Թատրոնը վերից վար խառնված է, որ անկյունը մտնում ես՝ աղբ է, լվացված չէ. Օպերային թատրոնի տնօրենի նորանշանակ պաշտոնակատար

Օգոստոսից 30-ից Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնը նոր տնօրենի պաշտոնակատար ունի: ՀՀ կրթության, գիտության, մշակույթի եւ սպորտի նախարարության որոշմամբ՝ այդ պարտականությունն ստանձնել է դիրիժոր, ՀՀ վաստակավոր արտիստ Կարեն Դուրգարյանը: Հիշեցնենք՝ Օպերային թատրոնի տնօրենն ու գեղարվեստական ղեկավարը Կոնստանտին Օրբելյանն էր, որը նշանակվել է Նյու Յորքի քաղաքային օպերայի երաժշտական տնօրեն եւ դիրիժոր:

Օպերային թատրոնում սպասվելիք փոփոխությունների, թատրոնի առաջիկա ծրագրերի ու առաջնային անելիքների մասին «Հայկական ժամանակը» զրուցել է մաեստրո Դուրգարյանի հետ: 

- Պարոն Դուրգարյան, Օպերային թատրոնի տնօրենի պաշտոնակատար նշանակվելուց հետո Դուք համատեղում եք նաեւ գեղարվեստական ղեկավարի պաշտոնը: Ի սկզբանե նման պայմանավորվածություն ունեի՞ք նախարարության հետ, թե՞ սա ժամանակավոր բնույթ է կրում: 

- Համատեղելը չգիտեմ՝ որքանով է ճիշտ ասել նման պարագայում: Ուղղակի կասեմ, որ թատրոնի բոլոր ուղղությունները զարգացնելով ենք զբաղվում: Մենք հիմա աշխատում ենք այնպես, որ թատրոնն ունենա ճիշտ աշխատանքային պլանավորում: Դա կլինի ինչպես գեղարվեստական, այնպես էլ ադմինիստրատիվ մասով: Մենք հիմա աշխատում ենք գնացքը դնել մի տեղ, որտեղ այն կշարժվի:

- Հատկանշական է, որ ոչ հեռավոր անցյալում նախարարությունն այս երկու պաշտոնների անհամատեղելիության հարցն էր առաջ քաշել: Անգամ այդ ուղղությամբ լուրջ քայլեր էին արվում՝ Օրբելյանին դրանցից մեկից ազատելու համար: Հիմա ի՞նչ է փոխվել:

- Հայաստանի Հանրապետությունն ունի օրենսգիրք, ուստի, կարծում եմ, բոլորս պիտի դրանով առաջնորդվենք:

- Նախկինում՝ 2015 թվականին, Դուք Օպերային թատրոնում գլխավոր դիրիժորի հաստիքն էիք զբաղեցնում: Լրատվամիջոցների հետ զրույցում ասել էիք, որ ծանուցագիր եք ստացել, որում նշված է եղել գլխավոր դիրիժորի հաստիքի լուծարման եւ, ըստ այդմ, ձեր ազատման մասին: 

- Հաստիք զբաղեցնելն այդքան էլ էական չէ այս դեպքում: Ես եղել եմ Օպերային թատրոնի գլխավոր դիրիժորը: Ես միշտ զբաղվել եմ դիրիժորությամբ՝ անկախ նրանից՝ այդ պաշտոնը զբաղեցրե՞լ եմ, թե՞ ոչ: Ուղղակի եղան ուժեր, որոնք հարմար չգտան, որ թատրոնն ունենա գլխավոր դիրիժոր: Ի վերջո, եղավ այն, ինչ եղավ:

Ամեն դեպքում, ասել էիք, որ այդ որոշումը Ձեզ անակնկալի էր բերել, ինչու ոչ՝ նաեւ վրդովմունքի պատճառ դարձել: Տնօրեն դառնալու առաջարկն ստանալիս արդյոք հիշե՞լ եք այդ անցանկալի իրավիճակի մասին, եւ հետաքրքիր է՝ այն մտածելու տեղիք տվե՞լ է: 

