Կամավոր ատեստավորումը մոտիվացիա է ուսուցիչների համար. հավելավճարը գործում է նրանց հիմնական աշխատավարձի նկատմամբ

Այս տարվա նոյեմբերից Հայաստանում ուսուցիչների աշխատավարձերը կբարձրանան 30, 40 կամ 50 տոկոսով, սակայն միայն նրանցը, ովքեր անցել են կամավոր ատեստավորման փուլն ու բարձր միավորներ հավաքել։ Աշխատավարձի ավելացումն էլ կլինի հավաքած միավորներին համարժեք։ Կամավոր ատեստավորումը մեզ մոտ անցկացվել է սեպտեմբեր ամսին: Դիմած 1372 ուսուցչից մասնակցել է 996-ը:

Օրերս էլ ԿԳՄՍ նախարար Վահան Դումանյանը հայտնել էր՝ կամավոր ատեստավորման քննության արդյունքներով ամենաբարձրը մաթեմատիկա առարկայի արդյունքներն են եղել, որը հաղթահարել է ուսուցիչների 87 տոկոսը: Ֆիզիկա առարկան՝ 56, Հայոց լեզուն՝ 41, աշխարհագրությունը՝ 20: Ամենից ցածր արդյունքը քիմիա առարկայից է եղել. այն հաղթահարել է ուսուցիչների ընդամենը 11 տոկոսը: Ըստ մարզերի՝ ամենաբարձր արդյունքը գրանցվել է Սյունիքի մարզում՝ 56 տոկոս, Շիրակի մարզում՝ 54, Կոտայքում՝ 52 տոկոս:

Այսինքն՝ կամավոր ատեստավորման արդյունքներով հավելավճար կստանա ատեստավորմանը մասնակցած ուսուցիչների 47,2 տոկոսը։ Ատեստավորմանը մասնակցել է դիմած ուսուցիչների 72,6 տոկոսը կամ շուրջ 1000 ուսուցիչ: 30 տոկոս հավելավճար տրվում է 70-79 տոկոս արդյունքի համար, 40 տոկոս՝ 80-89 տոկոս արդյունքի համար, 50 տոկոս՝ 90 և ավելի արդյունքի դեպքում։

Հավելավճարը գործում է ուսուցչի հիմնական աշխատավարձի նկատմամբ։ Այսինքն, եթե ուսուցիչը դասավանդում է հայոց պատմություն և համաշխարհային պատմություն առարկաները, ապա նրա ամբողջական աշխատավարձի տոկոսն է հաշվարկվում, ոչ թե հայոց պատմության դասաժամերի վարձատրության։

Կոտայքի մարզի Արամուսի Վ. Առաքելյանի անվան միջնակարգ դպրոցի մաթեմատիկայի ուսուցիչ Հասմիկ Սարգսյանը մաթեմատիկա առարկայից բարձր միավորներ հավաքած ուսուցիչներից է: 70 հարցից ճիշտ է պատասխանել 69-ին, արդյունքում ստացել է 99 միավոր:

«Հայկական ժամանակի» հետ զրույցում Հասմիկ Սարգսյանն ասաց՝ մաթեմատիկոսները թեստերը լուծելու ընթացքում արագ են կողմնորոշվել, ժամանակը բավարարել է, հարցերն էլ 6-12-րդ դասարանների ծրագրերից են եղել: Եթե ուսուցիչը տիրապետում է իր առարկային, ապա մրցույթն էլ պետք է հաղթահարեր:

«Սկզբում մի փոքր մտավախություն ունեի՝ մասնակցե՞լ, թե՞ ոչ, քանի որ շատ էին քննարկում կամավոր ատեստավորման հարցը՝ դժվար է լինելու, բարդ: Սակայն մասնակցելուց տեսա՝ այնպիսի առաջադրանքներ են, որ ուսուցիչը պետք է պարտադիր տեղյակ լինի: Եթե ուսուցիչը տեղյակ է դասարանների ծրագրերից ու գիտելիք ունի իր առարկայից, կարող է հաղթահարել: Եթե անընդհատ թեմաներին առնչվում ես, աշխատում ես, հաճախ ես կիրառում քո գիտելիքները, ապա պետք է որևէ խնդիր չունենաս»,- ասաց նա:

Ըստ Սարգսյանի՝ կամավոր ատեստավորման քննության ընթացքում եղել են և՛ պարզ, և՛ միջին ու բարդ հարցեր: Մաթեմատիկայի հետ կապված բոլոր թեմաները ընդգրկված են եղել, թեստերն էլ առարկայի իմացությունը լիարժեք ստուգող թեստեր են եղել:

Ասում է՝ ուսուցիչները պետք է ամեն օր աշխատեն իրենց գիտելիքները զարգացնելու համար, եթե չաշխատեն, ժամանակի հետ չեն կարող քայլել. «Շատերն ասում էին՝ իմաստ ունի՞, որ գնաք, մասնակցեք, մի գնացեք և ձեզ մի պատվազրկեք: Մայրս ու հայրս նույնպես մաթեմատիկոս են, մայրս ասաց՝ դու երբևէ քո ճանապարհի կեսից հետ դարձե՞լ ես, գնա ու փորձիր: Կողքից այնքան էի լսում, որ բարդ է լինելու, մտածում էի՝ կձախողեմ, բայց վստահ էի, որ անհնար է չհաղթահարեմ: Մեկ հարց է, որ սխալ եմ պատասխանել, այն էլ անուշադրության հետևանք էր, անհնար չէր ճիշտ պատասխանելը»:

Մաթեմատիկայի ուսուցիչը կամավոր ատեստավորմանը մասնակցել է սեպտեմբերի 25-ին Երևանի Արամայիս Երզնկյանի անվան թիվ 118 ավագ դպրոցում: Ասում է՝ մթնոլորտը նորմալ էր, ներսում քննություն անցկացնելու համար նորմալ պայմաններ էին ստեղծված, պահպանվել են հակահամաճարակային կանոնները:

Մինչ թեստերը կբաժանեին, Սարգսյանի խոսքով, թեթև լարվածություն կար, բայց թեստը ստանալուց և առաջին հարցը տեսնելուց հետո լարվածությունն անցել է: Քննության պատասխաններն ուսուցիչն իմացել է նույն օրը, հետո վաստակած միավորը հաստատել են նաև էլեկտրոնային փոստով ուղարկված նամակով:

Պատմում է՝ բարձր արդյունքն իրեն շատ է ուրախացրել ու ստիպել գնահատված զգալ. «Ընդունելության քննությունների պես էր. մեզ տվել էին մեր գրված թեստի պատճենը: Երբ արդեն թեստերի պատասխանները կային ԿԳՄՍՆ կայքում, հաշվեցի ու հասկացա, որ 99 միավոր եմ հավաքել: Շատ ուրախալի զգացողությունն էր: Մեր դպրոցի տնօրենն էլ իմ հավաքած արդյունքը տեղադրել էր, դրանից հետո ավարտած աշակերտներիս, այսօրվա աշակերտներիս ծնողների վերաբերմունքն ինձ շատ էներգիա տվեց, դրական լիցքեր, որ ես ինձ գնահատված զգամ ու նույն կերպ շարունակեմ: Իմ օրինակով ցույց եմ տվել, որ ոչ մի մտավախության առիթ չկա. այն ուսուցիչը, որ տիրապետում է իր առարկային և ուզում է՝ աշխատավարձը որոշակի բարձրանա, կարող է դիմել ու հանգիստ մասնակցել»:

28 տարվա մանկավարժն իր աշխատանքային գործունեության ընթացքում վարձատրվել է 110 հազար դրամ, նույնիսկ՝ 60 հազար դրամ՝ կախված իրեն հատկացված դասաժամերից:

Շեշտում է՝ կամավոր ատեստավորումը մոտիվացիա է ուսուցիչների աշխատանքի համար, սակայն այն աշխատանքը, ինչ նրանք են անում, անգնահատելի է: Բարձր վարձատվությունը ոգևորելու է ուսուցչին: Ուսուցչի այսօրվա գործում դժվարություններն ու հուսահատությունները շատ են, սակայն կարևորը աշակերտների դրական վերաբերմունքն է դեպի ուսուցիչը:

Տպել
1208 դիտում

Իրանի ԱԳՆ-ն ողջունել է Ռուսաստանի, Հայաստանի եւ Ադրբեջանի առաջնորդների եռակողմ հանդիպումը

Վարանդայի շրջանում ականի պայթյունից 2 ադրբեջանցի զինծառայողներ են վնասվածքներ ստացել

Հրդեհի հետևանքով այրվել է Սյունիքի Կարճևան համայնքի մանկապարտեզի առաջին հարկի հատակն ու նկուղը

Վրաստանը 2-րդն է աշխարհում կորոնավիրուսի մահացության ցուցանիշով, Հայաստանը՝ 8-րդը, Ադրբեջանը՝ 39-րդը

Սպասվում են ձյան ու անձրևի տեսքով տեղումներ, քամու ուժգնացում. եղանակը՝ առաջիկա օրերին

