիսով», ինչով ուզում եք, միայն թե ժողովրդի տեղաշարժը ապահովեք: Հետո ասեցին՝ «Ռաֆ» առեք, «Ուազները», «Երազները» հանեք: «Ռաֆ» առանք, հետո ասեցին՝ «Գազել» առեք, «Գազելներ» բերինք, հիմա ասում են՝ ավտոբուս առեք: Հետո պիտի ասեն՝ «սամալյոտ» առեք: Որտեղից առնենք, ինչով առնենք»,- հարց է տալիս համար 28 երթուղու երկարամյա տնօրենը:

Հարցին, թե հնարավո՞ր է՝ բարձրացված տանիքով գազելները նոր երթուղային ցանցում աշխատելու հնարավորություն ստանան, Երեւանի քաղաքապետարանի տրանսպորտի վարչության պետ Էդգար Գալստյանը շատ հստակ է պատասխանում. «Ո՛չ»:

Կոնկրետ այդ դասի մեքենաները՝ միկրոավտոբուս-գազելները, որոնք այսօր մեծ մասամբ շահագործվում են, ինչքան էլ տանիքները բարձրացվեն-իջեցվեն, մնում են միկրոավտոբուս, որովհետեւ մեկ դռնով են, 17 նստատեղով: Հետեւաբար, իրենց տեխնիկական բնութագրով, անձնագրով, այսպես թե այնպես, կանգնած ուղեւորներ փոխադրել չի կարելի: Դրանք չեն համարվում փոքր դասի ավտոբուսներ: Մենք նոր ավտոբուսները երբ ստանանք, ըստ հրատապության, ըստ երթուղիների մաշվածության, անկախ նրանից՝ այդ տեսակի գազելների տանիքը բարձր է, թե չէ, դրանք շահագործումից դուրս են գալու: Աստիճանաբար դրանից ազատվելու ենք: Ինչպես քաղաքապետը ասաց՝ կփորձենք մինչեւ տարեվերջ կամ հաջորդ տարվա սկիզբ (տեմպերը ցույց կտան) ընդհանրապես գազելների գծերը փոխարինել ավտոբուսային երթուղիներով»:

Տրանսպորտի վարչության պետն արձանագրում է, որ տնտեսվարողները չպետք է բարձրացված տանիքներով միկրոավտոբուսներով նոր երթուղային ցանցում աշխատելու հույսեր ունենան: «Որովհետեւ բոլոր տնտեսվարողներին վարչության ու «Երեւանտրանսպորտ» ՓԲԸ կողմից արդեն երեք անգամ գրություն է ուղարկվել, որ առաջիկայում Երեւան քաղաքը ներկրլու է ավտոբուսներ, եւ թե դուք ուզում եք, կարող եք մասնակցել մրցույթին համապատասխան ավտոբուսներով: Գոնե՝ համարժեք: Եթե իրենք նման դասի ավտոբուսներով մասնակցեն (նկատի ունի այսօր շահագործվող բարձրացված տանիքներովը-խմբ.), ուղղակի մրցութային հանձնաժողովը առավելությունը, բնականաբար, տալու է ժամանակակից ավտոբուսներին, ինչը լրիվ մրցույթային կարգի պահանջների տրամաբանության մեջ է»:

Հավելենք, որ Երեւանի քաղաքապետարանը յուրաքանչյուր երթուղին սպասարկելու համար նոր ավտոբուսներ ներկրելուց հետո նաեւ այդ երթուղին սպասարկելու համար մրցույթ է հայտարարում: Տրանսպորտի վարչության պետն ասում է՝ այդ մրցույթին քաղաքապետարանի հետ միասին կարող է մասնակցել ցանկացած այլ կազմակերպություն, եթե ունենա մրցութային պահանջներին համապատասխանող տրանսպորտային միջոցներ:

Տպել
3192 դիտում

Տարածվող տեղեկությունը՝ իբր գնդակոծվում են Արցախի Հարավ գյուղին հարակից դիրքերը, չի համապատասխանում իրականությանը. ՊԲ

Տեսչական մարմինը քննարկել է տեխնիկական անվտանգության ոլորտի կարգավորման խնդիրները

Գեղարքունիքի մարզպետը Գանձակում ծանոթացել է խորքային հորի հորատման աշխատանքներին

Հրդեհաշիջման և տարհանման ուսումնավարժություն է անցկացվել Չարենցավանի հիմնական դպրոցում

Մհեր Մկրտչյանի անվան հրապարակը սահմանազատվում է թուջե սյուներով․ վերակառուցման նախագծի մրցույթ կլինի

Լիճքում սուբվենցիոն երեք ծրագիր է իրականացվել

44-օրյա պատերազմի մասնակիցների և նրանց ընտանիքների կայուն զբաղվածության ապահովմանն ուղղված ծրագրեր կիրականացվեն

Դիտարկվել է ՄԱԿ-ի Քաղաքացիական և քաղաքական իրավունքների միջազգային դաշնագրի իրականացման մասին Հայաստանի զեկույցը