- Ես զբաղվել եմ իմ գործով եւ, բարեբախտաբար, ունեմ այն մասնագիտությունը, որն իմ եւ իմ ուսուցիչների միջոցով հաղթահարել եմ: Իսկ ինչ վերաբերում է պաշտոն զբաղեցնել կամ չզբաղեցնելուն, վրդովվել-չվրդովվելուն, ապա դրանք էմոցիոնալ բառակապակցություններ են ու իրականությունը չեն արտացոլում: Տեսեք, մենք ունենք Օպերային թատրոն, եւ այն բոլորինն է: Բոլոր ուժերը, որոնք պրոֆեսիոնալ են եւ կարող են օգտակար լինել թատրոնում, պիտի աշխատեն: Այն ժամանակ նրանք գտան, որ ես չպետք է աշխատեմ, չվրդովվեցի, ուղղակի այն վրձինը, որով ես ներկում էի, տվեցի իրենց ու ասացի՝ դե դուք ներկեք: Մարդիկ փորձեցին դա ներկել: Հիմա անցել են տարիներ, բայց ես դեռ դրա գնահատականը չեմ կարող տալ, որովհետեւ այս պաշտոնում ընդամենը 15 օր եմ:

Սակայն հստակ տեսնում եմ, որ Օպերային թատրոնը վերից վար խառնված է: Մի հետաքրքրիր բան չի եղել այս թատրոնում՝ ադմինիստրատիվ մասով: Որ անկյունը մտնում ես՝ աղբ է, լվացված չէ: Արտիստի փորձասենյակը, կամ այն տեղը, որտեղ նա պիտի փոխվի, այնպիսի վատ պայմաններ են, որ ուղղակի զարմանալի է, թե ինչպես կարելի էր դրան հասնել: Փորձում ենք այդ ամենը շտկել: Բոլոր ադմինիստրատիվ օղակներում մենք տեսնում ենք շատ վատ աշխատանք: Իմ վերլուծությունն այս 15 օրվա մեջ ցույց տվեց, որ շատ շուտով կարեւոր հարցեր են առաջանալու, իսկ այդ հարցերը դուք կտաք այն մարդկանց, որոնք արել են այդ խախտումները: Մարդիկ կան, որ, ոչ մի բան չանելով, այստեղ 400-500 հազար դրամ աշխատավարձ են ստացել, իսկ արտիստները չնչին գումարներով են աշխատում:

Աշխատանաքային պրոցեսը չի կարելի կանգնեցնել, եւ մենք Օպերային թատրոնը պետք է դիտարկենք միջազգային օպերային թատրոնների շարքի մեջ գտնվող: Պետք է փորձենք այնպես անել, որ Հայաստանի օպերային թատրոնն ավելի ճանաչելի դառնա: Դրա համար պետք է մասնագետներ հրավիրել: 

- Մատնանշեցիք բացեր, խնդիրներ, որոնք նկատել եք այստեղ ոտք դնելով: Կա՞ արդեն հստակ ընդգծված ծրագիր, թե ինչի՞ց եք սկսելու:

- Կա արդեն այդ պլանը, եւ մենք արդեն սկսել ենք: Թատրոնում աշխատանքները սկսել ենք աղբը մաքրելուց:

- Դուք թատրոնի գլխավոր դիրիժոր եղած ժամանակ մի քանի երաժիշտների հետ համատեղ ստեղծել էիք «Ալեքսանդր Սպենդիարյանի անվան օպերայի եւ բալետի ազգային-ակադեմիական թատրոն» անվամբ աջակցման հիմնադրամ, որի հոգաբարձուների խորհրդի նախագահն էիք: Եվ եթե չեմ սխալվում, մինչեւ հիմա էլ եք: Այդ հիմնադրամը բավականին քննադատվեց հենց թատրոնի անձնակազմի կողմից: Այժմ հիմնադրամը կա՞:

- Հիմնադրամը կա, ուղղակի որոշ ժամանակահատված կանգնեցված է, այսինքն՝ գործունեություն չի ծավալում: Բայց հույս ունեմ, որ շատ շուտով այդ աշխատանքները եւս կսկսենք: Բոլոր հարցերի պատասխանները դուք կստանաք:

- Նախկին կառավարման մոդելո՞վ է աշխատելու այն: Որովհետեւ ժամանակին բավականին շատ բողոքներ կային, անգամ այդ հիմնադրամը որակում էին որպես «փողերի լվացման մի կենտրոն, որտեղ մասնաբաժին ունեն միայն յուրայինները»:

- Այդ բոլոր խոսակցությունները, բամբասանքները պետք է տանել իրավական դաշտ: Եթե խախտումներ կան, բոլոր պատասխաններն այնտեղ պետք է ստանալ: Եթե խախտումներ կան, պետք է պատժվեն օրենքով, եթե չկան, ուրեմն Աստված այն մարդկանց հետ, որոնք անհիմն այդ խոսակցությունները տարածում են: Աշխարհի բոլոր թատրոններում կա հիմնադրամ, որ աջակցում է Օպերային թատրոնի շարժը: Ի վերջո, չպետք է թատրոնը նստած լինի պետության վզին ու արյունը խմի:

- Թատրոնում փոփոխություններ լինելո՞ւ են:

- Եթե պատմեմ իմ բոլոր պլանների մասին, դա չի լինի անակնկալ: Փոփոխություններ, անշուշտ, լինելու են. որակյալը պետք է մնա, անորակը՝ գնա: Փոփոխությունները վերաբերելու են եւ մարքեթինգին եւ ադմինիստրացիային, անշուշտ՝ նաեւ գեղարվեստական մասին: Աշխատանքին չմասնակցող մարդիկ ավտոմատ դուրս են մնալու: Շատ շուտով մարքեթինգում եւ մենեջմենթում փոփոխություններ ենք ունենալու: Իսկ այն տեմպերը, որոնք առաջարկել ենք, այդ մարդիկ չեն կարողանում տիրապետել, թատրոնի աշխատանքն իրենք կանգնեցնում են, չեն հասցնում, ի՞նչ պիտի անենք. հարթակը պիտի տանք ավելի պրոֆեսիոնալներին:

Տպել
1243 դիտում

Մալիշկա համայնքում տեղի է ունեցել Ռուսական կենտրոնի բացման հանդիսավոր արարողություն

Հնարավո՞ր է քովիդի պատճառով մանկապարտեզները ևս փակվեն. Հայաստանում այս պահին վիրուսի դեմ բուժում է ստանում 70 երեխա

Կրկին դիտարկվել է Ավանի և Նոր Նորքի հանրային տրանսպորտը․ 2 տրանսպորտային միջոց տեղափոխվել է ոստիկանության հատուկ տարածք

Ակտիվ ընթացքի մեջ են Երևան-Գառնի-Գեղարդի վանք հանրապետական նշանակության ավտոճանապարհի հիմնանորոգման աշխատանքները

Երեւան են բերվել հավելվածով աշխատող վճարովի սամակատներ. ինչպես կարելի է օգտվել դրանցից եւ որ տարիքից սկսած

Գագարինում պետական աջակցությամբ իրականացվում են առաջնահերթ լուծում պահանջող ծրագրեր

Մասիս համայնքն ամբողջությամբ կապահովվի կապույտ վառելիքով

«Արմենիան Տիտանիում Փրոդաքշն» ընկերության տանիքում բռնկված հրդեհը մարվել է (տեսանյութ)

Մեծի Տանն Կիլիկիո կաթողիկոսության աջակցությամբ Հալեպում վերանորոգվում են Ս. Գևորգ եկեղեցին և ՀԲԸՄ-ի մարզադաշտը

Հայկական կողմը կարևորել է Սուրբ Աթոռի՝ Ցեղասպանության վերաբերյալ աներկբա ու սկզբունքային դիրքորոշումը (լուսանկարներ)

Եռօրյա զորավարժությունների շրջանակում անցկացվել են հրետանային ստորաբաժանումների ցուցադրական պարապմունքներ (լուսանկարներ)

Քարտեզները, որոնց մասին խոսել է ՌԴ նախագահը, 99 տոկոսով համընկնում են «Վարչատարածքային բաժանման մասին» օրենքին. վարչապետ

Չարչյանի առողջական վիճակն ուսումնասիրելու հարցով հանձնաժողովը ստեղծված է. Ավանեսյան

Գյումրու քաղաքապետի թեկնածուներից երկուսը հրաժարվել են մանդատներից

Արարատ Միրզոյանի խոսքը Սուրբ Աթոռի փոխպետքարտուղար Էդգար Պենյա Պառայի հետ մամուլի համար համատեղ հայտարարության ժամանակ