16-ամյա հայ բազկամարտիկն արծաթե մեդալ է նվաճել Աշխարհի առաջնությունում (տեսանյութ)

Զովունի գյուղից դեպի Կորեայի ձոր տանող ավտոճանապարհը երկկողմանի փակ է. քարաթափումը շարունակվում է (տեսանյութ)

Հրդեհ է բռնկվել Գեղարքունիքի մարզի Զովաբեր գյուղի տներից մեկում. այրվել է տանիքը

Թուրքիան խախտում է մարդու իրավունքները. Հունաստանի վարչապետ

Արցախում կորոնավիրուսով վարակված 20 հիվանդի վիճակը ծայրահեղ ծանր է, 52-ինը՝ ծանր

Ստեփանակերտի դպրոցների մի շարք դասարաններում կանցնեն առկա ուսուցման, մյուսներում՝ կշարունակվի հեռավարը

Հարություն Խաչատրյանը վերընտրվել է Հայաստանի կինոգործիչների միության նախագահ

Մարդիկ այս ընտրություններին մոտենում են քաղաքապետի ընտրության նման. Վանաձորում «Լուսավոր Հայաստանի» թեկնածու

Սյունիքի մարզի Կարճևան համայնքի մանկապարտեզում հրդեհ է բռնկվել

Անվասայլակներին պարում են բուժում ստացող զինծառայողները. հերոսները բացել են սպորտային պարերի առաջնությունը (տեսանյութ)

Արմավիրի մարզում և Աշտարակ-Թալին ավտոճանապարհին մառախուղ է

Հայաստանում կորոնավիրուսի 409 նոր դեպք է արձանագրվել, 1 օրում մահացել է 29 մարդ

Արշամյանը կշարունակի ղեկավարել «Հայաստան» հիմնադրամը. նա վերընտրվել է գործադիր տնօրենի պաշտոնում

Մահացել է երգիչ և կոմպոզիտոր Ալեքսանդր Գրադսկին

Կանխվել է 25-ամյա քաղաքացու ինքնասպանության փորձը «Հաղթանակ» կամրջից

Քարաթափում Զովունիից դեպի Կորեայի ձոր տանող ավտոճանապարհին. այն դարձել է միակողմանի երթևեկելի

Երվանդ Երկանյանի 70-ամյակը նշանավորվել է հոբելյանական համերգով

Պայթյուն Գյումրիում. տուժածի վիճակը գնահատվում է ծանր

Պահանջվում են ազատամիտ կանայք և աղջիկներ, որակավորման կարիք չկա. զավեշտի հասնող աշխատանքի հայտարարություններ List.am-ում

Գյումրիում արագընթաց էլեկտրագնացքը վրաերթի է ենթարկել մի կնոջ

Վաղարշապատում կարեւորագույն ռեֆորմ է իրականություն դառնալու. Դիանա Գասպարյանը հանդիպել է քաղաքացիների հետ

ԱՀԿ-ն ահազանգում է կորոնավիրուսային հիվանդության հարուցչի նոր ենթատեսակի` «Օմիկրոնի» մասին. այն ավելի արագ է տարածվում

Ալեն Սիմոնյանի գլխավորած պատվիրակությունը Մադրիդում է (լուսանկարներ)

ՀՀ էկոնոմիկայի նախարարի գլխավորած պատվիրակությունն այցելել է բելառուսական «Белкоммунмаш» գործարան

Աշտարակ-Պռոշյան ճանապարհին հետախուզվող է հայտնաբերվել

Կյանքս բանակից դուրս չեմ պատկերացնում. զոհված եղբոր շիրիմին երդում տված և ծառայության անցած Ալիսա Մելքոնյան

Միջպետական և հանրապետական նշանակության բոլոր ավտոճանապարհները բաց են

Դիտարկվել է Երևանի Աջափնյակ վարչական շրջանի հանրային տրանսպորտի աշխատանքը. հայտնաբերվել են խախտումներ

24-ամյա վարորդը Չարենցավանում բախվել է ծառին. կա 4 վիրավոր

Lվովում Պատվո հյուպատոսության գրասենյակ է բացվել

Կարեն Անդրեասյանը կգործուղվի Իտալիա

ՄԻԵԴ-ը գերեվարված 4 զինծառայողի վերաբերյալ միջանկյալ միջոց կիրառելու մասին որոշում է կայացրել

Պարեկներին կաշառելու փորձ Երևանում. վարորդը բերման է ենթարկվել

Ինչ ունեցվածք են հայտարարագրել Երևանի փոխքաղաքապետները

Ոստիկանները բերման են ենթարկել «օրենքով գողերի» ու հանցավոր հեղինակությունների (տեսանյութ)