Առողջապահության փոխնախարարները եղել են Երևանի և մարզային պոլիկլինիկաներում, զրուցել են պատվաստումների որակի մասին

Արմավիրի մարզպետն այցելել է Հովտամեջ համայնք․ ներկա է գտնվել պատերազմում զոհված հերոսների հիշատակի ոգեկոչման միջոցառմանը

Անձը հաստատող փաստաթղթերի նոր դիզայնի ընտրության նպատակով Ոստիկանությունը մրցույթ է հայտարարել

ՔՊ գործընկերների հետ միասին մասնակցեցինք Գորիսում ընթացող քարոզարշավին․ Տիգրան Ավինյան

Պատվաստումն ամենաարդյունավետ միջոցն է՝ քովիդի դեմ պայքարելու համար. արտախորհրդարանական ուժերը՝ ԱՆ որոշման մասին

Հայտնաբերվել է 711 կոռուպցիոն բնույթի հանցագործության դեպք․ ոստիկանությունն ամփոփել է 9 ամիսների արդյունքները

ՀՀ-ն առաջ է մղում տարածաշրջանում առկա տրանսպորտային հաղորդակցությունների ապաշրջափակման օրակարգը. Արմեն Սիմոնյան

Սանոսյանն ընդունել է Ասիական զարգացման բանկի երևանյան գրասենյակի պատվիրակությանը․ համագործակցությունը երկարաձգվել է

Սևան-Դդմաշեն ճանապարհին ավտովթար է տեղի ունեցել․ ուղևորները հոսպիտալացվել են Սևանի ԲԿ

«Արոտօգտագործողների միավորում» սպառողական կոոպերատիվներին տրամադրվել են տրակտորներ և «Ֆերմեր» մակնիշի մարդաբեռնատարներ

Մահափորձից հետո շարունակում եմ կատարել Երևանի ավագանու անդամի իմ պարտականությունները. Արման Անտոնյան (տեսանյութ)

Տիգրան Ավինյանը Տաթև և Մեղրի համայնքներում ՔՊ-ի առաջադրած թեկնածուների հետ հանդիպել է բնակիչներին

Դավիթ Տոնոյանն ազատ չի արձակվի. դատարանը մերժել է պաշտպանական կողմի բողոքը

ՀՀ պաշտպանության նախարարն ընդունել է Չինաստանի ռազմական կցորդին (լուսանկարներ)

ՔՏՀԱ տեսչական մարմինը Երևանի էրեբունի վարչական շրջանում 6 խախտում է հայտնաբերել

ՀՀ դատախազները վերապատրասման ծրագրով մեկնել են Մոսկվա

Երասխ գյուղը պարբերաբար ենթարկվում է ադրբեջանական զինված ուժերի գնդակոծության․ ՄԻՊ-ը տեսանյութ է հրապարակել

Վանաձոր համայնքի նախկին ղեկավարի կողմից կատարված չարաշահումների գործով նախաքննությունն ավարտվել է. ՔԿ

Գորիսի համայնքապետի տեղակալ Մենուա Հովսեփյանը 30 միլիոն դրամ գրավի դիմաց ազատ է արձակվել

Օդի ջերմաստիճանը կնվազի 4-6 աստիճանով. սպասվում են անձրև և ամպրոպ

Տեսուչներն այսօր Էրեբունի վարչական շրջանի իրացման ցանցում խախտումներ չեն արձանագրել

Ադրբեջանական ԶՈՒ ստորաբաժանումները կրակ են բացել Երասխի հայկական դիրքերի ուղղությամբ. ՊՆ

Կենտրոնական բանկը սահմանել է նոր փոխարժեքներ. դոլարն ու եվրոն էժանացել են

Փաշինյանն առաջարկում է ուժեղացնել միջադեպերի հետաքննության և հրադադարի ռեժիմին հավատարիմ մնալու եռակողմ մեխանիզմները

Երեք անշարժ գույք, մեկ՝ շարժական. ինչ ունեցվածք է հայտարարագրել Անահիտ Ավանեսյանը

Տղերքի բարոյահոգեբանական վիճակը ամուր է. Արտակ Բեգլարյանը տեսակցել է երեկ վիրավորված զինծառայողներին (լուսանկարներ)

«Երազ»․ Սեւակ Խանաղյանը նոր երգ ու տեսահոլովակ է ներկայացրել

ԱՀ ՊԲ պահպանության տեղամասի մարտական դիրքի վրա հարձակման և 6 զինծառայողի սպանության փորձի առթիվ քրգործ է հարուցվել

Ադրբեջանն ագրեսիվ գործողություններով նպատակ ունի հասնել Արցախի հայաթափմանը. Արցախի ԱԳՆ հայտարարությունը

UCOM-ում պաշտոնապես մեկնարկել է IPHONE 13-ի վաճառքը (լուսանկարներ)

«Դելտա» շտամի դեմ «Սպուտնիկ Լայթ» պատվաստանյութի արդունավետությունը գնահատվել է 70 տոկոս

Վիվա-ՄՏՍ. նորագույն «iPhone 13» մոդելային շարքի սմարթֆոններն արդեն վաճառքում են