«Ուզում ես շենացնել հայրենիքդ, սկսիր քո՛ համայնքից»․ Վեդիում ՔՊ-ի ավագանու ցուցակը գլխավորելու է Գարիկ Սարգսյանը

Տարածաշրջանի բոլոր տնտեսական եւ տրանսպորտային կոմունիկացիաները պիտի բացվեն. Փաշինյանը՝ ապաշրջափակման մասին

Ովքեր են Գեղարքունիքում և Կոտայքում ՔՊ-ի համայնքապետի թեկնածուները

Դավիթ Գևորգյանն անդրադարձել է պաշտոնից ազատման իր դիմումին եւ խնդրել զերծ մնալ որևիցե մեկնաբանությունից

ԱՀԿ-ն կարծում է՝ աշխարհն ունի բոլոր միջոցները՝ կորոնավիրուսային հիվանդությունը հաղթահարելու համար

Կենտրոնական բանկը սահմանել է նոր փոխարժեքներ․ դոլարը թանկացել է, եվրոն ու ռուբլին՝ էժանացել

Վարդենիս-Մարտակերտ ճանապարհի ապաշրջափակման մասին քննարկում տեղի չի ունենում. փոխվարչապետ

Էրեբունու սննդի օբյեկտներում պատվաստված չլինելու կամ ՊՇՌ թեստի պատասխան չունենալու հիմքով կազմվել է 9 արձանագրություն

Հերիք եղավ, բոլ եղավ. 28 տարի դուք բանակցելիս եք եղել հայրենիքի 72 տոկոսը հանձնելու վերաբերյալ. Նիկոլ Փաշինյան

Իրականացվել է մարտական հերթափոխ. ստուգվել են զինծառայողների հաստիքային սպառազինությունն ու հանդերձանքը

Ուժեղացված ծառայություններ Երևանում. հայտնաբերվել է սպանության փորձի մեղադրանքով հետախուզվող (տեսանյութ)

«Զինծառայողների ապահովագրման հիմնադրամ»-ում զոհվածների ցուցակը հրապարակված է. պաշտպանության նախարարը՝ Գեղամ Նազարյանին

Քննարկվել են բարձր տեխնոլոգիաների ոլորտում հայ-լիտվական համագործակցությունն ընդլայնելու հնարավորությունները

Տեղի է ունեցել Հայաստանում Սուրբ Աթոռի առաքելական նվիրակության բացման արարողությունը (լուսանկարներ, տեսանյութ)

Այս պահին Հայաստանի վարչապետի ու Ադրբեջանի նախագահի միջև որևէ հանդիպում նախատեսված չէ. Արարատ Միրզոյան

Արվելու է ամեն ինչ, որպեսզի Հոկտեմբերի 27-ի պատվիրատուները հայտնվեն ճաղերի հետևում. Ալեն Սիմոնյան

ԱԺ նախագահ Ալեն Սիմոնյանը և պատգամավորները ծաղիկներ են խոնարհել Հոկտեմբերի 27-ի զոհերի հիշատակին (լուսանկարներ)

Վարչապետը հարգանքի տուրք է մատուցել հոկտեմբերի 27-ի ոճրագործության զոհերի հիշատակին (տեսանյութ)

Փելասարում դիրքային փոփոխություն տեղի չի ունեցել. վարչապետ

Դիմել էր փախուստի՝ վնասելով ճանապարհին կայանված 7 ավտոմեքենա, 17-ամյա վարորդը կալանավորվել է. ՔԿ (տեսանյութ)

Արմեն Սարգսյանն աշխատանքային կարճատև այցով Արաբական Միացյալ Էմիրություններում է (լուսանկարներ, տեսանյութ)

Արտակ Մանուկյանն ընտրվել է Կենտրոնական բանկի խորհրդի անդամ

Հրդեհ Արին Բերդի փողոցում. հայտարարվել է հրդեհի բարդության «Թիվ 2» կանչ (լուսանկարներ)

«Էլենէքսը» շրջակա միջավայրին հասցրել է 6.3 մլն ՀՀ դրամի չափով վնաս. ԲԸՏՄ

Հոկտեմբերի 30-ին միակողմանի կփակվի Էջմիածին-Երևան ճանապարհը. կանցկացվի «Վարչապետի գավաթ» սիրողական կրոսավազքը